Iyohaichish 57

57
57. Iyohaichish.
Shinotcha esapane guru gusu; Ar-tashhet otta. Sauros orowa no nei poru orun hira ita, Dabid karape.
1AA Kamui, en erampokiwen wa en kore, en erampokiwen wa en kore;
Ku ramat anak ne E orun yainuina ruwe ne gusu ne na:
Ruwe un, tan wenbe isam pakno,
E koro tekkup sempiriketa ku yainuina kusu ne na.
2Iyotta rikun Kamui otta hawe ku ashte kusu ne;
En gusu okaibe iki Kamui otta en hawe ashte kusu ne na.
3En kosakayokara guru en ruki rusui ita anak ne Shinuma kando wano teshkara wa en kashiobiuki kusu ne; [Sera.]
Kamui anak ne koro omap-an-ramuhauge-i newa sonep sange kusu ne na.
4Ku ramat anak ne shishi tumugeta an;
Uhuye wa okai utara tumugeta ku hotke,
Nei utara anak ne Ainu poho ne, aige, koro nimaki op newa ai ne,
Koro parumbe een emush ne ruwe ne.
5Aa Kamui nishoro kashita yairikande yan;
Moshirʼebitta kashita E koro nupeki ashte wa en kore.
6Nei utara anak ne ku chikiri gusu ya etoko-oiki nisa;
Ku ramat anak ne ahotkure:
Nei utara en kotchaketa shui ohori;
Awa, yaikata nei oshiketa hachiri nisa ruwe ne na. [Sera.]
7Aa Kamui, ku keutum atte wa an, ku keutum atte wa an:
Shinotcha ku ki kusu ne, ruwe newa, ramye shinotcha ku ki kusu ne na.
8Ku nupeki, mosh yan; iyohaichish rektep newa koto, mosh yan:
Kuani yaikata ara tunashino ku mosh kusu ne na.
9Aa Utarapa, utara tumugeta E ko-yaiiraige ash na:
Moshiri uirup tumugeta ramye shinotcha E orun ku ki kusu ne na.
10E koro rampoken kando pakno porope ne.
E koro sonep nishoro pakno an ambe ne.
11Aa Kamui, nishoro kashita yairikande yan;
Moshirʼebitta kashita E koro nupeki ashte yan.

ទើបបានជ្រើសរើសហើយ៖

Iyohaichish 57: AINU

គំនូស​ចំណាំ

ចែក​រំលែក

ចម្លង

None

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល