Romanos 1
1
Jyayjayajušej Pablo's te' Roma'ojmota'mbʌ wʌ'aŋja'moye
1Ʌjte' te' Pablo te' Jesucristo's quioyosa. Diojsisʌj weju cʌ'wejcotoya, y piŋwe'nu'ʌj ñe' 'yevangeliocotoya. 2Yʌ' evangelio chamdzi'oquia'u Diojsis te' winata'mbʌ jamo'oyj ñe' cha'maŋwa'oyepitta'm te' masanbʌ Totojaye'ojmo. 3Te'wo'mo chamba ñe' 'Yune Jesucristo, tʌta'm Ngomi. Te'wʌ minu pyʌ'naju Davijtis quiʌwo'ma'ojmoc. 4Yajqueju Diojsis que ñe' te' 'Yune yajwinsa'u'c ca'yajupʌ'ojmoc. Yʌ' Jesucristo masanbʌte' te' Espíritu Santopit, y mʌja'ŋbʌte'. 5Yʌ'wʌpit jeque Diojsistʌj tzi'u yajya'moquiuy. Y cʌ'wejutʌj wa'ytyʌs nyajwʌ'aŋjamyaju y wa'y myato'ŋoyaju Cristocʌsipʌ wʌ'aŋja'moquiuy mumu nacio'ŋojmo, y wa'y wyʌcotzamjayaju ñe' ñʌy. 6Te'šejtijque' mijta'm yʌ'ta'mbʌji'ŋ te'wʌcotoya mijyʌ' nwyeyatʌjtamu jujche'ŋmij Jesucristo'sñe'.
7Sunba'ʌs wa'mij nyajyamdamu y wa'mij ñchi'tamu sʌ'mnaquiuy tʌ Ndata Diojsis y tʌ Ngomi Jesucristo's. Nʌ'ʌsmij njayjaytyamu mumu jujche'ŋmij ittamupʌ Roma'ojmo, šundambapʌmij Diojsis, y nwyejtamuše'ŋmij wa'mij myasa'najtamu.
Sunu myawʌ Pablo te' Roma'ojmo
8Wina'ʌs nʌjapya Dios yʌscotoya Jesucristopit mumu mijcotoyata'm porque cʌ'ŋʌpa chamyajpa naswindumʌ jutzmij nwyʌ'aŋja'moytyamba. 9Porque myuspa Diojsis que ja'ʌsmij njambʌ'tame mijta'm jujche'ŋ naca'ʌs oto'ŋʌpya ñe'cʌ. Y ndumʌtzoco'yʌs ŋgʌna'tzʌpya ñe'cʌ ndzamgopuŋba'cʌs te' evangelio, chamjapyapʌ's ñe' 'Yune. 10Nwa'cjojcʌtʌcpa'ʌs que juca šunba Diojsis wa'yʌs mba'tu ndzu'cumguy y wa'yʌj maŋjayu oye tu'ŋojmo wa'yʌsmij ŋgʌ'mindamu. 11Porque sunba'ʌsmij ŋguendamu wa'yʌsmij nyajmustamu tiyʌ'iwʌ tzi'papʌtʌ te' Espíritu Santo's, wa'mij mbyaquipʌctamu. 12Sunba'ʌjte' nʌmu wa'ytyʌ nachamdzocopyacʌtʌjtamu ne'co'mo mista'mne' y ʌsne' nwʌ'aŋja'moquiupyit.
13Pero sunba'ʌs, atzita'm, wa'mis mustamu que sone naca'mʌsmij sunjo'yu ŋgʌ'mindamʌ, pero siempre itpa tiyʌ'sʌj wa'y yajtzʌ'yu. Sunba'ʌj minu wa'yʌs nyajwʌ'aŋjamyaju eyata'mbʌ mi'ojmota'm wʌ'aŋja'moyajušej eyata'mbʌ genti'lojmo. 14Aŋjamba'ʌs que pyʌcpa wa'yʌs ndzamgopuŋjayaju te' evangelio te' griegota'm y witita'm, te'šejtijque' te' mujsoyajpapʌ y ja'n myujsoyapyʌ. 15Te'cotoya ʌj jeque, sunjo'pya'ʌsmij minu ndzamgopuŋjaytyamu te' evangelio mijta'm Roma'ojmomij ittamupʌ.
Te' evangelio Diojsiste' pyʌmi
16Porque ja'ʌs ŋgotza'ay te' evangelio, porque te'wʌ yajyospa Diojsis ñe' pyʌmipit wa'y yajcotzojcu jujche'ŋ wyʌ'aŋjambapʌ's, nimeque'ctij judío y te'šejtijque' griegota'm. 17Porque te' evangelio'stʌ yajmuspa Diojsis jyusticia te' tzi'papʌtʌ cuando nwʌ'aŋjamba'ctʌ y porque nwʌ'aŋjambatʌ. Yʌ'šejte' ja'yʌyu: Te' jyustococojtyajupʌ pʌ'na wyʌ'aŋjamgupyit maŋba pya'tu quenguy.
Pʌ'nis ijtyaju quiowa
18Porque te' tzajpojmopʌ Diojsis ñitzʌjcuwa'nde' wa'y yajnʌco'aŋgʌyaju te' ja'n quiʌna'tzʌpyʌ's y yacha'cuy chʌquiajpapʌ's y jujche'ŋ yajwinduquiajpapʌ's wiyuŋbʌ tiyʌ te' ñe'ta'm yacha'cupyit. 19Porque tiyʌ tʌ mustamba Diojsisñe', myujšajque'tpa ñe'cʌ'sta'm, porque Diojsiste' yajqueñaju. 20Porque tiyʌta'mdʌ ja'n ŋguene Diojsisñe', jujcha'nde' ñe' ja'n yayepʌ myʌja'ŋajcuy y Diojsajcuy, quejyajpa desde que chʌjcu Diojsis te' najsacopac. Y te'šej ñʌctʌ'yajpa pʌ'nista'm te' tuquiajupʌ tiyʌpit. Te'cotoya ja'n na' tiyʌ cha'maŋjamyay. 21Ñempe ispʌquiaju Dios, jamyʌja'ŋwʌcotzamya te' Dios, ni jañʌjaya yʌscotoya, sino que myʌja'ŋwʌcotzamyaju ñe'ta'm quipsoquiuy. Y te'šej te' jowita'mbʌ quipsoquiuy más jowi'ajyaju. 22Mujsoyešej chʌquiaju wyin, pero más jowi'ajyaju. 23Quiʌna'tzʌ'yaŋjejyaju te' mʌja'ŋbʌ y ja'n yayepʌ Dios wa'y quiʌna'tzʌyaju ca'yajpapʌ pʌ'nis pyʌñchʌqui, y palomachʌqui, macšcu'y ñe'ŋbacpʌ copʌndzʌqui, y tzandzʌqui.
24Te'wʌcotoyate' chaquiaju Diojsis wa'y yacha'cuy chʌquiaju šuñajpašej ñe'ta'm choco'yis, y wa'y cha'ajcuy chʌquiaju ñe'ta'm cuerpopit ñe'co'mota'm. 25Yʌ'ta'mbʌ's chaquiaju te' wiyuŋšejpʌ tiyʌ Diojsisñe' wa'ytyij wyʌ'aŋjamyaju te' sutzi. Cujnayu'c quiʌna'tzʌyaju najsacopajcʌsipʌ tiyʌ Diojsis chʌquiajupʌ, wʌ'cte' inʌc quiʌna'tzʌya Dios, te' chʌjcupʌ's mumutiyʌ. Te'wʌ pyʌcpa wa'ytyʌ nwʌcotzamu mumu jama. Amén.
26Te'wʌcotoya chaquiaju Diojsis wa'y chʌquiaju tza'ajcuytya'mbʌ tiyʌ. Te' yomo'sta'm chaquiaju te' pʌn nʌ'itcuy y chʌquiaju jyowi'ajcuy yoma'ŋdʌwʌji'ŋ. 27Te'šejtijque' te' pʌ'nista'm chaquiaju te' yomo nʌ'itcuy y tzi'sʌmyaju y pijtʌjcʌyaju ñe'co'mota'm, y chʌquiaju jyowi'ajcuy pʌ'nis pyʌndʌwʌji'ŋ. Yʌ'šej wyingʌša'yaju te' quioyowa pyʌcpašej ñe'ta'm tyocoquiu'yis.
28Y ñe'cʌ'sta'm quiomʌ'yaju juca ja'nde' 'yoyepʌ tiyʌ wa'y jyamwʌtzʌquiaju te' Dios. Te'cotoya Diojsis chaquiaju na' yacha'cuy wa'y quipšaju y wa'y chʌquiaju ja'n 'yoyeta'mbʌ tiyʌ. 29Cocumyaju mumupʌ yacha'cu'yojmo, na' ispʌquitzʌjcu'yojmo, yatziquipsoquiu'yojmo, y šuñaju itʌpa'tcuy, y yacha'cuy chʌquiaju. Ni'aŋsu'noyaju, yajca'oyaju, quipyaju, aŋgoma'cʌ'oyaju y tocoquiu'yojmo tu'ŋajyaju. 30Nu'motoŋyaju, cʌ'oto'ŋʌ'oyaju, qui'nišaju Dios. Tzʌjqui'šca'oyaju, te'ngui'myaju, myʌja'ŋgomʌ'yaju wyin. Quipsaŋgospo'ʌyaju tocoquiuy, jamyato'ŋoyjaya tyatajta'm, 31jowi'ajyaju, chamdzi'oquia'yaju y jachʌquia. Ja'n ñašuñatʌy, ja'n ya'iwʌ's chamsujcʌyatʌy, ni ja'n tyo'ya'ŋʌ'oyay. 32Myujšajpa'a que Diojsis 'yaŋgui'mguy nʌmba wa'y quia'yaju mumu te' te'šejta'mbʌ tiyʌ chʌquiajpapʌ's porque te'šej myerecetzʌquiajpa. Ja'n ñe'cʌ'stij chʌquiay sino que wyʌmʌ'yajpa iwʌ'sta'mis chʌquiajpa.
ទើបបានជ្រើសរើសហើយ៖
Romanos 1: ZCNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nuevo Testamento en Zoque Copainalá © Sociedad Bíblica de México, A.C. 1967.
Romanos 1
1
Jyayjayajušej Pablo's te' Roma'ojmota'mbʌ wʌ'aŋja'moye
1Ʌjte' te' Pablo te' Jesucristo's quioyosa. Diojsisʌj weju cʌ'wejcotoya, y piŋwe'nu'ʌj ñe' 'yevangeliocotoya. 2Yʌ' evangelio chamdzi'oquia'u Diojsis te' winata'mbʌ jamo'oyj ñe' cha'maŋwa'oyepitta'm te' masanbʌ Totojaye'ojmo. 3Te'wo'mo chamba ñe' 'Yune Jesucristo, tʌta'm Ngomi. Te'wʌ minu pyʌ'naju Davijtis quiʌwo'ma'ojmoc. 4Yajqueju Diojsis que ñe' te' 'Yune yajwinsa'u'c ca'yajupʌ'ojmoc. Yʌ' Jesucristo masanbʌte' te' Espíritu Santopit, y mʌja'ŋbʌte'. 5Yʌ'wʌpit jeque Diojsistʌj tzi'u yajya'moquiuy. Y cʌ'wejutʌj wa'ytyʌs nyajwʌ'aŋjamyaju y wa'y myato'ŋoyaju Cristocʌsipʌ wʌ'aŋja'moquiuy mumu nacio'ŋojmo, y wa'y wyʌcotzamjayaju ñe' ñʌy. 6Te'šejtijque' mijta'm yʌ'ta'mbʌji'ŋ te'wʌcotoya mijyʌ' nwyeyatʌjtamu jujche'ŋmij Jesucristo'sñe'.
7Sunba'ʌs wa'mij nyajyamdamu y wa'mij ñchi'tamu sʌ'mnaquiuy tʌ Ndata Diojsis y tʌ Ngomi Jesucristo's. Nʌ'ʌsmij njayjaytyamu mumu jujche'ŋmij ittamupʌ Roma'ojmo, šundambapʌmij Diojsis, y nwyejtamuše'ŋmij wa'mij myasa'najtamu.
Sunu myawʌ Pablo te' Roma'ojmo
8Wina'ʌs nʌjapya Dios yʌscotoya Jesucristopit mumu mijcotoyata'm porque cʌ'ŋʌpa chamyajpa naswindumʌ jutzmij nwyʌ'aŋja'moytyamba. 9Porque myuspa Diojsis que ja'ʌsmij njambʌ'tame mijta'm jujche'ŋ naca'ʌs oto'ŋʌpya ñe'cʌ. Y ndumʌtzoco'yʌs ŋgʌna'tzʌpya ñe'cʌ ndzamgopuŋba'cʌs te' evangelio, chamjapyapʌ's ñe' 'Yune. 10Nwa'cjojcʌtʌcpa'ʌs que juca šunba Diojsis wa'yʌs mba'tu ndzu'cumguy y wa'yʌj maŋjayu oye tu'ŋojmo wa'yʌsmij ŋgʌ'mindamu. 11Porque sunba'ʌsmij ŋguendamu wa'yʌsmij nyajmustamu tiyʌ'iwʌ tzi'papʌtʌ te' Espíritu Santo's, wa'mij mbyaquipʌctamu. 12Sunba'ʌjte' nʌmu wa'ytyʌ nachamdzocopyacʌtʌjtamu ne'co'mo mista'mne' y ʌsne' nwʌ'aŋja'moquiupyit.
13Pero sunba'ʌs, atzita'm, wa'mis mustamu que sone naca'mʌsmij sunjo'yu ŋgʌ'mindamʌ, pero siempre itpa tiyʌ'sʌj wa'y yajtzʌ'yu. Sunba'ʌj minu wa'yʌs nyajwʌ'aŋjamyaju eyata'mbʌ mi'ojmota'm wʌ'aŋja'moyajušej eyata'mbʌ genti'lojmo. 14Aŋjamba'ʌs que pyʌcpa wa'yʌs ndzamgopuŋjayaju te' evangelio te' griegota'm y witita'm, te'šejtijque' te' mujsoyajpapʌ y ja'n myujsoyapyʌ. 15Te'cotoya ʌj jeque, sunjo'pya'ʌsmij minu ndzamgopuŋjaytyamu te' evangelio mijta'm Roma'ojmomij ittamupʌ.
Te' evangelio Diojsiste' pyʌmi
16Porque ja'ʌs ŋgotza'ay te' evangelio, porque te'wʌ yajyospa Diojsis ñe' pyʌmipit wa'y yajcotzojcu jujche'ŋ wyʌ'aŋjambapʌ's, nimeque'ctij judío y te'šejtijque' griegota'm. 17Porque te' evangelio'stʌ yajmuspa Diojsis jyusticia te' tzi'papʌtʌ cuando nwʌ'aŋjamba'ctʌ y porque nwʌ'aŋjambatʌ. Yʌ'šejte' ja'yʌyu: Te' jyustococojtyajupʌ pʌ'na wyʌ'aŋjamgupyit maŋba pya'tu quenguy.
Pʌ'nis ijtyaju quiowa
18Porque te' tzajpojmopʌ Diojsis ñitzʌjcuwa'nde' wa'y yajnʌco'aŋgʌyaju te' ja'n quiʌna'tzʌpyʌ's y yacha'cuy chʌquiajpapʌ's y jujche'ŋ yajwinduquiajpapʌ's wiyuŋbʌ tiyʌ te' ñe'ta'm yacha'cupyit. 19Porque tiyʌ tʌ mustamba Diojsisñe', myujšajque'tpa ñe'cʌ'sta'm, porque Diojsiste' yajqueñaju. 20Porque tiyʌta'mdʌ ja'n ŋguene Diojsisñe', jujcha'nde' ñe' ja'n yayepʌ myʌja'ŋajcuy y Diojsajcuy, quejyajpa desde que chʌjcu Diojsis te' najsacopac. Y te'šej ñʌctʌ'yajpa pʌ'nista'm te' tuquiajupʌ tiyʌpit. Te'cotoya ja'n na' tiyʌ cha'maŋjamyay. 21Ñempe ispʌquiaju Dios, jamyʌja'ŋwʌcotzamya te' Dios, ni jañʌjaya yʌscotoya, sino que myʌja'ŋwʌcotzamyaju ñe'ta'm quipsoquiuy. Y te'šej te' jowita'mbʌ quipsoquiuy más jowi'ajyaju. 22Mujsoyešej chʌquiaju wyin, pero más jowi'ajyaju. 23Quiʌna'tzʌ'yaŋjejyaju te' mʌja'ŋbʌ y ja'n yayepʌ Dios wa'y quiʌna'tzʌyaju ca'yajpapʌ pʌ'nis pyʌñchʌqui, y palomachʌqui, macšcu'y ñe'ŋbacpʌ copʌndzʌqui, y tzandzʌqui.
24Te'wʌcotoyate' chaquiaju Diojsis wa'y yacha'cuy chʌquiaju šuñajpašej ñe'ta'm choco'yis, y wa'y cha'ajcuy chʌquiaju ñe'ta'm cuerpopit ñe'co'mota'm. 25Yʌ'ta'mbʌ's chaquiaju te' wiyuŋšejpʌ tiyʌ Diojsisñe' wa'ytyij wyʌ'aŋjamyaju te' sutzi. Cujnayu'c quiʌna'tzʌyaju najsacopajcʌsipʌ tiyʌ Diojsis chʌquiajupʌ, wʌ'cte' inʌc quiʌna'tzʌya Dios, te' chʌjcupʌ's mumutiyʌ. Te'wʌ pyʌcpa wa'ytyʌ nwʌcotzamu mumu jama. Amén.
26Te'wʌcotoya chaquiaju Diojsis wa'y chʌquiaju tza'ajcuytya'mbʌ tiyʌ. Te' yomo'sta'm chaquiaju te' pʌn nʌ'itcuy y chʌquiaju jyowi'ajcuy yoma'ŋdʌwʌji'ŋ. 27Te'šejtijque' te' pʌ'nista'm chaquiaju te' yomo nʌ'itcuy y tzi'sʌmyaju y pijtʌjcʌyaju ñe'co'mota'm, y chʌquiaju jyowi'ajcuy pʌ'nis pyʌndʌwʌji'ŋ. Yʌ'šej wyingʌša'yaju te' quioyowa pyʌcpašej ñe'ta'm tyocoquiu'yis.
28Y ñe'cʌ'sta'm quiomʌ'yaju juca ja'nde' 'yoyepʌ tiyʌ wa'y jyamwʌtzʌquiaju te' Dios. Te'cotoya Diojsis chaquiaju na' yacha'cuy wa'y quipšaju y wa'y chʌquiaju ja'n 'yoyeta'mbʌ tiyʌ. 29Cocumyaju mumupʌ yacha'cu'yojmo, na' ispʌquitzʌjcu'yojmo, yatziquipsoquiu'yojmo, y šuñaju itʌpa'tcuy, y yacha'cuy chʌquiaju. Ni'aŋsu'noyaju, yajca'oyaju, quipyaju, aŋgoma'cʌ'oyaju y tocoquiu'yojmo tu'ŋajyaju. 30Nu'motoŋyaju, cʌ'oto'ŋʌ'oyaju, qui'nišaju Dios. Tzʌjqui'šca'oyaju, te'ngui'myaju, myʌja'ŋgomʌ'yaju wyin. Quipsaŋgospo'ʌyaju tocoquiuy, jamyato'ŋoyjaya tyatajta'm, 31jowi'ajyaju, chamdzi'oquia'yaju y jachʌquia. Ja'n ñašuñatʌy, ja'n ya'iwʌ's chamsujcʌyatʌy, ni ja'n tyo'ya'ŋʌ'oyay. 32Myujšajpa'a que Diojsis 'yaŋgui'mguy nʌmba wa'y quia'yaju mumu te' te'šejta'mbʌ tiyʌ chʌquiajpapʌ's porque te'šej myerecetzʌquiajpa. Ja'n ñe'cʌ'stij chʌquiay sino que wyʌmʌ'yajpa iwʌ'sta'mis chʌquiajpa.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nuevo Testamento en Zoque Copainalá © Sociedad Bíblica de México, A.C. 1967.