Iyohaichish 115
115
115. Iyohaichish.
1UN orun shomo ne Aa Ehoba, un orun shomo ne,
Koroka, E koro rampoken gusu, E koro sonep gusu,
E kon reihei orun iramyere yan.
2Nei utara koro Kamui hunakta an? ari an itak ani,
Hemanda gusu moshiri uirup ye ya?
3Koroka, chikoro Kamui anak ne kando otta an:
Nep ne yakka Shinuma ki rusuibe aki nisa ruwe ne.
4Nei utara koro potoki anak ne shirokani newa kongani ne.
Ainu teke ani akarape ne ruwe ne.
5Nei ambe paroho koro, koroka, itak eaikap;
Shikihi koro, koroka, ingara eaikap ruwe ne;
6Kisaraha koro, koroka, nu eaikap;
Etuhu koro, koroka, hura nu eaikap ruwe ne;
7Teke koro, koroka, okaibe tomooshma eaikap;
Chikiri koro, koroka, apkash eaikap ruwe ne;
Shui, rekuchi wano itak hawe sange eaikap ruwe ne na.
8Nei okaibe kara utara anak ne nei ambe koheraye ruwe ne,
Ruwe un, otta nen ne yakka eyaikopashte guru ne yakka ene ani ne ruwe ne.
9Aa Israeru un utara, Ehoba eyaikopashte yan:
Shinuma anak nei utara koro ikashuibe ne, koro tam-kikhumbe ne ruwe ne.
10Aa Aaron chisei un utara, Ehoba eyaikopashte yan:
Shinuma anak nei utara koro ikashuibe ne, koro tam-kikhumbe ne ruwe ne.
11Ehoba koishitoma echi utara, Ehoba eyaikopashte yan:
Shinuma anak nei utara koro ikashuibe ne, koro tam-kikhumbe ne ruwe ne.
12Ehoba un eshkarun nisa; Shinuma un nunuke kusu ne:
Shinuma Israeru chisei un utara nunuke kusu ne;
Shinuma Aaron kot chisei nunuke kusu ne na.
13Shinuma anak ne Ehoba koishitoma utara
Porobe ne yakka ponbe ne yakka nunuke kusu ne.
14Ehoba anak ne echi utara ne yakka echi koro poho utara ne yakka
Naa naa innere kusu ne.
15Kando newa toitoi kara
Ehoba koro echi utara anak ne anunuke ne.
16Kando newa kando un kando anak ne Ehoba korope ne;
Koroka, Shinuma anak ne utara koro poho otta toitoi koropare nisa ruwe ne.
17Bai guru anak ne Yah koiramye shomoki,
Shui, mo an ushike orun rap utara shomo Shinuma ramye ruwe ne;
18Koroka, chi utara anak ne tewa no ramma pakno Yah koiramye kusu ne.
Yah ramye yan.
ទើបបានជ្រើសរើសហើយ៖
Iyohaichish 115: AINU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© British and Foreign Bible Society 1897, 2018