MATHAI 3
3
Baptispa Johan thuphuan
(Mrk. 1.1-8; Luk. 3.1-18; Jhn. 1.19-28)
1Tuahunlai in baptispa Johan Judea gamdai ah, thugen in a hungpai a. 2“Kisik un, Van gam anaita!” achi hi. #Mat. 4.17; Mrk. 1.15. 3Amah ahi Jawlnei Isaiah in,
“Gamdai a mi kikou aw khat in,
‘Toupa lampi sial unla;
Lampi tangsak un!’ ” achi, chia anagen. #Isa. 40.3 (LXX).
4Tualeh Johan in sangawngsau mul puan in asilh a savun kawnggak tawh akawng agak a, tualeh a annek pen kauphe leh khuaiju ahi. #2 Kum. 1.8. 5Tuachi`n Jerusalem khuate, Judea gamte leh Jordan luikim gam a pan mi amah kiangah a hungpai ua. 6A khialhnate uh a phuangkhia ua Johan in Jordan luiah amauhte ana baptis hi.
7Hinanleh aman Pharisaite leh Sadukaite tampi akiang a baptisma tang ding a hungpai amuhtak in, aman akiang uah, “Nou, gul suante aw, thangpaihna hungtung ding taisan ding a kuan hung taihilh ahia? achi hi. #Mat. 12.34; 23.33. 8Tuajiakin kisik chinna gah hungnei khia phot un. 9Abraham kapa uh ahi chi`n noumauh in ngaihsutna nei kei un. Pasian in suangtang neute zong Abraham tate suaksakthei hi! #Jhn. 8.33. 10Tualeh tu mahmah in heipi singzung teng ah kikoihkhin hi; tuajiakin singkung gahhoih neilou jousiah sattan a meilak a paih ahi ding hi. #Mat. 7.19. 11Ken na kisikna uh lahna ding in tui in kung baptis a, hinanleh ka nung a hung paidingpa ahihleh keisang a hatzaw ahi a; akhedap tawi ding a zong taklou ka hi. Aman Khasiangthou leh mei in ahung baptis ding hi. #3.11 Tui in ahihkeileh tui tawh zong chih theih ahi 12A phikphek a khut ah a tawi a, aman a buhphual ngiltak in ajapsiang kilkel ding a tualeh anbuk sungah buhtakte a koihkhawm ding a; hinanleh buhsite pen amittheilou mei tawh ahaltum ding hi.”
Jesu baptisma tanna
(Mrk. 1.9-11; Luk. 3.21,22)
13Tuachi`n Jesu Johan kiang a baptisma tang ding in, Galili gam a pan Jordan luiah a hungpai hi. 14Hinanleh Johan in kham sawm in, “Nang kei nung baptis ding poimoh jaw hi`ng a, Kei kiangah Nang nungpai jawsop ding maw!” achi hi.
15Hinanleh Jesu`n a dawng a hichi`n a kiangah, “Tu`n hithei sak teitei in; hihbang diktatnate tengteng sep tangtun ei a ding a chinna ahi,” achi hi. Tuachi`n aman aphalsak ta hi.
16Tualeh Jesu`n baptisma a tankhit, tuilak a pat ahung pawtkhiat phet in, ngaiin, amah a dingin van ahung ki hongkhia a, vak in amah a khohsuk a Pasian Khasiangthou vakhu bang a hung kumsuk amu hi. 17Tuachi`n thakhat in van a pan in aw khat in, “Hih Ka Tapa it tak ahi, Ka kipahna mahmah ahi,” achi hi. #Gen. 22.2; Psa. 2.7; Isa. 42.1; Mat. 12.18; 17.5; Mrk. 1.11; Luk. 9.35.
ទើបបានជ្រើសរើសហើយ៖
MATHAI 3: THKHBSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Thangkhal NT - Thukhun Thak
Copyright © 2014 by The Bible Society of India
Used by permission. All rights reserved worldwide.