ꠔꠃꠞꠣꠔ ২: ꠢꠤꠎꠞꠔ 30
30
ꠀꠉꠞ-ꠈꠥꠡꠛꠄ ꠎꠣꠟꠣꠘꠤꠞ ꠐꠦꠛꠥꠟ
1ꠝꠣꠛꠥꠖꠦ ꠝꠥꠍꠣꠞꠦ ꠇꠁꠟꠣ, “ꠀꠉꠞ-ꠈꠥꠡꠛꠄ ꠎꠣꠟꠣꠁꠛꠣꠞ ꠟꠣꠉꠤ ꠔꠥꠝꠤ ꠛꠣꠛꠟꠣ ꠟꠣꠇꠠꠤꠖꠤ ꠄꠇꠈꠣꠘ ꠐꠦꠛꠥꠟ ꠛꠣꠘꠣꠁꠅ। 2ꠁꠉꠥ ꠅꠁꠛ ꠌꠣꠁꠞꠇꠥꠘꠣ ꠀꠟꠣ, ꠄꠇ ꠀꠔ ꠟꠣꠝ꠆ꠛꠣ, ꠄꠇ ꠀꠔ ꠙꠣꠡ, ꠖꠥꠁ ꠀꠔ ꠃꠛꠤ। ꠀꠡ꠆ꠔꠣ ꠈꠣꠘꠃ ꠢꠤꠋ ꠡꠥꠖ꠆ꠖꠣ ꠄꠇꠈꠣꠘꠅ ꠟꠣꠉꠣꠁꠟ ꠞꠁꠛ। 3ꠄꠞ ꠃꠙꠞꠞ ꠍꠣꠘꠤ, ꠍꠣꠘꠤꠞ ꠌꠣꠁꠞꠅ ꠇꠤꠘꠣꠞꠣ ꠀꠞ ꠢꠤꠋ, ꠢꠇꠟꠔꠣ ꠈꠣꠐꠤ ꠡꠥꠘꠣꠖꠤ ꠟꠦꠙꠤꠛꠣꠄ। ꠌꠣꠁꠞꠅ ꠇꠤꠘꠣꠞꠅ ꠡꠥꠘꠣꠞ ꠘꠇꠡꠣ ꠇꠞꠣꠁꠛꠣꠄ। 4ꠄꠞ ꠖꠥꠁ ꠇꠤꠘꠣꠞꠞ ꠘꠇꠡꠣꠞ ꠔꠟꠦ ꠖꠥꠉꠥ ꠇꠞꠤ ꠡꠥꠘꠣꠞ ꠇꠠꠣ ꠟꠣꠉꠣꠁꠅ। ꠁ ꠇꠠꠣꠞ ꠜꠤꠔꠞꠦ ꠛꠦꠘ꠆ꠖꠣ ꠢꠣꠞꠣꠁꠀ ꠅꠉꠥ ꠛꠁꠀ ꠘꠦꠅꠀ ꠅꠁꠛ। 5ꠁ ꠛꠦꠘ꠆ꠖꠣ ꠉꠥꠁꠘ ꠛꠣꠛꠟꠣ ꠟꠣꠇꠠꠤꠖꠤ ꠛꠣꠘꠣꠁꠀ ꠡꠥꠘꠣꠖꠤ ꠟꠦꠙꠣꠁꠅ। 6ꠡꠣꠢꠣꠖꠔ ꠡꠘ꠆ꠖꠥꠇꠞ ꠓꠣꠇꠘꠣꠞ ꠇꠣꠍꠣꠔ ꠎꠦ ꠙꠞ꠆ꠖꠣꠈꠣꠘ ꠀꠍꠦ, ꠅꠃ ꠐꠦꠛꠥꠟ ꠄꠞ ꠍꠣꠝꠘꠦ ꠞꠣꠈꠤꠅ। ꠅꠃ ꠎꠣꠉꠣꠔ ꠀꠝꠤ ꠔꠥꠝꠣꠞꠦ ꠖꠤꠖꠣꠞ ꠖꠤꠝꠥ।
7“ꠙꠞꠔꠦꠇ ꠖꠤꠘ ꠛꠤꠀꠘꠦ ꠌꠦꠞꠣꠉ ꠉꠥꠁꠘ ꠎꠥꠁꠔ-ꠎꠣꠁꠔ ꠇꠞꠣꠞ ꠛꠣꠟꠣ, ꠢꠣꠞꠥꠘꠦ ꠅꠃ ꠐꠦꠛꠥꠟꠞ ꠃꠙꠞꠦ ꠈꠥꠡꠛꠄ ꠀꠟꠣ ꠀꠉꠞ ꠎꠣꠟꠣꠁꠛ। 8ꠢꠣꠁꠘ꠆ꠎꠣ ꠛꠣꠟꠣ ꠌꠦꠞꠣꠉ ꠎꠣꠟꠣꠘꠤꠞ ꠡꠝꠄ, ꠢꠦ ꠢꠤꠞꠛꠣꠞ ꠀꠉꠞ-ꠈꠥꠡꠛꠄ ꠎꠣꠟꠣꠁꠛ। ꠔꠥꠝꠞꠣꠞ ꠅꠀꠞꠤꠡꠞ ꠙꠞ ꠅꠀꠞꠤꠡ ꠗꠞꠤ ꠝꠣꠛꠥꠖꠞ ꠍꠣꠝꠘꠦ ꠢꠞ-ꠢꠣꠝꠦꠡꠣ ꠅꠃ ꠀꠉꠞ-ꠈꠥꠡꠛꠄ ꠎꠟꠛ। 9ꠁ ꠀꠉꠞ-ꠈꠥꠡꠛꠄ ꠎꠣꠟꠣꠘꠤꠞ ꠐꠦꠛꠥꠟꠞ ꠃꠙꠞꠦ ꠖꠥꠍꠞꠣ ꠇꠥꠘꠥꠎꠣꠔꠞ ꠈꠥꠡꠛꠄ ꠎꠣꠟꠣꠁꠅ ꠘꠣ। ꠇꠥꠘꠥ ꠎꠣꠟꠣꠁꠟ ꠇꠥꠞꠛꠣꠘꠤ, ꠗꠣꠘ-ꠉꠝꠞ ꠍꠖꠉꠣ, ꠛꠣ ꠡꠞꠛꠔ-ꠙꠣꠘꠤꠞ ꠍꠖꠉꠣ ꠖꠤꠅ ꠘꠣ। 10ꠉꠥꠘꠣꠞ ꠝꠣꠚꠤꠞ ꠇꠚꠞꠣ ꠢꠤꠡꠣꠛꠦ, ꠢꠣꠞꠥꠘꠦ ꠛꠍꠞꠅ ꠄꠇꠛꠣꠞ ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠟꠃ, ꠐꠦꠛꠥꠟꠞ ꠢꠤꠋ ꠅꠇꠟꠞ ꠃꠙꠞꠦ ꠟꠣꠉꠣꠁꠔꠦ ꠅꠁꠛ। ꠔꠦꠃ ꠁꠈꠣꠘ ꠝꠣꠛꠥꠖꠞ ꠘꠣꠝꠦ ꠝꠢꠣ-ꠙꠛꠤꠔ꠆ꠞ ꠅꠁꠛ। ꠅꠀꠞꠤꠡꠞ ꠙꠞ ꠅꠀꠞꠤꠡ ꠗꠞꠤ ꠙꠞꠗꠣꠘ ꠁꠝꠣꠝꠦ ꠛꠍꠞꠅ ꠄꠇꠛꠣꠞ ꠅꠃ ꠟꠣꠈꠣꠘ ꠇꠞꠔꠦ ꠅꠁꠛ।”
ꠎꠣꠘꠞ ꠛꠖꠟꠣ ꠞꠥꠙꠣ
11ꠛꠣꠖꠦ ꠝꠣꠛꠥꠖꠦ ꠝꠥꠍꠣꠞꠦ ꠇꠁꠟꠣ, 12“ꠔꠥꠝꠤ ꠎꠦꠛꠟꠣ ꠛꠘꠤ ꠁꠍꠞꠣꠁꠟꠞ ꠝꠣꠘꠡꠞ ꠙꠞꠤꠝꠣꠘ ꠉꠘꠛꠣꠄ, ꠅꠃ ꠡꠝꠄ ꠔꠣꠞꠣ ꠢꠇꠟꠦꠃ ꠎꠣꠞꠎꠤꠞ ꠎꠣꠘꠞ ꠛꠖꠟꠣ ꠞꠥꠙꠣ ꠖꠤꠔꠦ ꠅꠁꠛ, ꠎꠣꠔꠦ ꠁ ꠉꠘꠣꠞ ꠟꠣꠉꠤ ꠔꠣꠞꠣꠞ ꠃꠙꠞꠦ ꠇꠥꠘꠥ ꠉꠎꠛ ꠘꠣ ꠀꠄ। 13ꠔꠣꠞꠣꠞꠦ ꠉꠘꠣꠞ ꠛꠣꠟꠣ ꠅꠃꠟꠣ ꠛꠖꠟꠣ ꠟꠁꠅ, ꠉꠘꠣ ꠅꠁꠍꠦ ꠖꠟꠅ ꠎꠦꠞꠣ ꠢꠣꠝꠣꠁꠛꠣ, ꠄꠞꠣ ꠄꠛꠣꠖꠔ ꠈꠣꠘꠣꠞ ꠝꠣꠙꠦ ꠀꠗꠣ ꠔꠟꠣ ꠞꠥꠙꠣ ꠖꠤꠛꠣ। ꠙꠞꠔꠦꠇ ꠛꠤꠡ ꠞꠔꠤꠄ ꠄꠇ ꠔꠟꠣ ꠉꠘꠤꠅ। ꠁ ꠞꠥꠙꠣ ꠅꠁꠛ ꠝꠣꠛꠥꠖꠞ। 14ꠛꠤꠡ ꠛꠞꠍ ꠛꠣ ꠄꠞ ꠛꠦꠡꠤ ꠛꠄꠅꠡꠞ ꠎꠦꠇꠥꠘꠥ ꠎꠘ ꠉꠘꠣ ꠡꠦꠡ ꠅꠀ ꠖꠟꠅ ꠢꠣꠝꠣꠁꠟꠦ, ꠄꠘ ꠎꠣꠘꠞ ꠛꠖꠟꠣ ꠝꠣꠛꠥꠖꠞꠦ ꠅꠃ ꠞꠥꠙꠣ ꠖꠤꠛꠣ। 15ꠎꠣꠘꠞ ꠛꠖꠟꠣ ꠖꠦꠅꠀꠞ ꠡꠝꠄ ꠗꠘꠤ ꠅꠇꠟꠦ ꠅꠃ ꠀꠗꠣ ꠔꠟꠣꠞ ꠛꠦꠡꠤ ꠖꠤꠔꠣ ꠙꠣꠞꠔꠣ ꠘꠣꠄ, ꠀꠞ ꠉꠞꠤꠛꠦꠅ ꠇꠝ ꠖꠤꠟꠦ ꠅꠁꠔ ꠘꠣꠄ। 16ꠔꠥꠝꠤ ꠛꠘꠤ ꠁꠍꠞꠣꠁꠟꠞ ꠉꠦꠍ ꠕꠣꠇꠤ ꠎꠣꠘꠞ ꠛꠖꠟꠣ ꠅꠃ ꠞꠥꠙꠣ ꠘꠤꠀ, ꠀꠝꠣꠞ ꠊꠞꠞ ꠇꠣꠝꠅ ꠟꠣꠉꠣꠁꠅ। ꠔꠥꠝꠞꠣꠞ ꠎꠣꠘꠞ ꠛꠖꠟꠣ ꠁ ꠞꠥꠙꠣꠄ, ꠛꠘꠤ ꠁꠍꠞꠣꠁꠟ ꠅꠇꠟꠞꠦ ꠝꠣꠛꠥꠖꠞ ꠖꠞꠛꠣꠞꠅ ꠁꠀꠖ ꠇꠞꠣꠁ ꠖꠤꠛ।”
ꠅꠎꠥꠞ ꠙꠣꠘꠤꠞ ꠉꠣꠝꠟꠣ ꠛꠣꠘꠣꠁꠅ
17ꠝꠣꠛꠥꠖꠦ ꠝꠥꠍꠣꠞꠦ ꠇꠁꠟꠣ, 18“ꠅꠎꠥ ꠇꠞꠣꠞ ꠟꠣꠉꠤ ꠔꠥꠝꠤ ꠙꠤꠔꠟꠞ ꠄꠇꠐꠣ ꠉꠣꠝꠟꠣ, ꠀꠞ ꠉꠣꠝꠟꠣ ꠕꠅꠀꠞ ꠟꠣꠉꠤ ꠙꠤꠔꠟꠞ ꠄꠇꠈꠣꠘ ꠌꠇꠤ-ꠈꠣꠐ ꠛꠣꠘꠣꠁꠅ। ꠝꠤꠟꠘ-ꠔꠣꠝ꠆ꠛꠥ ꠀꠞ ꠇꠥꠞꠛꠣꠘꠤ ꠈꠣꠘꠣꠞ ꠝꠣꠎꠈꠣꠘꠅ ꠙꠣꠘꠤ ꠜꠞꠤꠀ ꠅꠉꠥ ꠕꠁꠅ। 19ꠁ ꠙꠣꠘꠤꠖꠤ ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠦ ꠅꠎꠥ ꠇꠞꠛꠣ। 20ꠔꠣꠞꠣ ꠎꠣꠔꠦ ꠘꠣ ꠝꠞꠂꠘ, ꠄꠞꠟꠣꠉꠤ ꠙꠞꠔꠦꠇꠛꠣꠞ ꠝꠤꠟꠘ-ꠔꠣꠝ꠆ꠛꠥꠔ ꠢꠣꠝꠣꠁꠛꠣꠞ ꠛꠣꠟꠣ ꠅꠃ ꠙꠣꠘꠤꠖꠤ ꠅꠎꠥ ꠇꠞꠔꠦ ꠅꠁꠛ। ꠁꠝꠣꠝ ꠢꠤꠡꠣꠛꠦ ꠝꠣꠛꠥꠖꠞ ꠘꠣꠝꠦ ꠀꠉꠥꠘꠤꠔ ꠖꠦꠅꠀ ꠎꠦꠇꠥꠘꠥ ꠇꠥꠞꠛꠣꠘꠤ ꠀꠖꠣꠄ ꠇꠞꠣꠞ ꠡꠝꠄꠅ ꠅꠎꠥ ꠇꠞꠔꠦ ꠅꠁꠛ। 21ꠔꠣꠞꠣ ꠎꠣꠘꠦ ꠛꠣꠌꠤꠀ ꠞꠅꠀꠞ ꠟꠣꠉꠤ ꠅꠃ ꠅꠎꠥ ꠇꠞꠛꠣ। ꠁ ꠢꠥꠇꠥꠝ ꠔꠣꠞꠣꠞ ꠟꠣꠉꠤ ꠢꠞ-ꠢꠣꠝꠦꠡꠣ ꠌꠣꠟꠥ ꠞꠁꠛ, ꠅꠀꠞꠤꠡꠞ ꠙꠞ ꠅꠀꠞꠤꠡ ꠗꠞꠤ ꠛꠅꠀꠁꠟ ꠞꠁꠛ।”
ꠈꠦꠟꠣꠚꠔꠤ ꠡꠝꠎꠤꠛꠣꠞ ꠔꠦꠟ
22ꠝꠣꠛꠥꠖꠦ ꠝꠥꠍꠣꠞꠦ ꠇꠁꠟꠣ, 23“ꠔꠥꠝꠣꠞ ꠘꠤꠎꠞ ꠉꠦꠍꠦ ꠈꠥꠡꠛꠄꠖꠣꠞ ꠜꠣꠟꠣ ꠜꠣꠟꠣ ꠝꠡꠟꠣ ꠅꠇꠟ ꠖꠟꠣ ꠇꠞꠅ। ꠔꠥꠝꠤ ꠙꠣꠌ-ꠡ ꠔꠟꠣ ꠝꠥꠞꠣ ꠘꠣꠝꠞ ꠀꠔꠞ, ꠀꠠꠣꠁ-ꠡ ꠔꠟꠣ ꠈꠥꠡꠛꠄ ꠀꠟꠣ ꠒꠣꠁꠟꠌꠤꠘꠤ, ꠀꠞ ꠀꠠꠣꠁ-ꠡ ꠔꠟꠣ ꠛꠍ, 24ꠡꠣꠗꠣꠞꠘ ꠒꠣꠁꠟꠌꠤꠘꠤ ꠙꠣꠌ-ꠡ ꠔꠟꠣ, ꠀꠞ ꠎꠄꠔꠥꠘꠞ ꠔꠦꠟ ꠌꠣꠁꠞ ꠡꠦꠞ ꠖꠟꠣ ꠇꠞꠤꠅ। ꠁ ꠝꠣꠙ ꠅꠁꠟ ꠄꠛꠣꠖꠔ ꠈꠣꠘꠣꠞ ꠝꠣꠙꠦ। 25ꠅꠃ ꠝꠡꠟꠣ ꠅꠇꠟ ꠖꠤꠀ ꠀꠉꠞ-ꠈꠥꠡꠛꠄ ꠝꠡꠟꠣ ꠛꠣꠘꠣꠘꠤꠞ ꠇꠣꠞꠤꠉꠞꠞ ꠘꠤꠅꠝꠦ ꠔꠥꠝꠤ ꠈꠦꠟꠣꠚꠔꠤ ꠡꠝꠎꠤꠛꠣꠞ ꠔꠦꠟ ꠛꠣꠘꠣꠁꠅ, ꠁ ꠔꠦꠟ ꠔ ꠙꠛꠤꠔ꠆ꠞ। 26ꠅꠃ ꠔꠦꠟ ꠖꠤꠀ ꠔꠥꠝꠤ ꠝꠤꠟꠘ-ꠔꠣꠝ꠆ꠛꠥ, ꠡꠣꠢꠣꠖꠔ ꠡꠘ꠆ꠖꠥꠇ, 27ꠐꠦꠛꠥꠟ, ꠐꠦꠛꠥꠟꠞ ꠃꠙꠞꠞ ꠢꠇꠟ ꠍꠣꠝꠣꠘꠣ, ꠌꠦꠞꠣꠉ ꠖꠣꠘꠤꠞ ꠢꠇꠟꠔꠣ, ꠀꠞ ꠀꠉꠞ-ꠈꠥꠡꠛꠄ ꠎꠣꠟꠣꠘꠤꠞ ꠐꠦꠛꠥꠟ, 28ꠇꠥꠞꠛꠣꠘꠤ ꠈꠣꠘꠣ ꠀꠞ ꠄꠞ ꠝꠣꠎꠞ ꠢꠇꠟ ꠍꠣꠝꠣꠘꠣ, ꠅꠎꠥꠞ ꠉꠣꠝꠟꠣ ꠀꠞ ꠄꠞ ꠔꠟꠞ ꠌꠇꠤ-ꠈꠣꠐ ꠢꠇꠟꠔꠣꠞꠦ ꠚꠥꠍꠤꠀ ꠙꠣꠇ-ꠙꠛꠤꠔ꠆ꠞ ꠇꠞꠤꠅ। 29ꠔꠦꠃ ꠁ ꠢꠇꠟꠔꠣ ꠝꠢꠣ-ꠙꠛꠤꠔ꠆ꠞ ꠍꠣꠝꠣꠘꠣ ꠅꠁꠛ। ꠁꠔꠣ ꠍꠣꠝꠣꠘꠣ ꠇꠦꠃ ꠍꠁꠟꠦ, ꠢꠦ-ꠅ ꠝꠢꠣ-ꠙꠛꠤꠔ꠆ꠞ ꠅꠁꠎꠤꠛ।
30“ꠔꠥꠝꠤ ꠢꠣꠞꠥꠘꠞꠦ ꠀꠞ ꠔꠣꠞ ꠙꠥꠀꠂꠘꠞꠦ ꠀꠝꠣꠞ ꠁꠝꠣꠝꠔꠤꠞ ꠇꠣꠝꠞ ꠟꠣꠉꠤ ꠈꠦꠟꠣꠚꠔꠤꠞ ꠔꠦꠟ ꠖꠤꠀ ꠙꠣꠇ-ꠙꠛꠤꠔ꠆ꠞ ꠇꠞꠤꠅ। 31ꠀꠞ ꠛꠘꠤ ꠁꠍꠞꠣꠁꠟꠞꠦ ꠎꠣꠘꠣꠁ ꠖꠤꠅ, ꠅꠀꠞꠤꠡꠞ ꠙꠞ ꠅꠀꠞꠤꠡ ꠗꠞꠤ ꠁꠐꠣꠃ ꠅꠁꠛ ꠀꠝꠣꠞ ꠈꠦꠟꠣꠚꠔꠤ ꠡꠝꠎꠤꠛꠣꠞ ꠙꠛꠤꠔ꠆ꠞ ꠔꠦꠟ। 32ꠁ ꠔꠦꠟ ꠝꠣꠘꠡꠞ ꠉꠔꠞꠅ ꠖꠦꠅꠀ ꠎꠣꠁꠔ ꠘꠣꠄ। ꠁ ꠘꠤꠅꠝꠦ ꠔꠣꠞꠣ ꠎꠣꠔꠦ ꠀꠞ ꠇꠥꠘꠥ ꠔꠦꠟ ꠘꠣ ꠛꠣꠘꠣꠄ। ꠁ ꠔꠦꠟ ꠔ ꠙꠛꠤꠔ꠆ꠞ। ꠔꠥꠝꠞꠣ ꠁꠐꠣꠞꠦ ꠙꠣꠇ-ꠙꠛꠤꠔ꠆ꠞ ꠝꠘꠅ ꠇꠞꠤꠀ ꠁꠎ꠆ꠎꠔ ꠇꠞꠔꠦ ꠅꠁꠛ। 33ꠇꠦꠃ ꠎꠥꠖꠤ ꠁ ꠟꠣꠈꠣꠘ ꠔꠦꠟ ꠔꠂꠀꠞ ꠇꠞꠦ, ꠛꠣ ꠁꠝꠣꠝ ꠍꠣꠛ ꠍꠣꠠꠣ ꠀꠞ ꠇꠦꠃ ꠁ ꠔꠦꠟ ꠉꠔꠞꠅ ꠝꠣꠈꠦ, ꠔꠦ ꠔꠣꠞꠦ ꠘꠤꠎꠞ ꠎꠣꠔꠤ ꠕꠣꠇꠤ ꠚꠥꠍꠤꠟꠤꠛꠣꠄ।”
ꠀꠉꠞ-ꠈꠥꠡꠛꠄ ꠛꠣꠘꠣꠘꠤꠞ ꠘꠤꠅꠝ
34ꠝꠣꠛꠥꠖꠦ ꠝꠥꠍꠣꠞꠦ ꠇꠁꠟꠣ, “ꠔꠥꠝꠤ ꠘꠤꠎꠞ ꠉꠦꠍꠦ ꠇꠤꠍꠥ ꠈꠥꠡꠛꠄ ꠀꠟꠣ ꠝꠡꠟꠣ: ꠉꠥꠉꠉꠥꠟꠥ, ꠘꠈꠤ, ꠇꠥꠘ꠆ꠖꠥꠞꠥ ꠀꠞ ꠈꠣꠐꠤ ꠟꠥꠛꠣꠘ ꠖꠟꠣ ꠇꠞꠤꠅ। ꠖꠟꠣ ꠇꠞꠤꠀ ꠅꠔꠣ ꠢꠝꠣꠘ ꠢꠝꠣꠘ ꠇꠞꠤ ꠝꠤꠡꠣꠁꠅ। 35ꠀꠞ ꠎꠦꠞꠣ ꠀꠉꠞ-ꠈꠥꠡꠛꠄ ꠛꠣꠘꠣꠁꠘ, ꠔꠣꠞꠣꠞꠦꠖꠤ ꠅꠃ ꠇꠣꠝ ꠇꠞꠣꠁꠅ। ꠁꠔꠣꠞ ꠟꠉꠦ ꠘꠥꠘ ꠝꠤꠡꠣꠁꠅ, ꠁꠔꠣ ꠅꠁꠛ ꠘꠤꠞꠜꠦꠎꠣꠟ ꠈꠣꠐꠤ ꠙꠣꠇ-ꠙꠛꠤꠔ꠆ꠞ ꠀꠉꠞ। 36ꠅꠃ ꠀꠉꠞꠞ ꠕꠥꠠꠣ ꠉꠥꠠꠣ ꠘꠤꠀ ꠝꠤꠟꠘ-ꠔꠣꠝ꠆ꠛꠥꠞ ꠡꠣꠢꠣꠖꠔ ꠡꠘ꠆ꠖꠥꠇꠞ ꠍꠣꠝꠘꠦ ꠕꠁꠅ। ꠢꠘꠅ ꠀꠝꠤ ꠔꠥꠝꠣꠞꠦ ꠖꠤꠖꠣꠞ ꠖꠤꠝꠥ। ꠔꠥꠝꠞꠣ ꠁ ꠀꠉꠞꠞꠦ ꠝꠢꠣ-ꠙꠛꠤꠔ꠆ꠞ ꠍꠣꠝꠣꠘꠣ ꠝꠘꠅ ꠇꠞꠤꠅ। 37ꠅꠃ ꠝꠡꠟꠣ ꠖꠤꠀ ꠁ ꠘꠤꠅꠝꠦ ꠇꠦꠃ ꠎꠣꠔꠦ ꠔꠣꠞ ꠘꠤꠎꠞ ꠟꠣꠉꠤ ꠇꠥꠘꠥ ꠀꠉꠞ-ꠈꠥꠡꠛꠄ ꠘꠣ ꠛꠣꠘꠣꠄ। ꠁꠔꠣ ꠔ ꠝꠣꠛꠥꠖꠞ ꠘꠣꠝꠦ ꠙꠣꠇ-ꠙꠛꠤꠔ꠆ꠞ ꠌꠤꠎ, ꠁꠈꠣꠘ ꠈꠤꠀꠟ ꠞꠣꠈꠤꠅ। 38ꠈꠥꠡꠛꠄꠖꠣꠞ ꠌꠤꠎ ꠝꠘꠅ ꠇꠞꠤꠀ ꠇꠦꠃ ꠎꠥꠖꠤ ꠁꠔꠣ ꠔꠂꠀꠞ ꠇꠞꠤꠟꠣꠄ, ꠔꠦ ꠔꠣꠞꠦ ꠁ ꠎꠣꠔꠤ ꠕꠣꠇꠤ ꠚꠥꠍꠤꠟꠤꠛꠣꠄ।”
ទើបបានជ្រើសរើសហើយ៖
ꠔꠃꠞꠣꠔ ২: ꠢꠤꠎꠞꠔ 30: sylN
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Ahle Kitab Society. All rights reserved.
ꠔꠃꠞꠣꠔ ২: ꠢꠤꠎꠞꠔ 30
30
ꠀꠉꠞ-ꠈꠥꠡꠛꠄ ꠎꠣꠟꠣꠘꠤꠞ ꠐꠦꠛꠥꠟ
1ꠝꠣꠛꠥꠖꠦ ꠝꠥꠍꠣꠞꠦ ꠇꠁꠟꠣ, “ꠀꠉꠞ-ꠈꠥꠡꠛꠄ ꠎꠣꠟꠣꠁꠛꠣꠞ ꠟꠣꠉꠤ ꠔꠥꠝꠤ ꠛꠣꠛꠟꠣ ꠟꠣꠇꠠꠤꠖꠤ ꠄꠇꠈꠣꠘ ꠐꠦꠛꠥꠟ ꠛꠣꠘꠣꠁꠅ। 2ꠁꠉꠥ ꠅꠁꠛ ꠌꠣꠁꠞꠇꠥꠘꠣ ꠀꠟꠣ, ꠄꠇ ꠀꠔ ꠟꠣꠝ꠆ꠛꠣ, ꠄꠇ ꠀꠔ ꠙꠣꠡ, ꠖꠥꠁ ꠀꠔ ꠃꠛꠤ। ꠀꠡ꠆ꠔꠣ ꠈꠣꠘꠃ ꠢꠤꠋ ꠡꠥꠖ꠆ꠖꠣ ꠄꠇꠈꠣꠘꠅ ꠟꠣꠉꠣꠁꠟ ꠞꠁꠛ। 3ꠄꠞ ꠃꠙꠞꠞ ꠍꠣꠘꠤ, ꠍꠣꠘꠤꠞ ꠌꠣꠁꠞꠅ ꠇꠤꠘꠣꠞꠣ ꠀꠞ ꠢꠤꠋ, ꠢꠇꠟꠔꠣ ꠈꠣꠐꠤ ꠡꠥꠘꠣꠖꠤ ꠟꠦꠙꠤꠛꠣꠄ। ꠌꠣꠁꠞꠅ ꠇꠤꠘꠣꠞꠅ ꠡꠥꠘꠣꠞ ꠘꠇꠡꠣ ꠇꠞꠣꠁꠛꠣꠄ। 4ꠄꠞ ꠖꠥꠁ ꠇꠤꠘꠣꠞꠞ ꠘꠇꠡꠣꠞ ꠔꠟꠦ ꠖꠥꠉꠥ ꠇꠞꠤ ꠡꠥꠘꠣꠞ ꠇꠠꠣ ꠟꠣꠉꠣꠁꠅ। ꠁ ꠇꠠꠣꠞ ꠜꠤꠔꠞꠦ ꠛꠦꠘ꠆ꠖꠣ ꠢꠣꠞꠣꠁꠀ ꠅꠉꠥ ꠛꠁꠀ ꠘꠦꠅꠀ ꠅꠁꠛ। 5ꠁ ꠛꠦꠘ꠆ꠖꠣ ꠉꠥꠁꠘ ꠛꠣꠛꠟꠣ ꠟꠣꠇꠠꠤꠖꠤ ꠛꠣꠘꠣꠁꠀ ꠡꠥꠘꠣꠖꠤ ꠟꠦꠙꠣꠁꠅ। 6ꠡꠣꠢꠣꠖꠔ ꠡꠘ꠆ꠖꠥꠇꠞ ꠓꠣꠇꠘꠣꠞ ꠇꠣꠍꠣꠔ ꠎꠦ ꠙꠞ꠆ꠖꠣꠈꠣꠘ ꠀꠍꠦ, ꠅꠃ ꠐꠦꠛꠥꠟ ꠄꠞ ꠍꠣꠝꠘꠦ ꠞꠣꠈꠤꠅ। ꠅꠃ ꠎꠣꠉꠣꠔ ꠀꠝꠤ ꠔꠥꠝꠣꠞꠦ ꠖꠤꠖꠣꠞ ꠖꠤꠝꠥ।
7“ꠙꠞꠔꠦꠇ ꠖꠤꠘ ꠛꠤꠀꠘꠦ ꠌꠦꠞꠣꠉ ꠉꠥꠁꠘ ꠎꠥꠁꠔ-ꠎꠣꠁꠔ ꠇꠞꠣꠞ ꠛꠣꠟꠣ, ꠢꠣꠞꠥꠘꠦ ꠅꠃ ꠐꠦꠛꠥꠟꠞ ꠃꠙꠞꠦ ꠈꠥꠡꠛꠄ ꠀꠟꠣ ꠀꠉꠞ ꠎꠣꠟꠣꠁꠛ। 8ꠢꠣꠁꠘ꠆ꠎꠣ ꠛꠣꠟꠣ ꠌꠦꠞꠣꠉ ꠎꠣꠟꠣꠘꠤꠞ ꠡꠝꠄ, ꠢꠦ ꠢꠤꠞꠛꠣꠞ ꠀꠉꠞ-ꠈꠥꠡꠛꠄ ꠎꠣꠟꠣꠁꠛ। ꠔꠥꠝꠞꠣꠞ ꠅꠀꠞꠤꠡꠞ ꠙꠞ ꠅꠀꠞꠤꠡ ꠗꠞꠤ ꠝꠣꠛꠥꠖꠞ ꠍꠣꠝꠘꠦ ꠢꠞ-ꠢꠣꠝꠦꠡꠣ ꠅꠃ ꠀꠉꠞ-ꠈꠥꠡꠛꠄ ꠎꠟꠛ। 9ꠁ ꠀꠉꠞ-ꠈꠥꠡꠛꠄ ꠎꠣꠟꠣꠘꠤꠞ ꠐꠦꠛꠥꠟꠞ ꠃꠙꠞꠦ ꠖꠥꠍꠞꠣ ꠇꠥꠘꠥꠎꠣꠔꠞ ꠈꠥꠡꠛꠄ ꠎꠣꠟꠣꠁꠅ ꠘꠣ। ꠇꠥꠘꠥ ꠎꠣꠟꠣꠁꠟ ꠇꠥꠞꠛꠣꠘꠤ, ꠗꠣꠘ-ꠉꠝꠞ ꠍꠖꠉꠣ, ꠛꠣ ꠡꠞꠛꠔ-ꠙꠣꠘꠤꠞ ꠍꠖꠉꠣ ꠖꠤꠅ ꠘꠣ। 10ꠉꠥꠘꠣꠞ ꠝꠣꠚꠤꠞ ꠇꠚꠞꠣ ꠢꠤꠡꠣꠛꠦ, ꠢꠣꠞꠥꠘꠦ ꠛꠍꠞꠅ ꠄꠇꠛꠣꠞ ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠟꠃ, ꠐꠦꠛꠥꠟꠞ ꠢꠤꠋ ꠅꠇꠟꠞ ꠃꠙꠞꠦ ꠟꠣꠉꠣꠁꠔꠦ ꠅꠁꠛ। ꠔꠦꠃ ꠁꠈꠣꠘ ꠝꠣꠛꠥꠖꠞ ꠘꠣꠝꠦ ꠝꠢꠣ-ꠙꠛꠤꠔ꠆ꠞ ꠅꠁꠛ। ꠅꠀꠞꠤꠡꠞ ꠙꠞ ꠅꠀꠞꠤꠡ ꠗꠞꠤ ꠙꠞꠗꠣꠘ ꠁꠝꠣꠝꠦ ꠛꠍꠞꠅ ꠄꠇꠛꠣꠞ ꠅꠃ ꠟꠣꠈꠣꠘ ꠇꠞꠔꠦ ꠅꠁꠛ।”
ꠎꠣꠘꠞ ꠛꠖꠟꠣ ꠞꠥꠙꠣ
11ꠛꠣꠖꠦ ꠝꠣꠛꠥꠖꠦ ꠝꠥꠍꠣꠞꠦ ꠇꠁꠟꠣ, 12“ꠔꠥꠝꠤ ꠎꠦꠛꠟꠣ ꠛꠘꠤ ꠁꠍꠞꠣꠁꠟꠞ ꠝꠣꠘꠡꠞ ꠙꠞꠤꠝꠣꠘ ꠉꠘꠛꠣꠄ, ꠅꠃ ꠡꠝꠄ ꠔꠣꠞꠣ ꠢꠇꠟꠦꠃ ꠎꠣꠞꠎꠤꠞ ꠎꠣꠘꠞ ꠛꠖꠟꠣ ꠞꠥꠙꠣ ꠖꠤꠔꠦ ꠅꠁꠛ, ꠎꠣꠔꠦ ꠁ ꠉꠘꠣꠞ ꠟꠣꠉꠤ ꠔꠣꠞꠣꠞ ꠃꠙꠞꠦ ꠇꠥꠘꠥ ꠉꠎꠛ ꠘꠣ ꠀꠄ। 13ꠔꠣꠞꠣꠞꠦ ꠉꠘꠣꠞ ꠛꠣꠟꠣ ꠅꠃꠟꠣ ꠛꠖꠟꠣ ꠟꠁꠅ, ꠉꠘꠣ ꠅꠁꠍꠦ ꠖꠟꠅ ꠎꠦꠞꠣ ꠢꠣꠝꠣꠁꠛꠣ, ꠄꠞꠣ ꠄꠛꠣꠖꠔ ꠈꠣꠘꠣꠞ ꠝꠣꠙꠦ ꠀꠗꠣ ꠔꠟꠣ ꠞꠥꠙꠣ ꠖꠤꠛꠣ। ꠙꠞꠔꠦꠇ ꠛꠤꠡ ꠞꠔꠤꠄ ꠄꠇ ꠔꠟꠣ ꠉꠘꠤꠅ। ꠁ ꠞꠥꠙꠣ ꠅꠁꠛ ꠝꠣꠛꠥꠖꠞ। 14ꠛꠤꠡ ꠛꠞꠍ ꠛꠣ ꠄꠞ ꠛꠦꠡꠤ ꠛꠄꠅꠡꠞ ꠎꠦꠇꠥꠘꠥ ꠎꠘ ꠉꠘꠣ ꠡꠦꠡ ꠅꠀ ꠖꠟꠅ ꠢꠣꠝꠣꠁꠟꠦ, ꠄꠘ ꠎꠣꠘꠞ ꠛꠖꠟꠣ ꠝꠣꠛꠥꠖꠞꠦ ꠅꠃ ꠞꠥꠙꠣ ꠖꠤꠛꠣ। 15ꠎꠣꠘꠞ ꠛꠖꠟꠣ ꠖꠦꠅꠀꠞ ꠡꠝꠄ ꠗꠘꠤ ꠅꠇꠟꠦ ꠅꠃ ꠀꠗꠣ ꠔꠟꠣꠞ ꠛꠦꠡꠤ ꠖꠤꠔꠣ ꠙꠣꠞꠔꠣ ꠘꠣꠄ, ꠀꠞ ꠉꠞꠤꠛꠦꠅ ꠇꠝ ꠖꠤꠟꠦ ꠅꠁꠔ ꠘꠣꠄ। 16ꠔꠥꠝꠤ ꠛꠘꠤ ꠁꠍꠞꠣꠁꠟꠞ ꠉꠦꠍ ꠕꠣꠇꠤ ꠎꠣꠘꠞ ꠛꠖꠟꠣ ꠅꠃ ꠞꠥꠙꠣ ꠘꠤꠀ, ꠀꠝꠣꠞ ꠊꠞꠞ ꠇꠣꠝꠅ ꠟꠣꠉꠣꠁꠅ। ꠔꠥꠝꠞꠣꠞ ꠎꠣꠘꠞ ꠛꠖꠟꠣ ꠁ ꠞꠥꠙꠣꠄ, ꠛꠘꠤ ꠁꠍꠞꠣꠁꠟ ꠅꠇꠟꠞꠦ ꠝꠣꠛꠥꠖꠞ ꠖꠞꠛꠣꠞꠅ ꠁꠀꠖ ꠇꠞꠣꠁ ꠖꠤꠛ।”
ꠅꠎꠥꠞ ꠙꠣꠘꠤꠞ ꠉꠣꠝꠟꠣ ꠛꠣꠘꠣꠁꠅ
17ꠝꠣꠛꠥꠖꠦ ꠝꠥꠍꠣꠞꠦ ꠇꠁꠟꠣ, 18“ꠅꠎꠥ ꠇꠞꠣꠞ ꠟꠣꠉꠤ ꠔꠥꠝꠤ ꠙꠤꠔꠟꠞ ꠄꠇꠐꠣ ꠉꠣꠝꠟꠣ, ꠀꠞ ꠉꠣꠝꠟꠣ ꠕꠅꠀꠞ ꠟꠣꠉꠤ ꠙꠤꠔꠟꠞ ꠄꠇꠈꠣꠘ ꠌꠇꠤ-ꠈꠣꠐ ꠛꠣꠘꠣꠁꠅ। ꠝꠤꠟꠘ-ꠔꠣꠝ꠆ꠛꠥ ꠀꠞ ꠇꠥꠞꠛꠣꠘꠤ ꠈꠣꠘꠣꠞ ꠝꠣꠎꠈꠣꠘꠅ ꠙꠣꠘꠤ ꠜꠞꠤꠀ ꠅꠉꠥ ꠕꠁꠅ। 19ꠁ ꠙꠣꠘꠤꠖꠤ ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠦ ꠅꠎꠥ ꠇꠞꠛꠣ। 20ꠔꠣꠞꠣ ꠎꠣꠔꠦ ꠘꠣ ꠝꠞꠂꠘ, ꠄꠞꠟꠣꠉꠤ ꠙꠞꠔꠦꠇꠛꠣꠞ ꠝꠤꠟꠘ-ꠔꠣꠝ꠆ꠛꠥꠔ ꠢꠣꠝꠣꠁꠛꠣꠞ ꠛꠣꠟꠣ ꠅꠃ ꠙꠣꠘꠤꠖꠤ ꠅꠎꠥ ꠇꠞꠔꠦ ꠅꠁꠛ। ꠁꠝꠣꠝ ꠢꠤꠡꠣꠛꠦ ꠝꠣꠛꠥꠖꠞ ꠘꠣꠝꠦ ꠀꠉꠥꠘꠤꠔ ꠖꠦꠅꠀ ꠎꠦꠇꠥꠘꠥ ꠇꠥꠞꠛꠣꠘꠤ ꠀꠖꠣꠄ ꠇꠞꠣꠞ ꠡꠝꠄꠅ ꠅꠎꠥ ꠇꠞꠔꠦ ꠅꠁꠛ। 21ꠔꠣꠞꠣ ꠎꠣꠘꠦ ꠛꠣꠌꠤꠀ ꠞꠅꠀꠞ ꠟꠣꠉꠤ ꠅꠃ ꠅꠎꠥ ꠇꠞꠛꠣ। ꠁ ꠢꠥꠇꠥꠝ ꠔꠣꠞꠣꠞ ꠟꠣꠉꠤ ꠢꠞ-ꠢꠣꠝꠦꠡꠣ ꠌꠣꠟꠥ ꠞꠁꠛ, ꠅꠀꠞꠤꠡꠞ ꠙꠞ ꠅꠀꠞꠤꠡ ꠗꠞꠤ ꠛꠅꠀꠁꠟ ꠞꠁꠛ।”
ꠈꠦꠟꠣꠚꠔꠤ ꠡꠝꠎꠤꠛꠣꠞ ꠔꠦꠟ
22ꠝꠣꠛꠥꠖꠦ ꠝꠥꠍꠣꠞꠦ ꠇꠁꠟꠣ, 23“ꠔꠥꠝꠣꠞ ꠘꠤꠎꠞ ꠉꠦꠍꠦ ꠈꠥꠡꠛꠄꠖꠣꠞ ꠜꠣꠟꠣ ꠜꠣꠟꠣ ꠝꠡꠟꠣ ꠅꠇꠟ ꠖꠟꠣ ꠇꠞꠅ। ꠔꠥꠝꠤ ꠙꠣꠌ-ꠡ ꠔꠟꠣ ꠝꠥꠞꠣ ꠘꠣꠝꠞ ꠀꠔꠞ, ꠀꠠꠣꠁ-ꠡ ꠔꠟꠣ ꠈꠥꠡꠛꠄ ꠀꠟꠣ ꠒꠣꠁꠟꠌꠤꠘꠤ, ꠀꠞ ꠀꠠꠣꠁ-ꠡ ꠔꠟꠣ ꠛꠍ, 24ꠡꠣꠗꠣꠞꠘ ꠒꠣꠁꠟꠌꠤꠘꠤ ꠙꠣꠌ-ꠡ ꠔꠟꠣ, ꠀꠞ ꠎꠄꠔꠥꠘꠞ ꠔꠦꠟ ꠌꠣꠁꠞ ꠡꠦꠞ ꠖꠟꠣ ꠇꠞꠤꠅ। ꠁ ꠝꠣꠙ ꠅꠁꠟ ꠄꠛꠣꠖꠔ ꠈꠣꠘꠣꠞ ꠝꠣꠙꠦ। 25ꠅꠃ ꠝꠡꠟꠣ ꠅꠇꠟ ꠖꠤꠀ ꠀꠉꠞ-ꠈꠥꠡꠛꠄ ꠝꠡꠟꠣ ꠛꠣꠘꠣꠘꠤꠞ ꠇꠣꠞꠤꠉꠞꠞ ꠘꠤꠅꠝꠦ ꠔꠥꠝꠤ ꠈꠦꠟꠣꠚꠔꠤ ꠡꠝꠎꠤꠛꠣꠞ ꠔꠦꠟ ꠛꠣꠘꠣꠁꠅ, ꠁ ꠔꠦꠟ ꠔ ꠙꠛꠤꠔ꠆ꠞ। 26ꠅꠃ ꠔꠦꠟ ꠖꠤꠀ ꠔꠥꠝꠤ ꠝꠤꠟꠘ-ꠔꠣꠝ꠆ꠛꠥ, ꠡꠣꠢꠣꠖꠔ ꠡꠘ꠆ꠖꠥꠇ, 27ꠐꠦꠛꠥꠟ, ꠐꠦꠛꠥꠟꠞ ꠃꠙꠞꠞ ꠢꠇꠟ ꠍꠣꠝꠣꠘꠣ, ꠌꠦꠞꠣꠉ ꠖꠣꠘꠤꠞ ꠢꠇꠟꠔꠣ, ꠀꠞ ꠀꠉꠞ-ꠈꠥꠡꠛꠄ ꠎꠣꠟꠣꠘꠤꠞ ꠐꠦꠛꠥꠟ, 28ꠇꠥꠞꠛꠣꠘꠤ ꠈꠣꠘꠣ ꠀꠞ ꠄꠞ ꠝꠣꠎꠞ ꠢꠇꠟ ꠍꠣꠝꠣꠘꠣ, ꠅꠎꠥꠞ ꠉꠣꠝꠟꠣ ꠀꠞ ꠄꠞ ꠔꠟꠞ ꠌꠇꠤ-ꠈꠣꠐ ꠢꠇꠟꠔꠣꠞꠦ ꠚꠥꠍꠤꠀ ꠙꠣꠇ-ꠙꠛꠤꠔ꠆ꠞ ꠇꠞꠤꠅ। 29ꠔꠦꠃ ꠁ ꠢꠇꠟꠔꠣ ꠝꠢꠣ-ꠙꠛꠤꠔ꠆ꠞ ꠍꠣꠝꠣꠘꠣ ꠅꠁꠛ। ꠁꠔꠣ ꠍꠣꠝꠣꠘꠣ ꠇꠦꠃ ꠍꠁꠟꠦ, ꠢꠦ-ꠅ ꠝꠢꠣ-ꠙꠛꠤꠔ꠆ꠞ ꠅꠁꠎꠤꠛ।
30“ꠔꠥꠝꠤ ꠢꠣꠞꠥꠘꠞꠦ ꠀꠞ ꠔꠣꠞ ꠙꠥꠀꠂꠘꠞꠦ ꠀꠝꠣꠞ ꠁꠝꠣꠝꠔꠤꠞ ꠇꠣꠝꠞ ꠟꠣꠉꠤ ꠈꠦꠟꠣꠚꠔꠤꠞ ꠔꠦꠟ ꠖꠤꠀ ꠙꠣꠇ-ꠙꠛꠤꠔ꠆ꠞ ꠇꠞꠤꠅ। 31ꠀꠞ ꠛꠘꠤ ꠁꠍꠞꠣꠁꠟꠞꠦ ꠎꠣꠘꠣꠁ ꠖꠤꠅ, ꠅꠀꠞꠤꠡꠞ ꠙꠞ ꠅꠀꠞꠤꠡ ꠗꠞꠤ ꠁꠐꠣꠃ ꠅꠁꠛ ꠀꠝꠣꠞ ꠈꠦꠟꠣꠚꠔꠤ ꠡꠝꠎꠤꠛꠣꠞ ꠙꠛꠤꠔ꠆ꠞ ꠔꠦꠟ। 32ꠁ ꠔꠦꠟ ꠝꠣꠘꠡꠞ ꠉꠔꠞꠅ ꠖꠦꠅꠀ ꠎꠣꠁꠔ ꠘꠣꠄ। ꠁ ꠘꠤꠅꠝꠦ ꠔꠣꠞꠣ ꠎꠣꠔꠦ ꠀꠞ ꠇꠥꠘꠥ ꠔꠦꠟ ꠘꠣ ꠛꠣꠘꠣꠄ। ꠁ ꠔꠦꠟ ꠔ ꠙꠛꠤꠔ꠆ꠞ। ꠔꠥꠝꠞꠣ ꠁꠐꠣꠞꠦ ꠙꠣꠇ-ꠙꠛꠤꠔ꠆ꠞ ꠝꠘꠅ ꠇꠞꠤꠀ ꠁꠎ꠆ꠎꠔ ꠇꠞꠔꠦ ꠅꠁꠛ। 33ꠇꠦꠃ ꠎꠥꠖꠤ ꠁ ꠟꠣꠈꠣꠘ ꠔꠦꠟ ꠔꠂꠀꠞ ꠇꠞꠦ, ꠛꠣ ꠁꠝꠣꠝ ꠍꠣꠛ ꠍꠣꠠꠣ ꠀꠞ ꠇꠦꠃ ꠁ ꠔꠦꠟ ꠉꠔꠞꠅ ꠝꠣꠈꠦ, ꠔꠦ ꠔꠣꠞꠦ ꠘꠤꠎꠞ ꠎꠣꠔꠤ ꠕꠣꠇꠤ ꠚꠥꠍꠤꠟꠤꠛꠣꠄ।”
ꠀꠉꠞ-ꠈꠥꠡꠛꠄ ꠛꠣꠘꠣꠘꠤꠞ ꠘꠤꠅꠝ
34ꠝꠣꠛꠥꠖꠦ ꠝꠥꠍꠣꠞꠦ ꠇꠁꠟꠣ, “ꠔꠥꠝꠤ ꠘꠤꠎꠞ ꠉꠦꠍꠦ ꠇꠤꠍꠥ ꠈꠥꠡꠛꠄ ꠀꠟꠣ ꠝꠡꠟꠣ: ꠉꠥꠉꠉꠥꠟꠥ, ꠘꠈꠤ, ꠇꠥꠘ꠆ꠖꠥꠞꠥ ꠀꠞ ꠈꠣꠐꠤ ꠟꠥꠛꠣꠘ ꠖꠟꠣ ꠇꠞꠤꠅ। ꠖꠟꠣ ꠇꠞꠤꠀ ꠅꠔꠣ ꠢꠝꠣꠘ ꠢꠝꠣꠘ ꠇꠞꠤ ꠝꠤꠡꠣꠁꠅ। 35ꠀꠞ ꠎꠦꠞꠣ ꠀꠉꠞ-ꠈꠥꠡꠛꠄ ꠛꠣꠘꠣꠁꠘ, ꠔꠣꠞꠣꠞꠦꠖꠤ ꠅꠃ ꠇꠣꠝ ꠇꠞꠣꠁꠅ। ꠁꠔꠣꠞ ꠟꠉꠦ ꠘꠥꠘ ꠝꠤꠡꠣꠁꠅ, ꠁꠔꠣ ꠅꠁꠛ ꠘꠤꠞꠜꠦꠎꠣꠟ ꠈꠣꠐꠤ ꠙꠣꠇ-ꠙꠛꠤꠔ꠆ꠞ ꠀꠉꠞ। 36ꠅꠃ ꠀꠉꠞꠞ ꠕꠥꠠꠣ ꠉꠥꠠꠣ ꠘꠤꠀ ꠝꠤꠟꠘ-ꠔꠣꠝ꠆ꠛꠥꠞ ꠡꠣꠢꠣꠖꠔ ꠡꠘ꠆ꠖꠥꠇꠞ ꠍꠣꠝꠘꠦ ꠕꠁꠅ। ꠢꠘꠅ ꠀꠝꠤ ꠔꠥꠝꠣꠞꠦ ꠖꠤꠖꠣꠞ ꠖꠤꠝꠥ। ꠔꠥꠝꠞꠣ ꠁ ꠀꠉꠞꠞꠦ ꠝꠢꠣ-ꠙꠛꠤꠔ꠆ꠞ ꠍꠣꠝꠣꠘꠣ ꠝꠘꠅ ꠇꠞꠤꠅ। 37ꠅꠃ ꠝꠡꠟꠣ ꠖꠤꠀ ꠁ ꠘꠤꠅꠝꠦ ꠇꠦꠃ ꠎꠣꠔꠦ ꠔꠣꠞ ꠘꠤꠎꠞ ꠟꠣꠉꠤ ꠇꠥꠘꠥ ꠀꠉꠞ-ꠈꠥꠡꠛꠄ ꠘꠣ ꠛꠣꠘꠣꠄ। ꠁꠔꠣ ꠔ ꠝꠣꠛꠥꠖꠞ ꠘꠣꠝꠦ ꠙꠣꠇ-ꠙꠛꠤꠔ꠆ꠞ ꠌꠤꠎ, ꠁꠈꠣꠘ ꠈꠤꠀꠟ ꠞꠣꠈꠤꠅ। 38ꠈꠥꠡꠛꠄꠖꠣꠞ ꠌꠤꠎ ꠝꠘꠅ ꠇꠞꠤꠀ ꠇꠦꠃ ꠎꠥꠖꠤ ꠁꠔꠣ ꠔꠂꠀꠞ ꠇꠞꠤꠟꠣꠄ, ꠔꠦ ꠔꠣꠞꠦ ꠁ ꠎꠣꠔꠤ ꠕꠣꠇꠤ ꠚꠥꠍꠤꠟꠤꠛꠣꠄ।”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Ahle Kitab Society. All rights reserved.