Nangi̱n Fandubi̱m 11
11
M Biti̱r a fwa ni̱bu mi̱n chi a fwetu a Wurchalima
1Fandubi̱bu n ti kebu ni̱bu bunti̱ki̱mu a ti̱m Yafudiyami kwang a nwe ko yikayu kuuti a yiti̱ ya̱m Kwamamu. 2Yinu yo m Biti̱r a ya Wurchalima, bi̱kam ni̱bu Yafudawam bi̱bu a mabu ti̱kali ki̱ni da biku laari̱mu a wela Biti̱r, 3“A mayire mwan ya bwanu a ni̱bu a bibu laari̱me? Wu mun chatti̱ chabtu ware n ti chiye?”
4Yinu m Biti̱r a fwa chimi̱ni kwa̱rikwa̱ri ko, 5“Yo mang ya mi̱n twa̱ba̱ buni a Yafa, m ma dwakam bi̱yili̱m. We dwakamu n ku ti̱kan chi ki̱suwedu a dii yinang si̱re ki̱ku ki̱ni fwiti̱ne yaanang, a be ki̱dwang n ti mi̱n. 6Yinangu mang da̱ngangu, n ku yikai beti̱nai yiyu ki̱ni naniyi yaana n ti yiyu ki̱kwa̱kada ti̱miyu n ti yiyu yinang ki̱ni̱biyu.” 7Yinu n nwe di̱kan ker di̱du a yi ko, “Biti̱r kun, bi n wu.”
8N yi mi kwako, Tewuduwe, a ne mang medu di̱ne ti̱tu a lembu yiimi we, mang wuunti̱bu ki̱dum nai yiyu a lebiyu we.
9Yinu keru a fwate ki̱da ko, “Yalu chi n Kwama a do wauwade yidu we mwi a ke wauwadu.” 10Ki̱chitu wu a fwe ki̱ da yitta, yinu a da̱u a ki̱lati̱ dii we.
11We ki̱swi wuko ni̱bi bi̱tta ki̱yaliyedu a kwa̱r we lo wu mi̱n we mi̱ne. Ni̱bu a tume chi a Kaisariya ko a be ya mi̱n. 12Fi̱ki̱m a yi mi̱n ko m bun chimi̱nti̱n n yungdu lakaku we di̱chiye n ti mi̱n. Kebu bi̱bi burukuni̱mu a nabe ni̱n ni̱n le lo nii we ware. 13Yinu n ki̱n a fwa ni̱mi̱n yinangu a ku naba di̱tumbi̱re Kwama a le loko ki̱fwadu ko, tum chi we Yafa, a yalle Simun wu ni̱bu ki̱yallu ko Biti̱re. 14N ki̱n ka be mi̱nedu ki̱ni ya̱m ti̱kurim bi̱bu m mun n ti lomo kwang ta swidi̱mu.
15Yo mang mwe mi̱n fwa chi mi̱n ya̱me, Fi̱ki̱m Kwamamu a be a ri chi yinangu a wi a fwe n ti chiniyangu. 16Yinu n kur ki̱ni ya̱m Tewuduwe a fwa ko, “N Yowana a ma batisma ki̱ni mwe, aya n chi̱n ta madu ki̱ni Fi̱ki̱m Kwamam. 17Ka n Kwama a ni chi ki̱ti̱me a fi wiine n ti wu chire yoko niyan ke bi̱yili̱mu we Tewuduwe Yesu Masiya, m mi̱n n wure mang ko chitu n Kwama a mante?”
18Yo ni̱bu bunti̱ki̱m Yafudamu a nwe ya̱m bi̱be, n chi a dela Kwama ko, “N Kwama a ke yikayu kuuti mi̱n ko a woti̱ ki̱ti̱mu ke a ya ti̱kuritu.”
Ni̱bu bunti̱ki̱mu a Antakiya
19Ni̱bu bunti̱ki̱m a yayan di̱ne fumaku a kuten ya̱m a dur Yistifanu. Bi̱kamu a yikan a fwe a Finikiya n ti Sayifuru n ti bi̱n di̱dun Antakiya. Ki̱ma di̱mwar ya̱m Kwamamu aya a kana ni̱bu Yafudawam n chikun. 20Aya bi̱kam ni̱bu bunti̱ki̱m we bi̱bu a chire a Sayifuru n ti Sairin, bi̱bu a yika Antakiya a fwa ni̱bu Yelenamu ya̱m bi̱li̱m Tewuduwe Yesumu. 21Dukan Tewuduwe we n ti chi yinang yinang. A yo ni̱bu nabwen a wo ki̱ti̱mu a bunti̱ Tewuduwe.
22Ya̱m chimu a fwe a Antakiya a le ki̱teli ni̱bu bunti̱ki̱ a Wurchalimamu, yinu n chi a tum Barnaba a yawe Antakiya. 23Yo a ya a ku ki̱li̱mang delaku Kwamange, a ma furi mwen. N ki̱n a ngau chimi̱n ki̱kure ko a ti ki̱ri̱ng we keku bi̱yili̱mang chiyangu, a chau kakku ki̱ni ni̱ri diin we bunti̱ku Tewuduwengu. 24M Barnaba naba yile wu a rii ki̱ni Fi̱ki̱m Kwamame n ti keki̱ bi̱li̱mangu. Ti̱tu a yo ni̱bu nabwen a ke bi̱yili̱mu we di̱Tewuduwe.
25Yinu m Barnaba a du fiko a yika Tarsu bwanu ka yaan Chawulu we. 26Yo a ya ki̱ne fal, a ki̱latewe ki̱ni ki̱n a Antakiya. N chi a ma swa̱r we fiko ki̱muradu n ti ni̱bu bunti̱ki̱m. Ki̱miya ni̱bu nabwen mi̱n ya̱m Kwamamu yinang yinang. Ni̱bu a mwe ki̱yal ni̱bu bunti̱ki̱ Masiyamu a Antakiyamu ko krista.
27We ki̱dang kangu bi̱kam fa̱kubu a kun we Wurchalima a yika Antakiya. 28Wuka we tibe chi di̱n ki̱nu n Aka̱bu, kangu n ki̱n a rii ki̱ni Fi̱ki̱m Kwamamu a kun a fwa ya̱mu ko chun di̱dun yaka ma ti̱ti̱niti kwang. (Ti̱tu a be a fwe a ki̱dang Kaisar Kalaudiyu wu tau ti̱m Romame) 29Miyari̱mu a ke a tum ni̱bu bunti̱ki̱mu a ki̱dire Yafudiyamu mi̱n makaku. N kawure a ma chi dukan ki̱nu a meetu. 30Ti̱tu nang tiyangu n chi a ma, a tum seli̱bu ni̱bu a ki̱dire Yafudiya mi̱n makakangu. M Barnaba n ti Chawulu a yikani ki̱ni di̱tumbi̱ru.
ទើបបានជ្រើសរើសហើយ៖
Nangi̱n Fandubi̱m 11: Tula
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2015, The Nigeria Bible Translation Trust and Wycliffe Bible Translators, Inc. All rights reserved.
Nangi̱n Fandubi̱m 11
11
M Biti̱r a fwa ni̱bu mi̱n chi a fwetu a Wurchalima
1Fandubi̱bu n ti kebu ni̱bu bunti̱ki̱mu a ti̱m Yafudiyami kwang a nwe ko yikayu kuuti a yiti̱ ya̱m Kwamamu. 2Yinu yo m Biti̱r a ya Wurchalima, bi̱kam ni̱bu Yafudawam bi̱bu a mabu ti̱kali ki̱ni da biku laari̱mu a wela Biti̱r, 3“A mayire mwan ya bwanu a ni̱bu a bibu laari̱me? Wu mun chatti̱ chabtu ware n ti chiye?”
4Yinu m Biti̱r a fwa chimi̱ni kwa̱rikwa̱ri ko, 5“Yo mang ya mi̱n twa̱ba̱ buni a Yafa, m ma dwakam bi̱yili̱m. We dwakamu n ku ti̱kan chi ki̱suwedu a dii yinang si̱re ki̱ku ki̱ni fwiti̱ne yaanang, a be ki̱dwang n ti mi̱n. 6Yinangu mang da̱ngangu, n ku yikai beti̱nai yiyu ki̱ni naniyi yaana n ti yiyu ki̱kwa̱kada ti̱miyu n ti yiyu yinang ki̱ni̱biyu.” 7Yinu n nwe di̱kan ker di̱du a yi ko, “Biti̱r kun, bi n wu.”
8N yi mi kwako, Tewuduwe, a ne mang medu di̱ne ti̱tu a lembu yiimi we, mang wuunti̱bu ki̱dum nai yiyu a lebiyu we.
9Yinu keru a fwate ki̱da ko, “Yalu chi n Kwama a do wauwade yidu we mwi a ke wauwadu.” 10Ki̱chitu wu a fwe ki̱ da yitta, yinu a da̱u a ki̱lati̱ dii we.
11We ki̱swi wuko ni̱bi bi̱tta ki̱yaliyedu a kwa̱r we lo wu mi̱n we mi̱ne. Ni̱bu a tume chi a Kaisariya ko a be ya mi̱n. 12Fi̱ki̱m a yi mi̱n ko m bun chimi̱nti̱n n yungdu lakaku we di̱chiye n ti mi̱n. Kebu bi̱bi burukuni̱mu a nabe ni̱n ni̱n le lo nii we ware. 13Yinu n ki̱n a fwa ni̱mi̱n yinangu a ku naba di̱tumbi̱re Kwama a le loko ki̱fwadu ko, tum chi we Yafa, a yalle Simun wu ni̱bu ki̱yallu ko Biti̱re. 14N ki̱n ka be mi̱nedu ki̱ni ya̱m ti̱kurim bi̱bu m mun n ti lomo kwang ta swidi̱mu.
15Yo mang mwe mi̱n fwa chi mi̱n ya̱me, Fi̱ki̱m Kwamamu a be a ri chi yinangu a wi a fwe n ti chiniyangu. 16Yinu n kur ki̱ni ya̱m Tewuduwe a fwa ko, “N Yowana a ma batisma ki̱ni mwe, aya n chi̱n ta madu ki̱ni Fi̱ki̱m Kwamam. 17Ka n Kwama a ni chi ki̱ti̱me a fi wiine n ti wu chire yoko niyan ke bi̱yili̱mu we Tewuduwe Yesu Masiya, m mi̱n n wure mang ko chitu n Kwama a mante?”
18Yo ni̱bu bunti̱ki̱m Yafudamu a nwe ya̱m bi̱be, n chi a dela Kwama ko, “N Kwama a ke yikayu kuuti mi̱n ko a woti̱ ki̱ti̱mu ke a ya ti̱kuritu.”
Ni̱bu bunti̱ki̱mu a Antakiya
19Ni̱bu bunti̱ki̱m a yayan di̱ne fumaku a kuten ya̱m a dur Yistifanu. Bi̱kamu a yikan a fwe a Finikiya n ti Sayifuru n ti bi̱n di̱dun Antakiya. Ki̱ma di̱mwar ya̱m Kwamamu aya a kana ni̱bu Yafudawam n chikun. 20Aya bi̱kam ni̱bu bunti̱ki̱m we bi̱bu a chire a Sayifuru n ti Sairin, bi̱bu a yika Antakiya a fwa ni̱bu Yelenamu ya̱m bi̱li̱m Tewuduwe Yesumu. 21Dukan Tewuduwe we n ti chi yinang yinang. A yo ni̱bu nabwen a wo ki̱ti̱mu a bunti̱ Tewuduwe.
22Ya̱m chimu a fwe a Antakiya a le ki̱teli ni̱bu bunti̱ki̱ a Wurchalimamu, yinu n chi a tum Barnaba a yawe Antakiya. 23Yo a ya a ku ki̱li̱mang delaku Kwamange, a ma furi mwen. N ki̱n a ngau chimi̱n ki̱kure ko a ti ki̱ri̱ng we keku bi̱yili̱mang chiyangu, a chau kakku ki̱ni ni̱ri diin we bunti̱ku Tewuduwengu. 24M Barnaba naba yile wu a rii ki̱ni Fi̱ki̱m Kwamame n ti keki̱ bi̱li̱mangu. Ti̱tu a yo ni̱bu nabwen a ke bi̱yili̱mu we di̱Tewuduwe.
25Yinu m Barnaba a du fiko a yika Tarsu bwanu ka yaan Chawulu we. 26Yo a ya ki̱ne fal, a ki̱latewe ki̱ni ki̱n a Antakiya. N chi a ma swa̱r we fiko ki̱muradu n ti ni̱bu bunti̱ki̱m. Ki̱miya ni̱bu nabwen mi̱n ya̱m Kwamamu yinang yinang. Ni̱bu a mwe ki̱yal ni̱bu bunti̱ki̱ Masiyamu a Antakiyamu ko krista.
27We ki̱dang kangu bi̱kam fa̱kubu a kun we Wurchalima a yika Antakiya. 28Wuka we tibe chi di̱n ki̱nu n Aka̱bu, kangu n ki̱n a rii ki̱ni Fi̱ki̱m Kwamamu a kun a fwa ya̱mu ko chun di̱dun yaka ma ti̱ti̱niti kwang. (Ti̱tu a be a fwe a ki̱dang Kaisar Kalaudiyu wu tau ti̱m Romame) 29Miyari̱mu a ke a tum ni̱bu bunti̱ki̱mu a ki̱dire Yafudiyamu mi̱n makaku. N kawure a ma chi dukan ki̱nu a meetu. 30Ti̱tu nang tiyangu n chi a ma, a tum seli̱bu ni̱bu a ki̱dire Yafudiya mi̱n makakangu. M Barnaba n ti Chawulu a yikani ki̱ni di̱tumbi̱ru.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2015, The Nigeria Bible Translation Trust and Wycliffe Bible Translators, Inc. All rights reserved.