ꠎꠛꠥꠞ ꠡꠞꠤꠚ 27
27
ꠀꠟ-ꠎꠛꠥꠞ ২৭
ꠢꠎꠞꠔ ꠖꠣꠃꠖꠞ ꠝꠤꠎꠝꠞ।
1ꠝꠣꠛꠥꠖꠃ ꠀꠝꠣꠞ ꠞꠥꠡꠘꠤ, ꠀꠝꠣꠞꠦ ꠛꠣꠌꠣꠘꠦꠀꠟꠣ,
ꠀꠝꠤ ꠇꠣꠞꠦ ꠒꠞꠣꠁꠔꠣꠝ?
ꠝꠣꠛꠥꠖꠃ ꠀꠝꠣꠞ ꠀꠡꠞꠄ ꠑꠤꠇꠣꠘꠣ,
ꠇꠣꠞ ꠒꠞꠦ ꠀꠝꠤ ꠇꠣꠙꠤꠔꠣꠝ?
2ꠀꠝꠣꠞꠦ ꠉꠤꠟꠤꠛꠣꠞ ꠟꠣꠉꠤ ꠘꠣꠚꠞꠝꠣꠘ ꠅꠇꠟ,
ꠀꠉꠥꠁꠀ ꠀꠄ ꠎꠦꠛꠟꠣ ꠅꠃ ꠖꠥꠡꠝꠘ ꠖꠟ,
ꠅꠃ ꠡꠝꠄ ꠃꠡ꠆ꠐꠣ ꠈꠣꠁꠀ ꠔꠣꠞꠣ ꠙꠠꠤ ꠎꠣꠄ,
ꠙꠠꠤ ꠎꠣꠅꠀꠄ ꠔꠣꠞꠣ ꠛꠤꠚꠟ ꠛꠘꠤꠎꠣꠄ।
3ꠡꠦꠘꠣ ꠛꠣꠢꠤꠘꠤꠄ ꠎꠥꠖꠤ ꠛꠦꠞꠤꠟꠣꠄ ꠝꠞꠦ,
ꠀꠝꠣꠞ ꠖꠤꠟꠦ ꠒꠞꠣꠁꠔ ꠘꠣꠄ ꠔꠣꠞꠣꠞꠦ।
ꠀꠝꠣꠞ ꠛꠤꠞꠥꠖ꠆ꠖꠦ ꠎꠥꠖꠤ ꠎꠥꠖ꠆ꠖ ꠟꠣꠉꠣꠄ,
ꠀꠝꠤ ꠔ ꠞꠁꠝꠥ ꠔꠥꠝꠣꠞꠃ ꠜꠞꠡꠣꠄ।
4ꠝꠣꠛꠥꠖꠞ ꠉꠦꠍꠦ ꠀꠝꠣꠞ ꠅꠃ ꠝꠤꠘꠔꠤ ꠎꠣꠘꠣꠁ,
ꠔꠣꠘ ꠖꠞꠛꠣꠞꠅ ꠈꠣꠟꠤ ꠅꠔꠈꠣꠘꠃ ꠌꠣꠁ—
ꠞꠁꠔꠣꠝ ꠌꠣꠁ ꠀꠝꠤ ꠝꠣꠛꠥꠖꠞ ꠊꠞꠅ,
ꠀꠝꠣꠞ ꠢꠣꠞꠣ ꠎꠤꠘ꠆ꠖꠦꠉꠤ ꠇꠣꠐꠃꠇ ꠢꠘꠅ,
ꠔꠣꠘ ꠡꠥꠘ꠆ꠖꠞ ꠍꠥꠞꠔ ꠈꠣꠘ ꠀꠝꠤ ꠎꠣꠘꠥ ꠖꠦꠈꠤ,
ꠔꠣꠘ ꠝꠥꠇꠣꠝꠅ ꠞꠁꠀ ꠀꠝꠤ ꠎꠤꠇꠤꠞ ꠇꠞꠤ।
5ꠝꠍꠤꠛꠔꠞ ꠖꠤꠘꠅ ꠔꠣꠁꠘꠃ ꠔ ꠝꠞꠦ
ꠟꠥꠇꠣꠁꠀ ꠞꠣꠈꠛꠣ ꠔꠣꠘ ꠀꠡꠞꠄ ꠛꠣꠋꠇꠣꠞꠦ,
ꠔꠥꠟꠤꠀ ꠞꠣꠈꠛꠣ ꠝꠞꠦ ꠙꠣꠠꠞ ꠃꠌꠣ ꠐꠤꠟ꠆ꠟꠣꠔ,
ꠘꠤꠞꠣꠙꠖꠦ ꠞꠣꠈꠛꠣ ꠝꠞꠦ ꠔꠣꠘ ꠛꠡꠔ ꠈꠣꠘꠣꠔ।
6ꠅꠃ ꠡꠝꠄ ꠝꠞꠦ ꠛꠦꠞꠤꠀ ꠞꠣꠈꠍꠦ ꠎꠦꠔꠣ ꠖꠥꠡꠝꠘꠦ,
ꠀꠝꠣꠞ ꠁꠎ꠆ꠎꠔ ꠛꠣꠠꠤꠛ ꠅꠔꠣ ꠎꠘꠞ ꠃꠙꠞꠦ।
ꠈꠥꠡꠤꠞ ꠌꠥꠐꠦ ꠎꠥꠞꠦ ꠎꠥꠞꠦ ꠉꠎꠟ ꠉꠣꠁꠝꠥ ꠀꠝꠤ,
ꠔꠣꠘ ꠊꠞꠅ ꠖꠣꠘ ꠇꠞꠝꠥ ꠟꠤꠟ꠆ꠟꠣ-ꠇꠥꠞꠛꠣꠘꠤ,
ꠛꠣꠎꠘꠣꠞ ꠔꠣꠟꠦ ꠔꠣꠟꠦ ꠔꠣꠘ ꠘꠣꠝꠦ ꠉꠣꠁꠝꠥ ꠀꠝꠤ,
ꠃꠌꠣ ꠉꠟꠣꠄ ꠉꠣꠁꠝꠥ ꠀꠝꠤ ꠉꠎꠟ-ꠇꠣꠅꠀꠟꠤ।
7ꠀꠝꠣꠞ ꠀꠅꠀꠎ ꠢꠥꠘꠅ ꠝꠣꠛꠥꠖ, ꠇꠞꠤ ꠝꠤꠘꠔꠤ,
ꠖꠄꠀ ꠇꠞꠤꠀ ꠀꠝꠣꠞ ꠒꠣꠇꠞ ꠎꠥꠀꠙ ꠖꠦꠅ ꠔꠥꠝꠤ।
8ꠔꠥꠝꠣ ꠕꠣꠇꠤ ꠅꠃ ꠇꠣꠟꠣꠝ ꠖꠤꠟꠅ ꠀꠁꠍꠦ ꠝꠞ,
“ꠀꠝꠣꠞ ꠀꠡꠤꠇ ꠛꠘꠤꠀ ꠔꠥꠝꠞꠣ ꠔꠣꠟ꠆ꠟꠣꠡ ꠇꠞꠅ ꠝꠞ ꠖꠤꠖꠣꠞ।”
ꠝꠣꠛꠥꠖ ꠉ, ꠄꠞꠟꠣꠉꠤꠃ ꠔꠥꠝꠣꠞꠦ ꠒꠣꠇꠤꠀꠞ,
9ꠘꠣ ꠟꠥꠇꠣꠁꠀ ꠖꠦꠈꠣꠅ ꠉ ꠀꠝꠣꠞꠦ ꠝꠥꠈ ꠈꠣꠘ ꠔꠥꠝꠣꠞ।
ꠉꠥꠍꠣ ꠇꠞꠤꠀ ꠈꠦꠖꠣꠁ ꠖꠤꠅ ꠘꠣ ꠔꠥꠝꠣꠞ ꠁ ꠉꠥꠟꠣꠝꠞꠦ,
ꠔꠥꠝꠤꠃ ꠀꠝꠣꠞ ꠜꠞꠡꠣ, ꠢꠞꠣꠁ ꠖꠤꠅ ꠘꠣ ꠝꠞꠦ,
ꠍꠣꠠꠤꠀ ꠎꠣꠁꠅ ꠘꠣ ꠔꠥꠝꠤ ꠀꠝꠣꠞꠦ ꠚꠣꠟꠣꠁꠀ,
ꠝꠣꠛꠥꠖ ꠉ ꠔꠥꠝꠤꠃ ꠈꠣꠟꠤ ꠀꠝꠣꠞ ꠛꠣꠌꠣꠘꠦꠀꠟꠣ।
10ꠝꠣ-ꠛꠣꠚꠦ ꠀꠝꠣꠞꠦ ꠚꠣꠟꠣꠁ ꠖꠤꠟꠦꠅ,
ꠝꠣꠛꠥꠖꠦ ꠔ ꠟꠁꠍꠂꠘ ꠝꠞꠦ ꠔꠣꠘꠃ ꠇꠥꠟꠅ।
11ꠅ ꠝꠣꠛꠥꠖ, ꠔꠥꠝꠣꠞ ꠀꠙꠘ ꠙꠕ ꠌꠤꠘꠣꠅ ꠀꠝꠣꠞꠦ,
ꠡꠞꠟ ꠙꠕꠦ ꠌꠣꠟꠣꠅ ꠝꠞꠦ, ꠛꠣꠌꠣꠅ ꠖꠥꠡꠝꠘ ꠕꠘꠦ।
12ꠖꠥꠡꠝꠘ ꠖꠟꠞ ꠝꠞ꠆ꠎꠤꠞ ꠀꠔꠅ ꠖꠤꠅ ꠘꠣ ꠡꠙꠤꠀ,
ꠝꠤꠍꠣ ꠡꠣꠇ꠆ꠇꠤꠞ ꠖꠟ ꠀꠁꠀ ꠖꠝꠦ ꠖꠝꠦ ꠍꠣꠠꠦꠞ ꠁꠋꠡꠣ।
13ꠀꠝꠣꠞ ꠝꠎꠛꠥꠔ ꠄꠇꠤꠘ ꠀꠍꠦ ꠝꠘꠞ ꠜꠤꠔꠞꠦ,
ꠝꠣꠛꠥꠖꠞ ꠀꠍꠣꠘ ꠖꠦꠈꠝꠥ ꠀꠝꠤ ꠎꠤꠘ꠆ꠖꠣ ꠢꠣꠟꠔꠦ।
14ꠝꠎꠛꠥꠔ ꠅꠅ ꠝꠣꠛꠥꠖꠞ ꠀꠡꠣꠄ, ꠅꠞꠦ ꠎꠣꠘ ꠀꠝꠣꠞ,
ꠖꠤꠟꠞ ꠝꠣꠎꠦ ꠡꠣꠅꠡ ꠀꠘꠅ, ꠞꠅ ꠀꠡꠣꠄ ꠝꠣꠛꠥꠖꠞ॥
ទើបបានជ្រើសរើសហើយ៖
ꠎꠛꠥꠞ ꠡꠞꠤꠚ 27: sylN
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Ahle Kitab Society. All rights reserved.