Iyohaichish 135
135
135. Iyohaichish.
1YAH ramye yan.
Ehoba kon reihei ramye yan;
Ehoba koro uitek utara shinuma ramye yan.
2Ehoba kora kenru ta roshki utara,
Chikoro Kamui kora kenru mimdara ta roshki utara Shinuma ramye yan.
3Yah ramye yan, Utarapa pirika ruwe ne gusu ne na:
Shinuma kon reihei otta iramye shinotcha ki yan; nei ambe anak ne pirika ruwe ne gusu ne na.
4Yah anak ne yaikota gusu Yakob numge nisa,
Orowa, koro nupurupe ne kuni gusu Israeru numge nisa ruwe ne.
5Ehoba anak ne pase ne,
Obitta no okai Kamui kasu no pase ruwe ne, sekoro ku eraman ruwe ne gusu ne na.
6Kando newa toi otta ne yakka, atui newa obitta no okai ooho-i otta ne yakka
Ehoba anak ne koro keutum rengaine nep ne yakka ki nisa ruwe ne.
7Moshiripa wano moshirigesh wano Shinuma anak ne paha rikinde;
Apto gusu Shinuma imeru kara;
Koro pu wano rera oashinge ruwe ne.
8Shinuma anak ne Echipt ta okai kiyanne guru,
Ainu ne yakka chikoikip ne yakka shirikik nisa.
9Aa Echipt, Shinuma anak ne e tumugeta shirosh newa iyokunnurep sange,
Parao newa koro uitek utara kata nei no ki nisa.
10Shinuma inne moshiri uirup shirikik,
Orowa, okirashnu moshiri esapane utara ronnu nisa ruwe ne.
11Amor un utara shikkashima Sihon,
Bashan un utara shikkashima Og,
Samata, Kanaan moshiri ta ohitta no okai uirup shirikik nisa ruwe ne na:
12Orowa, Shinuma nei utara koro moshiri aeikeshkoro gusu kore,
Koro utara ne Israeru un utara eikeshkoro nisa ruwe ne.
13Aa Ehoba, E kon reihei ramma pakno an;
Aa Ehoba, otusashuishri pakno utara E eshkarun ruwe ne na.
14Ehoba anak ne koro utara koipishi kusu ne,
Orowa, koro uitek utara gusu yaikoshiramshuiba kusu ne na.
15Utara koro potoki-noka anak ne shirokani newa kongani ne,
Ainu teke ani a kan ruwe ne.
16Nei okaibe paro koro koroka shomo itak;
Shikihi koro, koro ingara eaikap;
17Kisara koro, koroka, shomo nu,
Shui, kon netobake ta heisepa isam ruwe ne.
18Nei okaibe kara utara nei ambe aukoherayere kusu ne;
Ruwe un, nen ne yakka nei okaibe otta eyaikopashte guru ene ani ne kusu ne:
19Aa Israeru chisei un utara, Ehoba ramye yan:
Aa Aaron chisei un utara, Ehoba ramye yan.
20Aa Rebi chisei un utara, Ehoba ramye yan;
Ehoba koishitoma echi utara, Utarapa ramye yan.
21Zion wano Ehoba ramye yan,
Shinuma Yerusarem kotan ta oshiroma ruwe ne.
Yah ramye yan.
ទើបបានជ្រើសរើសហើយ៖
Iyohaichish 135: AINU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© British and Foreign Bible Society 1897, 2018