Iyohaichish 78
78
78. Iyohaichish.
Asap kara Maskir.
1AA ku goro utara, ku epakashnu ambe inu yan: Ku paro orowa no san itak otta kisara atte yan.
2Paro ku maka wa itak-maukushte itak ku sange kusu ne;
Fushkotoita kunne okaibe ku itak kusu ne:
3Nei okaibe chi nu wa chi eraman,
Chikoro ekashi utara anak ne nei ambe un nure nisa ruwe ne.
4Koro poho utara otta shomo nei ambe chi nuina,
Ek kusu ne ikiri orota Ehoba ramye ambe nure,
Shinuma koro kiroro newa iki ikip nure kusu ne na.
5Shinuma anak ne Yakob orota paweteshu ki,
Israeru otta tuitak atte,
Nei ambe anak ne chikoro ekashi kashpaotte wa,
Koro poho utara otta nure kuni gusu an ambe ne.
6Tambe anak ne ek kusu ne ainu ikiri okaketa ashikore poho utara eraman kuni gusu an ambe ne;
Nei utara hopuni wa koro poho otta nure kuni gusu ne na:
7Nei utara Kamui echipachipa hine,
Kamui iki ikip shomo oira,
Koroka, Shinuma koro ikashpaotte shikkashima kuni gusu an ambe ne:
8Orowa, koro ekashi nei no
Itakkashi newa okbare utara shomo ne;
Keutum etoko-oiki shomoki ikiri,
Kon ramat Kamui teksamata utumashire utara shomo ne kuni an ambe ne.
9Epraim koro poho utara anak ne eshipopkep koro wa ku ani wa okai, awa,
Tumi an toho ta hoshippa nisa ruwe ne.
10Nei utara anak ne Kamui uitaknup shomo shikkashima,
Shinuma koro tuitak otta apkash kuni kopan nisa ruwe ne;
11Shinuma iki ambe oira,
Otta anukare Shinuma iyokunnure ikip oira nisa ruwe ne.
12Nei utara koro ekashi shik-samata Shinuma anak ne iyokunnure ambe ki,
Echipt moshiri newa Zoan nup otta aki nisa ruwe ne.
13Shinuma atui pereba wa nei utara kushte nisa;
Epunipushbe nei no wakka ashte nisa.
14Shui, tokap-to ta nishkuru ari nei utara ani,
Orowa, ramne anchikarata abe nipek ari ani nisa ruwe ne.
15Nup otta Shinuma watara pereba,
Orowa, ooho-i orowa no korachi nuye an no wakka koropare nisa ruwe ne.
16Watara wano nai hetukure,
Pet korachi wakka sange nisa ruwe ne.
17Yakka, nei utara anak ne Shinuma epeka no chikokatpak an,
Nup otta Iyotta Rikunbe epeka no okbare nisa ruwe ne.
18Orowa, ibeporore ki hine kam koramkoro gusu,
Koro keutum ta Kamui koramnukan nisa ruwe ne.
19Ruwe un, nei utara anak ne Kamui ohaigekara;
Kamui anak ne nup otta aep etokooiki eashkai ya? ari itak.
20Ingarʼan, Shinuma watara shirikik,, awa, wakka hetuku nisa,
Nai anak ne ika nisa ruwe ne;
Shinuma anak ne aep ne yakka koropare eashkai ya?
Koro utara gusu kam etoko-oiki kusu ne ya?
21Tambe gusu, Ehoba nu wa irushka:
Yakob epeka no abe aare,
Israeru epeka no irushka ambe ne yakka hetuku nisa ruwe ne;
22Nei utara anak ne Kamui eishokoro shomoki,
Shinuma koro kashiobiuki-hi shomo eyaikopashte nisa ruwe ne gusu ne na.
23Yakka, Shinuma anak ne rikta an nishoro kashpaotte wa,
Kando apa maka nisa ruwe ne.
24Ibe gusu manna rapte wa,
Kando wano amam koropare nisa ruwe ne.
25Obitta no okai utara anak ne kiroro-unbe koro aep ibe nisa:
Akiroro pakno aep koropare nisa ruwe ne.
26Kando ta ochupka un rera ashte,
Orowa, koro kiroro ani pikata rera honoyere nisa ruwe ne.
27Koponchi nei no nei utara kata kam ashte nisa,
Atuisam ota korachi tekkup-ush chikap atte nisa ruwe ne:
28Aige, nei utara reushi kuni kash an ushiketa,
Koro oshiroma ushike okari ashte nisa ruwe ne.
29Tambe gusu, nei utara ibe wa akironnure;
Awa, Shinuma anak nei utara ibeporore wa kon rusui korachi kore nisa ruwe ne.
30Nei utara koro ibeporore ambe naa isam etokota,
Kam anak ne koro paroho otta an rapoketa,
31Nei utara epeka no Kamui irushka wa,
Iyotta mimush utara ronnu,
Israeru un upen utara ronnu nisa ruwe ne.
32Yakka nei utara naa katpak ki,
Aige, Shinuma iki iyokunnure ambe shomo eishokon nisa ruwe ne.
33Tambe gusu, raka isam no Shinuma anak ne nei utara koro toho isamka,
Ishitomare wa nei paha isamka nisa ruwe ne.
34Shinuma anak ne nei utara ronnu ita aepishi, aige:
Hoshippawa earikinne Shinuma hunara nisa ruwe ne.
35Orowa, Kamui anak ne koro Watara ne sekoro nei utara eshikarun,
Iyotta Rikun Kamui anak ne nei utara gusu an kikirayep ne sekoro eshikarun nisa ruwe ne.
36Koroka, paroho ani Shinuma panore,
Parumbe ani Shinuma orun shunge ki nisa ruwe ne.
37Shinuma epeka no koro keutum autumashire,
Shinuma koro uitaknup gusu son no ambe ki shomoki nisa ruwe ne.
38Koroka, Shinuma anak ne rampokiwen ani eshik gusu, koro wen-buri tusare hine shomo ushtekka:
Ruwe un, kanna kanna Shinuma anak ne koro kinra-karape shishire wa
Koro irushka-hi shomo atte nisa ruwe ne.
39Aige, nei utara anak ne ouse kam ne sekoro Shinuma eshkarun nisa;
Paye wa shomo kanna ek rera korachi ne ruwe ne, sekoro eshkarun nisa ruwe ne.
40Hempak shui nup otta Shinuma eokbare humi!
Hempak shui nitai-sak ushiketa Shinuma oknatare humi!
41Orowa, nei utara hosari wa Kamui koramnukara,
Israeru un utara koro Ashkannep irushkare nisa ruwe ne.
42Nei utara anak ne Shinuma koro teke shomo eshkarun nisa,
Orowa, epokbap orowa no kikiraye toho shomo eshkarun nisa ruwe ne.
43Echipt moshirʼotta Shinuma atte shirosh,
Zoan nup otta Shinuma iki iyokunnure ambe shomo eshkarun;
44Shinuma anak ne nei utara koro pet ani kem ne itasare nisa,
Nai ne yakka nei no aki gusu iku eaikap nisa ruwe ne.
45Shinuma mosh topaha sange wa nei utara aibe;
Otereke-ibe sange wa nei utara isamka nisa ruwe ne.
46Shui, nei utara gusu an toi orumbe ikombap otta koropare,
Koro iki ikip patta otta koropare nisa ruwe ne.
47Kaukau ani koro hat pungara shumumgere,
Poro kaukau ani sikar chikuni isamka nisa ruwe ne.
48Kaukau otta koro chikoikip koropare nisa,
Seisek onishboso otta koro chikoikip topa koropare nisa ruwe ne.
49Nei utara kashiketa Shinuma anak ne koro irushka niwenbe omare nisa,
Irushka ambe hene, kinrakarape hene, yairamhekomo ambe hene,
Wen auitekbe kashi-omare nisa ruwe ne.
50Koro irushka-hi gusu Shinuma anak ne ruhu kan nisa;
Rai-hi orowa no nei utara kon ramat shomo ohaitare nisa,
Koroka, koturuse tashum otta koro inotu koropare nisa ruwe ne;
51Orowa, Echipt moshirʼun utara koro kiyanne utara shirikik,
Ham koro kash otta okai iyotta kiroroashnup shirikik gusu:
52Koroka, hitsuji chikoikip ani korachi Shinuma anak ne yaikota koro utara ani,
Awa, chikoikip topaha nei no nup otta ru epakashnu nisa ruwe ne.
53Orowa, aerannakbe isam no nei utara tura guru ishitoma shomoki nisa:
Koroka, atui anak ne nei epokba utara kamure nisa ruwe ne.
54Aige, Shinuma koro Ashkanne kotan pakno,
Koro, shimontek ani ehok tan nupuri pakno tura nisa ruwe ne.
55Orowa, nei utara kotchake wano moshiri uirup okeuba wa,
Aeikeshkorobe ne kuni gusu rue korachi koropare,
Samata, koro kash otta Israeru un ikiri utara oshio-mare nisa ruwe ne.
56Yakka, Iyotta Rikun Kamui epeka no okbare wa koramnukara ki,
Aige, Shinuma koro ekambaktep shomo shikkashima nisa ruwe ne;
57Koroka, hosari wa koro ekashi nei no oheugep ki,
Nei utara anak ne wen ku nei no henoye nisa ruwe ne.
58Koro ri ushike ani Shinuma irushkare,
Akara potoki ani Shinuma ikoitupare nisa ruwe ne gusu ne na.
59Kamui tap ambe nu chiki irushka,
Shi no Israeru un utara etunne nisa ruwe ne:
60Tambe gusu, Shinuma anak ne Shiro un kash emaka,
Utara tumugeta aande kash emaka nisa;
61Orowa, koro kiroroashnu utara teke apashtere,
Koro nupeki epokba utara koro teke otta koropare nisa ruwe ne.
62Samata, emush orota koro utara koropare;
Aige, koro eikeshkoro utara koirushka nisa ruwe ne.
63Ahe anak ne nei utara koro upen utara isamka;
Orowa, koro upen matne utara gusu shuke iwai gusu an shinotcha isam ruwe ne.
64Koro Kamui otta yaishieiwangere utara anak ne emush gusu hachiripa;
Awa, koro shiyompiyara shiwentep rai-chish ambe shomo ki nisa ruwe ne.
65Nei a orota Utarapa anak ne mokoro orowa no korachi mosh,
Tonoto gusu ehaukashu okirashnu guru nei no an nisa ruwe ne.
66Orowa, shinuma hetopo nei epokba utara shirikik,
Ramma pakno yainikoroshmare nisa ruwe ne.
67Orowa, Yosep koro kash emaka,
Eparim ikiri shomo numge,
68Koroka, Yuda ikiri numge,
Shinuma omap Zion nupuri numge nisa ruwe ne.
69Orowa, ri ushike nei koro ashkanne ushike kara,
Ramma pakno ashte moshiri korachi ne.
70Shui, koro uitek guru ne Dabid numge wa,
Hitsuji chikoikip topaha orowa no shinuma uk nisa:
71To-nonde matne hitsuji chikoikip oshi wano tura,
Aige, koro utara ne Yakob newa koro eikeshkoro utara ne Israeru utara ibere kuni ne tura nisa ruwe ne.
72Tambe gusu, shinuma anak ne koro keutum oupeka ambe nei no nei utara ibere;
Koro teke eashkaibe nei no epakashnu nisa ruwe ne na.
ទើបបានជ្រើសរើសហើយ៖
Iyohaichish 78: AINU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© British and Foreign Bible Society 1897, 2018