Apostoro ikip oma kambi 24
24
24 Ik.
1Orowa, ashikne to okaketa Kamui kora kenru iyotta pase esapane guru Ananias anak ne okai ekashi utara newa Terturros ari an reihei koro shine pawetok koro guru tura ran; aige, Pauros gusu esapane guru kotchaketa eiyonnuppa nisa ruweme. 2Orowa, shinuma atak yakun, Terturros eiyonnuppa itak heashire hine ene itak-hi :—
Iyotta aeoripak an Ferik, aokai an gusu chi utara anak ne itomo an no okai, samata, e ankushkeraipo tan uirup aepirikare wa an na, tambe gusu neita 3pakno newa ne yakka shi no koyaiiraige ash ruwe ne. 4Koroka, iteki naa kuani e eshingere ash kuni ne, nekon a ka un eramuhaugere wa kore hine, pon no chi ye itak gusu nu kuni iyekarakara gusu akoramkon na. 5Inambe gusu ne yakun, anukarʼhike tan wen ikiyap anak ne ingi moshiri ta okai Yudea un utara obitta no tumta sakayo hopunire gun ne, Nazaret kotan un utara koro epakashi oma utara esapanep ne: 6shinuma anak ne Kamui kora kenru poka otereke kuni aramu: a koroka, chi utara shinuma shikkashima nisa ruwe ne: 8aine, aokai yaikota shinuma koipishi yakun, gusu chi eiyonnuppa obitta no okai orushpe shinuma paro orowa no eramu eashkai kuni aramu ruwe ne na, ari itak. 9Nei Yudea un utara ne yakka tura no eiyonnuppa ki wa, nei orushpe ene ani ne sekoro ye nisa ruwe ne.
10Orowa, itak kuni ne shinuma orota nei esapane guru nishuk yakun, Pauros ene ese-hi:—
Aokai anak ne inne paha uturuta tan moshiri uirup koipishi ambe ku eraman gusu, yaikopuntek no yaikikikara kuni itak ku ye ruwe ne: 11ouse tutko ikashima wan to patek etokota kuani inonno-itak ki gusu Yerusarem kotan ta ku hemesu ambe ku eramande ash na: aige, 12Kamui kora kenru ta ainu tura eukoyupekere hemhem ki topaha sakayore hemhem ki, samata, uwekarapa chisei ta hene machiya ututta hene nei no ku ki-hi shomo a en nukan na. 13Orowa, tane ani a en eiyonnuppa orushpe nei utara sonnere eaikap ruwe ne. 14Koroka, tambe e orun ku eyaipushi ash na, tuitak an nei no uweingarape kata chieshinnuye wa an okaibe obitta no ku eisbokoro koroka ohoge an ambe ari teda okai utara esanniyo Ruhu korachi kuani chikoro ekashi koro Kamui otta ku yaishieiwangere ruwe ne: 15aine, teda okai utara ne yakka yaikota etere wa okai oupeka utara ne yakka oupeka-sak utara ne yakka hetopo-a-shiknure kuni ambe Kamui gusu ku chipachipa ash ruwe ne. 16Tap okaibe gusu poka ramma Kamui epeka no me yakka ainu epeka no ne yakka ureepetchiu isam no an keutura ku koro kuni ne yaikota ku ikichi ruwe ne na. 17Awa, an paha okake an koro eungeraitep newa ayange kunip ku goro uirup otta yange gusu ku ek nisa ruwe ne: aige, 18tap ambe ku ki wa Kamui kora kenru ta yai-turusakte wa an wa tap topaha utara tura no shomo ne, shui, sakayo ne yakka shomo ku ki no an rapoketa-heta tan utara en nukan nisa: koroka, Asia wa no okai Yudea un utara an, — 19Nei utara en gusu eiyonnuppa ika koro yakun tane e kotchaketa okai kuni kusu ne utara ne ruwe ne. 20Shomo ne yakun, nei ukoramkor-i kotchaketa ku ash rapoketa nep wen-buri ku ki kuni anukara ya teda okai utara ayere yak pirika na, 21isama ne chiki, nei utara tumugeta ku ash rapoketa tan shine hawe ani hawe ku ashte ika gusu ne — Rai-i orowa hetopo-shiknu kuni ambe gusu tanto echi kotchaketa a en koipishi an na, ari itak.
22Koroka, Ferik anak ne naa tomte no nei Ruhu eraman gusu nei utara ande wa ene itak-hi — Tumi-koro utara ikiri esapane guru Rusias ran chiki, e korʼorushpe ku esanniyo kusu ne. 23Orowa, shinuma shikkashima wa eramu-haugere kuni ne, samata, koro utara shinuma otta yaishieiwangere kuni shomo hattoki kuni ne shinuma epungine Kenturion kashpaotte nisa ruwe ne na.
24Koroka, an toho okake an koro, Ferik anak ne koro machi ne Yudea un guru Drusirra tura ek hine, Pauros hotuyekara wa Kiristo Yesu gusu an eishokor-i nu nisa ruwe ne. 25Orowa, shinuma oupeka ambe gusu hemhem, yaishikkashima ambe gusu hemhem, ek kushki koipishi ambe gusu hemhem eukoyupekere rapoketa, Ferik kimatek wa ene itak-hi :— Tane gusu paye yan; pirika pakihi ku nukara wa e hotuyekara ash kusu ne na, ari itak 26Pauros anak ne shinuma otta kani koropare kusu ne kuni poka chipachipa wa an: tambe gusu, naa kanna-kanna shinuma hotuyekara wa tura no ukowepekere nisa ruwe ne. 27Koroka, tu pa auweomare chiki, Ferik shirine Porkios Festos ek wa an: aige, Yudea un utara korʼirenga kon rusui gusu, Ferik anak ne Pauros atupetupe an no ande nisa ruwe ne.
ទើបបានជ្រើសរើសហើយ៖
Apostoro ikip oma kambi 24: AINU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© British and Foreign Bible Society 1897, 2018
