Nangi̱n Fandubi̱m 12
12
Ni̱bu a chi̱u Yakubu a yinge Biti̱r
1We ki̱dang kangu, m Mai Yiridu a mwe ki̱tau bi̱kamu ni̱bu bunti̱ki̱m ka ni riye. 2N ki̱n a yo ni̱bu a chi̱u Yakubu, ke Yowana ki̱ni kul. 3Kangu n ki̱n a ku ti̱tu a li̱ma bwi Yafudawangu, n ki̱n a suu kakku a tati̱ Biti̱r. Ti̱tu a fwe a ki̱swi yiye ki̱danni ni̱bu Yafudawa wu a ne yis we. 4A kuteng ki̱ku n Yiridu a tau Biti̱r, a di̱ku a di̱bi̱nti̱l, yinu a yo ni̱bi kubchiri burukuun ko a nang to ki̱nu. N ki̱n ki̱baddu ka yodu a kakku ni̱bang ke ki̱mwata ki̱mi̱n a kuteng dii yiye yabake.
5M Biti̱r we di̱bi̱nti̱le, ni̱bu bunti̱ki̱mu a ni yichiyu ki̱twa̱ba̱ ki̱mi̱n bunitu we di̱Kwama.
M Biti̱r a chir we di̱bi̱nti̱li̱nu
6We kum wu n Yiridu a no ki̱baddu ka chake ki̱nu ke ki̱mwata ki̱mi̱ne, ni̱bu toki̱mi burabu ki̱to Biti̱r yinangu a da duumu ki̱ni maki̱lanu ni̱bu a kwaban ki̱ni̱mu. Ni̱bu ki̱to lo ti̱bi̱nti̱liyemu a tituwe kwa̱ru ki̱todu. 7Bi̱nabi̱na wuka naba di̱tumbi̱re Tewuduwe a fwe we fiko. Kaang yiiku a yii kani kwang. Yinu naba di̱tumbi̱re a twai Biti̱r we kulanfwi, a yiko, “Kun!” Maki̱lanu ni̱bu a kwaban Biti̱r ki̱ni̱nu a kwiya ti̱n.
8Yinu naba di̱tumbi̱re a yi ki̱n ko, “Mu di̱ki̱ri̱nmunu n ti ki̱wami mwiyu, do lukemo m bumite.” 9M Biti̱r a kun a nabu ki̱n a chir we di̱bi̱nti̱lu, a yimbu ko chitu naba di̱tumbi̱re ki̱fwaditu ki̱kumang. N ki̱n a da̱u ko kanodu dwakam bi̱yili̱m. 10Yo n chi a su ni̱bu toki̱m bi̱kaki̱mu n ti bi̱robi̱mu a lam kwa̱r ka̱mbi̱ri̱nu ni̱bu ki̱len bi̱ni̱ne, kwa̱ru a wudeni ki̱fwan. N chi a chir ti̱n. Yo n chi a ya kutan we nelo, naba di̱tumbi̱re a duti̱ ki̱n.
11Yinu a wora Biti̱r mi̱n fal. N ki̱n a yi ko, “Ki̱kumang n Tewuduwe a tume naba di̱tumbi̱re ko, a be chaki we fa̱la̱ng Yiridu sangu n ti ni̱r di̱yani̱n di̱du ni̱bu Yafudamu a no ki̱badu ka madi̱nu.”
12Yo n ki̱n a swaane, a yika lon Maryam ne Yowana wu ni̱bu ki̱yalu ko n Markuse, finu ni̱bu nabwen a murami̱n ki̱twa̱ba̱ buniye. 13Yo m Biti̱r a bu kwa̱re, n Ruda fwa̱n di̱du ki̱ma nanga we lonu a chire beka da̱ngdu ka n wure. 14Yinangu a swir ker Biti̱rangu, a ki̱la wul mure ki̱ni ti̱mi̱lan, a yi ko m Biti̱r a ti a kwa̱r sa̱ngka̱n.
15N chi a yi ki̱n ko, “Fangi̱mi ki̱mana?” N ki̱n a tii ki̱ri̱ngching ko nang ki̱n. Bi̱ki̱mu a yi ko kano naba di̱tumbi̱re ko.
16Aya m Biti̱r ki̱bu kwa̱ri chik. Yo n chi a wude, aya m Biti̱r. N chi a ya̱r yii. 17M Biti̱r a kukku fa̱la̱ngu kiyi chidu ko ti̱le mi̱n. Yinu a le ki̱fwa chimi̱nu yinangu Tewuduwe a chake ki̱n we lo di̱bi̱nti̱langu. Yinu a yi ko, “Ti̱fwa Yakubu n ti bi̱kamu kebu mi̱n.” A yikati̱ wuka fi.
18Yo ti̱mu a kwiyane ni̱tu ni̱bu ki̱rangitu a kayan yinang, a bwa ni̱bu chi a fwe ki̱ni Biti̱r. 19Yo n Yiridu a yo ni̱bu a babban a yabe, yinu a yo ni̱bu toki̱mu a kakku, a niti̱ ni̱bu da ko a chi̱be ni̱bu toki̱mu. A kuteng ki̱ku n Yiridu a kun we Yafudiya a ya ma yikai diti a Kaisariya.
Bwa Yiridu
20We ki̱swi wuko, m mai Yiridu ki̱ma ki̱fwini ki̱ni ni̱bu Tayamu n ti bi̱bu a Sidoni̱mu. Ni̱bu bi̱bu a be kwa̱li diin ki̱ni ti̱kuran chitu a fiwiine. N chi a bau wu a kwatuwe di̱Maiye wu di̱kunu n Bilatu a yifi̱la maiye, ko a maka chi, chi baddu chi ku Yiridu. Yo n chi a ya fiko, a bau dokaku di̱ne n chi ki̱da̱ng ti̱m bi̱bu n nang fi n chi ki̱yang chabte.
21We di n chi a dokane, n Yiridu, a do kuli̱n mati̱ni̱n ki̱nu, a swe we ki̱di̱ng mati̱nangu, a fwa chimi̱n ya̱m. 22Yo muraki̱ ni̱bangu a nwe ya̱m bi̱be, n chi a yibi kuuu ko, “Ti̱tu ker wuka kwaman, ti̱tu n ke ker niin.” 23Bi̱nabi̱na wuka naba di̱tumbi̱re Tewuduwe a ngau ki̱n a mar a ti̱m di̱ne a nibu Kwama dwiyentu. We fiko rwa̱ti a wu ki̱n a lami̱nti̱ yo a bwa.
24Aya ya̱m Kwamamu a chakakku ki̱ti̱radu.
25Yo n Barnaba n ti Chawulu a ri nangan chiyange, n chi a ki̱la we Wurchalima, a bunga we n ti Yowana, wu ni̱bu ki̱yalu ko m Markuse.
ទើបបានជ្រើសរើសហើយ៖
Nangi̱n Fandubi̱m 12: Tula
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2015, The Nigeria Bible Translation Trust and Wycliffe Bible Translators, Inc. All rights reserved.
Nangi̱n Fandubi̱m 12
12
Ni̱bu a chi̱u Yakubu a yinge Biti̱r
1We ki̱dang kangu, m Mai Yiridu a mwe ki̱tau bi̱kamu ni̱bu bunti̱ki̱m ka ni riye. 2N ki̱n a yo ni̱bu a chi̱u Yakubu, ke Yowana ki̱ni kul. 3Kangu n ki̱n a ku ti̱tu a li̱ma bwi Yafudawangu, n ki̱n a suu kakku a tati̱ Biti̱r. Ti̱tu a fwe a ki̱swi yiye ki̱danni ni̱bu Yafudawa wu a ne yis we. 4A kuteng ki̱ku n Yiridu a tau Biti̱r, a di̱ku a di̱bi̱nti̱l, yinu a yo ni̱bi kubchiri burukuun ko a nang to ki̱nu. N ki̱n ki̱baddu ka yodu a kakku ni̱bang ke ki̱mwata ki̱mi̱n a kuteng dii yiye yabake.
5M Biti̱r we di̱bi̱nti̱le, ni̱bu bunti̱ki̱mu a ni yichiyu ki̱twa̱ba̱ ki̱mi̱n bunitu we di̱Kwama.
M Biti̱r a chir we di̱bi̱nti̱li̱nu
6We kum wu n Yiridu a no ki̱baddu ka chake ki̱nu ke ki̱mwata ki̱mi̱ne, ni̱bu toki̱mi burabu ki̱to Biti̱r yinangu a da duumu ki̱ni maki̱lanu ni̱bu a kwaban ki̱ni̱mu. Ni̱bu ki̱to lo ti̱bi̱nti̱liyemu a tituwe kwa̱ru ki̱todu. 7Bi̱nabi̱na wuka naba di̱tumbi̱re Tewuduwe a fwe we fiko. Kaang yiiku a yii kani kwang. Yinu naba di̱tumbi̱re a twai Biti̱r we kulanfwi, a yiko, “Kun!” Maki̱lanu ni̱bu a kwaban Biti̱r ki̱ni̱nu a kwiya ti̱n.
8Yinu naba di̱tumbi̱re a yi ki̱n ko, “Mu di̱ki̱ri̱nmunu n ti ki̱wami mwiyu, do lukemo m bumite.” 9M Biti̱r a kun a nabu ki̱n a chir we di̱bi̱nti̱lu, a yimbu ko chitu naba di̱tumbi̱re ki̱fwaditu ki̱kumang. N ki̱n a da̱u ko kanodu dwakam bi̱yili̱m. 10Yo n chi a su ni̱bu toki̱m bi̱kaki̱mu n ti bi̱robi̱mu a lam kwa̱r ka̱mbi̱ri̱nu ni̱bu ki̱len bi̱ni̱ne, kwa̱ru a wudeni ki̱fwan. N chi a chir ti̱n. Yo n chi a ya kutan we nelo, naba di̱tumbi̱re a duti̱ ki̱n.
11Yinu a wora Biti̱r mi̱n fal. N ki̱n a yi ko, “Ki̱kumang n Tewuduwe a tume naba di̱tumbi̱re ko, a be chaki we fa̱la̱ng Yiridu sangu n ti ni̱r di̱yani̱n di̱du ni̱bu Yafudamu a no ki̱badu ka madi̱nu.”
12Yo n ki̱n a swaane, a yika lon Maryam ne Yowana wu ni̱bu ki̱yalu ko n Markuse, finu ni̱bu nabwen a murami̱n ki̱twa̱ba̱ buniye. 13Yo m Biti̱r a bu kwa̱re, n Ruda fwa̱n di̱du ki̱ma nanga we lonu a chire beka da̱ngdu ka n wure. 14Yinangu a swir ker Biti̱rangu, a ki̱la wul mure ki̱ni ti̱mi̱lan, a yi ko m Biti̱r a ti a kwa̱r sa̱ngka̱n.
15N chi a yi ki̱n ko, “Fangi̱mi ki̱mana?” N ki̱n a tii ki̱ri̱ngching ko nang ki̱n. Bi̱ki̱mu a yi ko kano naba di̱tumbi̱re ko.
16Aya m Biti̱r ki̱bu kwa̱ri chik. Yo n chi a wude, aya m Biti̱r. N chi a ya̱r yii. 17M Biti̱r a kukku fa̱la̱ngu kiyi chidu ko ti̱le mi̱n. Yinu a le ki̱fwa chimi̱nu yinangu Tewuduwe a chake ki̱n we lo di̱bi̱nti̱langu. Yinu a yi ko, “Ti̱fwa Yakubu n ti bi̱kamu kebu mi̱n.” A yikati̱ wuka fi.
18Yo ti̱mu a kwiyane ni̱tu ni̱bu ki̱rangitu a kayan yinang, a bwa ni̱bu chi a fwe ki̱ni Biti̱r. 19Yo n Yiridu a yo ni̱bu a babban a yabe, yinu a yo ni̱bu toki̱mu a kakku, a niti̱ ni̱bu da ko a chi̱be ni̱bu toki̱mu. A kuteng ki̱ku n Yiridu a kun we Yafudiya a ya ma yikai diti a Kaisariya.
Bwa Yiridu
20We ki̱swi wuko, m mai Yiridu ki̱ma ki̱fwini ki̱ni ni̱bu Tayamu n ti bi̱bu a Sidoni̱mu. Ni̱bu bi̱bu a be kwa̱li diin ki̱ni ti̱kuran chitu a fiwiine. N chi a bau wu a kwatuwe di̱Maiye wu di̱kunu n Bilatu a yifi̱la maiye, ko a maka chi, chi baddu chi ku Yiridu. Yo n chi a ya fiko, a bau dokaku di̱ne n chi ki̱da̱ng ti̱m bi̱bu n nang fi n chi ki̱yang chabte.
21We di n chi a dokane, n Yiridu, a do kuli̱n mati̱ni̱n ki̱nu, a swe we ki̱di̱ng mati̱nangu, a fwa chimi̱n ya̱m. 22Yo muraki̱ ni̱bangu a nwe ya̱m bi̱be, n chi a yibi kuuu ko, “Ti̱tu ker wuka kwaman, ti̱tu n ke ker niin.” 23Bi̱nabi̱na wuka naba di̱tumbi̱re Tewuduwe a ngau ki̱n a mar a ti̱m di̱ne a nibu Kwama dwiyentu. We fiko rwa̱ti a wu ki̱n a lami̱nti̱ yo a bwa.
24Aya ya̱m Kwamamu a chakakku ki̱ti̱radu.
25Yo n Barnaba n ti Chawulu a ri nangan chiyange, n chi a ki̱la we Wurchalima, a bunga we n ti Yowana, wu ni̱bu ki̱yalu ko m Markuse.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2015, The Nigeria Bible Translation Trust and Wycliffe Bible Translators, Inc. All rights reserved.