I Korintos 16
16
16 Ik.
1Tane, ashkanne utara gusu eungeraitep umomare ambe gusu, Garatea un karisia utara otta ku ikashpaotte korachi, 2nei no echi iki yan. Kuani ku ek ita eungeraitep iteki umomare kuni ne, echi utara pishno aeyaiepirikare an nei no mawari atpake an toho ta eumashnu yan. 3Orowa, ku ek ita, kambi ani echi numge utara, nei utara Yerusarem kotan orun echi sange eungeraitep koro wa paye kuni ku payere kusu ne: 4orowa, kuani ne yakka oman kuni oupak ne chiki, en tura no paye kusu ne na. 5Koroka, Makedonia moshiri akush okere chiki echi orota ku ek kushki; 6Makedonia moshiri ku kush kusu ne gusu ne na: koroka, echi tura no ku reushi hene, mata riya hene poka ku ki ya aerampeutek a yakka ku oman ushike echi en omande kuni gusu nep ruwe ne. 7Inambe gusu ne yakun, ouse payekai rapoke patek echi nukara ash rusui shomoki, koroka, Utarapa ramuoshma chiki, irukai echi tura no an kuni ku chipachipa ruwe ne. 8Koroka, Pentekoste pakno Epesos kotan ta ku riya kusu ne; 9inambe gusu ne yakun, en gusu poro newa iki kuni eashkai apa asarare wa an, samata, epokba utara inne ruwe ne gusu ne na.
10Temoteos ek chiki, shinuma ishitoma shomoki no an kuni kara yan; inambe gusu ne yakun, kuani poka iki korachi, shinuma ne yakka Utarapa moni iki ruwe ne: 11tambe gusu inan guru ne yakka shomo shinuma epange yak pirika. Koroka, shinuma en orun ek eashkai kuni ne, itomo an no payekaire wa en kore yan: iriwak utara tura shinuma an kuni ku chipachipa ruwe ne gusu ne na. 12Koroka, iriwak ne Aporros gusu anak, utara tura no echi orun shinuma ek kuni shiarikiki no ku onishnishi nisa ruwe ne: a koroka, tane ek kuni ambe anak ne aeaikapbe ne; yakka, eashkai ita ek kusu ne na.
13Shiruwande yan, eishokor-i atte wa nishuwamne no roshki yan, okkaiyo ramkoro yan, yaitumashnure yan. 14Nep ne yakka echi ikichi ambe anak ne omap ki gusu ikichi yan.
15Iriwak utara, (Stepanas chisei un utara anak ne Akaya moshiri un aro-ibehe ne, orosama, nei utara anak ne ashkanne utara gusu yaishieiwangere kuni gusu yaiatte nisa ruwe ne sekorʼambe echi eraman,) 16nei no okai utara otta hene, tap ikip gusu iki wa monraige pishno an guru otta hene echi itaknu kuni kuani echi onishnishi ash ruwe ne. 17Orowa, Stepanas newa Portunatos newa Akaikos hene araki an gusu ku yaikopuntek ruwe ne: inambe gusu echi utara gusu an eikohayep anak ne nei utara sange nisa ruwe ne na. 18Inambe gusu ne yakun, nei utara anak ne ku ramat ne yakka echi kon ramat ne yakka sambe shiturire nisa: tambe gusu nei no okai utara orun ramuoshma yan.
19Asia un karisia utara echi ekap na. Akiras newa Priska anak ne koro chisei ta an karisia tura poron no echi ekap na. 20Obitta no okai iriwak utara echi ekap. Ashkanne chopsekara ambe ani utashpa uwekap yan. 21Kuani ne Pauros anak ne yaikota koro teke ani echi ekap na. 22Utarapa shomo ko-omap guru an chiki, aiyoitakushi an na. 23Utarapa ek. Utarapa ne Yesu Kiristo korʼirenga echi tura no an kuni ku koramkoro. 24Kiristo Yesu oshiketa echi utara obitta orun ku omap-i an na. Amen.
ទើបបានជ្រើសរើសហើយ៖
I Korintos 16: AINU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© British and Foreign Bible Society 1897, 2018