Iyohaichish 74
74
74. Iyohaichish.
Asap kara Maskir.
1AA Kamui, hemanda gusu ramma pakno un emakba ya?
Hemanda gusu E koro mimdara un hitsuji chikoikip orun E ki irushka ambe shupuya at ya?
2Fushkotoita E hok uwekari utara,
E koro aeikeshkoro kuni ikiri ne gusu an E kikiraye utara eshkarun;
Samata, Aokai oshiroma nisa Zion nupuri eshkarun wa en kore.
3Ramma pakno an akokiru ushi orun E kot chikiri puni wa en kore!
Epokba guru anak ne Ashkanne ushiketa wentoi-kantoi kokiru nisa ruwe ne.
4E eramshitnere utara anak ne E koro uwekari ta orokeweuse;
Shirosh ne gusu koro inushuyep roshki nisa ruwe ne na.
5Nitai epeka mukarushi punire
Nei no okai utara noine an.
6Awa, tane kanatuchi newa mukarushi ani
Ukoiram no nei inuye ambe obitta pereke ruwe ne.
7E koro Ashkanne ushike uhuyeka nisa;
E kon reihei oshiroma i toi pakno koatcha nisa ruwe ne.
8Koro keutum ta — Earikinne nei okaibe wende anro — sekoro itak:
Moshirʼotta okai uwekarapa chisei obitta uhuyeka wa isamka nisa ruwe ne na.
9Chikoro shirosh shomo chi nukara:
Tane uweingara guru isam ruwe ne;
Shui, hembara pakno ne ya sekoro eraman guru un tumugeta isam ruwe ne.
10Aa Kamui, hembara pakno epokba guru esapse ya?
Ramma pakno epokba guru anak ne E kon reihei koatcha kusu ne ya?
11Hemanda gusu E tekehe, E shimon tekehe poka, Aokai yoni ya?
E koro upshoro wano nei ambe etaye hine nei utara isamka wa un kore.
12Yakka, fushko wano Kamui anak ne ku moshiri Shikkashima guru ne,
Moshiri noshiketa kashiobiuki ambe iki ruwe ne.
13Aokai anak ne E koro kiroro ani atui usaraye:
Atui un poro chikoikip koro sapaha pereka nisa ruwe ne.
14Aokai anak ne Rapiatan koro sapaha humne no pereke.
Nup ta oshiroma utara koro aep ne gusu koropare nisa ruwe ne.
15Aokai anak ne wakka purupuruge i newa pesambe peruba nisa:
Ika pet satka nisa ruwe ne na.
16Tokap anak ne E korobe ne, kunne ne yakka E korope ne ruwe ne:
Aokai anak ne shiripekere newa chup kan nisa ruwe ne.
17Aokai anak ne obitta no okai moshiri epakige ande:
Sak newa mata E kan nisa ruwe ne.
18Epokba utara anak ne Ehoba esapse,
Ramat-sak utara E kon reihei koatcha nisa ruwe ne, sekoro eshkarun yan.
19E koro kusuwep kon ramat iteki kim un chikoikip orota koropare yan:
Ramma pakno iteki E koro otek sak utara oira wa en kore.
20E koro uitaknu ambe orun ingara:
Moshiri kunne i anak ne niwenbe oshiroma-i ani aeshik ruwe ne gusu ne na.
21Aeramunishte utara iteki ayainikoroshma wa hoshippa kuni ne kara wa en kore,
Otek-sak newa irapokkari utara E kon reihei koireika kuni ne kara wa en kore.
22Aa Kamui, hopuni wa yaikota koro orushpe gusu itak sange wa en kore:
To ebitta ramat-sak guru anak ne E esapse sekoro eshkarun yan.
23E eramshitnere utara koro hawe iteki oira wa en kore.
E epokba gusu hopumba utara ki sakayo ramma hopuni ruwe ne na.
ទើបបានជ្រើសរើសហើយ៖
Iyohaichish 74: AINU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© British and Foreign Bible Society 1897, 2018