Iyohaichish 102
102
102. Iyohaichish.
Otek-sak no ramu-rai wa Ehoba otta koro keutum sange ita eiwange gusu an inonno-itak.
1AA Ehoba, ku ki inonno-itak nu wa en kore,
Ku ashte hawe E orun arakire wa en kore.
2Ku yairamkoiki toho ta iteki E nanuhu seshke:
En orun e koro kisaraha itutanure wa en kore;
Hawe ku ashte toho ta chashnu no nu wa en kore.
3Ku toho anak ne shupuya nei no nin wa isam,
Abe-kes korachi ku pone anak ne uhuyeka ruwe ne gusu ne na.
4Mun korachi ku sambe ashirikik wa shumumge;
Aep ibe kuni ku oira ruwe ne gusu ne na.
5Nuwap ki hawe ku ashte gusu
Ku pone anak ne ku kamihi otta kotuk ruwe ne,
6Nup otta okai chipta-chikap ukorachi ku ne;
Nitai-sak ushiketa an ahunrasambe nei no ku an ruwe ne na.
7Shiruwe ku ki wa, chisei kitaigeta an
Shinep ne po an amam-e-chikap korachi ku ne ruwe ne.
8To ebitta en epokba utara en esapse;
En etunne utara en gusu iyoitakushi ki ruwe ne.
9Aep korachi uina ku ibe nisa,
Ku chish nupe iku ambe tura ukopoyege ruwe ne.
10Aokai kinrakara wa irushka gusu nep ne:
Aokai en uk wa en osura nisa ruwe ne gusu ne na.
11Ku toho anak ne nin korʼan kurihi korachi ne;
Mun korachi ku shumumge ruwe ne na.
12Koroka Aokai anak, Aa Ehoba, ramma pakno rok;
E koro aeshkarunbe otusashuishiri pakno an ruwe ne.
13Aokai anak ne hopuni wa Zion erampokiwen wa kore kusu ne;
Shinuma orun irenga kore pakihi tane an, ruwe un, nei epa kuni pakihi ek wa an ruwe ne gusu ne na.
14E koro uitek utara anak ne shinuma koro shuma enupetne,
Orowa, shinuma koro koponchi gusu irenga sange ruwe ne gusu ne na.
15Tambe gusu, moshiri uirup utara anak ne Ehoba kon reihei koishitoma,
Obitta no okai moshiri shikkasbima utara anak ne E koro nupeki koishitoma kusu ne na.
16Ehoba anak ne Zion kanna kara,
Koro nupeki otta yainukare nisa;
17Otek-sak guru ki inonno-itak nu,
Koro inonno-itak shomo etunne nisa ruwe ne.
18Tambe anak ne ek kusu ne ainu ikiri gusu anuye kusu ne:
Orowa, akara kusu ne uirup YAH koiramye kusu ne na.
19Shinuma anak ne koro ashkanne ri ushike wano herashi ingara;
Kando wano Ehoba anak ne moshiri nukan nisa ruwe ne gusu ne na;
20Ipakashnu chisei ta an guru ki tanne heisei nu;
Aronnu kuni aesanniyo utara honnere gusu aki na;
21Tambe anak Zion oshiketa Ehoba kon reihei assuru ashte,
Yerusarem ta Shinuma ramye kuni gusu an ambe ne;
22Nei ambe anak ne Ehoba otta yaishieiwangere gusu,
Utara newa moshiri uirup utara uwekarapa ita aki kusu ne na.
23Shinuma anak ne ru hontomota ku kiroro shirikirapte;
Ku toho taknere nisa ruwe ne.
24Ene ku itak-hi, Aa ku goro Kamui, ku toho tumuge wano iteki en uk:
E paha anak ne otushashuishiri wano otusashuishiri pakno an ambe ne.
25Fushkotoita Aokai anak ne moshiri asamaha ande nisa;
Orowa, kando ne yakka E tekehe karape ne ruwe ne.
26Nei ambe isam kusu ne, koroka, Aokai anak ne an kusu ne:
Ruwe un, nei okaibe obitta amip korachi fushko ne;
Amip korachi Aokai anak ne nei ambe itasare kusu ne, aige, nei ambe aitasare kusu ne na:
27Koroka, Aokai anak ne ramma ukorachi ne,
Orowa, E paha anak ne aokere shomoki kusu ne na.
28E koro uitek utara koro poho ramma okai,
Nei utara koro sanikiri E tek-samata aare kusu ne na.
ទើបបានជ្រើសរើសហើយ៖
Iyohaichish 102: AINU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© British and Foreign Bible Society 1897, 2018