Tourat 1: Foyda Nama 36
36
Shek Ish urfe Idum ḳandanor neta oḳol
1Ou oilo Ish ba Idumor ḳandanor boyan. 2Ishe Kenani dui fuṛire bia ḳorsla. Era oila Hiṭṭi Elonor fuṛi Ada, ar Hibbi Zibionor natin, Onar fuṛi Oholibama. 3Erar bade-o tain Ismailor fuṛi Nabautor boin Bashomotre bia ḳorsla. 4Adar feṭo Ilifoz ar Bashomotor feṭo Ruelor zonom oisil, 5ar Oholibamar feṭo Ziush, Zalom ar Kurohor zonom oisil. Ishʼor i fuaintor zonmo oisil Kenan desho.
6Bade Ishe tan bouain, fua-fuṛin, goror hoḳol manush ar foshur falain, Kenan desho ḳamai kora hoḳol don-doulot loia, tan bai Iakubor ges tone horia aroḳ desho gelagi. 7Ish ar Iakubor foshur fal, mal-samana oto beshi asil zen, era ekḳano roite hi deshor i zagae ar kulailo na. 8Teu Ish Seiror faṛi elaḳat gia boshot ḳorla. Ein-u Idum.
9Ou oilo Seiror faṛor Idumi oḳlor mul baf Ishʼor ḳandanor boyan. 10Ishʼor fuaintor nam oilo, Ilifoz ar Ruel. Ilifoz Adar fua, Ruel Bashomotor fua. 11Ilifozor fuain oila, Toimon, Omar, Zofo, Gatam ar Kenaz. 12Ishʼor fua Ilifozor Timna namor eḳ hangar bou asil, er goro Amalekor zonom oisil. Era hoḳole-u Ishʼor bou Adar aolad. 13Ruelor fuain oila Nohot, Zarah, Shommo ar Mijja. Era Ishʼor bou Bashomotor aolad. 14Zibionor natin, Onar fuṛi Oholibamar torofa Ishʼor fuain oila Ziush, Zalom ar Kuroh.
15Ishʼor aolador maze era asla gusṭir neta. Ishʼor boṛo fua Ilifozor fuain oila Toimon, Omar, Zofo, Kenaz, 16Kuroh, Gatam, ar Amalek. Era oila Idum desho, Adar fua Ilifozor aolad. 17Ishʼor fua Ruelor fuain zera gusṭir neta oisla, tara oila Nohot, Zarah, Shommo ar Mijja. Era oila Idum desho Ishʼor bou Bashomotor fua Ruelor aolad. 18Ishʼor bou Oholibamar ze fuain gusṭir neta oisla, tara oila Ziush, Zalom ar Kuroh. Era asla Onar fuṛi Oholibamar aolad. 19Era oila Ish ba Idumor ḳandan ar gusṭir neta.
20Honor Hurio Seiror fuaintor nam oilo Luṭon, Shubol, Zibion, Ona, 21Dishun, Etoshor ar Dishan. Era hoḳole Idum desho Seiror fuain, Hurio ḳandanor neta asla. 22Luṭonor fuar nam oilo Huri ar Hemam, ar bonir nam Timna. 23Shubolor fuaintor nam oilo Olbon, Manohot, Ibal, Shofo ar Onom. 24Zibionor fuaintor nam oilo Oya ar Ona. Ou Ona-u tan baba Zibionor gada raḳat gia, morubumir maze gorom fanir indara oḳol tukaia faila. 25Onar fuar nam Dishun ar fuṛir nam Oholibama. 26Dishunor fuaintor nam oilo Himdon, Ishbon, Zitron ar Keran. 27Etoshoror fuaintor nam oilo Bilhon, Zaoan ar Aḳon. 28Dishanor fuaintor nam oilo Auz ar Oran. 29Hurio oḳlor neta oila Luṭon, Shubol, Zibion, Ona, 30Dishun, Etoshor ar Dishan. Era oila Seir deshor Hurio gusṭir neta.
31Boni Israilor maze bashshai hukumot aibar age, Idum desho era-u raza asla. 32Bauror fua Bela Idumor raza oila. Tan razdanir nam asil Dinhaba. 33Bela morar bade, tan zagat Bosra ṭaunor Zarahor fua Zubob raza oila. 34Zubob morar bade Toimon deshor Hushom honor raza oila. 35Hushom morar bade tan zagat Bododor fua Hodod raza oila. Tain zuddo ḳori Muab deshor Madiani oḳolre araila. Tan razdanir nam oilo Obit. 36Hodod morar bade Mosreka ṭaunor Samla honor raza oila. 37Samla morar bade honor Furat gangor faror Rohobot ṭaunor Shoul raza oila. 38Shoul morar bade tan zagat Akbaror fua Baal-Hanon raza oila. 39Akbaror fua Baal-Hanon morar bade tan zagat Hodor raza oila. Tan razdanir nam asil Pau, ar tan bour nam asil Moheṭabel. Ein Moṭredor fuṛi ar Mezahabor natin.
40Ishʼor zeta aolad oḳol gusṭi ar elaḳar neta asla, tarar nam oilo, Timna, Olba ar Zitet, 41Oholibama, Ela, Pinun, 42Kenaz, Toimon, Mibzar, 43Mogdiel ar Oram. Era asla zarzir deshor, zarzir elaḳar Idumi neta. Idumi oḳlor mul baf Ishʼor boyan ono-u shesh.
ទើបបានជ្រើសរើសហើយ៖
Tourat 1: Foyda Nama 36: sylL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Ahle Kitab Society. All rights reserved.