LALAKOGI 25
25
I Bol mo navu siagagi ve na labe lo nagoi ratahigi lawua hi i Sisa
1I Vestas u dadari lolo vanue hi, siu a rani gaitolu goro mo siregi lo qatui venue lawua hi Sisaria, mo vano lo vanue Jerusalem. 2Aie hi, ira rugurugu lalawua ko ira tomtomuegi nora duvi Israel, ram laqagi na nora leo ingere hi vano vovohoi Bol. Ram navu siaga dein Vestas, 3huri ve na vaivei garea lawera na horagi Bol na hage Jerusalem, huri rau vei rarai beno ve rain ue vagamate Bol lo duvi turegi. 4Nge i Vestas mo veve lawera vena, “I Bol mo toga vau lo vanue Sisaria, nge ineu vin he ribi tea nain hivo aiehi. 5Tare ve u vei na gineu he vovohoi tea, garea ira nomiu tomtomuegi rain hurieu gain hivo bulu ko rain bete na nora leo vevegi vovohoie aie hi.”
6I Vestas u toga Jerusalem a rani gaiwelu sige hangavulu vage, siu mobei hivo Sisaria. Siu maraga robongigi mo lai na tantanona ko mo ware Bol ve ran laie na vanai lo tanoi vevegi. 7Lune i Bol mo soro vanai, ira tomtomuegi nora duvi Israel hi rau vanai den Jerusalem, ram labe dalie. Ram veve na leo huire u sao vovohoie, nge lolo nora leo hi he haharagi tea ve a leo ingere hi a hogo. 8I Bol mo laqa mo veve vena, “Ineu nahe vai utuhi na nomai tamwata tea igamai a duvi Israel. Nahe vai na gineu esi tea vovohoi na valei God ko vovohoi na ratahigi lawua hi i Sisa.”
9Nge i Vestas mo tarani ve na vai na vaivei garea lawera duvi Israel hi, siu mo hui Bol vena, “?Gom masinge ve gon vano a Jerusalem, ko nain vei lehigo lo leo vevegi ingere ngaha aie hi?”
10I Bol mo duvi vena, “Siserigi ngaha, ineu nam labe lo tanoi vevegi a noi Sisa. Ko u tatarise huri ve goin vei lehieu tangaha. Iniko gu ilo vurugegi vage ve ineu nahe vai na gineu esi tea vovohoire duvi Israel. 11Ve mwere hi nau vei na gineu esi ve nai mate hurie, mwere hi nain he navu tea ve nain toa dena mateana. Siu tare ve a leo ingere hi ram vevera vovohoieu hate hogo, hate tangaloi ve vin vei lei vena taueu lo limara. Nge ineu nam navu siaga ve nain vano nain veve lue na gineu ingere ngaha lo nagoi ratahigi lawua hi ta Rom, i Sisa.”
12I Vestas mo laqa meire gaihakona, siu lo tagugi mo duvi lawe Bol vena, “Gom navu ve goin vano goin labe lo nagoi Sisa, siu u garea goin vano lobei Sisa.”
I Bol mo labe mo laqa lo nagoi Akriba
13A rani te gaivihe goro, a ratahigi biti i Akriba mei haqena i Benis, rum vanai Sisaria ve ron sirosiro gina lado mava ko a lai vurugegi lawe Vestas. 14Ram toga bongi gaivihe te goro, i Vestas mo veve sere na gineu hi huri Bol lawe Akriba, mo veve vena, “A tangaloi gatagale mo toga tangaha, i Vilikis u wiribibie lolo valei veuveu. 15Ko lo tarogi nau vano a Jerusalem, ira rugurugu lalawua ko ira tomtomuegi den duvi Israel ram veve asiesiginie ve u vei na gineu rahe garea tea, siu ram veve laweau ve nan vevegi vohoginie ve vin mate. 16Nam veve lawera vena, igamai ta Rom hatie nomai doridori mwere hi ve gain siregi na tangaloi vurogi talo limei rahine hi ram vaiveie. Nge gitomue vin vano vin labe lo nagora huri vin duvi na leo asi ingere hi rau vano vovohoie. 17Lune ira duvi Israel hi ram dadari aiehi, nahe ribigi na tarogi tea, nge maraga robongigi nam vano tuturedu lo tanoi vevegi nam toga aie hi, nam hora na leo huri Bol mo vanai. 18Lune ira nona tavului vuro ram labe nge rahe veve teve ingeie u vei na gineu esi, mwere hi ineu nam lado ve ingere rain veve, nge hatie. 19Nge ingere ram laqagi huri na nora lengai hudu-hudugoro, ko huri na tangaloi hi a henana i Jisas. I Jisas hi u mate nge i Bol mo veve ve ingeie u mwaso taligu. 20Nge ineu nahe ilo tea vurugegi huri na gineu ingere hi, siu nam hui Bol vena, ‘?Gom lado ve u garea goin vano a Jerusalem lo tanoi vevegi aie hi?’ 21Nge i Bol he tarani tea ve ineu nain veveginie, nge mo navu siaga denieu ve nain horae vin vano Rom, huri i Sisa nge vin lehi na leo vevegi hi hurie. Giniehi, ineu nam wiribibie lolo valei veuveu vin dadari nain horae vano lawe Sisa.”
22I Akriba mo veve lawe Vestas vena, “Ineu nam tarani ve nan rongo na tangaloi hi vage.” I Vestas mo veve vena, “U garea, mavugo gom rongoe.”
23Maraga robongigi a tangaloi vuro lalawua ko ira tomtomuegi doluegi talolo togagi venue lawua hi ram lai vurugegi Akriba tona Benis ram haharagi na tanoi lando mava lawua lawera lune rum soro lolo valei vevegi hi. I Vestas mo hora na nona tangaloi vuro ve ran lai Bol na vanai lolo vale. 24I Vestas mo veve vena, “Ratahigi Akriba, ko igimiu doluegi hi neu vanai bubugi hi tangaha. A tangaloi ngaha mo labe lo nagomiu, ira duvi Israel hi tangaha ko ingere hi ram toga Jerusalem vage, ram laqa meieu tamwere hurie. Gesegi ram veve siaga laweau huri ve, ‘He vovohoi tea ve gon wiribibi na mwasoai tangaloi ngaha.’ 25Nge ineu nahe haqe na asiana tea lune ve u veie huri ve nain vevegi vagamatea huri. Siu vage ingeie mo navu siagagi denieu ve na vano Rom ko na veve na gineu hi vage hurie lo nagoi Sisa, siu ineu nam lado utu vage ve nain horaginie vin vano. 26Nge ineu nahe haqe na leo tea ve u vovohoi ve nain uli nain veve mata-mwasaraginie lawe Sisa. Giniehi nam laie vanai lo nagomiu, hageliu iniko Ratahigi Akriba. Nam lado ve iniko goin huie te gina huihui ko nain haqe na leo vovohoi tea hurie, huri nain ulie. 27Nam lado ve he vovohoi tea ve dain hora na tangaloi vauveu lawe Sisa, tare ve a leo vevegi vovohoie rahe matamwasara tea.”
ទើបបានជ្រើសរើសហើយ៖
LALAKOGI 25: HNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Society of the South Pacific, 2013
LALAKOGI 25
25
I Bol mo navu siagagi ve na labe lo nagoi ratahigi lawua hi i Sisa
1I Vestas u dadari lolo vanue hi, siu a rani gaitolu goro mo siregi lo qatui venue lawua hi Sisaria, mo vano lo vanue Jerusalem. 2Aie hi, ira rugurugu lalawua ko ira tomtomuegi nora duvi Israel, ram laqagi na nora leo ingere hi vano vovohoi Bol. Ram navu siaga dein Vestas, 3huri ve na vaivei garea lawera na horagi Bol na hage Jerusalem, huri rau vei rarai beno ve rain ue vagamate Bol lo duvi turegi. 4Nge i Vestas mo veve lawera vena, “I Bol mo toga vau lo vanue Sisaria, nge ineu vin he ribi tea nain hivo aiehi. 5Tare ve u vei na gineu he vovohoi tea, garea ira nomiu tomtomuegi rain hurieu gain hivo bulu ko rain bete na nora leo vevegi vovohoie aie hi.”
6I Vestas u toga Jerusalem a rani gaiwelu sige hangavulu vage, siu mobei hivo Sisaria. Siu maraga robongigi mo lai na tantanona ko mo ware Bol ve ran laie na vanai lo tanoi vevegi. 7Lune i Bol mo soro vanai, ira tomtomuegi nora duvi Israel hi rau vanai den Jerusalem, ram labe dalie. Ram veve na leo huire u sao vovohoie, nge lolo nora leo hi he haharagi tea ve a leo ingere hi a hogo. 8I Bol mo laqa mo veve vena, “Ineu nahe vai utuhi na nomai tamwata tea igamai a duvi Israel. Nahe vai na gineu esi tea vovohoi na valei God ko vovohoi na ratahigi lawua hi i Sisa.”
9Nge i Vestas mo tarani ve na vai na vaivei garea lawera duvi Israel hi, siu mo hui Bol vena, “?Gom masinge ve gon vano a Jerusalem, ko nain vei lehigo lo leo vevegi ingere ngaha aie hi?”
10I Bol mo duvi vena, “Siserigi ngaha, ineu nam labe lo tanoi vevegi a noi Sisa. Ko u tatarise huri ve goin vei lehieu tangaha. Iniko gu ilo vurugegi vage ve ineu nahe vai na gineu esi tea vovohoire duvi Israel. 11Ve mwere hi nau vei na gineu esi ve nai mate hurie, mwere hi nain he navu tea ve nain toa dena mateana. Siu tare ve a leo ingere hi ram vevera vovohoieu hate hogo, hate tangaloi ve vin vei lei vena taueu lo limara. Nge ineu nam navu siaga ve nain vano nain veve lue na gineu ingere ngaha lo nagoi ratahigi lawua hi ta Rom, i Sisa.”
12I Vestas mo laqa meire gaihakona, siu lo tagugi mo duvi lawe Bol vena, “Gom navu ve goin vano goin labe lo nagoi Sisa, siu u garea goin vano lobei Sisa.”
I Bol mo labe mo laqa lo nagoi Akriba
13A rani te gaivihe goro, a ratahigi biti i Akriba mei haqena i Benis, rum vanai Sisaria ve ron sirosiro gina lado mava ko a lai vurugegi lawe Vestas. 14Ram toga bongi gaivihe te goro, i Vestas mo veve sere na gineu hi huri Bol lawe Akriba, mo veve vena, “A tangaloi gatagale mo toga tangaha, i Vilikis u wiribibie lolo valei veuveu. 15Ko lo tarogi nau vano a Jerusalem, ira rugurugu lalawua ko ira tomtomuegi den duvi Israel ram veve asiesiginie ve u vei na gineu rahe garea tea, siu ram veve laweau ve nan vevegi vohoginie ve vin mate. 16Nam veve lawera vena, igamai ta Rom hatie nomai doridori mwere hi ve gain siregi na tangaloi vurogi talo limei rahine hi ram vaiveie. Nge gitomue vin vano vin labe lo nagora huri vin duvi na leo asi ingere hi rau vano vovohoie. 17Lune ira duvi Israel hi ram dadari aiehi, nahe ribigi na tarogi tea, nge maraga robongigi nam vano tuturedu lo tanoi vevegi nam toga aie hi, nam hora na leo huri Bol mo vanai. 18Lune ira nona tavului vuro ram labe nge rahe veve teve ingeie u vei na gineu esi, mwere hi ineu nam lado ve ingere rain veve, nge hatie. 19Nge ingere ram laqagi huri na nora lengai hudu-hudugoro, ko huri na tangaloi hi a henana i Jisas. I Jisas hi u mate nge i Bol mo veve ve ingeie u mwaso taligu. 20Nge ineu nahe ilo tea vurugegi huri na gineu ingere hi, siu nam hui Bol vena, ‘?Gom lado ve u garea goin vano a Jerusalem lo tanoi vevegi aie hi?’ 21Nge i Bol he tarani tea ve ineu nain veveginie, nge mo navu siaga denieu ve nain horae vin vano Rom, huri i Sisa nge vin lehi na leo vevegi hi hurie. Giniehi, ineu nam wiribibie lolo valei veuveu vin dadari nain horae vano lawe Sisa.”
22I Akriba mo veve lawe Vestas vena, “Ineu nam tarani ve nan rongo na tangaloi hi vage.” I Vestas mo veve vena, “U garea, mavugo gom rongoe.”
23Maraga robongigi a tangaloi vuro lalawua ko ira tomtomuegi doluegi talolo togagi venue lawua hi ram lai vurugegi Akriba tona Benis ram haharagi na tanoi lando mava lawua lawera lune rum soro lolo valei vevegi hi. I Vestas mo hora na nona tangaloi vuro ve ran lai Bol na vanai lolo vale. 24I Vestas mo veve vena, “Ratahigi Akriba, ko igimiu doluegi hi neu vanai bubugi hi tangaha. A tangaloi ngaha mo labe lo nagomiu, ira duvi Israel hi tangaha ko ingere hi ram toga Jerusalem vage, ram laqa meieu tamwere hurie. Gesegi ram veve siaga laweau huri ve, ‘He vovohoi tea ve gon wiribibi na mwasoai tangaloi ngaha.’ 25Nge ineu nahe haqe na asiana tea lune ve u veie huri ve nain vevegi vagamatea huri. Siu vage ingeie mo navu siagagi denieu ve na vano Rom ko na veve na gineu hi vage hurie lo nagoi Sisa, siu ineu nam lado utu vage ve nain horaginie vin vano. 26Nge ineu nahe haqe na leo tea ve u vovohoi ve nain uli nain veve mata-mwasaraginie lawe Sisa. Giniehi nam laie vanai lo nagomiu, hageliu iniko Ratahigi Akriba. Nam lado ve iniko goin huie te gina huihui ko nain haqe na leo vovohoi tea hurie, huri nain ulie. 27Nam lado ve he vovohoi tea ve dain hora na tangaloi vauveu lawe Sisa, tare ve a leo vevegi vovohoie rahe matamwasara tea.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Society of the South Pacific, 2013