ꠔꠃꠞꠣꠔ ২: ꠢꠤꠎꠞꠔ 29
29
ꠁꠝꠣꠝ ꠢꠤꠡꠣꠛꠦ ꠛꠅꠀꠁꠟ ꠇꠞꠣꠞ ꠘꠤꠅꠝ
1ꠝꠣꠛꠥꠖꠦ ꠝꠥꠍꠣꠞꠦ ꠇꠁꠟꠣ, “ꠔꠥꠝꠤ ꠁꠝꠣꠝ ꠅꠇꠟꠞꠦ ꠅꠃ ꠟꠣꠈꠣꠘ ꠙꠣꠇ-ꠍꠣꠚ ꠇꠞꠤꠅ, ꠎꠣꠔꠦ ꠁꠝꠣꠝ ꠛꠘꠤꠀ ꠔꠣꠞꠣ ꠀꠝꠣꠞ ꠄꠛꠣꠖꠔ ꠇꠣꠝ ꠌꠣꠟꠣꠁꠔꠣ ꠙꠣꠞꠂꠘ। ꠔꠥꠝꠤ ꠘꠤꠈꠥꠔ ꠄꠉꠥ ꠛꠤꠍꠣꠟ ꠀꠞ ꠖꠥꠉꠥ ꠝꠦꠠꠣꠞ ꠙꠣꠑꠣ ꠀꠘꠣꠁꠅ। 2ꠄꠞꠟꠉꠦ ꠝꠄꠖꠣꠖꠤ ꠞꠥꠐꠤ, ꠔꠦꠟꠖꠤ ꠜꠣꠎꠣ ꠙꠤꠑꠣ, ꠀꠞ ꠔꠦꠟ ꠝꠣꠈꠣꠁꠟ ꠌꠣꠙꠣꠐꠤ ꠛꠣꠘꠣꠁꠅ। ꠁꠔꠣ ꠇꠥꠘ꠆ꠔꠣꠔꠃ ꠈꠣꠝꠤꠞ ꠝꠤꠡꠣꠁꠅ ꠘꠣ। 3ꠅꠔꠣ ꠛꠣꠘꠣꠁꠀ ꠄꠇ ꠐꠥꠇꠞꠤꠔ ꠟꠁꠅ, ꠄꠞꠟꠉꠦ ꠢꠃ ꠛꠤꠍꠣꠟ ꠀꠞ ꠖꠥꠁꠅ ꠝꠦꠠꠣꠞ ꠙꠣꠑꠣ ꠟꠁꠀ ꠀꠝꠣꠞ ꠍꠣꠝꠘꠦ ꠀꠁꠅ। 4ꠛꠣꠖꠦ ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠞꠦ ꠝꠤꠟꠘ-ꠔꠣꠝ꠆ꠛꠥꠞ ꠖꠥꠀꠞꠞ ꠇꠣꠍꠣꠔ ꠀꠘꠤꠀ, ꠙꠣꠘꠤꠖꠤ ꠘꠣꠅꠀꠁ ꠖꠤꠅ। 5ꠀꠞ ꠢꠃ ꠙꠛꠤꠔ꠆ꠞ ꠟꠦꠛꠣꠍ ꠅꠇꠟ ꠀꠘꠤꠀ ꠢꠣꠞꠥꠘꠞꠦ ꠚꠤꠘ꠆ꠖꠣꠁꠅ। ꠙꠣꠁꠘ꠆ꠎꠣꠛꠤ, ꠀꠟꠈꠦꠟ꠆ꠟꠣ, ꠄꠚꠞꠘ ꠀꠞ ꠛꠥꠇꠥꠞ ꠃꠙꠞꠞ ꠕꠟꠤ ꠢꠇꠟꠔꠣ ꠚꠤꠘ꠆ꠖꠣꠁꠅ। ꠄꠚꠞꠘꠞ ꠟꠉꠦ ꠃꠡ꠆ꠔꠣꠖꠤ ꠀꠔꠞ ꠛꠣꠘꠣꠁꠟ ꠢꠃ ꠙꠦꠐꠞ ꠃꠙꠞꠞ ꠛꠦꠟꠐ ꠈꠣꠘꠅ ꠛꠣꠘ꠆ꠖꠤꠀ ꠖꠤꠅ। 6ꠔꠣꠞ ꠝꠣꠕꠣꠔ ꠙꠣꠃꠉꠠꠤ ꠚꠤꠘ꠆ꠖꠣꠁꠅ ꠀꠞ ꠡꠥꠘꠣꠞ ꠙꠣꠔꠖꠤ ꠛꠣꠘꠣꠁꠟ ꠙꠛꠤꠔ꠆ꠞ ꠔꠣꠎ ꠈꠣꠘꠅ ꠟꠣꠉꠣꠁꠅ। 7ꠛꠣꠖꠦ ꠈꠦꠟꠣꠚꠔꠤꠞ ꠔꠦꠟ ꠔꠣꠞ ꠝꠣꠕꠣꠔ ꠓꠣꠟꠤꠀ ꠔꠣꠞꠦ ꠈꠦꠟꠣꠚꠔꠤ ꠖꠤꠅ। 8ꠔꠣꠞ ꠙꠥꠀꠂꠘ꠆ꠔꠞꠦꠅ ꠀꠘꠤꠀ ꠙꠣꠁꠘ꠆ꠎꠣꠛꠤ ꠚꠤꠘ꠆ꠖꠣꠁꠅ। 9ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠞꠦ ꠇꠝꠞꠞ ꠛꠘ꠆ꠖꠘꠤ ꠛꠣꠘ꠆ꠖꠤꠀ ꠖꠤꠅ। ꠙꠥꠀꠂꠘ꠆ꠔꠞ ꠝꠣꠕꠣꠔ ꠖꠤꠅ ꠔꠇꠤ। ꠅꠃ ꠟꠣꠈꠣꠘ ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠞꠦ ꠁꠝꠣꠝꠞ ꠙꠖꠅ ꠛꠅꠀꠁꠟ ꠇꠞꠤꠅ, ꠎꠣꠔꠦ ꠌꠤꠞꠇꠣꠟꠤꠘ ꠘꠤꠅꠝ ꠢꠤꠡꠣꠛꠦ ꠁꠝꠣꠝꠔꠤꠞ ꠙꠖ ꠈꠣꠟꠤ ꠔꠣꠞꠣꠞ ꠛꠋꠡꠔ ꠕꠣꠇꠦ।
10“ꠛꠣꠖꠦ ꠢꠃ ꠛꠤꠍꠣꠟꠞꠦ ꠔꠥꠝꠤ ꠝꠤꠟꠘ-ꠔꠣꠝ꠆ꠛꠥꠞ ꠍꠣꠝꠘꠦ ꠀꠘꠤꠅ, ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠦ ꠅꠉꠥꠞ ꠇꠟ꠆ꠟꠣ ꠀꠔꠣꠁꠀ ꠖꠤꠛꠣ। 11ꠀꠔꠣꠘꠤꠞ ꠛꠣꠖꠦ ꠅꠃ ꠛꠤꠍꠣꠟꠞꠦ ꠝꠤꠟꠘ-ꠔꠣꠝ꠆ꠛꠥꠞ ꠖꠥꠀꠞꠞ ꠇꠣꠍꠣꠔ ꠘꠤꠀ ꠝꠣꠛꠥꠖꠞ ꠍꠣꠝꠘꠦ ꠎꠛ ꠇꠞꠤꠅ। 12ꠎꠛ ꠇꠞꠤꠀ ꠢꠣꠞꠟꠦ ꠕꠥꠠꠣ ꠟꠃ ꠔꠥꠝꠣꠞ ꠀꠋꠉꠥꠟꠤꠔ ꠟꠣꠉꠣꠁꠀ ꠇꠥꠞꠛꠣꠘꠤ ꠈꠣꠘꠣꠞ ꠢꠤꠋꠉꠞ ꠝꠣꠎꠦ ꠟꠣꠉꠣꠁꠅ, ꠀꠞ ꠛꠣꠇꠤ ꠟꠃ ꠇꠥꠞꠛꠣꠘꠤ ꠈꠣꠘꠣꠞ ꠔꠟꠦ ꠓꠣꠟꠤ ꠖꠤꠅ। 13ꠛꠤꠍꠣꠟꠞ ꠙꠦꠐꠞ ꠜꠤꠔꠞꠞ ꠀꠔ-ꠜꠠꠞ ꠌꠞ꠆ꠛꠤ, ꠇꠁꠟꠎꠣꠞ ꠟꠉꠞ ꠝꠣꠐꠤꠀ, ꠖꠥꠁꠅ ꠇꠤꠒꠘꠤ ꠀꠞ ꠄꠞ ꠌꠞ꠆ꠛꠤ, ꠇꠥꠞꠛꠣꠘꠤ ꠈꠣꠘꠣꠞ ꠃꠙꠞꠦ ꠘꠤꠀ ꠎꠣꠟꠣꠁꠟꠤꠅ। 14ꠄꠞ ꠉꠥꠡ꠆ꠔ, ꠈꠣꠟ, ꠀꠔ-ꠜꠠ ꠉꠥꠚꠞ ꠡꠥꠖ꠆ꠖꠣ ꠛꠘꠤ ꠁꠍꠞꠣꠁꠟꠞ ꠇꠦꠝ꠆ꠙꠞ ꠛꠣꠞꠦ ꠘꠤꠀ ꠎꠣꠟꠣꠁꠟꠤꠅ, ꠁꠔꠣ ꠔ ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤ।
15“ꠛꠣꠖꠦ ꠢꠃ ꠖꠥꠁꠅ ꠝꠦꠠꠣ ꠕꠣꠇꠤ ꠄꠉꠥ ꠝꠦꠠꠣ ꠀꠘꠤꠅ, ꠀꠘꠟꠦ ꠢꠣꠞꠥꠘꠦ ꠀꠞ ꠔꠣꠞ ꠙꠥꠀꠂꠘ꠆ꠔꠦ ꠅꠉꠥꠞ ꠇꠟ꠆ꠟꠣ ꠀꠔꠣꠁꠀ ꠖꠤꠛꠣ। 16ꠀꠞ ꠅꠃ ꠝꠦꠠꠣꠞꠦ ꠎꠛ ꠇꠞꠤꠀ ꠄꠞ ꠟꠃ ꠘꠤꠀ ꠇꠥꠞꠛꠣꠘꠤ ꠈꠣꠘꠣꠞ ꠌꠣꠁꠞꠅ ꠉꠣꠟꠣꠔ ꠍꠤꠐꠣꠁ ꠖꠤꠅ। 17ꠝꠦꠠꠣꠞꠦ ꠇꠣꠐꠤꠀ ꠐꠥꠇꠞꠣꠁꠀ ꠔꠣꠞ ꠑꠦꠋ ꠀꠞ ꠙꠦꠐꠞ ꠜꠤꠔꠞꠞ ꠢꠇꠟꠔꠣ ꠗꠁꠀ, ꠇꠟ꠆ꠟꠣ ꠀꠞ ꠛꠣꠇꠤ ꠐꠥꠇꠞꠣꠁꠘ꠆ꠔꠞ ꠟꠉꠦ ꠕꠁꠅ। 18ꠢꠦꠡꠦ ꠁ ꠀꠡ꠆ꠔꠣꠉꠥ ꠇꠥꠞꠛꠣꠘꠤ ꠈꠣꠘꠣꠞ ꠃꠙꠞꠦ ꠘꠤꠀ ꠎꠣꠟꠣꠁꠟꠤꠅ। ꠁꠔꠣ ꠅꠁꠟ ꠝꠣꠛꠥꠖꠞ ꠘꠣꠝꠦ ꠎꠣꠟꠣꠁꠟ ꠇꠥꠞꠛꠣꠘꠤ, ꠝꠣꠛꠥꠖꠞ ꠘꠤꠅꠔꠦ ꠀꠉꠥꠘꠤꠔ ꠖꠦꠅꠀ ꠊꠦꠞꠣꠘ ꠀꠟꠣ ꠍꠖꠉꠣ।
19“ꠛꠣꠖꠦ ꠖꠥꠍꠞꠣ ꠝꠦꠠꠣꠞꠦꠅ ꠀꠘꠤꠀ ꠢꠣꠞꠥꠘꠦ ꠀꠞ ꠔꠣꠞ ꠙꠥꠀꠂꠘ꠆ꠔꠦ ꠇꠟ꠆ꠟꠣ ꠀꠔꠣꠁ ꠖꠤꠛꠣ। 20ꠀꠔꠣꠘꠤꠞ ꠛꠣꠖꠦ ꠅꠉꠥꠞꠦ ꠎꠛ ꠇꠞꠤꠀ ꠄꠞ ꠕꠥꠠꠣ ꠟꠃ ꠘꠤꠀ ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠞ ꠒꠣꠁꠘ ꠇꠣꠘꠞ ꠟꠔꠤꠔ, ꠒꠣꠁꠘ ꠀꠔꠞ ꠀꠞ ꠒꠣꠁꠘ ꠙꠣꠅꠞ ꠛꠥꠠꠤ ꠀꠋꠉꠥꠟꠞ ꠝꠣꠎꠦ ꠟꠣꠉꠣꠁꠅ। ꠀꠞ ꠛꠣꠇꠤ ꠟꠃ ꠘꠤꠀ ꠇꠥꠞꠛꠣꠘꠤ ꠈꠣꠘꠣꠞ ꠌꠣꠁꠞꠅ ꠉꠣꠟꠣꠛꠣꠄ ꠍꠤꠐꠣꠁ ꠖꠤꠅ। 21ꠛꠣꠖꠦ ꠈꠦꠟꠣꠚꠔꠤꠞ ꠔꠦꠟ ꠀꠞ ꠇꠥꠞꠛꠣꠘꠤ ꠈꠣꠘꠣ ꠕꠣꠇꠤ ꠕꠥꠠꠣ ꠟꠃ ꠟꠁꠀ, ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠞ ꠉꠔꠞꠅ ꠀꠞ ꠟꠦꠛꠣꠍꠞ ꠃꠙꠞꠦ ꠍꠤꠐꠣꠁ ꠖꠤꠅ। ꠔꠦꠃ ꠟꠦꠛꠣꠍ ꠡꠥꠖ꠆ꠖꠣ ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ ꠙꠣꠇ-ꠍꠣꠚ ꠅꠁꠛꠣ। 22ꠔꠥꠝꠤ ꠅꠃ ꠝꠦꠠꠣꠞ ꠌꠞ꠆ꠛꠤ, ꠌꠞ꠆ꠛꠤ ꠀꠟꠣ ꠟꠦꠋꠉꠥꠠ, ꠙꠦꠐꠞ ꠜꠤꠔꠞꠞ ꠢꠇꠟꠔꠣꠞ ꠃꠙꠞꠞ ꠌꠞ꠆ꠛꠤ, ꠇꠁꠟꠎꠣꠞ ꠟꠉꠞ ꠝꠣꠐꠤꠀ, ꠖꠥꠁꠅ ꠇꠤꠒꠘꠤ, ꠄꠞ ꠌꠞ꠆ꠛꠤ, ꠀꠞ ꠒꠣꠁꠘꠞ ꠞꠣꠘ ꠘꠤꠅ, ꠁꠐꠣ ꠅꠁꠟ ꠁꠝꠣꠝꠔꠤ ꠇꠣꠝꠅ ꠛꠅꠀꠁꠟꠞ ꠟꠣꠉꠤ ꠛꠈꠡꠤꠀ ꠖꠤꠛꠣꠞ ꠝꠦꠠꠣ। 23ꠛꠣꠖꠦ ꠝꠣꠛꠥꠖꠞ ꠘꠎꠞꠅ ꠕꠅꠀ ꠈꠣꠝꠤꠞ ꠍꠣꠠꠣ ꠞꠥꠐꠤꠞ ꠐꠥꠇꠞꠤ ꠕꠣꠇꠤ ꠄꠇꠈꠣꠘ ꠞꠥꠐꠤ, ꠔꠦꠟꠖꠤ ꠜꠣꠎꠣ ꠄꠇꠈꠣꠘ ꠙꠤꠑꠣ ꠀꠞ ꠔꠦꠟ ꠝꠣꠈꠣꠁꠟ ꠌꠣꠙꠣꠐꠤ ꠄꠇꠈꠣꠘ ꠟꠁꠅ। 24ꠟꠁꠀ ꠁꠔꠣ ꠢꠇꠟꠔꠣ ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠞ ꠀꠔꠅ ꠖꠤꠀ, ꠝꠣꠛꠥꠖꠞ ꠍꠣꠝꠘꠦ ꠞꠣꠈꠣꠞ ꠘꠤꠅꠔꠦ ꠖꠥꠟꠘꠣ ꠇꠥꠞꠛꠣꠘꠤ ꠢꠤꠡꠣꠛꠦ ꠖꠥꠟꠣꠁꠛꠣꠄ। 25ꠀꠞ ꠅꠔꠣ ꠔꠣꠞꠣꠞ ꠀꠔ ꠕꠣꠇꠤ ꠘꠤꠀ, ꠝꠣꠛꠥꠖꠞ ꠍꠣꠝꠘꠦ ꠇꠥꠞꠛꠣꠘꠤ ꠈꠣꠘꠣꠞ ꠃꠙꠞꠦ, ꠢꠃ ꠎꠣꠟꠣꠁꠟ ꠇꠥꠞꠛꠣꠘꠤꠞ ꠃꠙꠞꠦ ꠎꠣꠟꠣꠁꠟꠤꠛꠣꠄ। ꠁꠐꠣ ꠅꠁꠟ ꠝꠣꠛꠥꠖꠞ ꠘꠣꠝꠦ ꠀꠉꠥꠘꠤꠔ ꠖꠦꠅꠀ ꠍꠖꠉꠣ। ꠁꠔꠣꠞ ꠗꠥꠝꠣꠞ ꠊꠦꠞꠣꠘꠦ ꠝꠣꠛꠥꠖ ꠈꠥꠡꠤ ꠅꠁꠘ।”
26ꠝꠣꠛꠥꠖꠦ ꠝꠥꠍꠣꠞꠦ ꠇꠁꠟꠣ, “ꠔꠥꠝꠤ ꠢꠣꠞꠥꠘꠞꠦ ꠁꠝꠣꠝꠔꠤꠞ ꠇꠣꠝꠅ ꠛꠅꠀꠁꠟ ꠇꠞꠣꠞ ꠟꠣꠉꠤ, ꠈꠦꠟꠣꠚꠔꠤ ꠡꠝꠎꠤꠛꠣꠞ ꠝꠦꠠꠣꠞ ꠍꠤꠘꠣꠞ ꠐꠥꠇꠞꠣ ꠟꠁꠀ ꠝꠣꠛꠥꠖꠞ ꠍꠣꠝꠘꠦ ꠖꠥꠟꠘꠣ ꠇꠥꠞꠛꠣꠘꠤ ꠢꠤꠡꠣꠛꠦ ꠖꠥꠟꠣꠁꠛꠣꠄ। ꠁꠐꠣ ꠅꠁꠟ ꠔꠥꠝꠣꠞ ꠛꠣꠐ। 27ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠞꠦ ꠁꠝꠣꠝꠔꠤꠞ ꠇꠣꠝꠅ ꠛꠅꠀꠁꠟꠞ ꠟꠣꠉꠤ ꠖꠥꠟꠣꠁꠟ ꠅꠃ ꠍꠤꠘꠣ ꠀꠞ ꠞꠣꠘ ꠔꠥꠝꠤ ꠙꠣꠇ-ꠙꠛꠤꠔ꠆ꠞ ꠇꠞꠤꠅ। 28ꠅꠃ ꠟꠣꠈꠣꠘ ꠛꠘꠤ ꠁꠍꠞꠣꠁꠟꠞ ꠖꠦꠅꠀ ꠅꠃ ꠇꠥꠞꠛꠣꠘꠤꠞ ꠐꠥꠇꠞꠣꠁꠘ ꠢꠞ-ꠢꠣꠝꠦꠡꠣ ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠦ ꠙꠣꠁꠛꠣ। ꠁꠔꠣ ꠅꠁꠛ ꠝꠣꠛꠥꠖꠞ ꠘꠣꠝꠦ ꠛꠘꠤ ꠁꠍꠞꠣꠁꠟꠞ ꠖꠦꠅꠀ ꠍꠣꠟꠣꠝꠔꠤ ꠇꠥꠞꠛꠣꠘꠤꠞ ꠄꠇꠐꠣ ꠅꠋꠡ।
29“ꠢꠣꠞꠥꠘꠞ ꠛꠦꠛꠢꠣꠞ ꠇꠞꠣ ꠙꠛꠤꠔ꠆ꠞ ꠟꠦꠛꠣꠍ ꠅꠇꠟ ꠔꠣꠞ ꠅꠀꠞꠤꠡ ꠅꠇꠟꠦ ꠙꠣꠁꠛꠣ। ꠅꠃ ꠟꠦꠛꠣꠍ ꠚꠤꠘ꠆ꠖꠤꠀ ꠔꠣꠞꠣ ꠈꠦꠟꠣꠚꠔꠤ ꠙꠣꠁꠛꠣ ꠀꠞ ꠁꠝꠣꠝꠔꠤꠞ ꠇꠣꠝꠅ ꠛꠅꠀꠁꠟ ꠅꠁꠛꠣ। 30ꠢꠣꠞꠥꠘꠞ ꠛꠣꠖꠦ ꠔꠣꠞ ꠎꠦ ꠙꠥꠀ ꠁꠝꠣꠝ ꠅꠁꠀ ꠝꠤꠟꠘ-ꠔꠣꠝ꠆ꠛꠥꠞ ꠙꠣꠇ ꠎꠣꠉꠣꠔ ꠇꠣꠝ ꠇꠞꠛ, ꠢꠦ ꠡꠣꠔꠖꠤꠘ ꠙꠞ꠆ꠎꠘ꠆ꠔ ꠁ ꠟꠦꠛꠣꠍ ꠔꠣꠞ ꠉꠔꠞꠅ ꠞꠣꠈꠛ।
31“ꠈꠦꠟꠣꠚꠔꠤ ꠡꠝꠎꠤꠛꠣꠞ ꠝꠦꠠꠣꠞ ꠅꠃ ꠉꠥꠡ꠆ꠔ ꠈꠣꠘꠣꠁꠘ ꠘꠤꠀ ꠇꠥꠘꠥ ꠙꠛꠤꠔ꠆ꠞ ꠎꠣꠉꠣꠔ ꠞꠣꠘ꠆ꠖꠤꠛꠣꠄ। 32ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠦ ꠝꠤꠟꠘ-ꠔꠣꠝ꠆ꠛꠥꠞ ꠖꠥꠀꠞꠞ ꠇꠣꠍꠣꠔ ꠛꠁꠀ, ꠐꠥꠇꠞꠤꠔ ꠕꠅꠀ ꠢꠃ ꠞꠥꠐꠤꠞ ꠟꠉꠦ ꠅꠃ ꠉꠥꠡ꠆ꠔ ꠈꠣꠁꠛꠣ। 33ꠁꠝꠣꠝꠞ ꠇꠣꠝꠅ ꠛꠅꠀꠁꠟ ꠇꠞꠣꠞ ꠟꠣꠉꠤ, ꠔꠣꠞꠣꠞꠦ ꠙꠣꠇ-ꠍꠣꠚ ꠇꠞꠣꠞ ꠟꠣꠉꠤ, ꠈꠣꠘꠤꠞ ꠎꠦꠔꠣ ꠌꠤꠎ ꠅꠇꠟ ꠉꠥꠘꠣꠞ ꠝꠣꠚꠤꠞ ꠟꠣꠉꠤ ꠇꠥꠞꠛꠣꠘꠤ ꠖꠦꠅꠀ ꠅꠁꠛ, ꠁꠔꠣ ꠈꠣꠟꠤ ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠦ ꠈꠣꠁꠛꠣ। ꠀꠞ ꠇꠦꠃ ꠁꠔꠣ ꠈꠣꠁꠔ ꠙꠣꠞꠔ ꠘꠣꠄ, ꠇꠣꠞꠘ ꠁꠔꠣ ꠅꠁꠟ ꠙꠣꠇ-ꠙꠛꠤꠔ꠆ꠞ ꠈꠣꠘꠣ। 34ꠅꠃ ꠛꠅꠀꠁꠟ ꠇꠞꠣꠞ ꠇꠥꠞꠛꠣꠘꠤꠞ ꠝꠦꠠꠣꠞ ꠇꠥꠘꠥ ꠉꠥꠡ꠆ꠔ ꠛꠣ ꠞꠥꠐꠤ ꠎꠥꠖꠤ ꠛꠤꠀꠘ ꠙꠞ꠆ꠎꠘ꠆ꠔ ꠞꠁꠎꠣꠄ, ꠔꠦ ꠁꠔꠣ ꠎꠣꠟꠣꠁꠟꠤꠔꠦ ꠅꠁꠛ, ꠇꠦꠃ ꠈꠣꠁꠔ ꠙꠣꠞꠔ ꠘꠣꠄ, ꠁꠔꠣ ꠔ ꠙꠣꠇ-ꠙꠛꠤꠔ꠆ꠞ।
35“ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠞ ꠟꠣꠉꠤ, ꠀꠝꠤ ꠔꠥꠝꠣꠞꠦ ꠎꠔꠔꠣ ꠇꠞꠣꠞ ꠢꠥꠇꠥꠝ ꠖꠤꠍꠤ, ꠔꠥꠝꠤ ꠅꠃꠟꠣ ꠇꠞꠤꠅ। ꠛꠅꠀꠁꠟ ꠇꠞꠣꠞ ꠅꠃ ꠇꠣꠝ ꠔꠥꠝꠤ ꠡꠣꠔꠖꠤꠘ ꠜꠞꠣ ꠇꠞꠤꠅ। 36ꠉꠥꠘꠣꠞ ꠇꠚꠞꠣ ꠢꠤꠡꠣꠛꠦ ꠔꠥꠝꠤ ꠙꠞꠔꠦꠇ ꠖꠤꠘ ꠄꠉꠥ ꠇꠞꠤ ꠛꠤꠍꠣꠟ ꠇꠥꠞꠛꠣꠘꠤ ꠖꠤꠛꠣꠄ। ꠀꠞ ꠇꠥꠞꠛꠣꠘꠤ ꠈꠣꠘꠣꠞꠦ ꠙꠣꠇ-ꠙꠛꠤꠔ꠆ꠞ ꠇꠞꠣꠞ ꠟꠣꠉꠤꠅ ꠅꠃ ꠟꠣꠈꠣꠘ ꠇꠥꠞꠛꠣꠘꠤ ꠖꠤꠅ, ꠀꠞ ꠙꠣꠇ-ꠍꠣꠚ ꠅꠀꠞ ꠟꠣꠉꠤ ꠙꠛꠤꠔ꠆ꠞ ꠔꠦꠟ ꠓꠣꠟꠤꠅ। 37ꠇꠥꠞꠛꠣꠘꠤ ꠈꠣꠘꠣꠞꠦ ꠙꠣꠇ-ꠙꠛꠤꠔ꠆ꠞ ꠇꠞꠣꠞ ꠟꠣꠉꠤ ꠡꠣꠔꠖꠤꠘ ꠜꠞꠣ ꠇꠥꠞꠛꠣꠘꠤ ꠖꠤꠀ, ꠉꠥꠘꠣ ꠝꠣꠚꠤꠞ ꠇꠚꠞꠣ ꠀꠖꠣꠄ ꠇꠞꠤꠀ ꠙꠣꠇ-ꠙꠛꠤꠔ꠆ꠞ ꠇꠞꠤꠅ। ꠔꠦꠃ ꠁ ꠇꠥꠞꠛꠣꠘꠤ ꠈꠣꠘꠣ ꠄꠇ ꠝꠢꠣ-ꠙꠛꠤꠔ꠆ꠞ ꠎꠣꠉꠣ ꠅꠁꠛ। ꠎꠦꠇꠥꠘꠥ ꠎꠤꠘꠤꠡ ꠁ ꠇꠥꠞꠛꠣꠘꠤ ꠈꠣꠘꠣꠔ ꠍꠥꠀꠁꠟꠦ, ꠁꠔꠣ ꠙꠣꠇ-ꠙꠛꠤꠔ꠆ꠞ ꠅꠁꠎꠤꠛ।
ꠙꠞꠔꠦꠇ ꠖꠤꠘꠞ ꠇꠥꠞꠛꠣꠘꠤꠞ ꠘꠤꠅꠝ
38“ꠄꠞ ꠛꠣꠖ ꠕꠣꠇꠤ ꠙꠞꠔꠦꠇ ꠖꠤꠘ ꠁ ꠇꠥꠞꠛꠣꠘꠤ ꠈꠣꠘꠣꠞ ꠃꠙꠞꠦ, ꠄꠇ ꠛꠞꠍ ꠛꠄꠅꠡꠞ ꠖꠥꠉꠥ ꠝꠦꠠꠣ-ꠛꠣꠁꠌ꠆ꠌꠣ ꠇꠥꠞꠛꠣꠘꠤ ꠖꠤꠛꠣꠄ, 39ꠄꠉꠥ ꠛꠤꠀꠘꠦ ꠀꠞ ꠄꠉꠥ ꠢꠣꠁꠘ꠆ꠎꠣ ꠛꠣꠟꠣ। 40ꠙꠄꠟꠣ ꠝꠦꠠꠣ-ꠛꠣꠁꠌ꠆ꠌꠣꠞ ꠟꠉꠦ ꠖꠥꠁ ꠡꠦꠞ ꠝꠄꠖꠣ ꠀꠞ ꠄꠇ ꠡꠦꠞ ꠎꠄꠔꠥꠘꠞ ꠙꠤꠡꠣ ꠔꠦꠟ ꠝꠤꠡꠣꠁꠔꠦ ꠅꠁꠛ। ꠀꠞ ꠡꠞꠛꠔ-ꠙꠣꠘꠤꠞ ꠍꠖꠉꠣꠞ ꠟꠣꠉꠤ ꠀꠋꠉꠥꠞꠞ ꠄꠇ ꠡꠦꠞ ꠡꠞꠛꠔꠅ ꠀꠟ꠆ꠟꠣꠞ ꠘꠣꠝꠦ ꠖꠤꠛꠣꠄ। 41ꠢꠣꠁꠘ꠆ꠎꠣ ꠛꠣꠟꠣ ꠎꠦ ꠝꠦꠠꠣ ꠇꠥꠞꠛꠣꠘꠤ ꠖꠤꠛꠣꠄ, ꠄꠞꠟꠉꠦꠅ ꠛꠤꠀꠘꠇꠥꠞ ꠟꠣꠈꠣꠘ ꠗꠣꠘ-ꠉꠝꠞ ꠍꠖꠉꠣ ꠀꠞ ꠡꠞꠛꠔ-ꠙꠣꠘꠤꠞ ꠍꠖꠉꠣꠞ ꠢꠇꠟꠔꠣ ꠖꠤꠔꠦ ꠅꠁꠛ। ꠁꠔꠣ ꠅꠁꠟ ꠝꠣꠛꠥꠖꠞ ꠘꠤꠅꠔꠦ ꠀꠉꠥꠘꠤꠔ ꠖꠦꠅꠀ ꠊꠦꠞꠣꠘ ꠀꠟꠣ ꠇꠥꠞꠛꠣꠘꠤ।
42“ꠅꠀꠞꠤꠡꠞ ꠙꠞ ꠅꠀꠞꠤꠡ ꠗꠞꠤ ꠝꠤꠟꠘ-ꠔꠣꠝ꠆ꠛꠥꠞ ꠖꠥꠀꠞꠞ ꠉꠦꠍꠦ, ꠝꠣꠘꠤ ꠀꠝꠣꠞ ꠍꠣꠝꠘꠦ ꠙꠞꠔꠦꠇ ꠖꠤꠘ ꠁ ꠎꠣꠟꠣꠁꠟ ꠇꠥꠞꠛꠣꠘꠤ ꠖꠤꠔꠦ ꠅꠁꠛ। ꠢꠘꠅ ꠀꠝꠤ ꠔꠥꠝꠞꠣꠞꠦ ꠖꠤꠖꠣꠞ ꠖꠤꠝꠥ, ꠔꠥꠝꠣꠞ ꠟꠉꠦ ꠛꠣꠔꠌꠤꠔ ꠇꠞꠝꠥ। 43ꠛꠘꠤ ꠁꠍꠞꠣꠁꠟꠞ ꠉꠦꠍꠦ ꠀꠝꠤ ꠢꠘꠅ ꠖꠤꠖꠣꠞ ꠖꠤꠝꠥ, ꠀꠞ ꠀꠝꠣꠞ ꠇꠥꠖꠞꠔꠦ ꠅꠃ ꠎꠣꠉꠣ ꠙꠣꠇ-ꠙꠛꠤꠔ꠆ꠞ ꠅꠁꠛ। 44ꠀꠝꠤ ꠝꠤꠟꠘ-ꠔꠣꠝ꠆ꠛꠥ ꠀꠞ ꠇꠥꠞꠛꠣꠘꠤ ꠈꠣꠘꠣ ꠙꠛꠤꠔ꠆ꠞ ꠇꠞꠝꠥ। ꠀꠝꠣꠞ ꠁꠝꠣꠝꠔꠤꠞ ꠟꠣꠉꠤ ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠞꠦꠅ ꠀꠝꠤ ꠙꠛꠤꠔ꠆ꠞ ꠇꠞꠝꠥ। 45ꠀꠝꠤ ꠛꠘꠤ ꠁꠍꠞꠣꠁꠟꠞ ꠝꠣꠛꠥꠖ ꠅꠁꠀ ꠔꠣꠞꠣꠞ ꠝꠣꠎꠦ ꠛꠡꠔ ꠇꠞꠝꠥ। 46ꠔꠦꠃ ꠔꠣꠞꠣ ꠎꠣꠘꠛꠣ, ꠀꠝꠤ ꠀꠟ꠆ꠟꠣꠃ ꠔꠣꠞꠣꠞ ꠝꠣꠛꠥꠖ। ꠀꠝꠤ ꠔꠣꠞꠣꠞ ꠟꠉꠦ ꠛꠡꠔ ꠇꠞꠣꠞ ꠟꠣꠉꠤꠃ ꠔ ꠔꠣꠞꠣꠞꠦ ꠝꠤꠡꠞ ꠖꠦꠡ ꠕꠣꠇꠤ ꠛꠣꠞ ꠇꠞꠤꠀ ꠀꠘꠍꠤ। ꠀꠝꠤ ꠀꠟ꠆ꠟꠣꠃ ꠔꠣꠞꠣꠞ ꠝꠣꠛꠥꠖ।”
ទើបបានជ្រើសរើសហើយ៖
ꠔꠃꠞꠣꠔ ২: ꠢꠤꠎꠞꠔ 29: sylN
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Ahle Kitab Society. All rights reserved.
ꠔꠃꠞꠣꠔ ২: ꠢꠤꠎꠞꠔ 29
29
ꠁꠝꠣꠝ ꠢꠤꠡꠣꠛꠦ ꠛꠅꠀꠁꠟ ꠇꠞꠣꠞ ꠘꠤꠅꠝ
1ꠝꠣꠛꠥꠖꠦ ꠝꠥꠍꠣꠞꠦ ꠇꠁꠟꠣ, “ꠔꠥꠝꠤ ꠁꠝꠣꠝ ꠅꠇꠟꠞꠦ ꠅꠃ ꠟꠣꠈꠣꠘ ꠙꠣꠇ-ꠍꠣꠚ ꠇꠞꠤꠅ, ꠎꠣꠔꠦ ꠁꠝꠣꠝ ꠛꠘꠤꠀ ꠔꠣꠞꠣ ꠀꠝꠣꠞ ꠄꠛꠣꠖꠔ ꠇꠣꠝ ꠌꠣꠟꠣꠁꠔꠣ ꠙꠣꠞꠂꠘ। ꠔꠥꠝꠤ ꠘꠤꠈꠥꠔ ꠄꠉꠥ ꠛꠤꠍꠣꠟ ꠀꠞ ꠖꠥꠉꠥ ꠝꠦꠠꠣꠞ ꠙꠣꠑꠣ ꠀꠘꠣꠁꠅ। 2ꠄꠞꠟꠉꠦ ꠝꠄꠖꠣꠖꠤ ꠞꠥꠐꠤ, ꠔꠦꠟꠖꠤ ꠜꠣꠎꠣ ꠙꠤꠑꠣ, ꠀꠞ ꠔꠦꠟ ꠝꠣꠈꠣꠁꠟ ꠌꠣꠙꠣꠐꠤ ꠛꠣꠘꠣꠁꠅ। ꠁꠔꠣ ꠇꠥꠘ꠆ꠔꠣꠔꠃ ꠈꠣꠝꠤꠞ ꠝꠤꠡꠣꠁꠅ ꠘꠣ। 3ꠅꠔꠣ ꠛꠣꠘꠣꠁꠀ ꠄꠇ ꠐꠥꠇꠞꠤꠔ ꠟꠁꠅ, ꠄꠞꠟꠉꠦ ꠢꠃ ꠛꠤꠍꠣꠟ ꠀꠞ ꠖꠥꠁꠅ ꠝꠦꠠꠣꠞ ꠙꠣꠑꠣ ꠟꠁꠀ ꠀꠝꠣꠞ ꠍꠣꠝꠘꠦ ꠀꠁꠅ। 4ꠛꠣꠖꠦ ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠞꠦ ꠝꠤꠟꠘ-ꠔꠣꠝ꠆ꠛꠥꠞ ꠖꠥꠀꠞꠞ ꠇꠣꠍꠣꠔ ꠀꠘꠤꠀ, ꠙꠣꠘꠤꠖꠤ ꠘꠣꠅꠀꠁ ꠖꠤꠅ। 5ꠀꠞ ꠢꠃ ꠙꠛꠤꠔ꠆ꠞ ꠟꠦꠛꠣꠍ ꠅꠇꠟ ꠀꠘꠤꠀ ꠢꠣꠞꠥꠘꠞꠦ ꠚꠤꠘ꠆ꠖꠣꠁꠅ। ꠙꠣꠁꠘ꠆ꠎꠣꠛꠤ, ꠀꠟꠈꠦꠟ꠆ꠟꠣ, ꠄꠚꠞꠘ ꠀꠞ ꠛꠥꠇꠥꠞ ꠃꠙꠞꠞ ꠕꠟꠤ ꠢꠇꠟꠔꠣ ꠚꠤꠘ꠆ꠖꠣꠁꠅ। ꠄꠚꠞꠘꠞ ꠟꠉꠦ ꠃꠡ꠆ꠔꠣꠖꠤ ꠀꠔꠞ ꠛꠣꠘꠣꠁꠟ ꠢꠃ ꠙꠦꠐꠞ ꠃꠙꠞꠞ ꠛꠦꠟꠐ ꠈꠣꠘꠅ ꠛꠣꠘ꠆ꠖꠤꠀ ꠖꠤꠅ। 6ꠔꠣꠞ ꠝꠣꠕꠣꠔ ꠙꠣꠃꠉꠠꠤ ꠚꠤꠘ꠆ꠖꠣꠁꠅ ꠀꠞ ꠡꠥꠘꠣꠞ ꠙꠣꠔꠖꠤ ꠛꠣꠘꠣꠁꠟ ꠙꠛꠤꠔ꠆ꠞ ꠔꠣꠎ ꠈꠣꠘꠅ ꠟꠣꠉꠣꠁꠅ। 7ꠛꠣꠖꠦ ꠈꠦꠟꠣꠚꠔꠤꠞ ꠔꠦꠟ ꠔꠣꠞ ꠝꠣꠕꠣꠔ ꠓꠣꠟꠤꠀ ꠔꠣꠞꠦ ꠈꠦꠟꠣꠚꠔꠤ ꠖꠤꠅ। 8ꠔꠣꠞ ꠙꠥꠀꠂꠘ꠆ꠔꠞꠦꠅ ꠀꠘꠤꠀ ꠙꠣꠁꠘ꠆ꠎꠣꠛꠤ ꠚꠤꠘ꠆ꠖꠣꠁꠅ। 9ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠞꠦ ꠇꠝꠞꠞ ꠛꠘ꠆ꠖꠘꠤ ꠛꠣꠘ꠆ꠖꠤꠀ ꠖꠤꠅ। ꠙꠥꠀꠂꠘ꠆ꠔꠞ ꠝꠣꠕꠣꠔ ꠖꠤꠅ ꠔꠇꠤ। ꠅꠃ ꠟꠣꠈꠣꠘ ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠞꠦ ꠁꠝꠣꠝꠞ ꠙꠖꠅ ꠛꠅꠀꠁꠟ ꠇꠞꠤꠅ, ꠎꠣꠔꠦ ꠌꠤꠞꠇꠣꠟꠤꠘ ꠘꠤꠅꠝ ꠢꠤꠡꠣꠛꠦ ꠁꠝꠣꠝꠔꠤꠞ ꠙꠖ ꠈꠣꠟꠤ ꠔꠣꠞꠣꠞ ꠛꠋꠡꠔ ꠕꠣꠇꠦ।
10“ꠛꠣꠖꠦ ꠢꠃ ꠛꠤꠍꠣꠟꠞꠦ ꠔꠥꠝꠤ ꠝꠤꠟꠘ-ꠔꠣꠝ꠆ꠛꠥꠞ ꠍꠣꠝꠘꠦ ꠀꠘꠤꠅ, ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠦ ꠅꠉꠥꠞ ꠇꠟ꠆ꠟꠣ ꠀꠔꠣꠁꠀ ꠖꠤꠛꠣ। 11ꠀꠔꠣꠘꠤꠞ ꠛꠣꠖꠦ ꠅꠃ ꠛꠤꠍꠣꠟꠞꠦ ꠝꠤꠟꠘ-ꠔꠣꠝ꠆ꠛꠥꠞ ꠖꠥꠀꠞꠞ ꠇꠣꠍꠣꠔ ꠘꠤꠀ ꠝꠣꠛꠥꠖꠞ ꠍꠣꠝꠘꠦ ꠎꠛ ꠇꠞꠤꠅ। 12ꠎꠛ ꠇꠞꠤꠀ ꠢꠣꠞꠟꠦ ꠕꠥꠠꠣ ꠟꠃ ꠔꠥꠝꠣꠞ ꠀꠋꠉꠥꠟꠤꠔ ꠟꠣꠉꠣꠁꠀ ꠇꠥꠞꠛꠣꠘꠤ ꠈꠣꠘꠣꠞ ꠢꠤꠋꠉꠞ ꠝꠣꠎꠦ ꠟꠣꠉꠣꠁꠅ, ꠀꠞ ꠛꠣꠇꠤ ꠟꠃ ꠇꠥꠞꠛꠣꠘꠤ ꠈꠣꠘꠣꠞ ꠔꠟꠦ ꠓꠣꠟꠤ ꠖꠤꠅ। 13ꠛꠤꠍꠣꠟꠞ ꠙꠦꠐꠞ ꠜꠤꠔꠞꠞ ꠀꠔ-ꠜꠠꠞ ꠌꠞ꠆ꠛꠤ, ꠇꠁꠟꠎꠣꠞ ꠟꠉꠞ ꠝꠣꠐꠤꠀ, ꠖꠥꠁꠅ ꠇꠤꠒꠘꠤ ꠀꠞ ꠄꠞ ꠌꠞ꠆ꠛꠤ, ꠇꠥꠞꠛꠣꠘꠤ ꠈꠣꠘꠣꠞ ꠃꠙꠞꠦ ꠘꠤꠀ ꠎꠣꠟꠣꠁꠟꠤꠅ। 14ꠄꠞ ꠉꠥꠡ꠆ꠔ, ꠈꠣꠟ, ꠀꠔ-ꠜꠠ ꠉꠥꠚꠞ ꠡꠥꠖ꠆ꠖꠣ ꠛꠘꠤ ꠁꠍꠞꠣꠁꠟꠞ ꠇꠦꠝ꠆ꠙꠞ ꠛꠣꠞꠦ ꠘꠤꠀ ꠎꠣꠟꠣꠁꠟꠤꠅ, ꠁꠔꠣ ꠔ ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤ।
15“ꠛꠣꠖꠦ ꠢꠃ ꠖꠥꠁꠅ ꠝꠦꠠꠣ ꠕꠣꠇꠤ ꠄꠉꠥ ꠝꠦꠠꠣ ꠀꠘꠤꠅ, ꠀꠘꠟꠦ ꠢꠣꠞꠥꠘꠦ ꠀꠞ ꠔꠣꠞ ꠙꠥꠀꠂꠘ꠆ꠔꠦ ꠅꠉꠥꠞ ꠇꠟ꠆ꠟꠣ ꠀꠔꠣꠁꠀ ꠖꠤꠛꠣ। 16ꠀꠞ ꠅꠃ ꠝꠦꠠꠣꠞꠦ ꠎꠛ ꠇꠞꠤꠀ ꠄꠞ ꠟꠃ ꠘꠤꠀ ꠇꠥꠞꠛꠣꠘꠤ ꠈꠣꠘꠣꠞ ꠌꠣꠁꠞꠅ ꠉꠣꠟꠣꠔ ꠍꠤꠐꠣꠁ ꠖꠤꠅ। 17ꠝꠦꠠꠣꠞꠦ ꠇꠣꠐꠤꠀ ꠐꠥꠇꠞꠣꠁꠀ ꠔꠣꠞ ꠑꠦꠋ ꠀꠞ ꠙꠦꠐꠞ ꠜꠤꠔꠞꠞ ꠢꠇꠟꠔꠣ ꠗꠁꠀ, ꠇꠟ꠆ꠟꠣ ꠀꠞ ꠛꠣꠇꠤ ꠐꠥꠇꠞꠣꠁꠘ꠆ꠔꠞ ꠟꠉꠦ ꠕꠁꠅ। 18ꠢꠦꠡꠦ ꠁ ꠀꠡ꠆ꠔꠣꠉꠥ ꠇꠥꠞꠛꠣꠘꠤ ꠈꠣꠘꠣꠞ ꠃꠙꠞꠦ ꠘꠤꠀ ꠎꠣꠟꠣꠁꠟꠤꠅ। ꠁꠔꠣ ꠅꠁꠟ ꠝꠣꠛꠥꠖꠞ ꠘꠣꠝꠦ ꠎꠣꠟꠣꠁꠟ ꠇꠥꠞꠛꠣꠘꠤ, ꠝꠣꠛꠥꠖꠞ ꠘꠤꠅꠔꠦ ꠀꠉꠥꠘꠤꠔ ꠖꠦꠅꠀ ꠊꠦꠞꠣꠘ ꠀꠟꠣ ꠍꠖꠉꠣ।
19“ꠛꠣꠖꠦ ꠖꠥꠍꠞꠣ ꠝꠦꠠꠣꠞꠦꠅ ꠀꠘꠤꠀ ꠢꠣꠞꠥꠘꠦ ꠀꠞ ꠔꠣꠞ ꠙꠥꠀꠂꠘ꠆ꠔꠦ ꠇꠟ꠆ꠟꠣ ꠀꠔꠣꠁ ꠖꠤꠛꠣ। 20ꠀꠔꠣꠘꠤꠞ ꠛꠣꠖꠦ ꠅꠉꠥꠞꠦ ꠎꠛ ꠇꠞꠤꠀ ꠄꠞ ꠕꠥꠠꠣ ꠟꠃ ꠘꠤꠀ ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠞ ꠒꠣꠁꠘ ꠇꠣꠘꠞ ꠟꠔꠤꠔ, ꠒꠣꠁꠘ ꠀꠔꠞ ꠀꠞ ꠒꠣꠁꠘ ꠙꠣꠅꠞ ꠛꠥꠠꠤ ꠀꠋꠉꠥꠟꠞ ꠝꠣꠎꠦ ꠟꠣꠉꠣꠁꠅ। ꠀꠞ ꠛꠣꠇꠤ ꠟꠃ ꠘꠤꠀ ꠇꠥꠞꠛꠣꠘꠤ ꠈꠣꠘꠣꠞ ꠌꠣꠁꠞꠅ ꠉꠣꠟꠣꠛꠣꠄ ꠍꠤꠐꠣꠁ ꠖꠤꠅ। 21ꠛꠣꠖꠦ ꠈꠦꠟꠣꠚꠔꠤꠞ ꠔꠦꠟ ꠀꠞ ꠇꠥꠞꠛꠣꠘꠤ ꠈꠣꠘꠣ ꠕꠣꠇꠤ ꠕꠥꠠꠣ ꠟꠃ ꠟꠁꠀ, ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠞ ꠉꠔꠞꠅ ꠀꠞ ꠟꠦꠛꠣꠍꠞ ꠃꠙꠞꠦ ꠍꠤꠐꠣꠁ ꠖꠤꠅ। ꠔꠦꠃ ꠟꠦꠛꠣꠍ ꠡꠥꠖ꠆ꠖꠣ ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ ꠙꠣꠇ-ꠍꠣꠚ ꠅꠁꠛꠣ। 22ꠔꠥꠝꠤ ꠅꠃ ꠝꠦꠠꠣꠞ ꠌꠞ꠆ꠛꠤ, ꠌꠞ꠆ꠛꠤ ꠀꠟꠣ ꠟꠦꠋꠉꠥꠠ, ꠙꠦꠐꠞ ꠜꠤꠔꠞꠞ ꠢꠇꠟꠔꠣꠞ ꠃꠙꠞꠞ ꠌꠞ꠆ꠛꠤ, ꠇꠁꠟꠎꠣꠞ ꠟꠉꠞ ꠝꠣꠐꠤꠀ, ꠖꠥꠁꠅ ꠇꠤꠒꠘꠤ, ꠄꠞ ꠌꠞ꠆ꠛꠤ, ꠀꠞ ꠒꠣꠁꠘꠞ ꠞꠣꠘ ꠘꠤꠅ, ꠁꠐꠣ ꠅꠁꠟ ꠁꠝꠣꠝꠔꠤ ꠇꠣꠝꠅ ꠛꠅꠀꠁꠟꠞ ꠟꠣꠉꠤ ꠛꠈꠡꠤꠀ ꠖꠤꠛꠣꠞ ꠝꠦꠠꠣ। 23ꠛꠣꠖꠦ ꠝꠣꠛꠥꠖꠞ ꠘꠎꠞꠅ ꠕꠅꠀ ꠈꠣꠝꠤꠞ ꠍꠣꠠꠣ ꠞꠥꠐꠤꠞ ꠐꠥꠇꠞꠤ ꠕꠣꠇꠤ ꠄꠇꠈꠣꠘ ꠞꠥꠐꠤ, ꠔꠦꠟꠖꠤ ꠜꠣꠎꠣ ꠄꠇꠈꠣꠘ ꠙꠤꠑꠣ ꠀꠞ ꠔꠦꠟ ꠝꠣꠈꠣꠁꠟ ꠌꠣꠙꠣꠐꠤ ꠄꠇꠈꠣꠘ ꠟꠁꠅ। 24ꠟꠁꠀ ꠁꠔꠣ ꠢꠇꠟꠔꠣ ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠞ ꠀꠔꠅ ꠖꠤꠀ, ꠝꠣꠛꠥꠖꠞ ꠍꠣꠝꠘꠦ ꠞꠣꠈꠣꠞ ꠘꠤꠅꠔꠦ ꠖꠥꠟꠘꠣ ꠇꠥꠞꠛꠣꠘꠤ ꠢꠤꠡꠣꠛꠦ ꠖꠥꠟꠣꠁꠛꠣꠄ। 25ꠀꠞ ꠅꠔꠣ ꠔꠣꠞꠣꠞ ꠀꠔ ꠕꠣꠇꠤ ꠘꠤꠀ, ꠝꠣꠛꠥꠖꠞ ꠍꠣꠝꠘꠦ ꠇꠥꠞꠛꠣꠘꠤ ꠈꠣꠘꠣꠞ ꠃꠙꠞꠦ, ꠢꠃ ꠎꠣꠟꠣꠁꠟ ꠇꠥꠞꠛꠣꠘꠤꠞ ꠃꠙꠞꠦ ꠎꠣꠟꠣꠁꠟꠤꠛꠣꠄ। ꠁꠐꠣ ꠅꠁꠟ ꠝꠣꠛꠥꠖꠞ ꠘꠣꠝꠦ ꠀꠉꠥꠘꠤꠔ ꠖꠦꠅꠀ ꠍꠖꠉꠣ। ꠁꠔꠣꠞ ꠗꠥꠝꠣꠞ ꠊꠦꠞꠣꠘꠦ ꠝꠣꠛꠥꠖ ꠈꠥꠡꠤ ꠅꠁꠘ।”
26ꠝꠣꠛꠥꠖꠦ ꠝꠥꠍꠣꠞꠦ ꠇꠁꠟꠣ, “ꠔꠥꠝꠤ ꠢꠣꠞꠥꠘꠞꠦ ꠁꠝꠣꠝꠔꠤꠞ ꠇꠣꠝꠅ ꠛꠅꠀꠁꠟ ꠇꠞꠣꠞ ꠟꠣꠉꠤ, ꠈꠦꠟꠣꠚꠔꠤ ꠡꠝꠎꠤꠛꠣꠞ ꠝꠦꠠꠣꠞ ꠍꠤꠘꠣꠞ ꠐꠥꠇꠞꠣ ꠟꠁꠀ ꠝꠣꠛꠥꠖꠞ ꠍꠣꠝꠘꠦ ꠖꠥꠟꠘꠣ ꠇꠥꠞꠛꠣꠘꠤ ꠢꠤꠡꠣꠛꠦ ꠖꠥꠟꠣꠁꠛꠣꠄ। ꠁꠐꠣ ꠅꠁꠟ ꠔꠥꠝꠣꠞ ꠛꠣꠐ। 27ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠞꠦ ꠁꠝꠣꠝꠔꠤꠞ ꠇꠣꠝꠅ ꠛꠅꠀꠁꠟꠞ ꠟꠣꠉꠤ ꠖꠥꠟꠣꠁꠟ ꠅꠃ ꠍꠤꠘꠣ ꠀꠞ ꠞꠣꠘ ꠔꠥꠝꠤ ꠙꠣꠇ-ꠙꠛꠤꠔ꠆ꠞ ꠇꠞꠤꠅ। 28ꠅꠃ ꠟꠣꠈꠣꠘ ꠛꠘꠤ ꠁꠍꠞꠣꠁꠟꠞ ꠖꠦꠅꠀ ꠅꠃ ꠇꠥꠞꠛꠣꠘꠤꠞ ꠐꠥꠇꠞꠣꠁꠘ ꠢꠞ-ꠢꠣꠝꠦꠡꠣ ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠦ ꠙꠣꠁꠛꠣ। ꠁꠔꠣ ꠅꠁꠛ ꠝꠣꠛꠥꠖꠞ ꠘꠣꠝꠦ ꠛꠘꠤ ꠁꠍꠞꠣꠁꠟꠞ ꠖꠦꠅꠀ ꠍꠣꠟꠣꠝꠔꠤ ꠇꠥꠞꠛꠣꠘꠤꠞ ꠄꠇꠐꠣ ꠅꠋꠡ।
29“ꠢꠣꠞꠥꠘꠞ ꠛꠦꠛꠢꠣꠞ ꠇꠞꠣ ꠙꠛꠤꠔ꠆ꠞ ꠟꠦꠛꠣꠍ ꠅꠇꠟ ꠔꠣꠞ ꠅꠀꠞꠤꠡ ꠅꠇꠟꠦ ꠙꠣꠁꠛꠣ। ꠅꠃ ꠟꠦꠛꠣꠍ ꠚꠤꠘ꠆ꠖꠤꠀ ꠔꠣꠞꠣ ꠈꠦꠟꠣꠚꠔꠤ ꠙꠣꠁꠛꠣ ꠀꠞ ꠁꠝꠣꠝꠔꠤꠞ ꠇꠣꠝꠅ ꠛꠅꠀꠁꠟ ꠅꠁꠛꠣ। 30ꠢꠣꠞꠥꠘꠞ ꠛꠣꠖꠦ ꠔꠣꠞ ꠎꠦ ꠙꠥꠀ ꠁꠝꠣꠝ ꠅꠁꠀ ꠝꠤꠟꠘ-ꠔꠣꠝ꠆ꠛꠥꠞ ꠙꠣꠇ ꠎꠣꠉꠣꠔ ꠇꠣꠝ ꠇꠞꠛ, ꠢꠦ ꠡꠣꠔꠖꠤꠘ ꠙꠞ꠆ꠎꠘ꠆ꠔ ꠁ ꠟꠦꠛꠣꠍ ꠔꠣꠞ ꠉꠔꠞꠅ ꠞꠣꠈꠛ।
31“ꠈꠦꠟꠣꠚꠔꠤ ꠡꠝꠎꠤꠛꠣꠞ ꠝꠦꠠꠣꠞ ꠅꠃ ꠉꠥꠡ꠆ꠔ ꠈꠣꠘꠣꠁꠘ ꠘꠤꠀ ꠇꠥꠘꠥ ꠙꠛꠤꠔ꠆ꠞ ꠎꠣꠉꠣꠔ ꠞꠣꠘ꠆ꠖꠤꠛꠣꠄ। 32ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠦ ꠝꠤꠟꠘ-ꠔꠣꠝ꠆ꠛꠥꠞ ꠖꠥꠀꠞꠞ ꠇꠣꠍꠣꠔ ꠛꠁꠀ, ꠐꠥꠇꠞꠤꠔ ꠕꠅꠀ ꠢꠃ ꠞꠥꠐꠤꠞ ꠟꠉꠦ ꠅꠃ ꠉꠥꠡ꠆ꠔ ꠈꠣꠁꠛꠣ। 33ꠁꠝꠣꠝꠞ ꠇꠣꠝꠅ ꠛꠅꠀꠁꠟ ꠇꠞꠣꠞ ꠟꠣꠉꠤ, ꠔꠣꠞꠣꠞꠦ ꠙꠣꠇ-ꠍꠣꠚ ꠇꠞꠣꠞ ꠟꠣꠉꠤ, ꠈꠣꠘꠤꠞ ꠎꠦꠔꠣ ꠌꠤꠎ ꠅꠇꠟ ꠉꠥꠘꠣꠞ ꠝꠣꠚꠤꠞ ꠟꠣꠉꠤ ꠇꠥꠞꠛꠣꠘꠤ ꠖꠦꠅꠀ ꠅꠁꠛ, ꠁꠔꠣ ꠈꠣꠟꠤ ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠦ ꠈꠣꠁꠛꠣ। ꠀꠞ ꠇꠦꠃ ꠁꠔꠣ ꠈꠣꠁꠔ ꠙꠣꠞꠔ ꠘꠣꠄ, ꠇꠣꠞꠘ ꠁꠔꠣ ꠅꠁꠟ ꠙꠣꠇ-ꠙꠛꠤꠔ꠆ꠞ ꠈꠣꠘꠣ। 34ꠅꠃ ꠛꠅꠀꠁꠟ ꠇꠞꠣꠞ ꠇꠥꠞꠛꠣꠘꠤꠞ ꠝꠦꠠꠣꠞ ꠇꠥꠘꠥ ꠉꠥꠡ꠆ꠔ ꠛꠣ ꠞꠥꠐꠤ ꠎꠥꠖꠤ ꠛꠤꠀꠘ ꠙꠞ꠆ꠎꠘ꠆ꠔ ꠞꠁꠎꠣꠄ, ꠔꠦ ꠁꠔꠣ ꠎꠣꠟꠣꠁꠟꠤꠔꠦ ꠅꠁꠛ, ꠇꠦꠃ ꠈꠣꠁꠔ ꠙꠣꠞꠔ ꠘꠣꠄ, ꠁꠔꠣ ꠔ ꠙꠣꠇ-ꠙꠛꠤꠔ꠆ꠞ।
35“ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠞ ꠟꠣꠉꠤ, ꠀꠝꠤ ꠔꠥꠝꠣꠞꠦ ꠎꠔꠔꠣ ꠇꠞꠣꠞ ꠢꠥꠇꠥꠝ ꠖꠤꠍꠤ, ꠔꠥꠝꠤ ꠅꠃꠟꠣ ꠇꠞꠤꠅ। ꠛꠅꠀꠁꠟ ꠇꠞꠣꠞ ꠅꠃ ꠇꠣꠝ ꠔꠥꠝꠤ ꠡꠣꠔꠖꠤꠘ ꠜꠞꠣ ꠇꠞꠤꠅ। 36ꠉꠥꠘꠣꠞ ꠇꠚꠞꠣ ꠢꠤꠡꠣꠛꠦ ꠔꠥꠝꠤ ꠙꠞꠔꠦꠇ ꠖꠤꠘ ꠄꠉꠥ ꠇꠞꠤ ꠛꠤꠍꠣꠟ ꠇꠥꠞꠛꠣꠘꠤ ꠖꠤꠛꠣꠄ। ꠀꠞ ꠇꠥꠞꠛꠣꠘꠤ ꠈꠣꠘꠣꠞꠦ ꠙꠣꠇ-ꠙꠛꠤꠔ꠆ꠞ ꠇꠞꠣꠞ ꠟꠣꠉꠤꠅ ꠅꠃ ꠟꠣꠈꠣꠘ ꠇꠥꠞꠛꠣꠘꠤ ꠖꠤꠅ, ꠀꠞ ꠙꠣꠇ-ꠍꠣꠚ ꠅꠀꠞ ꠟꠣꠉꠤ ꠙꠛꠤꠔ꠆ꠞ ꠔꠦꠟ ꠓꠣꠟꠤꠅ। 37ꠇꠥꠞꠛꠣꠘꠤ ꠈꠣꠘꠣꠞꠦ ꠙꠣꠇ-ꠙꠛꠤꠔ꠆ꠞ ꠇꠞꠣꠞ ꠟꠣꠉꠤ ꠡꠣꠔꠖꠤꠘ ꠜꠞꠣ ꠇꠥꠞꠛꠣꠘꠤ ꠖꠤꠀ, ꠉꠥꠘꠣ ꠝꠣꠚꠤꠞ ꠇꠚꠞꠣ ꠀꠖꠣꠄ ꠇꠞꠤꠀ ꠙꠣꠇ-ꠙꠛꠤꠔ꠆ꠞ ꠇꠞꠤꠅ। ꠔꠦꠃ ꠁ ꠇꠥꠞꠛꠣꠘꠤ ꠈꠣꠘꠣ ꠄꠇ ꠝꠢꠣ-ꠙꠛꠤꠔ꠆ꠞ ꠎꠣꠉꠣ ꠅꠁꠛ। ꠎꠦꠇꠥꠘꠥ ꠎꠤꠘꠤꠡ ꠁ ꠇꠥꠞꠛꠣꠘꠤ ꠈꠣꠘꠣꠔ ꠍꠥꠀꠁꠟꠦ, ꠁꠔꠣ ꠙꠣꠇ-ꠙꠛꠤꠔ꠆ꠞ ꠅꠁꠎꠤꠛ।
ꠙꠞꠔꠦꠇ ꠖꠤꠘꠞ ꠇꠥꠞꠛꠣꠘꠤꠞ ꠘꠤꠅꠝ
38“ꠄꠞ ꠛꠣꠖ ꠕꠣꠇꠤ ꠙꠞꠔꠦꠇ ꠖꠤꠘ ꠁ ꠇꠥꠞꠛꠣꠘꠤ ꠈꠣꠘꠣꠞ ꠃꠙꠞꠦ, ꠄꠇ ꠛꠞꠍ ꠛꠄꠅꠡꠞ ꠖꠥꠉꠥ ꠝꠦꠠꠣ-ꠛꠣꠁꠌ꠆ꠌꠣ ꠇꠥꠞꠛꠣꠘꠤ ꠖꠤꠛꠣꠄ, 39ꠄꠉꠥ ꠛꠤꠀꠘꠦ ꠀꠞ ꠄꠉꠥ ꠢꠣꠁꠘ꠆ꠎꠣ ꠛꠣꠟꠣ। 40ꠙꠄꠟꠣ ꠝꠦꠠꠣ-ꠛꠣꠁꠌ꠆ꠌꠣꠞ ꠟꠉꠦ ꠖꠥꠁ ꠡꠦꠞ ꠝꠄꠖꠣ ꠀꠞ ꠄꠇ ꠡꠦꠞ ꠎꠄꠔꠥꠘꠞ ꠙꠤꠡꠣ ꠔꠦꠟ ꠝꠤꠡꠣꠁꠔꠦ ꠅꠁꠛ। ꠀꠞ ꠡꠞꠛꠔ-ꠙꠣꠘꠤꠞ ꠍꠖꠉꠣꠞ ꠟꠣꠉꠤ ꠀꠋꠉꠥꠞꠞ ꠄꠇ ꠡꠦꠞ ꠡꠞꠛꠔꠅ ꠀꠟ꠆ꠟꠣꠞ ꠘꠣꠝꠦ ꠖꠤꠛꠣꠄ। 41ꠢꠣꠁꠘ꠆ꠎꠣ ꠛꠣꠟꠣ ꠎꠦ ꠝꠦꠠꠣ ꠇꠥꠞꠛꠣꠘꠤ ꠖꠤꠛꠣꠄ, ꠄꠞꠟꠉꠦꠅ ꠛꠤꠀꠘꠇꠥꠞ ꠟꠣꠈꠣꠘ ꠗꠣꠘ-ꠉꠝꠞ ꠍꠖꠉꠣ ꠀꠞ ꠡꠞꠛꠔ-ꠙꠣꠘꠤꠞ ꠍꠖꠉꠣꠞ ꠢꠇꠟꠔꠣ ꠖꠤꠔꠦ ꠅꠁꠛ। ꠁꠔꠣ ꠅꠁꠟ ꠝꠣꠛꠥꠖꠞ ꠘꠤꠅꠔꠦ ꠀꠉꠥꠘꠤꠔ ꠖꠦꠅꠀ ꠊꠦꠞꠣꠘ ꠀꠟꠣ ꠇꠥꠞꠛꠣꠘꠤ।
42“ꠅꠀꠞꠤꠡꠞ ꠙꠞ ꠅꠀꠞꠤꠡ ꠗꠞꠤ ꠝꠤꠟꠘ-ꠔꠣꠝ꠆ꠛꠥꠞ ꠖꠥꠀꠞꠞ ꠉꠦꠍꠦ, ꠝꠣꠘꠤ ꠀꠝꠣꠞ ꠍꠣꠝꠘꠦ ꠙꠞꠔꠦꠇ ꠖꠤꠘ ꠁ ꠎꠣꠟꠣꠁꠟ ꠇꠥꠞꠛꠣꠘꠤ ꠖꠤꠔꠦ ꠅꠁꠛ। ꠢꠘꠅ ꠀꠝꠤ ꠔꠥꠝꠞꠣꠞꠦ ꠖꠤꠖꠣꠞ ꠖꠤꠝꠥ, ꠔꠥꠝꠣꠞ ꠟꠉꠦ ꠛꠣꠔꠌꠤꠔ ꠇꠞꠝꠥ। 43ꠛꠘꠤ ꠁꠍꠞꠣꠁꠟꠞ ꠉꠦꠍꠦ ꠀꠝꠤ ꠢꠘꠅ ꠖꠤꠖꠣꠞ ꠖꠤꠝꠥ, ꠀꠞ ꠀꠝꠣꠞ ꠇꠥꠖꠞꠔꠦ ꠅꠃ ꠎꠣꠉꠣ ꠙꠣꠇ-ꠙꠛꠤꠔ꠆ꠞ ꠅꠁꠛ। 44ꠀꠝꠤ ꠝꠤꠟꠘ-ꠔꠣꠝ꠆ꠛꠥ ꠀꠞ ꠇꠥꠞꠛꠣꠘꠤ ꠈꠣꠘꠣ ꠙꠛꠤꠔ꠆ꠞ ꠇꠞꠝꠥ। ꠀꠝꠣꠞ ꠁꠝꠣꠝꠔꠤꠞ ꠟꠣꠉꠤ ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠞꠦꠅ ꠀꠝꠤ ꠙꠛꠤꠔ꠆ꠞ ꠇꠞꠝꠥ। 45ꠀꠝꠤ ꠛꠘꠤ ꠁꠍꠞꠣꠁꠟꠞ ꠝꠣꠛꠥꠖ ꠅꠁꠀ ꠔꠣꠞꠣꠞ ꠝꠣꠎꠦ ꠛꠡꠔ ꠇꠞꠝꠥ। 46ꠔꠦꠃ ꠔꠣꠞꠣ ꠎꠣꠘꠛꠣ, ꠀꠝꠤ ꠀꠟ꠆ꠟꠣꠃ ꠔꠣꠞꠣꠞ ꠝꠣꠛꠥꠖ। ꠀꠝꠤ ꠔꠣꠞꠣꠞ ꠟꠉꠦ ꠛꠡꠔ ꠇꠞꠣꠞ ꠟꠣꠉꠤꠃ ꠔ ꠔꠣꠞꠣꠞꠦ ꠝꠤꠡꠞ ꠖꠦꠡ ꠕꠣꠇꠤ ꠛꠣꠞ ꠇꠞꠤꠀ ꠀꠘꠍꠤ। ꠀꠝꠤ ꠀꠟ꠆ꠟꠣꠃ ꠔꠣꠞꠣꠞ ꠝꠣꠛꠥꠖ।”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Ahle Kitab Society. All rights reserved.