LALAKOGI 15
15
Sone bubugi a Jerusalem
1A tangaloi lavasigi rau mwelue den Judia ram vano Antiok, ko ram tauvuigi ram huhui retuada, ram veve vena, “Tare ve igimiu nge he tevegigilegi tea, mwere a Leo noi Mosis u veve, mwerehi i God vin he vagamwasoi gimiu tea.” 2Bol ko i Banabas ram vui reve lo leo hi ko ram garo lune, siu lo tagugi hi, i ngaraha lo warelue talo vanue Antiok ram leo wahe Bol tona Banabas ko a tangaloi lavasigi ta Antiok rain vano Jerusalem, ve ran lehi ngaraha gaihora ko ira tamaragai talo warelue huri na leo hi.
3Ira buluana talo warelue ram horara ram vano Vonisia ko Samaria ram veve sere lawera huri ve a sinobu talolo dodogi rau tudori ram huri God. A leo hi mo vai retuada lo vanue hi ram rong garea u liu. 4Lune ram dadari Jerusalem, ira sinobu, ira gaihora, ko ira tamaragai talo warelue ram lai vurugeginire. Ko i Bol meire ram veve sere lawera vei God u lalakogi meire lo havagineu hi rau veire. 5Nge a tangaloi lavasigi rau ladohogogi Jisas ingere a Varise, ingere hi ram veve vena, “A tangaloi talolo dodogi hi rau ladohogogi Jisas, u tatarise huri ve rain lei na tevegigilegi. Vage u tatarise huri ve igimiu nein veve lawera rain huri na Leo hora noi Mosis.”
Ira gaihora meire tamaragai talo warelue ram sone bubugi lo vanue Jerusalem
6Ira gaihora ko ira tamaragai talo warelue ram sone bubugi ram ladolado huri na leo hi rau vei. 7Siu ingere rau laqa lune u ribi, i Bita mo maraga hage mo veve vena, “Retueku, igimiu nein ilo vurugegi huri ve i God u leo waheau tuei beno huri ve nain toretoregi na Roro Garea lawera tangaloi talolo dodogi huri ve rain rongo, ko rain ladohogo. 8I God u ilo na domire tangaloi doluegi, mo haharagi na nona havuhevu, huri mo bete na Vui Gogona lawera sinobu talolo dodogi mwere, hi u bete lawe gide. 9He dori na gineu tea vohogi lawe gide ko lawera, ingeie mo ladovohogi na bugure a vevenagi rau ladohogo. 10Nge huri havai igimiu nem tarani ve nen vai lehi God? Huri havai igimiu nem tarani ve nen tau na gaiweli mava ngaha lawera ve na mavasire? Huri i retubude ko igide dahe wali leie tea. 11Nge dam ladohogo vei Jisas a noda Huqe u vagamwasoi gide gina nona tabetabe, ingeie vin vei lawera mwerehi vage.”
12Ko ingere doluegi ram rorogo, ko ram rorongtagi Banabas tona Bol, ingere rom veve sere na gigilegi hi u vei lo huireana noi God. Ko a gineu garigiana i God u lalakogi lune turure, ru veie beno lo nagora tangaloi talolo dodogi.
13Lune ingere ru laqa u rovo, siu i Jemis mo laqa vagasigi. Mo veve vena, “Retueku. Nei rorongtagieu. 14I Saemon u mwatamwasaragi lawe gide, vei God u vonai beno lobera tangaloi talolo dodogi, ingeie u lei lue na sinobu lavasigi denire, huri rain hakobibi na henana. 15A leo nona tangaloi veve rarai u tatarise vohogi mena leo hi lo revereve gogona, ngehi a Huqe mo veve vena,
16Lo tagugi hi ineu nain vonai taligu,
nain tabe kalo na valei Devet hi u soi.
Ineu nain vutu leahi na vale hi u matala,
nain tabea taligu.
17A tangaloi doluegi lolo, ureure,
ingere hi a tangaloi talolo dodogi hi nau
warera gi ira noku,
ingere rain huri haroau ineu a Huqe God.
18Ngehi a leo noi Huqe God
u mwata-mwasaraginie tuei beno.”
19Siu i Jemis mo veve vena, “A domiku nge ngaha. He garea tea ve dai vei na tangaloi talolo dodogi ve rain romasi huri ingere rau tudori beno vonai lobei God. 20Igide dai uli na leo dai veve lawera ve a hinaga hi rahe tatarise tea huri a tangaloi rau rugurugu ginie lawe na nunui-tarabesi gineu, ingere rain mese ganie. Rain mese vagasile mena vavine, rain mese gai na gineu hi rau ligo vagamatera, sige a dai. 21Huri a sinobu a duvi Israel rau velu huri na Leo Hora noi Mosis tuei beno lolo valei soneana lawera vataha na rani mangaana.”
A leo lawera talolo dodogi hi rau ladohogo
22Siu ira gaihora meire tamaragai, ko a warelue doluegi, ingere doluegi rau domiginie ve rain hora te tangaloi dena nora burigi ko ve rain horara rain vano Antiok mei Bol tona Banabas. Ingere rau leowahe na tangaloi gairue denire hi rau ladohogo, i Judas a henana tuegi hi Banabas ko i Saelas. A tangaloi gairue hi rau ladomava ginire garagara.
23Ko ingere ram hora na leo mwere ngaha vena, “Igamai ira gaihora ko ira tamaragai, ira havamiu, igamai gam hora na nomai rong garea lawe gimiu hi neu vora lolo dodogi nem toga lolo vanue Antiok, Siria ko Silisia. 24Siu igamai gau rongo huri ve a tangaloi lavasigi rau mwelue dena nomai burigi ram vai asiesigi gimiu nem rongesi lo leora hi rau veve. Nge igamai gahe haharara tea ve rain vei mwerehi. 25Siu igamai gau sone bubugi ve gain leo wahe na tangaloi tea ko gain horara lawe gimiu. Rain vanatu meire noda buluana gairue hi i Banabas tona Bol, 26ko ingere rau siregi na mwasoana huri na tabanagi noi noda Huqe i Jisas Kraes. 27Igamai gam hora Judas ko i Saelas lawe gimiu huri ve rain lei na leo ngaha igamai gau ulie vovohoi lawe gimiu, huri ve ingere rain veve serea taligu lo singora lawe gimiu. 28Siu a domiana nona Vui Gogona ko a nomai domiana vage ve rain he tau na leo te wagineu lo ulumiu mwere nge na gaiweli mava ve vin mavasi gimiu. Siu a tau leo ingere ngaha u tatarise huri ve igamai gain rivure. 29Igimiu nei mese gani na hinaga hi rau rugurugu ginie lawe na nunui-tarabesi gineu, nei mese gani na dai, nein mese gani na kakarue hi rau ligo vagamatea, nein mese vagasile mena vavine. Tare ve igimiu nein he vai na gineu ingere ngaha tea, igimiu nein toga tabetabegi. A nomai leo lawe gimiu u rovo tangaha.”
30Siu ingere ram horara vano Antiok, aiehi ingere ram vile bulutegi na buri tangaloi rau ladohogo beno ram bete na leta hi lawera. 31Lune a sinobu ram valu na leo hi ingere ram havuhevu u liu huri mo vai siagagi na domire. 32Siu i Judas tona Saelas ingere a tangaloi ligoligogi, ingere ru laqalaqa meire u qaravu, ru bete na leoi ragahui ko a huireana lawera. 33Ingere ru toga a mahogi he qaravu tea, siu ingere rau ladohogo ram sireginire rom mule taligu lo tamwata lobera hi rau horara. 34Nge i Saelas u domiginie ve vin toga aiehi. 35Siu i Bol tona Banabas ru toga lo vanue Antiok, ko ingere ru huhui bubugi mena tangaloi u sao vage, ko ingere ram toretoregi na leo nona Huqe.
I Bol tona Banabas rom vile wahe
36Lo tagugi hi i Bol mo veve lawe Banabas vena, “Igideru doro vano taligu ko doro siro na reretehigi lolo qatui venue ingere hi duru toretoregi na leo nona Huqe, ko i gideru doro leo ve ingere ram toga mwerehilogo. 37Siu i Banabas mo tarani ve na lai Jon Mak vei ingere bulu. 38Nge i Bol mo lado ve he garea tea ve rain leie, a vevenagi ingeie he toga tea meire ve na dadari lo qereqerei nora tabanagi, ko ingeie u tudori mo sireginire lo vanue Bamvilia. 39Siu ingere rom vui garogi garagara, ko ingere rom vile wahe, i Banabas mo lai Mak ko ingere rom vano lo aka lo vanue Saebras. 40Nge i Bol mo lai Saelas mo hurie ko ira reretehigi ram tataro lawe na Huqe God huri ve vin leo hurire gina nona dom tabetabe lawua, siu ingere rom vano denire. 41Siu ingere rom dige lategi lolo vanue Siria ko Silisia, rom vaga mwamwavigi na warelue aiehi.
ទើបបានជ្រើសរើសហើយ៖
LALAKOGI 15: HNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Society of the South Pacific, 2013
LALAKOGI 15
15
Sone bubugi a Jerusalem
1A tangaloi lavasigi rau mwelue den Judia ram vano Antiok, ko ram tauvuigi ram huhui retuada, ram veve vena, “Tare ve igimiu nge he tevegigilegi tea, mwere a Leo noi Mosis u veve, mwerehi i God vin he vagamwasoi gimiu tea.” 2Bol ko i Banabas ram vui reve lo leo hi ko ram garo lune, siu lo tagugi hi, i ngaraha lo warelue talo vanue Antiok ram leo wahe Bol tona Banabas ko a tangaloi lavasigi ta Antiok rain vano Jerusalem, ve ran lehi ngaraha gaihora ko ira tamaragai talo warelue huri na leo hi.
3Ira buluana talo warelue ram horara ram vano Vonisia ko Samaria ram veve sere lawera huri ve a sinobu talolo dodogi rau tudori ram huri God. A leo hi mo vai retuada lo vanue hi ram rong garea u liu. 4Lune ram dadari Jerusalem, ira sinobu, ira gaihora, ko ira tamaragai talo warelue ram lai vurugeginire. Ko i Bol meire ram veve sere lawera vei God u lalakogi meire lo havagineu hi rau veire. 5Nge a tangaloi lavasigi rau ladohogogi Jisas ingere a Varise, ingere hi ram veve vena, “A tangaloi talolo dodogi hi rau ladohogogi Jisas, u tatarise huri ve rain lei na tevegigilegi. Vage u tatarise huri ve igimiu nein veve lawera rain huri na Leo hora noi Mosis.”
Ira gaihora meire tamaragai talo warelue ram sone bubugi lo vanue Jerusalem
6Ira gaihora ko ira tamaragai talo warelue ram sone bubugi ram ladolado huri na leo hi rau vei. 7Siu ingere rau laqa lune u ribi, i Bita mo maraga hage mo veve vena, “Retueku, igimiu nein ilo vurugegi huri ve i God u leo waheau tuei beno huri ve nain toretoregi na Roro Garea lawera tangaloi talolo dodogi huri ve rain rongo, ko rain ladohogo. 8I God u ilo na domire tangaloi doluegi, mo haharagi na nona havuhevu, huri mo bete na Vui Gogona lawera sinobu talolo dodogi mwere, hi u bete lawe gide. 9He dori na gineu tea vohogi lawe gide ko lawera, ingeie mo ladovohogi na bugure a vevenagi rau ladohogo. 10Nge huri havai igimiu nem tarani ve nen vai lehi God? Huri havai igimiu nem tarani ve nen tau na gaiweli mava ngaha lawera ve na mavasire? Huri i retubude ko igide dahe wali leie tea. 11Nge dam ladohogo vei Jisas a noda Huqe u vagamwasoi gide gina nona tabetabe, ingeie vin vei lawera mwerehi vage.”
12Ko ingere doluegi ram rorogo, ko ram rorongtagi Banabas tona Bol, ingere rom veve sere na gigilegi hi u vei lo huireana noi God. Ko a gineu garigiana i God u lalakogi lune turure, ru veie beno lo nagora tangaloi talolo dodogi.
13Lune ingere ru laqa u rovo, siu i Jemis mo laqa vagasigi. Mo veve vena, “Retueku. Nei rorongtagieu. 14I Saemon u mwatamwasaragi lawe gide, vei God u vonai beno lobera tangaloi talolo dodogi, ingeie u lei lue na sinobu lavasigi denire, huri rain hakobibi na henana. 15A leo nona tangaloi veve rarai u tatarise vohogi mena leo hi lo revereve gogona, ngehi a Huqe mo veve vena,
16Lo tagugi hi ineu nain vonai taligu,
nain tabe kalo na valei Devet hi u soi.
Ineu nain vutu leahi na vale hi u matala,
nain tabea taligu.
17A tangaloi doluegi lolo, ureure,
ingere hi a tangaloi talolo dodogi hi nau
warera gi ira noku,
ingere rain huri haroau ineu a Huqe God.
18Ngehi a leo noi Huqe God
u mwata-mwasaraginie tuei beno.”
19Siu i Jemis mo veve vena, “A domiku nge ngaha. He garea tea ve dai vei na tangaloi talolo dodogi ve rain romasi huri ingere rau tudori beno vonai lobei God. 20Igide dai uli na leo dai veve lawera ve a hinaga hi rahe tatarise tea huri a tangaloi rau rugurugu ginie lawe na nunui-tarabesi gineu, ingere rain mese ganie. Rain mese vagasile mena vavine, rain mese gai na gineu hi rau ligo vagamatera, sige a dai. 21Huri a sinobu a duvi Israel rau velu huri na Leo Hora noi Mosis tuei beno lolo valei soneana lawera vataha na rani mangaana.”
A leo lawera talolo dodogi hi rau ladohogo
22Siu ira gaihora meire tamaragai, ko a warelue doluegi, ingere doluegi rau domiginie ve rain hora te tangaloi dena nora burigi ko ve rain horara rain vano Antiok mei Bol tona Banabas. Ingere rau leowahe na tangaloi gairue denire hi rau ladohogo, i Judas a henana tuegi hi Banabas ko i Saelas. A tangaloi gairue hi rau ladomava ginire garagara.
23Ko ingere ram hora na leo mwere ngaha vena, “Igamai ira gaihora ko ira tamaragai, ira havamiu, igamai gam hora na nomai rong garea lawe gimiu hi neu vora lolo dodogi nem toga lolo vanue Antiok, Siria ko Silisia. 24Siu igamai gau rongo huri ve a tangaloi lavasigi rau mwelue dena nomai burigi ram vai asiesigi gimiu nem rongesi lo leora hi rau veve. Nge igamai gahe haharara tea ve rain vei mwerehi. 25Siu igamai gau sone bubugi ve gain leo wahe na tangaloi tea ko gain horara lawe gimiu. Rain vanatu meire noda buluana gairue hi i Banabas tona Bol, 26ko ingere rau siregi na mwasoana huri na tabanagi noi noda Huqe i Jisas Kraes. 27Igamai gam hora Judas ko i Saelas lawe gimiu huri ve rain lei na leo ngaha igamai gau ulie vovohoi lawe gimiu, huri ve ingere rain veve serea taligu lo singora lawe gimiu. 28Siu a domiana nona Vui Gogona ko a nomai domiana vage ve rain he tau na leo te wagineu lo ulumiu mwere nge na gaiweli mava ve vin mavasi gimiu. Siu a tau leo ingere ngaha u tatarise huri ve igamai gain rivure. 29Igimiu nei mese gani na hinaga hi rau rugurugu ginie lawe na nunui-tarabesi gineu, nei mese gani na dai, nein mese gani na kakarue hi rau ligo vagamatea, nein mese vagasile mena vavine. Tare ve igimiu nein he vai na gineu ingere ngaha tea, igimiu nein toga tabetabegi. A nomai leo lawe gimiu u rovo tangaha.”
30Siu ingere ram horara vano Antiok, aiehi ingere ram vile bulutegi na buri tangaloi rau ladohogo beno ram bete na leta hi lawera. 31Lune a sinobu ram valu na leo hi ingere ram havuhevu u liu huri mo vai siagagi na domire. 32Siu i Judas tona Saelas ingere a tangaloi ligoligogi, ingere ru laqalaqa meire u qaravu, ru bete na leoi ragahui ko a huireana lawera. 33Ingere ru toga a mahogi he qaravu tea, siu ingere rau ladohogo ram sireginire rom mule taligu lo tamwata lobera hi rau horara. 34Nge i Saelas u domiginie ve vin toga aiehi. 35Siu i Bol tona Banabas ru toga lo vanue Antiok, ko ingere ru huhui bubugi mena tangaloi u sao vage, ko ingere ram toretoregi na leo nona Huqe.
I Bol tona Banabas rom vile wahe
36Lo tagugi hi i Bol mo veve lawe Banabas vena, “Igideru doro vano taligu ko doro siro na reretehigi lolo qatui venue ingere hi duru toretoregi na leo nona Huqe, ko i gideru doro leo ve ingere ram toga mwerehilogo. 37Siu i Banabas mo tarani ve na lai Jon Mak vei ingere bulu. 38Nge i Bol mo lado ve he garea tea ve rain leie, a vevenagi ingeie he toga tea meire ve na dadari lo qereqerei nora tabanagi, ko ingeie u tudori mo sireginire lo vanue Bamvilia. 39Siu ingere rom vui garogi garagara, ko ingere rom vile wahe, i Banabas mo lai Mak ko ingere rom vano lo aka lo vanue Saebras. 40Nge i Bol mo lai Saelas mo hurie ko ira reretehigi ram tataro lawe na Huqe God huri ve vin leo hurire gina nona dom tabetabe lawua, siu ingere rom vano denire. 41Siu ingere rom dige lategi lolo vanue Siria ko Silisia, rom vaga mwamwavigi na warelue aiehi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Society of the South Pacific, 2013