ꠔꠃꠞꠣꠔ ১: ꠙꠄꠖꠣ ꠘꠣꠝꠣ 23
23
ꠛꠤꠛꠤ ꠍꠣꠄꠞꠣꠞ ꠁꠘ꠆ꠔꠦꠇꠣꠟ ꠀꠞ ꠇꠄꠛꠞ
1ꠛꠤꠛꠤ ꠍꠣꠄꠞꠣ ꠄꠇ-ꠡ ꠡꠣꠔꠣꠁꠡ ꠛꠞꠍ ꠛꠣꠌꠤꠟꠣ; ꠀꠟ꠆ꠟꠣꠄ ꠔꠣꠘꠦ ꠅꠔꠖꠤꠘꠞ ꠢꠣꠄꠀꠔꠤ ꠖꠤꠍꠟꠣ। 2ꠛꠣꠖꠦ ꠇꠦꠘꠣꠘ ꠖꠦꠡꠞ ꠇꠤꠞꠤꠅꠔ-ꠅꠞ꠆ꠛ ꠝꠣꠘꠤ ꠢꠦꠛꠞꠘꠅ ꠁꠘ꠆ꠔꠦꠇꠣꠟ ꠇꠞꠟꠣ। ꠀꠞ ꠁꠛ꠆ꠞꠣꠢꠤꠝꠦ ꠔꠣꠘ ꠟꠣꠉꠤ ꠛꠃꠔ ꠇꠣꠘ꠆ꠖꠣ-ꠇꠣꠐꠤ ꠀꠞ ꠀꠢꠣꠎꠣꠞꠤ ꠇꠞꠟꠣ। 3ꠢꠦꠡꠦ ꠔꠣꠘ ꠝꠥꠞ꠆ꠖꠣ ꠛꠤꠛꠤꠞ ꠉꠦꠍ ꠕꠘꠦ ꠢꠞꠤꠀ ꠉꠤꠀ ꠢꠃ ꠖꠦꠡꠞ ꠢꠤꠐ꠆ꠐꠤ ꠅꠇꠟꠞꠦ ꠇꠁꠟꠣ, 4“ꠀꠝꠤ ꠔ ꠛꠤꠖꠦꠡꠤ ꠝꠥꠍꠣꠚꠤꠞ ꠅꠁꠀ ꠀꠙꠘꠣꠞꠣꠞ ꠅꠘꠅ ꠞꠁꠀꠞ। ꠝꠦꠢꠦꠞꠛꠣꠘꠤ ꠇꠞꠤ ꠇꠛꠞꠡ꠆ꠕꠣꠘ ꠛꠣꠘꠣꠁꠛꠣꠞ ꠟꠣꠉꠤ ꠀꠝꠣꠞꠦ ꠕꠥꠠꠣ ꠎꠝꠤ ꠖꠦꠃꠇ꠆ꠇꠣ, ꠀꠝꠤ ꠀꠝꠣꠞ ꠍꠣꠝꠘꠦ ꠕꠘꠦ ꠀꠝꠣꠞ ꠝꠥꠞ꠆ꠖꠣꠞꠦ ꠖꠣꠚꠘ ꠇꠞꠤ।” 5ꠢꠤꠐ꠆ꠐꠤ ꠅꠇꠟꠦ ꠔꠣꠘꠦ ꠇꠁꠟꠣ, 6“ꠢꠥꠎꠥꠞ, ꠀꠝꠞꠣꠞ ꠇꠕꠣ ꠢꠥꠘꠃꠇ꠆ꠇꠣ। ꠀꠙꠘꠦ ꠔ ꠀꠝꠞꠣꠞ ꠝꠣꠎꠦ ꠀꠟ꠆ꠟꠣꠞ ꠝꠢꠛ꠆ꠛꠔꠞ ꠛꠥꠎꠥꠞ꠆ꠉ। ꠀꠝꠞꠣꠞ ꠉꠥꠞꠥꠡ꠆ꠕꠣꠘꠞ ꠝꠣꠎꠦ ꠎꠦꠘꠅ ꠙꠍꠘ꠆ꠖ ꠅꠄ, ꠅꠘꠅꠃ ꠀꠙꠘꠣꠞ ꠝꠥꠞ꠆ꠖꠣꠞꠦ ꠖꠣꠚꠘ ꠇꠞꠃꠇ꠆ꠇꠣ। ꠔꠣꠘꠞꠦ ꠖꠣꠚꠘ ꠇꠞꠣꠞ ꠟꠣꠉꠤ ꠀꠝꠞꠣꠞ ꠇꠦꠃ-ꠃ ꠘꠤꠎꠞ ꠛꠣꠘꠣꠁꠟ ꠇꠄꠛꠞ ꠍꠣꠠꠔꠦ ꠅꠝꠔ ꠇꠞꠔ ꠘꠣꠄ।” 7ꠅꠃ ꠁꠛ꠆ꠞꠣꠢꠤꠝꠦ ꠃꠛꠣꠁꠀ ꠢꠤꠘꠞ ꠢꠤꠐ꠆ꠐꠤ ꠅꠇꠟꠞ ꠍꠣꠝꠘꠦ ꠝꠣꠕꠣ ꠘꠥꠀꠁꠀ ꠁꠎ꠆ꠎꠔ ꠇꠞꠤ ꠇꠁꠟꠣ, 8“ꠀꠝꠣꠞ ꠛꠤꠛꠤꠞꠦ ꠁꠘꠅ ꠖꠣꠚꠘ ꠇꠞꠣꠔ ꠎꠥꠖꠤ ꠀꠙꠘꠣꠞꠣꠞ ꠇꠥꠘꠥ ꠅꠝꠔ ꠘꠣ ꠕꠣꠇꠦ, ꠔꠦ ꠖꠄꠀ ꠇꠞꠤ ꠀꠝꠣꠞ ꠀꠞꠎꠤꠈꠣꠘ ꠢꠥꠘꠃꠇ꠆ꠇꠣ। ꠀꠙꠘꠣꠞꠣ ꠀꠝꠣꠞ ꠅꠁꠀ ꠡꠥꠢꠞꠞ ꠙꠥꠀ ꠁꠚ꠆ꠞꠥꠘꠞꠦ ꠇꠃꠇ꠆ꠇꠣ, 9ꠔꠣꠘ ꠎꠝꠤꠘꠞ ꠢꠦꠡ ꠝꠣꠕꠣꠔ ꠝꠇꠙꠦꠟꠣ ꠎꠦ ꠉꠥꠢꠣ ꠀꠍꠦ, ꠅꠈꠣꠘꠔꠣ ꠎꠦꠘꠥ ꠇꠛꠞꠡ꠆ꠕꠣꠘ ꠛꠣꠘꠣꠘꠤꠞ ꠟꠣꠉꠤ ꠔꠣꠁꠘ ꠙꠥꠞꠣ ꠖꠣꠝ ꠟꠁꠀ ꠀꠝꠣꠞ ꠉꠦꠍꠦ ꠛꠦꠌꠤꠟꠣꠁꠘ।” 10ꠀꠞꠅ ꠢꠤꠐ꠆ꠐꠤ ꠅꠇꠟꠞ ꠟꠉꠦ ꠁ ꠡꠝꠄ ꠁꠚ꠆ꠞꠥꠘꠅ ꠢꠘꠅ ꠛꠅꠀꠔ ꠀꠍꠟꠣ। ꠁꠛ꠆ꠞꠣꠢꠤꠝꠞ ꠝꠣꠔꠞ ꠎꠥꠀꠙꠦ ꠢꠃ ꠢꠤꠐ꠆ꠐꠤ ꠅꠇꠟꠞ ꠍꠣꠝꠘꠦ ꠁꠚ꠆ꠞꠥꠘꠦ ꠇꠁꠟꠣ, 11“ꠘꠣ, ꠘꠣ, ꠀꠙꠘꠦ ꠖꠄꠀ ꠇꠞꠤ ꠀꠝꠣꠞ ꠝꠣꠔꠈꠣꠘ ꠢꠥꠘꠃꠇ꠆ꠇꠣ। ꠀꠝꠤ ꠢꠇꠟꠞ ꠍꠣꠝꠘꠦꠃ ꠁ ꠎꠝꠤ ꠀꠞ ꠉꠥꠢꠣ ꠀꠙꠘꠣꠞꠦ ꠖꠤꠟꠣꠁꠟꠣꠝ, ꠀꠙꠘꠣꠞ ꠝꠥꠞ꠆ꠖꠣꠞꠦ ꠖꠣꠚꠘ ꠇꠞꠤꠟꠣꠁꠘ।” 12ꠔꠦꠃ ꠁꠛ꠆ꠞꠣꠢꠤꠝꠦ ꠢꠤꠞꠛꠣꠞ ꠢꠤꠘꠞ ꠢꠇꠟꠞ ꠍꠣꠝꠘꠦ ꠝꠣꠕꠣ ꠘꠥꠀꠁꠀ, 13ꠢꠤ ꠖꠦꠡꠞ ꠢꠇ꠆ꠇꠟꠞꠦ ꠢꠥꠘꠣꠁꠀ ꠁꠚ꠆ꠞꠥꠘꠞꠦ ꠇꠁꠟꠣ, “ꠢꠥꠘꠃꠇ꠆ꠇꠣ, ꠎꠝꠤꠈꠣꠘꠞ ꠖꠣꠝ ꠀꠝꠤ ꠖꠤꠟꠣꠁ। ꠀꠙꠘꠦꠅ ꠎꠝꠤꠈꠣꠘꠞ ꠖꠣꠝ ꠘꠦꠃꠇ꠆ꠇꠣꠉꠤ, ꠛꠣꠖꠦ ꠀꠝꠣꠞ ꠝꠥꠞ꠆ꠖꠣꠞꠦ ꠅꠘꠅ ꠖꠣꠚꠘ ꠇꠞꠝꠥ।” 14ꠁꠚ꠆ꠞꠥꠘꠦ ꠔꠣꠘꠞꠦ ꠎꠥꠀꠙ ꠖꠤꠟꠣ, 15“ꠢꠥꠎꠥꠞ, ꠀꠝꠣꠞ ꠇꠕꠣ ꠢꠥꠘꠃꠇ꠆ꠇꠣ, ꠅꠃ ꠎꠝꠤꠈꠣꠘꠞ ꠖꠣꠝ ꠅꠁꠟꠉꠤ ꠌꠣꠁꠞ-ꠡ ꠔꠟꠣ ꠞꠥꠙꠣ, ꠔꠦ ꠀꠙꠘꠣꠞ-ꠀꠝꠣꠞ ꠟꠣꠉꠤ ꠁꠔꠣ ꠇꠥꠘ꠆ꠔꠣꠃ ꠘꠣꠄ। ꠀꠙꠘꠣꠞ ꠝꠥꠞ꠆ꠖꠣꠞꠦ ꠇꠄꠛꠞ ꠖꠤꠟꠣꠃꠇ꠆ꠇꠣ।” 16ꠅꠃ ꠁꠛ꠆ꠞꠣꠢꠤꠝꠦ ꠁꠚ꠆ꠞꠥꠘꠞ ꠇꠕꠣ ꠝꠣꠘꠤꠀ ꠢꠤꠐ꠆ꠐꠤ ꠅꠇꠟꠞ ꠍꠣꠝꠘꠦ ꠔꠣꠁꠘ, ꠁꠚ꠆ꠞꠥꠘꠞ ꠌꠣꠅꠀ ꠖꠣꠝ ꠝꠣꠚꠤꠇ, ꠙꠣꠁꠇꠣꠞꠤ ꠝꠣꠙꠦ ꠌꠣꠁꠞ-ꠡ ꠔꠟꠣ ꠞꠥꠙꠣ ꠔꠣꠘꠞꠦ ꠝꠣꠙꠤꠀ ꠖꠤꠟꠣ।
17ꠅꠃ ꠟꠣꠈꠣꠘ ꠝꠝ꠆ꠞꠤ ꠐꠣꠃꠘꠞ ꠉꠦꠍꠦ ꠝꠇꠙꠦꠟꠣꠔ ꠁꠚ꠆ꠞꠥꠘꠞ ꠎꠦ ꠎꠝꠤꠘ ꠀꠍꠤꠟ ꠢꠃ ꠎꠝꠤꠘ ꠀꠞ ꠢꠘꠞ ꠉꠥꠢꠣ ꠀꠞ ꠎꠝꠤꠘꠞ ꠌꠣꠁꠞꠅꠛꠣꠄ ꠎꠔ ꠉꠣꠍ-ꠉꠣꠍꠣꠟꠤ ꠀꠍꠤꠟ, 18ꠁꠔꠣ ꠢꠇꠟꠔꠣꠃ ꠢꠤꠘꠞ ꠢꠤꠐ꠆ꠐꠤ ꠅꠇꠟ ꠀꠞ ꠐꠣꠃꠘꠞ ꠝꠥꠈꠞ ꠢꠇꠟꠞ ꠍꠣꠝꠘꠦ, ꠁꠛ꠆ꠞꠣꠢꠤꠝꠞ ꠝꠣꠟꠤꠇꠣꠘꠣꠄ ꠀꠁꠟ। 19ꠛꠣꠖꠦ ꠁꠛ꠆ꠞꠣꠢꠤꠝꠦ ꠇꠦꠘꠣꠘ ꠖꠦꠡꠞ ꠝꠝ꠆ꠞꠤ ꠐꠣꠃꠘ ꠛꠣ ꠢꠦꠛꠞꠘꠞ ꠝꠇꠙꠦꠟꠣꠞ ꠉꠥꠢꠣꠔ ꠔꠣꠘ ꠛꠤꠛꠤ ꠍꠣꠄꠞꠣꠞꠦ ꠖꠣꠚꠘ ꠇꠞꠟꠣ। 20ꠅꠃ ꠟꠣꠈꠣꠘ ꠝꠇꠙꠦꠟꠣꠞ ꠅꠃ ꠉꠥꠢꠣ ꠡꠢ ꠀꠡ꠆ꠔꠣ ꠎꠝꠤꠘꠈꠣꠘ ꠉꠥꠞꠥꠡ꠆ꠕꠣꠘꠞ ꠟꠣꠉꠤ, ꠢꠤꠐ꠆ꠐꠤ ꠅꠇꠟꠞ ꠀꠔ ꠕꠘꠦ ꠁꠛ꠆ꠞꠣꠢꠤꠝꠞ ꠀꠔꠅ ꠀꠁꠟ।
ទើបបានជ្រើសរើសហើយ៖
ꠔꠃꠞꠣꠔ ১: ꠙꠄꠖꠣ ꠘꠣꠝꠣ 23: sylN
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Ahle Kitab Society. All rights reserved.