Iyohaichish 99

99. Iyohaichish.

1EHOBA epungine korʼan, utara tusushke yan.

Shinuma Kerubim tumta rok; toitoi moimoige yan.

2Zion otta Ehoba anak ne pase ruwe ne;

Shinuma anak ne obitta no okai utara kashita ri ruwe ne.

3Nei utara E koro pase newa aeoripak kuni reihei ramuyere yan:

Shinuma Ashkannep ne ruwe ne.

4Moshiri shikkashima guru koro kiroro anak ne aesanniyo ambe ne yakka omap;

Aokai sonep ashte,

Aokai Yakob otta aesanniyo ambe newa oupekap ki ruwe ne.

5Chikoro Kamui ne Ehoba pasere yan,

Kashiketa Shinuma koro chikiri aandep samaketa ongami:

Shinuma Ashkannep ne ruwe ne.

6Mose newa Aaron anak ne Shinuma koro yaishieiwangere utara tumugeta okai,

Samueru anak ne Shinuma kon reihei konishuk utara tumugeta an na;

Nei utara Ehoba konishuk, awa Shinuma ese itak ki nisa ruwe ne.

7Shinuma anak ne nishkuru ikushpe ani nei utara otta ye nisa:

Nei utara anak ne otta akoropare Shinuma koro ekambakbe newa sange itak shikkasbima nisa ruwe ne.

8Aa chikoro Kamui ne Ehoba, Aokai anak ne nei utara orun ese itak ki nisa:

Nei utara ikichi buri gusu Aokai ikemnu ki a yakka,

Nei ap tusare Kamui E ne ruwe ne na.

9Chikoro Kamui ne Ehoba pasere wa,

Shinuma koro ashkanne huru otta ongami yan;

Chikoro Kamui ne Ehoba anak ne Ashkannep ne ruwe ne gusu ne na.

ទើបបានជ្រើសរើសហើយ៖

Iyohaichish 99: AINU

គំនូសចំណាំ

ចែករំលែក

ចម្លង

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល

ខគម្ពីរពេញនិយមពី
Iyohaichish 99