LALAKOGI 14
14
Bol tona Banabas rom toga lo vanue Ikoniam
1A gineu u vei mwerehi vage lo vanue Ikoniam. I Bol tona Banabas rom vano lolo valei soneana nora a duvi Israel rom laqa lo matahala mwerehi, a sinobu a duvi Israel ko ira haroharo u sao ram ladohogo. 2Nge a sinobu a duvi Israel ngerehi rahe ladohogo tea ram vaire haroharo ram romasi, ram dori na domire mo asi vovohoi na reretehigi. 3A gaihora gairue hi ru toga aiehi u ribi. Ingere rom laqagi siagagi huri na Huqe, mo gigilegi huri ve a nora leo huri na nona tabetabe a hogo huri mo bete na managi lawera ve ron vai na vaigivui ko a gineu garigiana.
4A sinobu talo togagi venue lawua hi ram vile wahe, lavasigi ram hurire ira duvi Israel, lavasigi ram hurire gaihora. 5Siu ira haroharo ko ingere a duvi Israel, ram bubugi me nora tomtomegi, ram laqagi huri ve rain wehi na gaihora gairue hi, ko rain buguri vagamatera. 6Lune a gaihora gairue hi rom ilo huri na domiana hi, rom toa rom vano Listra ko Debe, a togagi venue lalawua gairue hi lolo vanue Likonia, ko rom dige lategi lolo vanue hi. 7Ko ingere rom toretore gina Roro Garea aiehi.
I Bol tona Banabas lolo vanue Listra ko Debe
8A tangaloi u toga lo vanue Listra a karune u luku u vora meie, ko ingeie he dige lai tea, 9mo toga tahi mo rorongtagi na leo noi Bol. I Bol mo leo huri ve ingeie mo ladohogo ve vin mwaso. Siu ingeie mo leo garagaraginie, 10ko mo veve gina dilogi u lawua vena, “Gon labe toratoragi na karumu.”
11Lune a sinobu ram lehi na gineu hi Bol u veie, ingere ram tauvuigi ram ulo gina dilogi lo nora leo ta Likonia vena, “A noda God ru voragi tangaloi ko rom himei lobeda.” 12Ingere ram suri na henai Banabas vei Sus, ngehi a huqegi lawe na nora god lavasigi. Nge huri Bol mo toretoregi na leo, ram suri na henana vei Hemis, ve ingeie a tangaloi mo digegi na leo noi nora god. 13A tangaloi rugurugu lawe na god Sus, a nona tanoi rugurugu mo eno lo tagui venue hi, mo lai na bulugi ko a vire vinuvinu tavanai lo matai arai qatui venue hi. Ingeie meire sinobu ram tarani ve ran rugurugu lawe na gaihora gairue hi.
14Lune i Banabas ko i Bol rom rongo huri na havagineu hi ram tarani ve rain veie. Ingere rom dare na luqara ko rom toa mo vano lolo livugara sinobu, rom ulo, 15rom veve vena, “?Ngaraha, nem vai mwere ngaha huri havai? I gamaru a tangaloi a tarabesigi mwerei gimiu. I gamaru guru vomai hano huri gorom veve sere na Roro Garea lawe gimiu, gorom tarani ve goro dori na domimiu ve nen tudori dena god lavasigi ngerehi hatie nora huireana lure. Gorom tarani ve nein leo vano lui God hi mo mwaso vagi tuei ingeie hogosie. 16Lo taro tuei u siregi lawe na sinobu ram vano mwerehi ram tarani. 17Siu ingeie mo mata-mwasaraginie sibona lo gineu garea teri hi mo vaire, ingeie mo bete na uhe dena mahava ko a rivurivu lo higaora, ingeie mo bete na hinaga lawe gimiu ko ingeie mo vaga horongi na taqangimiu gina havuhevu.” 18Huri a leo ingere ngaha ram vano, nge u kakarani ve a gaihora gairue hi roin he vailei tea ve roin tugoro na sinobu huri ve rain rugurugu lawera.
19A tangaloi lavasigi a duvi Israel ram vonai den Antiok lo togagi venue Bisidia ko den Ikoniam, ram lai na sinobu ram hurire, ram buguri Bol ko ram reve vohoginie dena togagi venue lawua hi, ram lado ve u mate. 20Nge ingere hi rau ladohogo ram lulu goroe, ingeie mo maraga mo vano taligu lolo qatui venue hi. Lo rani tuegi ingeie ko i Banabas rom vano lo vanue Debe.
I Bol rom mule taligu a Antiok lo vanue Siria
21I Bol ko i Banabas rom toretoregi na Roro Garea lo vanue Debe ko ru reve lai na tangaloi rorongtagi u sao ram huri Jisas. Siu ingere rom vano taligu lo vanue Listra, rom vano Ikoniam, siu rom vano Antiok lo vanue Bisidia. 22Ingere rom vai siagagi na domire hi rau ladohogo ko rom vaga mwamwaviginire ve rain labe siaga lo nora ladohogo. Ingere rom huhuire rom veve vena, “Igide dain vano turu na gineu esi u sao siu dabei ehu lolo mwasoana garaqa God mo ratahigi lolona.” 23Ingere rom taure tamaragai ve rain bului na tabana lolo warelue vataha na ute hi ingere ru vano aie, ko ingere rom tataro siu rom sireginire vano lawe na Huqe hi rau ladohogo ginie.
24Lo tagugi hi ingere ru vano turu na mahomahoi venue Bisidia, ingere rom vonai Bamvilia. 25Ingere rom toretoregi na leoi God lo vanue Beka siu rom hivo Atalia. 26Siu ingere rom huri na aka rom mule taligu Antiok lo vanue Siria. A mahogi hi rau tataro ginire tomue aie vei God vin kokogorora lo nora tabanagi doluegi hi rom bei vei vunuhire.
27Lune rom dadari Antiok rom ware bulutegi na tangaloi hi rau ladohogo beno ko rom veve sere lawera huri na gineu i God u veie lawera, ko huri u waga na turegi lawera tangaloi talolo dodogi ve ran ladohogo. 28Ingere ru toga u ribi meire rorongtagi noi Jisas.
ទើបបានជ្រើសរើសហើយ៖
LALAKOGI 14: HNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Society of the South Pacific, 2013
LALAKOGI 14
14
Bol tona Banabas rom toga lo vanue Ikoniam
1A gineu u vei mwerehi vage lo vanue Ikoniam. I Bol tona Banabas rom vano lolo valei soneana nora a duvi Israel rom laqa lo matahala mwerehi, a sinobu a duvi Israel ko ira haroharo u sao ram ladohogo. 2Nge a sinobu a duvi Israel ngerehi rahe ladohogo tea ram vaire haroharo ram romasi, ram dori na domire mo asi vovohoi na reretehigi. 3A gaihora gairue hi ru toga aiehi u ribi. Ingere rom laqagi siagagi huri na Huqe, mo gigilegi huri ve a nora leo huri na nona tabetabe a hogo huri mo bete na managi lawera ve ron vai na vaigivui ko a gineu garigiana.
4A sinobu talo togagi venue lawua hi ram vile wahe, lavasigi ram hurire ira duvi Israel, lavasigi ram hurire gaihora. 5Siu ira haroharo ko ingere a duvi Israel, ram bubugi me nora tomtomegi, ram laqagi huri ve rain wehi na gaihora gairue hi, ko rain buguri vagamatera. 6Lune a gaihora gairue hi rom ilo huri na domiana hi, rom toa rom vano Listra ko Debe, a togagi venue lalawua gairue hi lolo vanue Likonia, ko rom dige lategi lolo vanue hi. 7Ko ingere rom toretore gina Roro Garea aiehi.
I Bol tona Banabas lolo vanue Listra ko Debe
8A tangaloi u toga lo vanue Listra a karune u luku u vora meie, ko ingeie he dige lai tea, 9mo toga tahi mo rorongtagi na leo noi Bol. I Bol mo leo huri ve ingeie mo ladohogo ve vin mwaso. Siu ingeie mo leo garagaraginie, 10ko mo veve gina dilogi u lawua vena, “Gon labe toratoragi na karumu.”
11Lune a sinobu ram lehi na gineu hi Bol u veie, ingere ram tauvuigi ram ulo gina dilogi lo nora leo ta Likonia vena, “A noda God ru voragi tangaloi ko rom himei lobeda.” 12Ingere ram suri na henai Banabas vei Sus, ngehi a huqegi lawe na nora god lavasigi. Nge huri Bol mo toretoregi na leo, ram suri na henana vei Hemis, ve ingeie a tangaloi mo digegi na leo noi nora god. 13A tangaloi rugurugu lawe na god Sus, a nona tanoi rugurugu mo eno lo tagui venue hi, mo lai na bulugi ko a vire vinuvinu tavanai lo matai arai qatui venue hi. Ingeie meire sinobu ram tarani ve ran rugurugu lawe na gaihora gairue hi.
14Lune i Banabas ko i Bol rom rongo huri na havagineu hi ram tarani ve rain veie. Ingere rom dare na luqara ko rom toa mo vano lolo livugara sinobu, rom ulo, 15rom veve vena, “?Ngaraha, nem vai mwere ngaha huri havai? I gamaru a tangaloi a tarabesigi mwerei gimiu. I gamaru guru vomai hano huri gorom veve sere na Roro Garea lawe gimiu, gorom tarani ve goro dori na domimiu ve nen tudori dena god lavasigi ngerehi hatie nora huireana lure. Gorom tarani ve nein leo vano lui God hi mo mwaso vagi tuei ingeie hogosie. 16Lo taro tuei u siregi lawe na sinobu ram vano mwerehi ram tarani. 17Siu ingeie mo mata-mwasaraginie sibona lo gineu garea teri hi mo vaire, ingeie mo bete na uhe dena mahava ko a rivurivu lo higaora, ingeie mo bete na hinaga lawe gimiu ko ingeie mo vaga horongi na taqangimiu gina havuhevu.” 18Huri a leo ingere ngaha ram vano, nge u kakarani ve a gaihora gairue hi roin he vailei tea ve roin tugoro na sinobu huri ve rain rugurugu lawera.
19A tangaloi lavasigi a duvi Israel ram vonai den Antiok lo togagi venue Bisidia ko den Ikoniam, ram lai na sinobu ram hurire, ram buguri Bol ko ram reve vohoginie dena togagi venue lawua hi, ram lado ve u mate. 20Nge ingere hi rau ladohogo ram lulu goroe, ingeie mo maraga mo vano taligu lolo qatui venue hi. Lo rani tuegi ingeie ko i Banabas rom vano lo vanue Debe.
I Bol rom mule taligu a Antiok lo vanue Siria
21I Bol ko i Banabas rom toretoregi na Roro Garea lo vanue Debe ko ru reve lai na tangaloi rorongtagi u sao ram huri Jisas. Siu ingere rom vano taligu lo vanue Listra, rom vano Ikoniam, siu rom vano Antiok lo vanue Bisidia. 22Ingere rom vai siagagi na domire hi rau ladohogo ko rom vaga mwamwaviginire ve rain labe siaga lo nora ladohogo. Ingere rom huhuire rom veve vena, “Igide dain vano turu na gineu esi u sao siu dabei ehu lolo mwasoana garaqa God mo ratahigi lolona.” 23Ingere rom taure tamaragai ve rain bului na tabana lolo warelue vataha na ute hi ingere ru vano aie, ko ingere rom tataro siu rom sireginire vano lawe na Huqe hi rau ladohogo ginie.
24Lo tagugi hi ingere ru vano turu na mahomahoi venue Bisidia, ingere rom vonai Bamvilia. 25Ingere rom toretoregi na leoi God lo vanue Beka siu rom hivo Atalia. 26Siu ingere rom huri na aka rom mule taligu Antiok lo vanue Siria. A mahogi hi rau tataro ginire tomue aie vei God vin kokogorora lo nora tabanagi doluegi hi rom bei vei vunuhire.
27Lune rom dadari Antiok rom ware bulutegi na tangaloi hi rau ladohogo beno ko rom veve sere lawera huri na gineu i God u veie lawera, ko huri u waga na turegi lawera tangaloi talolo dodogi ve ran ladohogo. 28Ingere ru toga u ribi meire rorongtagi noi Jisas.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Society of the South Pacific, 2013