Tourat 1: Foyda Nama 40
40
Zel ḳanat dui koydir kuab
1Itar bade Mishoror bashshar dorbaror shorab bilai deora ar ruṭi banaora i duiozone bashshar gese ḳosur ḳorla. 2Teu Feraun tara duiozonor ufre gusa oila, 3tain erare bondi koria tan boṛo zollador baṛir zelo haraila. Ou zelo Iusuf-o asla. 4Boṛo zollade i duio ḳoydir bar-o Iusufor ato dila, ar Iusufe tarar kezmot ḳorta lagla. Oula era kisudin zelo roila. 5Bade Mishoror bashshar hou ruṭi banaora ar shorab bilaora duiozone eḳ raite dukan kuab deḳla, tarar kuabor mani-o asil dui laḳan. 6Biane Iusufe tarar gese gia deḳla, tara kub mon-mora oiroisoin. 7Iusufe tarare zikaila, “Kita oise, aiz oto bezar ḳene?” 8Tara zuaf dila, “Amra to kuab deḳsi, oile er tabir buzai deora ḳeu nae.” Iusufe tarare ḳoila, “Mani buzanir ḳemota kita Allae dein na ni? Deki sain, amare hunaukka.”
9Ou hi shorab bilaorae, tan shofon Iusufre hunaila. He ḳoilo, “Ami deḳlam, amar samne eḳ anguror gas. 10Gasor tingu ḍal ase; hou ḍalo kuṛi baronir loge loge ful dorlo, ar soṛa soṛa angur dori faki gelo. 11Ou shomoy Feraunor shorbotor fiala amar ato asil. Ami hou angur oḳol sifia rosh bar ḳori Feraunor ato dilam.” 12Iusufe tare ḳoila, “Afnar shofnor mani oilo, tin ḍal mani tin din. 13Ou tin dinor maze Feraune afnare bar ḳoria hirbar agor ḳamo lagaiba. Afne hirbar agor laḳan Feraunor ato fiala tuli diba. 14Oile afnare minoti kori koiar, afnar balai oar bade amare mono ḳorba ar doya ḳori Feraunor gese amar ḳota ḳoia, i zelḳana tone amare ḳalas ḳoraiba. 15Ibrani oḳlor desh tone amare zur ḳori doria ana oise. Ar ono aia-o ami zel ḳaṭar moto emon kunta ḳorsi na.”
16Bade hi ruṭi banaorae zebla deḳlo zen, shorab bilaorar kuabor mani bala ase, teu he Iusufre ḳoilo, “Ami-o kuabe deḳsi, deḳlam zen amar matat tin ṭukri moydar ruṭi loisi. 17Ar ufror ṭukrit asil, Feraunor lagi bout zator fiṭa; teu faki oḳole aia, amar matar ufror ṭukri taki ita ḳailira.” 18Iusufe zuaf dila, “I shofnor tabir oilo, tin ṭukri mani tin din. 19Ou tin dinor maze, Feraune afnar doṛ tone ḳolla algaia, gasor maze loṭḳaiba, heshe fakinte aia afnar doṛor gust ḳaiba.”
20Er tin dinor din Feraunor zonom din asil. Feraune tan dorbaror hoḳol manshor lagi, ḳani tiar ḳoraila. Ar hou ruṭi banaora ar shorab bilaora duiozonre anaia tan dorbaror samne azir ḳorla. 21Tain shorab bilaorare hirbar tan ḳamo lagaila, he Feraunor ato hirbar fiala tulia dilo. 22Oile ruṭi banaorare gaso loṭḳaila. Iusufe zela ḳoisla, ekkere oula oilo. 23Ta-o Iusufor ḳota hi shorab bilaorar iad roilo na, he faurililo.
ទើបបានជ្រើសរើសហើយ៖
Tourat 1: Foyda Nama 40: sylL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Ahle Kitab Society. All rights reserved.