Iyohaichish 60
60
60. Iyohaichish.
Shinotcha esapane guru gusu; Shushan otta: Epakashnu gusu, Dabid karape Miktam: Aram-maha-raim newa Aram-zoba ukotumikoro, orowa, Yoab hoshipi wa Shippo pinnai ta shine ichi man nin ne ainu ikashima ni sen nin ne ainu ronnu ita akarape.
1AA Kamui, Aokai anak ne un emakba nisa, un kaye nisa ruwe ne;
Aokai irushka; awa, Shui un iwangere wa en kore.
2Aokai anak ne toitoi tusushkere nisa; nei ambe yasa nisa ruwe ne:
Nei makke ushike iwangere wa un kore, shuyeshuye ruwe ne gusu ne na.
3Aokai anak ne E koro utara otta hokambap nukare nisa:
Tutturusere kuni tonoto un ikure nisa ruwe ne.
4E ko-ishitomo utara otta Aokai anak ne inushuyep koropare nisa ruwe ne,
Nei ambe anak ne E koro sonep gusu aroshki kuni gusu an ap ne. [Sera.]
5E koro aomap an guru aohaitare kuni ne,
E koro shimon teke ani kashiobiuki hine en orun ese wa en kore.
6Kamui anak ne koro turu-sak-i ta an wa itak; En ramuritetkere,
Shekem kotan ku eimek kusu ne,
Shui, Sukkot pinnai ku pakari kusu ne na.
7Giread anak me ku konobe ne, Manasse ne yakka ku korope ne,
Epraim ka ku sapaha kikikarabe ne;
Yuria anak ku goro esapane mondum gusu an kanni ne ruwe ne,
8Moab anak ne ku goro yashke patchi ne;
Edom kata ku keire ku osura;
Aa Piristia, kuani gusu, hawe ashte yan.
9Nei tumashnu machiya orun en tura guru nen ne ruwe?
Edom otta en tura nisa guru inan guru ne ruwe he an?
10Aa Kamui, Aokai anak ne un emakba shomoki ruwe he an?
Aa Kamui, shui, chikoro topaha tura shomo Aokai paye ruwe he an?
11Un epokba guru gusu un ikashiu wa un kore:
Ainu kashiobiuki ambe anak ne raka sakbe ne ruwe ne gusu ne na.
12Kamui ankushkeraipo gusu rametok no chi ki kusu ne:
Inambe gusu ne yakun, Shinuma anak ne un epokba utara otereke kusu ne gusu ne na.
ទើបបានជ្រើសរើសហើយ៖
Iyohaichish 60: AINU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© British and Foreign Bible Society 1897, 2018