Iyohaichish 104

104
104. Iyohaichish.
1AA ku kon ramat, Ehoba ramye yan.
Aa ku koro Ehoba ne Kamui, Aokai anak ne shiri pase ruwe ne;
Aoripakbe newa nupeki ani Aokai automchiure wa an na.
2Aokai anak ne amip nei no pekere ani yaimire;
Puyara otbe korachi kando kotoro shipiraspare ruwe ne:
3E koro tumbu oma umangi ni wakka otta aande;
Nishkuru anak ne koro nishinda ne akara;
Bera tekkup kata apkash ruwe ne:
4Bera ani uitekbe ne akara;
Koro yaishieiwangere utara paraparase abe ne:
5Ramma pakno iteki moimoyege kuni ne,
Moshiri asamaha ande nisa ruwe ne.
6Aokai anak ne amip ani korachi ooho-i ari nei ambe kamure;
Wakka anak ne nupuri kashita roshki nisa ruwe ne.
7Aokai kosakayokara ita nei ambe kira;
E koro Kamui hum hawe gusu nei ambe chashnu no paye wa isam;
8Nupuri kari nei ambe rikin, pinnai kari rap nisa ruwe ne,
Aokai kara ushike orun paye nisa ruwe ne.
9Nei ambe shomo kush kuni Aokai anak ne uturu-ushi ande;
Iteki kanna-shui moshiri kamu kuni akan na.
10Pinnai otta Shinuma anak ne wakka purupurugere;
Iworʼotta nei ambe paye ruwe ne na.
11Nup otta obitta no okai chikoikip gusu iku ambe ne;
Kimta okai roba nei ambe iku ruwe ne.
12Nei samaketa rik kush chikap oshiroma wa,
Ni-tek tumta hau kon ruwe ne.
13Shinuma anak ne koro kenru orowa no nupuri teineka:
Toitoi anak ne E ki ikip gusu eramushinne ruwe ne.
14Chikoikip gusu Shinuma anak ne mun shipiraspa,
Ainu monraige gusu haru hetukure;
Nei ambe anak ne toitoi wano aep sangere kuni gusu an ap ne:
15Shui, Ainu keutum ritetkere tonoto,
Koro nanuhu hererushte shum,
Orowa, ainu sambe tumashnure aep sangere ruwe ne.
16Ehoba koro chikuni eramushinne;
Shinuma etoita Rebanon un kokaku chikuni ene ani ne;
17Chikap anak ne nei ni kata set kara;
Sarorun chikap gusu anak, hup ni shinuma kot chisei ne ruwe ne.
18Ri nupuri anak ne kim un yangi gusu an ap ne;
Watara ushbe anak ne isepo gusu an numne-ushi ne.
19Unpa gusu Shinuma kunne chup are:
Tokap chup anak koro ahun-i eraman.
20Aokai anak ne kunne-i kara, orowa anchikara ne;
Nei rapoketa nitai un chikoikip obitta apkash ruwe ne.
21Upen shishi anak ne koro aep gusu hawe ashte wa
Kamui otta koro aep hunara ruwe ne.
22Chup hetuku, orowa no nei okaibe paye wa,
Koro chisei ta hotke.
23Aige, ainu anak nepki gusu arupa.
Onuman pakno koro monraige ki ruwe ne.
24Aa Ehoba, E ki ikip nep inne humi!
Wayashnu no Aokai obitta kan nisa:
Moshiri anak ne E korobe ani eshik ruwe ne.
25Toanda anak ne atui an, poro newa sep,
Nei oshiketa reye okaibe shiri inne ruwe ne,
Poro chikoikip newa pon chikoikip newa okai ruwe ne na.
26Nei kata chip paye;
Otta shinot gusu e kara nei poro Repiatan okai ruwe ne.
27Nei okaibe anak ne pakihi epa ita ae kuni aep uk gusu.
Aokai otta eyaikopashte ruwe ne.
28Aokai kore okaibe nei ambe uina;
E koro tekehe E pirasa chiki pirikap gusu eramushinne ruwe ne.
29E nanuhu E nuina yakne nei okaibe yairamkoiki;
Koro heisei mawe E uk koro rai,
Aige, koponchi ne ruwe ne.
30Aokai anak ne ramat sange, orowa, nei okaibe akara;
Toitoi kurukashi Aokai ashinno kan ruwe ne.
31Ehoba araguru otusashuishiri pakno an;
Koro ki ikip gusu Ehoba nupetne kusu ne:
32Shinuma moshiri orun ingara, aige, nei ambe tusushke;
Shinuma nupuri tomooshma, orowa, shupuya at ruwe ne.
33Ku ishu pakno Ehoba otta shinotcha ku ki kusu ne:
Ku an pakno ku goro Kamui ku iramye kusu ne na.
34Ku yaikoshiramsei-i anak ne Shinuma gusu shisakbe ne:
Ehoba otta ku nupetne kusu ne na.
35Katpak-ki utara moshiri wano aisamka,
Wen utara te wa isam kuni ne ki wa un kore.
Aa ku kon ramat, Ehoba ramye yan.
Yah reika yan.

ទើបបានជ្រើសរើសហើយ៖

Iyohaichish 104: AINU

គំនូស​ចំណាំ

ចែក​រំលែក

ចម្លង

None

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល