HOSEA 14
14
Kuvoya kwa Hosea kwa wundu ghwa Israeli
1Ee wandu wa Israeli, wuyenyi kwa BWANA Mlungu onyu, kwa kukaia mookuwishwa ni makosa ghenyu gheni. 2Wuyenyi kwa BWANA na ilombi iji, “Kudifuye wughoma kaung'a redu, kudirumirie ilombi jedu nesi dichakukasa seji derelaghirieghe. 3Ashuru ndechaadikira, hata farasi ra wuda nderichaaditesia. Ndediwuyaaghora sena kwa milimu, iyo kazi ya mikonu yedu, wei ni milungu yedu. Ee BWANA, kuwiwonie wughoma awo wisewadie weke ndee.”
BWANA kulaghira irangi iwishi kwa Israeli
4BWANA waghamba, “Nichawiwunja wandu wapo cha kwapo.
Nichawikunda kwa ngolo yapo yose;
hata sichaakaia na machu nawo sena anduangi.
5Nichakaia kwa wandu wa Israeli,
sa vua kwa ndoe iomie wichaghoka sa maua;
wichadunga miri sa midi ya Lebanoni.
6Mbashu rawo richazoghua
riboie sa mzeituni
marumba gharo ghichanuka nicha sa gha misida ya Lebanoni.
7Wichacha na kukaia aisi ya wulindiri ghwapo,
wichalima na kupata viro,
wichakaia nicha sa mzabibu.
Wichaboa sa ija divei ya Lebanoni.
8Wandu wa Israeli ndewichaaidumikia milimu sena,
nichatumbulia malombi ghawo na kuwilindia;
nichawifinikira sa mudi ghupambie,
na kuwirasimia kwa kula kindo kicha.”
Malagho ghemeria
9Awo wiko na hikima ndewitambukilo ni agho ghiandikilo na aha, wighingire ngolonyi. Chia ra BWANA ni ra loli, na wandu wa hachi wichadua kwa kurinugha iro; wakaung'a wichakuwa na kughwa kwa kulegharinugha.
ទើបបានជ្រើសរើសហើយ៖
HOSEA 14: TAITA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.