Iyohaichish 64

64. Iyohaichish.

Shinotcha esapane guru gusu. Dabid kava Iyohaichish.

1AA Kamui, ku keutum ku sange ita, ku goro hawe nu wa en kore:

En epokba utara ku ishitoma gusu ku inotu koshiratki wa en kore.

2Irarape iki utara nuina no iki ukoramkor-i orowa no en ohaitare wa en kore;

Wen-buri iki utara sakayo gusu en kashiobiuki wa en kore:

3Nei utara anak ne emush korachi koro parumbe eenka nisa,

Shiu itak nepkoro an ai eoshikpekare nisa:

4Nuina no an ushiketa okai wa aeramushinne utara orun ak:

Ekushkonna ai-eroski bine ishitoma shomoki ruwe ne.

5Wenbe iki kuni esanniyo wa yaitumashnure;

Nuina no akbe are kuni ramepakari;

Aige, un nukara guru nen ne ruwe he an? sekoro itak.

6Wen-buri ewenoshikoro wa aesanniyop ki okere:

Orowa, nei utara pishno koro onnaige koro sambe ooho ruwe ne.

7Koroka, Kamui anak ne nei utara orun ak kusu ne;

Ekushkonna ai ani nei utara piri-ao kusu ne na.

8Orowa, yaikota koro parumbe ani aeyaieiyonnuppa wa aureepetchiure kusu ne:

Nei ambe nukara utara obitta sapa shuyeshuye kusu ne na.

9Orowa, utara obitta ishitoma kusu ne:

Aige, Kamui ki ikip assuru ashte wa,

Shinuma iki ambe wayashnu no esanniyo kusu ne na.

10Oupeka utara anak ne Ehoba gusu yainuchattek wa orun eyaikopashte kusu ne;

Orowa, keutum oupeka utara anak ne nupetne kusu ne na.

ទើបបានជ្រើសរើសហើយ៖

Iyohaichish 64: AINU

គំនូសចំណាំ

ចែករំលែក

ចម្លង

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល

ខគម្ពីរពេញនិយមពី
Iyohaichish 64