Iyohaichish 84
84
84. Iyohaichish.
Shinotcha esapane guru gusu; Gittet gusu. Kora poho kara iyohaichish.
1AA topaha koro Ehoba,
E koro kash anak ne nep eramasu humi!
2Ku ramat anak ne Ehoba koro kash gusu eyaikatekara, ruwe newa, ramurai ruwe ne;
Ku sambe newa ku kam anak ne ishu Kamui gusu ehaukashu ruwe ne.
3Ruwe un, amam-e-chikap anak ne yaikota gusu chisei pa,
Kapap chikap ne yakka koro poho ande kuni yaikota gusu ushike pa nisa,
Nei ambe anak ne Aa topaha koro Ehoba,
En esapane Kamui, ku goro Kamui, E koro yange set ne ruwe ne.
4E kot chisei ta oshiroma utara anak ne anunuke ne:
Ramne to nei utara anak ne E koiramye na. [Sera.]
5E oshiketa kiroro koro gurʼanak ne anunuke ne;
Shinuma koro keutum ta nei para-ru an ruwe ne gusu ne na.
6Nei utara Chish pinnai kush wa wakka purupuruge-i ne kara;
Ruwe newa, aro-tunash apto anak ne nunuke ambe ani kamure ruwe ne.
7Kiroro wano kiroro pakno nei utara paye,
Pishno pishno Zion otta an Kamui kotchaketa araki ruwe ne.
8Aa topaha koro Kamui ne Ehoba, ku ki inonno-itak nu wa en kore:
Aa Yakob koro Kamui ikokanu wa en kore. [Sera.]
9Aa chikoro kikhumbe ne Kamui, ingara yan,
E koro kashi-aota guru koro nanuhu orun ingara.
10Shine toho uturu E kot chisei ta an i anak ne wan hotne to kasu no pirika ruwe ne.
Wen-buri an kash otta oshiroma kasu no
Ku goro Kamui kot chisei apa pungine a-i ku konoburu ruwe ne.
11Inambe gusu ne yakun, Ehoba ne Kamui anak ne chup ne, kikhumbe ne ruwe ne:
Ehoba anak ne irenga newa nupeki koropare kusu ne:
Oupeka no apkash utara gusu nep pirikap ne yakka koropare kusu ne ruwe ne.
12Aa topaha koro Ehoba,
E otta eyaikopashte gurʼanak ne anunuke ne ruwe ne.
ទើបបានជ្រើសរើសហើយ៖
Iyohaichish 84: AINU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© British and Foreign Bible Society 1897, 2018