Iyohaichish 92
92
92. Iyohaichish.
Iyohaichish, Shini toho gusu an shinotcha.
1EHOBA koyaiiraige ambe anak ne,
Aa Iyotta Rikunbe, E reihei orun iramye an shinotcha ki-hi anak pirika ruwe ne na:
2Kunneiwano E sange omap-an-ramuhauge-hi atte,
Kes anchikara ta E koro sonep assuru ashte-hi,
3Wan ka omap newa arektep ani;
Koto newa mayun hawe ani nei no ki-hi anak ne pirika ruwe ne na.
4Aa Ehoba, Aokai anak ne E ki ikip ani en nupetnere nisa:
E tekehe iki ikip gusu ku yaiomonnure kusu ne na.
5Aa Ehoba, E ki ikip hemanda poro!
E ki ramepakari-hi anak ne shiri ooho ruwe ne.
6Chikoikip nepkoro an ainu anak ne erampeutek;
Ramat-sak guru ka tambe eramushkare ruwe ne.
7Wen utara anak ne kina nei no hetukba ita,
Irarape ikichi utara obitta shipiraspa ita,
Nei utara ramma pakno aisamka kusu ne na:
8Koroka, Aokai, aa Ehoba, ramma pakno ri ushiketa an ruwe ne.
9Aa Ehoba, kerai, E epokba utara,
Kerai, e epokba utara aisamka kusu ne;
Irarape ikichi utara obitta shitchari kusu ne na.
10Koroka, Aokai anak ne niwen beko nei no ku goro kirawe punire nisa:
Ashiri shum ani a en kashiaota nisa ruwe ne.
11En yongororo utara otta aki rusuibe hetuku a-i ku shiki-hi nukan nisa,
Hopumba wa en epokba wenbe ikichi utara otta aki rusuibe hetuku a-i ku kisaraha nu nisa ruwe ne.
12Oupeka utara anak ne shuro chi kuni nei no shipirasa:
Rebanon ta okai kokaku chikuni korachi shukup kusu ne na.
13Ehoba kot chisei ta aetoita utara anak ne
Kamui koro tumbu ta shipiraspa kusu ne.
14Onne yakka ibehe hetukure;
Fukinani an wa pe eshik kusu ne
15Tambe anak Ehoba oupeka nep sekoro assuru ashte kuni an ambe ne
Shinuma anak ne ku goro watara ne, Shinuma otta oheugep isam ruwe ne na.
ទើបបានជ្រើសរើសហើយ៖
Iyohaichish 92: AINU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© British and Foreign Bible Society 1897, 2018