Apostoro ikip oma kambi 12
12
12 Ik.
1Orowa, nei pakihigeta moshiri shikkashima guru Herod anak ne karisia un sereke utara orun wen no iki kuni gusu teke turi nisa ruwe ne. 2Orowa, shinuma Yoannes koro iriwak ne Yakob tam-eraige nisa ruwe ne. 3Awa, nei no iki wa gusu Yudea un utara anupetnere ari an ambe nukara chiki, Petros ne yakka kishima nisa ruwe ne. Nei toho anak ne pan-dane-sak-pan marapto toho ne ruwe ne. 4Orowa, akishima chiki, ipakashnu chisei ta ahunde hine, aepunginere kuni iwanbe ikashima wan tumikoro utara otta ekoshi nisa ruwe ne; awa, Kamakush marapto aokere chiki utara otta asange kusu ne kuni esanniyo nisa ruwe ne. 5Tambe gusu, Petros anak ne ipakashnu chisei ta ashikkashima wa an ruwe ne na: koroka, shinuma gusu karisia anak ne shiarikiki no Kamui otta inonno-itak ki nisa ruwe ne. 6Orowa, Herod anak ne tane shinuma sange kuni etoko-oiki ita, nei eanchikarageta Petros anak ne tumikoro utara noshikegeta hotke wa an, awa, tu kani-shinkop ani atupetupe wa an nisa ruwe ne; orowa, pungi utara anak ne ipakashnu chisei apa-kikkara wa okai nisa ruwe ne. 7Orowa, ingarʼan, Utarapa hauturumbe shinuma samaketa ash, aige, nei tumbu upshorota pekere at nisa ruwe ne: awa, shinuma Petros koro ut kashike shirikik wa mososo hine, tunashi no hopuni yan, ari an itak ani itak nisa ruwe ne. Orowa, nei kani-shinkop shinuma koro tekehe wano epichi. 8Aige, kut koro, keire eushi yan, sekoro shinuma otta nei hauturumbe ye chiki, nei no ki nisa ruwe ne na. Orowa, mipihi utomchiure wa en osh ek yan, ari an itak ani shinuma otta ye. 9Orowa shinuma esoyun oshiraiba chiki nei oshi arapa nisa ruwe ne: awa, nei hauturumbe ki arabe anak ne son no arabe ne ya aeramushkare, koroka, keutum anukarabe ne ari yainu nisa ruwe ne na. 10Orowa, shine otutanu an tu otutanu an tumbu ikiri kush okere chiki machiya otta oman kani apa koshirepa; nei apa anak rengaine makke: orowa, nei utara apa kari oshiraiba wa shine ikiri an machiya un ru kush ruwe ne; orowa, nani nei hauturumbe Petros kohoppa wa paye nisa ruwe ne. 11Orowa no, Petros anak ne yaieshkarun chiki ene itak-hi :— Tane Utarapa anak ne koro hauturumbe omande wa Herod teke wano hemhem, obitta no okai Yudea un utara chipachipa kuni ambe wano hemhem en ohaitare nisa ruwe ne, sekoro son no ka un, ku eraman ruwe ne, ari itak. 12Orowa, nei orushpe eyaikoshiramshuiba okere chiki, Markos ari an reihei koro Yoannes koro habo Maria kot chisei ta ek; nei ushiketa inne utara uwekarapa wa okai wa inonno-itak ki shiriki okai. 13Aige, shinuma anak ne ahun apa kokik chiki, Roda ari an reihei koro matkachi ahunde gusu ek. 14Awa, Petros koro hawe kiri yakun, yaikopuntek gusu apa-ushta sarare shomoki, koroka, chisei orun awekatta wa Petros anak ne apa samta ash wa an i ye nisa ruwe ne. 15Utara anak ne — Eani chiitasare wa an na ari matkachi otta itak. Koroka, shui, son no ambe ne ari shinuma ye. Shinuma koro iturumbe ne sekoro nei utara itak. 16Koroka, Petros anak ne ramma apa kokik shiri an: aige, apa sarare chiki, shinuma nukara, aine, eoyamokte ruwe ne. 17Koroka, nei utara mo no okai kuni ne shinuma kotekparuparu, aige, ipakashnu chisei wano Utarapa anak ne isoinere orushpe nure nisa. Orowa, tap orushpe Yakob newa iriwak utara nure wa en kore, ari itak. Orowa shinuma arapa wa oya ushike un oman wa isam. 18Tokap ne ko auak ne, Petros hunakta an a sekorʼan orushpe gusu tumi-koro utara tumta saure shomo ne an sakayo hopuni. 19Orowa, Herod anak ne shinuma hunara wa isam chiki, pungi utara koipishi, aine, aronnu kuni ne kashpaotte nisa ruwe ne na. Orowa, shinuma Yudea wano Kaisarea orun san wa riya nisa ruwe ne na.
20Orowa, shinuma anak ne Turos newa Sidon kotan un uirup gusu shi no irushka: aige, nei utara shine ikinne shinuma orota araki, orowa, Moshiri esapane ne guru shotki tumbu epungine guru ne Brastos ani katairotke guru ne kara chiki, itomo irenga koramkon nisa, koro kotan anak ne esapane guru koro moshiri orowa no oreshpa wa okai ruwe ne gusu ne na. 21Orowa, aesanniyo an toho ta Herod anak ne koro shiyuk amip ani yaitomchiure wa koipishi set kata a kane nei utara orota itak sange nisa. 22Awa, okai utara anak ne ehaukashu wa — Kamui hawe ne, ainu hawe shomo ne — ari itak. 23Orowa nani Utarapa hauturumbe shinuma kokik, Kamui koarakure shomoki nisa ruwe ne gusu ne na: orowa, tonin ani ae wa ramat koropare nisa ruwe ne.
24Koroka, Kamui itak anak ne shipirasa wa ainnere ruwe ne.
25Orowa, Barnabas newa Sauros anak ne gusu yaishieiwangere kuni arabe aokere chiki, Markos ari an reihei koro Yoannes tura wa Yerusarem kotan ta hekomba nisa ruwe ne.
ទើបបានជ្រើសរើសហើយ៖
Apostoro ikip oma kambi 12: AINU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© British and Foreign Bible Society 1897, 2018
