2. Mosebok 31
31
Herren segjer til Moses at han hev fyllt Besalel og Oholiab og andre menner med visdomsånd, so dei kann gjera i stand tabernaklet og alt som trengst til tenesta der, 1-11. Folket skal akta vel på sabbaten, 12-17. Moses fær dei tvo lovtavlone, 18.
1Og Herren tala til Moses og sa: 2Sjå no hev eg kåra og kalla Besalel, son åt Uri Hursson, av Juda-ætti#2 Mos 35,30-35; 36,1-7; 17,10; 1 Krøn 2,20 3og fyllt han med Guds ande, med visdom og vit og kunnskap og godt lag til alt handverk,#1 Kong 7,14 4so han kann tenkja ut kunstverk og smida dei ut både i gull og i sylv og i kopar, 5og ferda til glimesteinane som skal fellast inn, og skjera ut i tre og greida allslags kunstarbeid. 6Og til hjelpesmann hev eg gjeve han Oholiab, son åt Akisamak, av Dans-ætti, og i hjarta åt alle hage menner hev eg lagt visdom, so dei kann laga alt det eg hev sagt deg: 7møtetjeldet, kista til vitnemålet og nådestolen som skal vera yver henne, og all husbunaden i tjeldet,#2 Mos 35,11-19 8bordet med alt som til det høyrer og gull-ljosestaken med alt det som høyrer til den, og røykofferaltaret, 9og brennofferaltaret med alt som høyrer attåt, og balja med foten under, 10og embetsskrudet, og den heilage klædebunaden åt Aron, presten, og presteklædi åt sønene hans,#2 Mos 35,19 11og salvingsoljen og den angande røykjelsen til heilagdomen. Dei skal i eitt og alt gjera so som eg hev sagt deg. 12Og Herren tala til Moses og sa: 13Tala du til Israels-borni og seg: Gløym no ikkje å halda sabbatane mine! For det skal vera eit merke millom meg og dykk frå ætt til ætt, so de skal vita at eg er Herren som helgar dykk.#2 Mos 20,8-11 14Difor skal de halda sabbaten; han skal vera dykk heilag. Den som vanhelgar han, skal visst og sant lata livet; kvar mann som då gjer noko arbeid, han skal rydjast ut or folket sitt.#4 Mos 15,32-36 15Seks dagar lyt de arbeida og vera onnuge, men den sjuande dagen skal det vera høgheilag sabbat, heilag for Herren. Kvar den som hev noko arbeid fyre seg på sabbatsdagen, skal døy. 16So skal då Israels-borni koma i hug sabbaten, so dei held han ætt etter ætt; det skal vera ei pakt i all æva. 17Han skal vera eit æveleg merke millom meg og Israels-borni. For i seks dagar skapte Herren himmelen og jordi, men den sjuande dagen kvilde han og heldt seg roleg.#1 Mos 2,2-3 18Då han hadde tala til endes med Moses på Sinaifjellet, gav han honom dei tvo vitnemålstavlone; det var steintavlor som Gud hadde skrive på med fingeren sin.#5 Mos 4,13; 9,10; 2 Mos 32,16
ទើបបានជ្រើសរើសហើយ៖
2. Mosebok 31: Bibel1938
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Norwegian Bible Society 1938
© Bibelselskapet 1938
https://www.bibel.no/Nettbibelen/Opphavsrett_2