Romanos 2
2
Diojsis quiʌme'tzoquiuy wiyuŋbʌ tiyʌte'
1Te'wʌcotoya, mij mbyʌn, ja'nmis musi oyecocojtu nwin, porque tiyʌcʌsimis ŋgʌme'chajpa ndʌwʌ nyajcowapa'tpamis ne' nwin, porque te'šejtijmis ndzʌjque'tpa ne'cʌ ŋgʌme'chajpapʌ tiyʌcʌsimis. 2Pero mustambatʌ que quiʌme'tzpa Diojsis te' chʌquiajpapʌ's yʌ'šejta'mbʌ tiyʌ. Y ñe' quiʌme'tzoquiuy wiyuŋbʌ tiyʌte'. 3Mij mbyʌn, ŋgʌme'chajpamis chʌquiajpapʌ's yʌ'šejta'mbʌ tiyʌ y ne'cʌ ndzʌjque'tpatijmis te'šej. ¿Nguipspaja que ja'nmij maŋu ŋguiʌme'tzu mij Diojsis? 4¿O aŋgoje'ŋʌpyamisja te' Diojsis aŋba'tepʌ 'yoye'ajcuy, y pyaciencia y pyʌ'mgopajcʌ'oquiuy? ¿Ja'nja musi que te' 'yoye'ajcu'yismij ŋguiotzoŋba wa'mij ŋguipswitu'u? 5Pero como ñuyumij y jaŋguipswitu'ʌmij ndzoco'yojmo nʌmis mbactu'mʌyu tiyʌmij wa'y nyajnʌco'aŋgʌyu Diojsis. Y maŋbamij nyajnʌco'aŋgʌyu Diojsis ʌ' jamo'oyj maŋba'ca chʌjcu te' wiyuŋšejpʌ quiʌme'tzoquiuy. 6Diojsis maŋba chi'yaju quioyowa tumduma'ŋbʌn te' chʌquicʌsita'm. 7Ñe'cʌ's maŋba chi'yaju ja'n yayepʌ quenguy iwʌ'sta'mis chʌcjojcʌtʌcpa oyeta'mbʌ tzʌqui, y te'wʌpit mye'chajpa wa'y pyʌjcʌchoŋyaju ñe' pyarte Diojsis myʌja'ŋajcu'yojmo, wyʌcotzamgu'yojmo y quienjojcʌtʌjcu'yojmo. 8Pero qui'šca'cupyit y qui'nisoquiupyit maŋba yajcoyojyaju Diojsis te' quipyajpapʌ, y ja'n myato'ŋoyjayapyʌ's te' wiyuŋbʌ tiyʌ, y quio'ŋyajpapʌ's jana justo'ajcuy. 9Toyapʌjcuy y tuyu'yoquiuy maŋba quioyowa'yaju mumu jujche'ŋ chʌquiajpapʌ's yacha'cuy, nimeque'ctij te' judío y te'šejtijque' te' griegota'm. 10Pero maŋba quioyojyatʌju mʌja'ŋajcupyit, oye'ajcupyit y sʌ'mnaquiupyit mumu chʌquiajpapʌ's oyeta'mbʌ tiyʌ, nimeque'ctij judiota'm y te'šejtijque' griegota'm.
11Porque Diojsis ja'n myenoschʌqui ya'iwʌ. 12Mumu jujche'ŋ ja'ndiyʌpʌ aŋgui'mguquiʌ'mʌ y cowapa'tyaju, aŋgui'mguytyaca maŋba quia'yaju. Y mumu aŋgui'mguquiʌ'mʌ ijtyajupʌ y cowapa'tyaju, maŋba quiʌme'chatʌju te' aŋgui'mgupyit. 13Porque te' justota'mbʌ Diojsis wyi'naŋdʌjqui, ja'nde' te' šaŋmatoŋyajpapʌ's te' aŋgui'mguy, sino que te' quiojamyajpapʌ's te' aŋgui'mguy, te'wʌte' maŋba jyustococojtyatʌju. 14Te' gentilta'm, te' jamyujšapʌ's te' aŋgui'mguy, ijtu aŋgui'mguy ñe' choco'yojmota'm, quiojamyajpa'c ñe'cʌ'sta'm te' ñe' itcupyitta'm chambašej te' aŋgui'mgu'yis, ñempe jamyujša te' aŋgui'mguy, ñe'ta'm quipsoquiuytye' ñe' 'yaŋgui'mguy. 15Ñe'cʌ's yajquejyajpa te' aŋgui'mgu'yis chʌqui ijtušej ñe'ta'm choco'yojmo, yajqueñajpašej te' choco'yo'c quipsoquiu'yis. Y te' quipsoquiupyit ñicotza'mʌyajpa o cha'maŋjamyajpa te' wyin. 16Pero minba te' jama cuando maŋba quiʌme'tzu Diojsis Jesucristopit ñempe pʌ'nis quiʌwʌ'ñajpapʌ tiyʌ, chambašej ʌs ndzamgopuŋbapʌ evangelio's.
Te' judiota'm y te' aŋgui'mguy
17Pero mij, ñʌmbamij que njyudiomijte' y aŋgui'mguy mis nite'tzʌpya, y mʌja'ŋgomʌ'pya nwin Diojsis tyiyʌjanatiyʌcʌsi. 18Ñʌmbamij que musjapyamis te' ñe' šu'noquiuy, y que ŋgopiŋbamis te' más oyepʌ tiyʌ porque 'yaŋmayajumij te' aŋgui'mgupyit. 19Y ŋgomʌ'pyamis que muspamis nʌtu'ŋajyaju te' to'tita'mbʌ, y que muspamis ndzamsʌ'ŋgʌ'ajyaju te' pi'tza'ŋajcu'yojmo ijtyajupʌ. 20Y ŋgomʌ'pyamis que muspamis aŋmayaju ja'n myujsoyapyʌ, y que mijte' ŋga'e'sta'm 'yaŋma'yoye. Ngomʌ'pyamis que te' aŋgui'mgupyit nʌ'ijtumis te' más oyepʌ mujsoquiuy y te' wiyuŋbʌ tiyʌ. 21Mis jeque, aŋmapyamis eyapʌ, ¿y ne' nwin ja'nmis aŋmaye? Mis, ndzamgopuŋbamis uy ñu'myaju, ¿y ne'cʌ ñu'mbamij? 22Mij, ñʌmbamij uy quiʌtzʌjcʌ'oyaju, ¿y mij, ŋguiʌtzʌjcʌ'opyamij? Mij, ŋgui'nispamis comichʌqui-cʌna'tzʌ'oquiuy, ¿y ninu'mbamis Diojsis tyʌc? 23Mis jeque, nʌte'ngui'mbamis te' aŋgui'mguy, ¿y aŋgui'mguy-maŋdochʌjcupyit ŋgʌsijcʌpyamis Dios? 24Ja'yʌyušej Totojaye'ojmo: Mista'm ndzʌquipit 'yotowewʌ'ajayajpa te' Diojsis ñʌy te' genti'lista'm.
25Wiyuŋšej te' circuncidatzʌjcupyit nʌwʌ'ajpamis tiyʌ'iwʌ juca ŋgojambamis te' aŋgui'mguy. Pero juca ja'nmis ŋgojame te' aŋgui'mguy, ñempemij šircuncidatzʌcʌ ñchʌ'pyamij jujcha' jašircuncidatzʌcʌpʌ. 26Te'šej jeque, juca te' jašircuncidatzʌcʌpʌ's chʌcpa te' justota'mbʌ tiyʌ chambašej aŋgui'mgu'yis ¿ja'nsʌ'ŋ ñʌcma'yʌyay te' jašircuncidatzʌcʌpʌ jujcha' circuncidatzʌjcupʌ? 27Y juca te' jašircuncidatzʌcʌpʌ's quiojamba mumu te' aŋgui'mguy, muspa chʌcjayu mis ŋgowa, porque nʌ'ijtumis te' Totojaye y te' circuncidatzʌjcuy pero ja'nmis ŋgojame te' aŋgui'mguy. 28Ja'nde' wiyuŋšejpʌ judío te' judiošej quenbawʌ, ni ja'nde' wiyuŋbʌ circuncidatzʌjcuy te' siscʌsi quejpapʌ, 29sino que wiyuŋšejpʌ judiote' iwʌ judio'ajpa choco'yojmo, y te' wiyuŋšej circuncidatzʌjcupʌ, te' circuncidatzʌjcupʌ choco'yojmo. Y te'wʌ Espiritupʌ tiyʌte', y ja'n ja'yʌyupʌ tiyʌ'šej. Te' wiyuŋšejpʌ judío ja'n 'yoyecotzamyay te' pʌ'nista'm, pero Diojsis 'yoyecotzamba.
ទើបបានជ្រើសរើសហើយ៖
Romanos 2: ZCNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nuevo Testamento en Zoque Copainalá © Sociedad Bíblica de México, A.C. 1967.
Romanos 2
2
Diojsis quiʌme'tzoquiuy wiyuŋbʌ tiyʌte'
1Te'wʌcotoya, mij mbyʌn, ja'nmis musi oyecocojtu nwin, porque tiyʌcʌsimis ŋgʌme'chajpa ndʌwʌ nyajcowapa'tpamis ne' nwin, porque te'šejtijmis ndzʌjque'tpa ne'cʌ ŋgʌme'chajpapʌ tiyʌcʌsimis. 2Pero mustambatʌ que quiʌme'tzpa Diojsis te' chʌquiajpapʌ's yʌ'šejta'mbʌ tiyʌ. Y ñe' quiʌme'tzoquiuy wiyuŋbʌ tiyʌte'. 3Mij mbyʌn, ŋgʌme'chajpamis chʌquiajpapʌ's yʌ'šejta'mbʌ tiyʌ y ne'cʌ ndzʌjque'tpatijmis te'šej. ¿Nguipspaja que ja'nmij maŋu ŋguiʌme'tzu mij Diojsis? 4¿O aŋgoje'ŋʌpyamisja te' Diojsis aŋba'tepʌ 'yoye'ajcuy, y pyaciencia y pyʌ'mgopajcʌ'oquiuy? ¿Ja'nja musi que te' 'yoye'ajcu'yismij ŋguiotzoŋba wa'mij ŋguipswitu'u? 5Pero como ñuyumij y jaŋguipswitu'ʌmij ndzoco'yojmo nʌmis mbactu'mʌyu tiyʌmij wa'y nyajnʌco'aŋgʌyu Diojsis. Y maŋbamij nyajnʌco'aŋgʌyu Diojsis ʌ' jamo'oyj maŋba'ca chʌjcu te' wiyuŋšejpʌ quiʌme'tzoquiuy. 6Diojsis maŋba chi'yaju quioyowa tumduma'ŋbʌn te' chʌquicʌsita'm. 7Ñe'cʌ's maŋba chi'yaju ja'n yayepʌ quenguy iwʌ'sta'mis chʌcjojcʌtʌcpa oyeta'mbʌ tzʌqui, y te'wʌpit mye'chajpa wa'y pyʌjcʌchoŋyaju ñe' pyarte Diojsis myʌja'ŋajcu'yojmo, wyʌcotzamgu'yojmo y quienjojcʌtʌjcu'yojmo. 8Pero qui'šca'cupyit y qui'nisoquiupyit maŋba yajcoyojyaju Diojsis te' quipyajpapʌ, y ja'n myato'ŋoyjayapyʌ's te' wiyuŋbʌ tiyʌ, y quio'ŋyajpapʌ's jana justo'ajcuy. 9Toyapʌjcuy y tuyu'yoquiuy maŋba quioyowa'yaju mumu jujche'ŋ chʌquiajpapʌ's yacha'cuy, nimeque'ctij te' judío y te'šejtijque' te' griegota'm. 10Pero maŋba quioyojyatʌju mʌja'ŋajcupyit, oye'ajcupyit y sʌ'mnaquiupyit mumu chʌquiajpapʌ's oyeta'mbʌ tiyʌ, nimeque'ctij judiota'm y te'šejtijque' griegota'm.
11Porque Diojsis ja'n myenoschʌqui ya'iwʌ. 12Mumu jujche'ŋ ja'ndiyʌpʌ aŋgui'mguquiʌ'mʌ y cowapa'tyaju, aŋgui'mguytyaca maŋba quia'yaju. Y mumu aŋgui'mguquiʌ'mʌ ijtyajupʌ y cowapa'tyaju, maŋba quiʌme'chatʌju te' aŋgui'mgupyit. 13Porque te' justota'mbʌ Diojsis wyi'naŋdʌjqui, ja'nde' te' šaŋmatoŋyajpapʌ's te' aŋgui'mguy, sino que te' quiojamyajpapʌ's te' aŋgui'mguy, te'wʌte' maŋba jyustococojtyatʌju. 14Te' gentilta'm, te' jamyujšapʌ's te' aŋgui'mguy, ijtu aŋgui'mguy ñe' choco'yojmota'm, quiojamyajpa'c ñe'cʌ'sta'm te' ñe' itcupyitta'm chambašej te' aŋgui'mgu'yis, ñempe jamyujša te' aŋgui'mguy, ñe'ta'm quipsoquiuytye' ñe' 'yaŋgui'mguy. 15Ñe'cʌ's yajquejyajpa te' aŋgui'mgu'yis chʌqui ijtušej ñe'ta'm choco'yojmo, yajqueñajpašej te' choco'yo'c quipsoquiu'yis. Y te' quipsoquiupyit ñicotza'mʌyajpa o cha'maŋjamyajpa te' wyin. 16Pero minba te' jama cuando maŋba quiʌme'tzu Diojsis Jesucristopit ñempe pʌ'nis quiʌwʌ'ñajpapʌ tiyʌ, chambašej ʌs ndzamgopuŋbapʌ evangelio's.
Te' judiota'm y te' aŋgui'mguy
17Pero mij, ñʌmbamij que njyudiomijte' y aŋgui'mguy mis nite'tzʌpya, y mʌja'ŋgomʌ'pya nwin Diojsis tyiyʌjanatiyʌcʌsi. 18Ñʌmbamij que musjapyamis te' ñe' šu'noquiuy, y que ŋgopiŋbamis te' más oyepʌ tiyʌ porque 'yaŋmayajumij te' aŋgui'mgupyit. 19Y ŋgomʌ'pyamis que muspamis nʌtu'ŋajyaju te' to'tita'mbʌ, y que muspamis ndzamsʌ'ŋgʌ'ajyaju te' pi'tza'ŋajcu'yojmo ijtyajupʌ. 20Y ŋgomʌ'pyamis que muspamis aŋmayaju ja'n myujsoyapyʌ, y que mijte' ŋga'e'sta'm 'yaŋma'yoye. Ngomʌ'pyamis que te' aŋgui'mgupyit nʌ'ijtumis te' más oyepʌ mujsoquiuy y te' wiyuŋbʌ tiyʌ. 21Mis jeque, aŋmapyamis eyapʌ, ¿y ne' nwin ja'nmis aŋmaye? Mis, ndzamgopuŋbamis uy ñu'myaju, ¿y ne'cʌ ñu'mbamij? 22Mij, ñʌmbamij uy quiʌtzʌjcʌ'oyaju, ¿y mij, ŋguiʌtzʌjcʌ'opyamij? Mij, ŋgui'nispamis comichʌqui-cʌna'tzʌ'oquiuy, ¿y ninu'mbamis Diojsis tyʌc? 23Mis jeque, nʌte'ngui'mbamis te' aŋgui'mguy, ¿y aŋgui'mguy-maŋdochʌjcupyit ŋgʌsijcʌpyamis Dios? 24Ja'yʌyušej Totojaye'ojmo: Mista'm ndzʌquipit 'yotowewʌ'ajayajpa te' Diojsis ñʌy te' genti'lista'm.
25Wiyuŋšej te' circuncidatzʌjcupyit nʌwʌ'ajpamis tiyʌ'iwʌ juca ŋgojambamis te' aŋgui'mguy. Pero juca ja'nmis ŋgojame te' aŋgui'mguy, ñempemij šircuncidatzʌcʌ ñchʌ'pyamij jujcha' jašircuncidatzʌcʌpʌ. 26Te'šej jeque, juca te' jašircuncidatzʌcʌpʌ's chʌcpa te' justota'mbʌ tiyʌ chambašej aŋgui'mgu'yis ¿ja'nsʌ'ŋ ñʌcma'yʌyay te' jašircuncidatzʌcʌpʌ jujcha' circuncidatzʌjcupʌ? 27Y juca te' jašircuncidatzʌcʌpʌ's quiojamba mumu te' aŋgui'mguy, muspa chʌcjayu mis ŋgowa, porque nʌ'ijtumis te' Totojaye y te' circuncidatzʌjcuy pero ja'nmis ŋgojame te' aŋgui'mguy. 28Ja'nde' wiyuŋšejpʌ judío te' judiošej quenbawʌ, ni ja'nde' wiyuŋbʌ circuncidatzʌjcuy te' siscʌsi quejpapʌ, 29sino que wiyuŋšejpʌ judiote' iwʌ judio'ajpa choco'yojmo, y te' wiyuŋšej circuncidatzʌjcupʌ, te' circuncidatzʌjcupʌ choco'yojmo. Y te'wʌ Espiritupʌ tiyʌte', y ja'n ja'yʌyupʌ tiyʌ'šej. Te' wiyuŋšejpʌ judío ja'n 'yoyecotzamyay te' pʌ'nista'm, pero Diojsis 'yoyecotzamba.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nuevo Testamento en Zoque Copainalá © Sociedad Bíblica de México, A.C. 1967.