LALAKOGI 24
24
Ira duvi Israel ram vevegi Bol lo nagoi Vilikis
1Lo tagui reni gailime, i muei rugurugu hi Ananaeas meire tomtomuegi ira duvi Israel lavasigi ko a nora muei tangaloi leo a henana i Tetalas ram hivo lo vanue Sisaria lobei na muei Kavman hi i Vilikis ve ran veve lue na nora leo vevegi hi vano vovohoi Bol. 2Ram ware Bol mo vanai sulolo vale, i Tetalas mo tauvuigi mo veve na nora leo vovohoi Bol lawe Vilikis. Mo veve vena, “Vilikis, iniko a tangaloi lawua hogo. Gu leo goro na noda sinobu ram toga tamwata huri na taro u qaravu beno, ko a gineu esi u sao lolo qatui venuada ram toga tamwata. A vevenagi a nomu garohuri, gu leahi na gineu u sao lolo vanuemai ram vai na mwasoamai mo garea. 3Igamai doluegi gam havuhevu gesegi huri na havagineu hi gu vaie. Nge igamai gam veve nomai rong garea garagara lawego. 4Nge nahe lado tea ve nai revei na nom taro vin qaravu. Nge nam navu denigo gina lolo garea ve goin rorongtagieu mahogi te qilodo. 5A tangaloi ngaha ingeie a tangaloi esi, gesegi mo tauvui na gineu esi. Ingeie a vui romasi mo tau gaivutugi na nomai sinobu a duvi Israel doluegi na ureure. Ingeie vage a tomtomuegi nora burigi gatagale nge hi ram huri na tangaloi ta Nasaret hi. 6A gineu vage mo vai leo ve na vai sokoragi na valei God, nge igamai gam wiribibie. Nge igamai gam tarani ve gain veveginie vin huri na nomai tamwata sibomai 7Nge a muei tangaloi vuro hi i Lisias mo soro lolo lalakogi ngaha gina huireana, ingeie ko a nona tangaloi ram lai vohoginie dena limemai taligu. 8Ko mo veve ve a tangaloi hi ram hakovi na leo vevegi vovohoi na tangaloi ngaha rain vanai rain veve sere lawego. Tare ve gom huie, iniko goin rongo lo singona vovohoi ve a gineu ingere hi gam vevera a hogo.” 9A duvi Israel hi ram daragi vage ve a leo hi Tetalas u vevera a hogo.
I Bol mo duvi na leo hurie sibona
10I muei kavman hi mo vai na gigilegi huri ve i Bol na laqa, siu ingeie mo tavuigi, mo laqa, mo veve vena, “Ineu nau ilo huri gu vevegi na sinobu tangaha lolo vanuemai a higao u sao, ko ineu nam havuhevu huri nai duvi na leo gagarasi vovohoieu lo nagomu.” 11Lo tagui reni hangavulu domwagi gairue ineu nau hage Jerusalem huri tataro. Siu goin leo haqea sibomu ve a leo ngaha a hogo. 12Ira duvi Israel hi ram vaiveieu, rahe lehieu tea ve nau garo mena tangaloi tea lolo Sara Gogona, a sarai valei God, ko rahe lehieu tea ve nan tauvuigi na romasi lawe na tangaloi lolo valei soneana, sige lategi lo qatui venue lawua ngaha, hatie vage. 13Hatie turegigi vage ve rain haharaginie lawego huri ve a leo ingere ngaha ram vevera vovohoieu a hogo. 14Nge ineu nam veve sere lawego, huri ve a hogo ineu nam huduhudu goro na God noi retubumei, lo Matahala noi Jisas, nge hi ingere ram veve ve he vovohoi tea. Ko nam ladohogo vage gina gineu doluegi mo eno lo Leo Hora noi Mosis ko ira tangaloi Ligoligogi. 15A noku tanoi lado rarai gatagale hogosie lui God mwereire hi ram lado, huri vea sinobu ingere hi rau garea sige rau esi rain maraga taligu dena mateana. 16Siu gesegi nam vai leo garagara huri ve a noku togaana na vovohoi nam rongo lo tarabesiku huri ve nahe vagasile tea goro na nagoi God sige goro na nagora tangaloi. 17Nau vano dena vanue Jerusalem huri na higao sao. Siu nam mule taligu aie hi huri ve na bete na mane huri buluire mahoi tangaloi lo vanueku ko ve na vai na noku rugurugu. 18Lune nam vai na gineu hi mosigei, ingere ram haqeau lolo Sara Gogona. Lo tarogi hi ineu nau vei mwasaragieu beno lo nagoi God. A tangaloi he sao tea lo tarogi hi ko hatie garoana vage.
19Ira duvi Israel lavasigi hi ram vanai dena vanue Esia ingere ta hi lo taro hi, ko tare ve a gineu tea ram lado ve rain veve vovohoieu, u tatarise ve ingere hi rain tino tangaha lo nagomu. 20Gon huire hi ingere tangaha, tare ve rau haqe na gineu esi tea luku lune nau labe lo nagoi nora Kansel lo vanue Jerusalem. 21Nge ineu nau veve na gineu gatagale hogosie. Lo tarogi nau labe lo nagora nam veve siaga vena, “Gimiu nem vevegieu bagataha, huri ineu nam ladohogo huri ve a tangaloi hi rau mate rain maraga taligu dena mateana sulo mwaso.”
22I Vilikis hi, nge a tangaloi gatagale mwere u ilo vurugegi na matahala hi noi Jisas, siu ingeie mo tugoro na laqana hi, mo veve vena, “Lo tarogi a muei tangaloi vuro hi Lisias vin dadari tangaha, garea, ineu nabei vevegi vovohoigi na leo ingere hi lawe gimiu.” 23I Vilikis mo veve lawe na nona tangaloi vuro hi ve vin leo goro vurugegi Bol, nge vin mese gorogoroe ko vin mese tugorora nona buluana hi ram tarani ve ran buluie.
I Bol mo laqa lawe Vilikis tona gahorana i Drusila
24A rani te gaivihe goro i Vilikis koi horana Drusila ingeie a vavine duvi Israel. Siu i Vilikis mo veve lawera ve ran lai Bol na vanai. Lune i Bol mo dadari siu i Vilikis mo rorongtaginie mo laqagi na nona ladohogo lui Jisas Kraes. 25Nge i Vilikis mo matagu u liu, lune i Bol mo laqagi lawera huri na halai togaana vovohoi, ko a doridorigi hi ve a tangaloi vin tugoro garagaragi na nona taratarani esi sibona, ko vage huri na rani hi ve i God vin veveginire tangaloi. Siu i Vilikis mo veve lawe Bol vena, “Siseri hi u tatarise beno, nge iniko gon mwalue. Tare ve mo tarogi meieu garea nain warego taligu.” 26Lo tarogi hi teu i Vilikis mo lado ve i Bol vin bete te mane lawea, siu mo sireginie. Giniehi, ingeie mo hora haro Bol gesegi, vena vanai ron laqa bulu. 27Nge lo tagui higao gairue, i Bosias Vestas mo voragi muei kavman. I Vilikis mo rovo dena tanogi hi, nge mo siregi Bol mo toga ta mwere hi lolo valei vauveu, huri mo tarani ve na vaivei garea lawera duvi Israel.
ទើបបានជ្រើសរើសហើយ៖
LALAKOGI 24: HNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Society of the South Pacific, 2013
LALAKOGI 24
24
Ira duvi Israel ram vevegi Bol lo nagoi Vilikis
1Lo tagui reni gailime, i muei rugurugu hi Ananaeas meire tomtomuegi ira duvi Israel lavasigi ko a nora muei tangaloi leo a henana i Tetalas ram hivo lo vanue Sisaria lobei na muei Kavman hi i Vilikis ve ran veve lue na nora leo vevegi hi vano vovohoi Bol. 2Ram ware Bol mo vanai sulolo vale, i Tetalas mo tauvuigi mo veve na nora leo vovohoi Bol lawe Vilikis. Mo veve vena, “Vilikis, iniko a tangaloi lawua hogo. Gu leo goro na noda sinobu ram toga tamwata huri na taro u qaravu beno, ko a gineu esi u sao lolo qatui venuada ram toga tamwata. A vevenagi a nomu garohuri, gu leahi na gineu u sao lolo vanuemai ram vai na mwasoamai mo garea. 3Igamai doluegi gam havuhevu gesegi huri na havagineu hi gu vaie. Nge igamai gam veve nomai rong garea garagara lawego. 4Nge nahe lado tea ve nai revei na nom taro vin qaravu. Nge nam navu denigo gina lolo garea ve goin rorongtagieu mahogi te qilodo. 5A tangaloi ngaha ingeie a tangaloi esi, gesegi mo tauvui na gineu esi. Ingeie a vui romasi mo tau gaivutugi na nomai sinobu a duvi Israel doluegi na ureure. Ingeie vage a tomtomuegi nora burigi gatagale nge hi ram huri na tangaloi ta Nasaret hi. 6A gineu vage mo vai leo ve na vai sokoragi na valei God, nge igamai gam wiribibie. Nge igamai gam tarani ve gain veveginie vin huri na nomai tamwata sibomai 7Nge a muei tangaloi vuro hi i Lisias mo soro lolo lalakogi ngaha gina huireana, ingeie ko a nona tangaloi ram lai vohoginie dena limemai taligu. 8Ko mo veve ve a tangaloi hi ram hakovi na leo vevegi vovohoi na tangaloi ngaha rain vanai rain veve sere lawego. Tare ve gom huie, iniko goin rongo lo singona vovohoi ve a gineu ingere hi gam vevera a hogo.” 9A duvi Israel hi ram daragi vage ve a leo hi Tetalas u vevera a hogo.
I Bol mo duvi na leo hurie sibona
10I muei kavman hi mo vai na gigilegi huri ve i Bol na laqa, siu ingeie mo tavuigi, mo laqa, mo veve vena, “Ineu nau ilo huri gu vevegi na sinobu tangaha lolo vanuemai a higao u sao, ko ineu nam havuhevu huri nai duvi na leo gagarasi vovohoieu lo nagomu.” 11Lo tagui reni hangavulu domwagi gairue ineu nau hage Jerusalem huri tataro. Siu goin leo haqea sibomu ve a leo ngaha a hogo. 12Ira duvi Israel hi ram vaiveieu, rahe lehieu tea ve nau garo mena tangaloi tea lolo Sara Gogona, a sarai valei God, ko rahe lehieu tea ve nan tauvuigi na romasi lawe na tangaloi lolo valei soneana, sige lategi lo qatui venue lawua ngaha, hatie vage. 13Hatie turegigi vage ve rain haharaginie lawego huri ve a leo ingere ngaha ram vevera vovohoieu a hogo. 14Nge ineu nam veve sere lawego, huri ve a hogo ineu nam huduhudu goro na God noi retubumei, lo Matahala noi Jisas, nge hi ingere ram veve ve he vovohoi tea. Ko nam ladohogo vage gina gineu doluegi mo eno lo Leo Hora noi Mosis ko ira tangaloi Ligoligogi. 15A noku tanoi lado rarai gatagale hogosie lui God mwereire hi ram lado, huri vea sinobu ingere hi rau garea sige rau esi rain maraga taligu dena mateana. 16Siu gesegi nam vai leo garagara huri ve a noku togaana na vovohoi nam rongo lo tarabesiku huri ve nahe vagasile tea goro na nagoi God sige goro na nagora tangaloi. 17Nau vano dena vanue Jerusalem huri na higao sao. Siu nam mule taligu aie hi huri ve na bete na mane huri buluire mahoi tangaloi lo vanueku ko ve na vai na noku rugurugu. 18Lune nam vai na gineu hi mosigei, ingere ram haqeau lolo Sara Gogona. Lo tarogi hi ineu nau vei mwasaragieu beno lo nagoi God. A tangaloi he sao tea lo tarogi hi ko hatie garoana vage.
19Ira duvi Israel lavasigi hi ram vanai dena vanue Esia ingere ta hi lo taro hi, ko tare ve a gineu tea ram lado ve rain veve vovohoieu, u tatarise ve ingere hi rain tino tangaha lo nagomu. 20Gon huire hi ingere tangaha, tare ve rau haqe na gineu esi tea luku lune nau labe lo nagoi nora Kansel lo vanue Jerusalem. 21Nge ineu nau veve na gineu gatagale hogosie. Lo tarogi nau labe lo nagora nam veve siaga vena, “Gimiu nem vevegieu bagataha, huri ineu nam ladohogo huri ve a tangaloi hi rau mate rain maraga taligu dena mateana sulo mwaso.”
22I Vilikis hi, nge a tangaloi gatagale mwere u ilo vurugegi na matahala hi noi Jisas, siu ingeie mo tugoro na laqana hi, mo veve vena, “Lo tarogi a muei tangaloi vuro hi Lisias vin dadari tangaha, garea, ineu nabei vevegi vovohoigi na leo ingere hi lawe gimiu.” 23I Vilikis mo veve lawe na nona tangaloi vuro hi ve vin leo goro vurugegi Bol, nge vin mese gorogoroe ko vin mese tugorora nona buluana hi ram tarani ve ran buluie.
I Bol mo laqa lawe Vilikis tona gahorana i Drusila
24A rani te gaivihe goro i Vilikis koi horana Drusila ingeie a vavine duvi Israel. Siu i Vilikis mo veve lawera ve ran lai Bol na vanai. Lune i Bol mo dadari siu i Vilikis mo rorongtaginie mo laqagi na nona ladohogo lui Jisas Kraes. 25Nge i Vilikis mo matagu u liu, lune i Bol mo laqagi lawera huri na halai togaana vovohoi, ko a doridorigi hi ve a tangaloi vin tugoro garagaragi na nona taratarani esi sibona, ko vage huri na rani hi ve i God vin veveginire tangaloi. Siu i Vilikis mo veve lawe Bol vena, “Siseri hi u tatarise beno, nge iniko gon mwalue. Tare ve mo tarogi meieu garea nain warego taligu.” 26Lo tarogi hi teu i Vilikis mo lado ve i Bol vin bete te mane lawea, siu mo sireginie. Giniehi, ingeie mo hora haro Bol gesegi, vena vanai ron laqa bulu. 27Nge lo tagui higao gairue, i Bosias Vestas mo voragi muei kavman. I Vilikis mo rovo dena tanogi hi, nge mo siregi Bol mo toga ta mwere hi lolo valei vauveu, huri mo tarani ve na vaivei garea lawera duvi Israel.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Society of the South Pacific, 2013