Iyohaichish 96
96
96. Iyohaichish.
1ASHIRI shinotcha ani Ehoba otta ko-shinotcha-ki yan:
Moshirʼebitta Ehoba orun ko-shinotcha-ki yan.
2Ehoba otta ko-shinotcha-ki yan, Shinuma kon reihei nunuke yan;
Kesto Shinuma ki kashiobiuki ambe ashte yan.
3Moshiri uirup tumugeta Shinuma koro nupeki nure,
Utara tumta Shinuma ki iyokunnure ikip ashte yan.
4Inambe gusu ne yakun, Ehoba anak ne pase wa poron no airamye kuni ambe ne:
Obitta no okai Kamui kasu no akoishitoma kunip ne ruwe ne.
5Inambe gusu ne yakun, utara koro obitta no okai
Kamui anak ne isambe nep ruwe ne:
Koroka, Ehoba anak kando kara Kamui ne ruwe ne na.
6Shinuma tek-samata aeoripakbe newa arakuru an:
Kiroro newa shiretokbe Shinuma koro ashkanne ushiketa okai ruwe ne.
7Utara iriwak utara Ehoba otta kore,
Nupeki newa aeoripakbe Ehoba otta kore yan.
8Koro reihei gusu an kuni nupeki Ehoba orun kore:
Ayangep koro wa Shinuma koro kenru orun ahup yan.
9Aa, Ashkanne chitomtep koro wa Ehoba ko-ongami yan,
Moshirʼebitta Shinuma tek-samata tusushke yan.
10Moshiri uirup utara ene ye-hi:— Ehoba esapane korʼan:
Moimoige eaikap kuni ne moshiri aashte wa an:
Shinuma anak ne oupeka no utara koipishi kusu ne na.
11Kando yaikopuntek yan, toitoi nupetne yan;
Atui newa nei eshikbe newa humi ashte yan.
12Nup newa otta okaibe obitta ramuritetke yan;
Nitai otta obitta no okai chikuni nupetne wa shinotcha ki yan;
13Shinuma ek gusu, Ehoba kotchaketa ki yan;
Moshiri koipishi gusu Shinuma ek ruwe ne:
Shinuma oupeka no moshiri koipishi kusu ne,
Son no ambe ani uirup utara koipishi kusu ne na.
ទើបបានជ្រើសរើសហើយ៖
Iyohaichish 96: AINU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© British and Foreign Bible Society 1897, 2018