ꠎꠛꠥꠞ ꠡꠞꠤꠚ 2
2
ꠀꠟ-ꠎꠛꠥꠞ ২
1ꠢꠇ꠆ꠇꠟ ꠎꠣꠔꠤꠄ ꠇꠦꠘꠦ ꠅꠡ꠆ꠕꠤꠞ ꠅꠁꠀ ꠌꠤꠟ꠆ꠟꠣꠁꠞꠣ,
ꠇꠤꠅꠞ ꠟꠣꠉꠤ ꠝꠣꠘꠡꠦ ꠛꠦꠢꠥꠖꠣ ꠚꠘ꠆ꠖꠤ ꠇꠞꠦꠞ?
2ꠎꠉꠔꠞ ꠛꠣꠖꠡꠣ ꠅꠇꠟ ꠛꠤꠉꠠꠤ ꠉꠦꠟ,
ꠞꠣꠎꠣ ꠅꠇꠟ ꠄꠇꠈꠣꠘꠅ ꠖꠟꠣ ꠅꠁꠟ,
ꠝꠣꠛꠥꠖꠞ ꠛꠤꠞꠥꠖ꠆ꠖꠦ ꠀꠞ ꠔꠣꠘ ꠀꠟ-ꠝꠍꠤꠞ#2:2 ‘ꠀꠟ-ꠝꠍꠤ’ ꠝꠣꠘꠤ, ꠀꠟ꠆ꠟꠣ ꠙꠣꠇꠞ ꠛꠤꠡꠦꠡ ꠙꠍꠘ꠆ꠖ ꠇꠞꠣ ꠎꠘ। ꠎꠛꠥꠞ ꠡꠞꠤꠚ ꠟꠦꠈꠣꠞ ꠇꠣꠟꠅ ꠢꠃ ꠎꠘ ꠀꠍꠟꠣ ꠢꠎꠞꠔ ꠖꠣꠃꠖ (ꠀ꠩)। ꠛꠤꠞꠥꠖ꠆ꠖꠦ।
3ꠄꠞꠣ ꠖꠟꠣ ꠅꠁꠀ ꠇꠁꠟ, ꠀꠅ,
ꠍꠤꠠꠤꠀ ꠚꠣꠟꠣꠁ ꠔꠣꠞꠣꠞ ꠒꠣꠘ꠆ꠒꠣ-ꠛꠦꠠꠤ,
ꠔꠣꠞꠣꠞ ꠛꠣꠘ꠆ꠖꠘ ꠈꠥꠟꠤꠀ ꠡ꠆ꠛꠣꠗꠤꠘ ꠛꠘꠤ।
4ꠀꠞꠡꠦ-ꠀꠎꠤꠝꠞ ꠇꠥꠞꠍꠤꠔ ꠛꠁꠀ ꠝꠣꠛꠥꠖꠦ ꠀꠡꠂꠘ,
ꠔꠣꠁꠘ ꠁꠔꠣꠞꠦ ꠟꠁꠀ ꠝꠡꠇꠞꠣ ꠇꠞꠂꠘ।
5ꠔꠣꠘ ꠉꠞꠝ ꠖꠦꠈꠣꠁꠀ ꠛꠦꠚꠣꠘꠣ ꠟꠣꠉꠣꠁꠛꠣ,
ꠀꠞ ꠉꠥꠍꠣꠄ ꠀꠉꠥꠁꠘ ꠅꠁꠀ ꠅꠔꠣꠞꠦ ꠇꠁꠛꠣ,
6ꠀꠝꠤ ꠡ꠆ꠛꠄꠅꠋ ꠀꠝꠣꠞ ꠛꠣꠖꠡꠣꠞꠦ ꠛꠅꠀꠁꠟ ꠇꠞꠍꠤ,
ꠀꠝꠣꠞ ꠙꠛꠤꠔ꠆ꠞ ꠍꠤꠅꠘ ꠙꠣꠠꠞ ꠃꠙꠞꠦ।
7ꠀꠞ ꠢꠃ ꠛꠣꠖꠡꠣꠄ ꠇꠁꠞꠣ,
ꠀꠝꠤ ꠈꠣꠟꠤ ꠝꠣꠛꠥꠖꠞ ꠅꠃ ꠢꠥꠇꠥꠝ ꠎꠣꠘꠣꠁ,
ꠔꠣꠁꠘ ꠀꠝꠣꠞꠦ ꠇꠁꠍꠂꠘ, ꠔꠥꠝꠤ ꠔ ꠀꠝꠣꠞ ꠙꠥꠔ#2:7 ꠢꠎꠞꠔ ꠖꠣꠃꠖ (ꠀ꠩)ꠅꠞ ꠀꠝꠟꠦ ꠀꠞ ꠄꠞ ꠛꠣꠖꠦꠅ, ꠇꠥꠘꠥ ꠛꠠ ꠡꠝ꠆ꠞꠣꠐꠦ ꠎꠦꠛꠟꠣ ꠔꠣꠘ ꠡꠝ꠆ꠞꠣꠁꠎ꠆ꠎꠞ ꠇꠥꠘꠥ ꠖꠦꠡꠞ ꠃꠙꠞꠦ ꠄꠇꠎꠘꠞꠦ ꠞꠣꠎꠣ ꠛꠣꠘꠣꠁꠘ, ꠢꠃ ꠡꠝꠄ ꠕꠣꠇꠤ ꠅꠃ ꠎꠘꠞꠦ ꠔꠣꠘ ‘ꠙꠥꠔ’ ꠇꠁꠀ ꠒꠣꠇꠤꠔꠣ। ꠄꠁꠘ ꠔ ꠢꠃ ꠡꠝ꠆ꠞꠣꠐꠞ ꠈꠟꠤꠚꠣ, ꠀꠍꠟ ꠙꠥꠔ ꠘꠣꠄ। ꠔꠦꠃ ꠁ ꠀꠄꠀꠔꠞ ꠝꠣꠘꠤ ꠅꠁꠟ, ꠢꠎꠞꠔ ꠖꠣꠃꠖ (ꠀ꠩)ꠄ ꠎꠦ ꠖꠤꠘ ꠎꠦꠞꠥꠎꠣꠟꠦꠝ ꠐꠣꠃꠘꠞ ꠙꠛꠤꠔ꠆ꠞ ꠍꠤꠅꠘ ꠙꠣꠠꠞꠦ ꠖꠈꠟ ꠇꠞꠟꠣ, ꠢꠃ ꠖꠤꠘꠃ ꠀꠍꠝꠣꠘ-ꠎꠝꠤꠘꠞ ꠛꠣꠖꠡꠣ ꠝꠣꠛꠥꠖ ꠀꠟ꠆ꠟꠣꠄ ꠘꠤꠎꠞ ꠈꠣꠍ ꠙ꠆ꠞꠎꠣ ꠛꠘꠤ ꠁꠍꠞꠣꠁꠟꠞ ꠃꠙꠞꠦ ꠔꠣꠘꠞꠦ ꠈꠟꠤꠚꠣ ꠢꠤꠡꠣꠛꠦ ꠞꠣꠈꠟꠣ, ꠄꠞꠟꠣꠉꠤ ‘ꠙꠥꠔ’ ꠘꠣꠝ ꠖꠤꠍꠟꠣ। ,
ꠀꠁꠎꠃ ꠀꠝꠤ ꠔꠥꠝꠣꠞ ꠛꠣꠚꠞ ꠟꠣꠈꠣꠘ ꠅꠁꠟꠣꠝ।
8ꠔꠥꠝꠤ ꠀꠝꠣꠞ ꠉꠦꠍꠦ ꠌꠣꠅ,
ꠌꠣꠁꠟꠦ ꠎꠉꠔꠞ ꠢꠇ꠆ꠇꠟ ꠎꠣꠔꠤ ꠔꠥꠝꠣꠞꠃ ꠅꠁꠛ,
ꠖꠥꠘꠤꠀꠞ ꠢꠦꠡ ꠝꠣꠕꠣꠞ ꠖꠈꠟꠅ ꠙꠣꠁꠛꠣꠄ,
9ꠔꠥꠝꠤ ꠟꠥꠀꠞ ꠟꠣꠑꠤ ꠖꠤꠀ ꠁꠔꠣꠞꠦ ꠜꠣꠋꠉꠤꠛꠣꠄ,
ꠝꠣꠐꠤꠞ ꠙꠣꠔꠤꠟꠞ ꠟꠣꠈꠣꠘ ꠌꠥꠞꠝꠣꠞ ꠇꠞꠛꠣꠄ।
10ꠅ ꠞꠣꠎꠣ ꠅꠇꠟ, ꠡꠑꠤꠇ ꠀꠈꠟ ꠈꠣꠐꠣꠅ,
ꠎꠉꠔꠞ ꠡꠣꠡꠇ ꠅꠇꠟ, ꠢꠥꠡꠤꠀꠞ ꠞꠅ,
11ꠖꠤꠟꠞ ꠒꠞ-ꠈꠚꠦ ꠝꠣꠛꠥꠖꠞ ꠄꠛꠣꠖꠔ ꠇꠞꠅ,
ꠇꠣꠙꠤ ꠇꠣꠙꠤ 12ꠔꠣꠘ ꠇꠥꠖꠞꠔꠤ ꠇꠖꠝꠅ ꠌꠥꠝꠣ ꠖꠦꠅ,
ꠔꠣꠁꠘ ꠔ ꠌꠈꠥꠞ ꠙꠟꠇꠦ ꠉꠥꠍꠣꠄ ꠎꠟꠤꠀ ꠃꠑꠂꠘ,
ꠉꠥꠍꠣꠄ ꠔꠣꠘ ꠉꠎꠛ ꠘꠣꠎꠤꠟ ꠇꠞꠟꠦ,
ꠔꠥꠝꠞꠣ ꠝꠣꠎꠙꠕꠅ ꠀꠈꠔꠣꠃ ꠛꠤꠘꠣꠡ ꠅꠁꠛꠣꠄ।
ꠔꠣꠞꠣꠃ ꠔ ꠛꠠ ꠇꠙꠣꠟꠤ,
ꠎꠦꠞꠣ ꠔꠣꠘ ꠍꠣꠄꠀꠔ ꠀꠡꠞꠄ ꠟꠂꠘ॥
ទើបបានជ្រើសរើសហើយ៖
ꠎꠛꠥꠞ ꠡꠞꠤꠚ 2: sylN
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Ahle Kitab Society. All rights reserved.