EKSODAS 5
5
Aigupta Kumpipa Pharaoh Ma Ah Mosi Leh Aaron
1Huan huai nung in Pharaoh kiang ah Mosi leh Aaron alut ua, “Hichibang in Israelte' Toupa Pathian in achi. Gamdai a kei a dia ankuangluina abawltheihna ding un, ka mite paisak in,” chi in ahilh uhi.
2Pharaoh in, “Israelte paisak ding a a-aw ka man ding, huai Toupa kua ahia? Hiai Toupa ka thei kei, Israelte leng ka paisak kei ding,” achi hi.
3Huchi in amau, “Hebrute' Pathian in ahon kimuhpih a; gamdai ah ni thum lam ah, hon paisak in, ka hon ngen uhi. Toupa ka Pathian kiang ah hon kithoihsak in. Hipi hiam, namsau hiam in ahon gawt kha ding hi,” achi uhi.
4Aigupta kumpipa'n akiang uah, “Mosi leh Aaron, bangziak a noute'n mite nasep khawlsak na hi ua? Na puakgikte uh pua un,” achi hi. 5Pharaoh in, “Ngai un, gam a mite tu in atam ua, apuakgik ua pan na khawlsak uhi,” achi hi.
6Pharaoh in huai ni mah in mite' nasem heutute leh upate thu apia hi. 7“Tuma siah a bang in teklei bawlna ding in mite buhpawl na pe nawn kei ding uhi. Kuan uhenla, buhpawl va kilak uhen. 8Tuma siah ateklei bawlsa tengteng uh, atung uah na koih ding a; huai a pan in bangmah na kiamsak kei ding uhi. Atha uh adah kha dia; huchi in kap in, ka Pathian kiang uah hon paisak inla, hon va kithoihsak in, achi kha ding uh. 9Nna tamsem atung uah guan unla, asepgim theihna ding un; thugina lou limsak kei uhen,” achi hi.
10Mite nasem heutute apaikhia ua, a-upate uh toh, mite kiang ah thu agen ua, “Pharoah in buhpawl ahon pe kei ding.
11“Nou kuan unla, na muh theihtheihna uah buhpawl kilak un. Himahleh na nasep uh bangmah kiamsak ahi kei ding,” achi uhi. 12Mite buhpawl sik a buhbul lakhawm ding in Aigupta gam teng ah avak zakta uhi. 13Nasem heutute'n amau anoh ua, na nasep uh zou un, na niteng sep dingte uh, buhpawl a-om lai in, achi uhi. 14Israel suan upate, Pharaoh nasem heutute atung ua akoihte un, avua ua, bangziak a tuma lam a bang a zan leh tuni a na teklei bawl uh zou lou na hi ua? chi in aphutluih uhi.
15Huaitak in Israel suan upate ahong ua, Pharaoh kiang ah akap ua, “Bangziak a na sikhate hichi bawl tel na hia? 16Na sikhate buhpawl piak ka hi kei ua, amau lah ka kiang uah, ‘Teklei bawl un!’ ahon chi uh. Ngai in, na sikhate vuak in ka om ua, amoh na mite ahi uh,” achi uhi.
17Himahleh ama'n, “Thadah na hi uh, thadah na hi uh. Huaiziak in nou, ‘Pai ni in, Toupa kiang ah va kithoih ni,’ na chi uhi. 18Huaiziak in kuan unla; nna va sem un. Pawl ahon kipe kei dia, himahleh teklei bikhiah zah na piakkhiak ding uh ahi,” achi hi. 19Na niteng nasep ua na tekleite ua pan bangmah na kiamsak ding uh ahi kei, akichih nung Israel suan upate'n thusia om ahihdan atheita uhi.
20Pharaoh a pan ahong paikhiak un lampi a dingh Mosi leh Aaron akituahpih uhi. 21Akiang uah, “Toupa'n nou hon en in vai hawm hen. Pharaoh mit leh asikhate mit in ka gimnam uh kihhuai in na bawl ua, koute hon that dia akhut ua namsau na koih tak ziak un,” achi uhi.
Pathian Kiang Ah Mosi Aphun
22 Toupa kiang ah Mosi akik nawn a, “Toupa, bangziak a hiai mite hichibang a gilou suaksak na hia? Bangziak a kei hon sawl na hia? 23Na min a thu gen dia Pharaoh kiang a ka va hoh nungsiah lah, ama'n hiai mite tung ah gilou abawl ngal a. Na mite lah na pikhe ngal kei a,” achi hi.
ទើបបានជ្រើសរើសហើយ៖
EKSODAS 5: PAITBSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
EKSODAS 5
5
Aigupta Kumpipa Pharaoh Ma Ah Mosi Leh Aaron
1Huan huai nung in Pharaoh kiang ah Mosi leh Aaron alut ua, “Hichibang in Israelte' Toupa Pathian in achi. Gamdai a kei a dia ankuangluina abawltheihna ding un, ka mite paisak in,” chi in ahilh uhi.
2Pharaoh in, “Israelte paisak ding a a-aw ka man ding, huai Toupa kua ahia? Hiai Toupa ka thei kei, Israelte leng ka paisak kei ding,” achi hi.
3Huchi in amau, “Hebrute' Pathian in ahon kimuhpih a; gamdai ah ni thum lam ah, hon paisak in, ka hon ngen uhi. Toupa ka Pathian kiang ah hon kithoihsak in. Hipi hiam, namsau hiam in ahon gawt kha ding hi,” achi uhi.
4Aigupta kumpipa'n akiang uah, “Mosi leh Aaron, bangziak a noute'n mite nasep khawlsak na hi ua? Na puakgikte uh pua un,” achi hi. 5Pharaoh in, “Ngai un, gam a mite tu in atam ua, apuakgik ua pan na khawlsak uhi,” achi hi.
6Pharaoh in huai ni mah in mite' nasem heutute leh upate thu apia hi. 7“Tuma siah a bang in teklei bawlna ding in mite buhpawl na pe nawn kei ding uhi. Kuan uhenla, buhpawl va kilak uhen. 8Tuma siah ateklei bawlsa tengteng uh, atung uah na koih ding a; huai a pan in bangmah na kiamsak kei ding uhi. Atha uh adah kha dia; huchi in kap in, ka Pathian kiang uah hon paisak inla, hon va kithoihsak in, achi kha ding uh. 9Nna tamsem atung uah guan unla, asepgim theihna ding un; thugina lou limsak kei uhen,” achi hi.
10Mite nasem heutute apaikhia ua, a-upate uh toh, mite kiang ah thu agen ua, “Pharoah in buhpawl ahon pe kei ding.
11“Nou kuan unla, na muh theihtheihna uah buhpawl kilak un. Himahleh na nasep uh bangmah kiamsak ahi kei ding,” achi uhi. 12Mite buhpawl sik a buhbul lakhawm ding in Aigupta gam teng ah avak zakta uhi. 13Nasem heutute'n amau anoh ua, na nasep uh zou un, na niteng sep dingte uh, buhpawl a-om lai in, achi uhi. 14Israel suan upate, Pharaoh nasem heutute atung ua akoihte un, avua ua, bangziak a tuma lam a bang a zan leh tuni a na teklei bawl uh zou lou na hi ua? chi in aphutluih uhi.
15Huaitak in Israel suan upate ahong ua, Pharaoh kiang ah akap ua, “Bangziak a na sikhate hichi bawl tel na hia? 16Na sikhate buhpawl piak ka hi kei ua, amau lah ka kiang uah, ‘Teklei bawl un!’ ahon chi uh. Ngai in, na sikhate vuak in ka om ua, amoh na mite ahi uh,” achi uhi.
17Himahleh ama'n, “Thadah na hi uh, thadah na hi uh. Huaiziak in nou, ‘Pai ni in, Toupa kiang ah va kithoih ni,’ na chi uhi. 18Huaiziak in kuan unla; nna va sem un. Pawl ahon kipe kei dia, himahleh teklei bikhiah zah na piakkhiak ding uh ahi,” achi hi. 19Na niteng nasep ua na tekleite ua pan bangmah na kiamsak ding uh ahi kei, akichih nung Israel suan upate'n thusia om ahihdan atheita uhi.
20Pharaoh a pan ahong paikhiak un lampi a dingh Mosi leh Aaron akituahpih uhi. 21Akiang uah, “Toupa'n nou hon en in vai hawm hen. Pharaoh mit leh asikhate mit in ka gimnam uh kihhuai in na bawl ua, koute hon that dia akhut ua namsau na koih tak ziak un,” achi uhi.
Pathian Kiang Ah Mosi Aphun
22 Toupa kiang ah Mosi akik nawn a, “Toupa, bangziak a hiai mite hichibang a gilou suaksak na hia? Bangziak a kei hon sawl na hia? 23Na min a thu gen dia Pharaoh kiang a ka va hoh nungsiah lah, ama'n hiai mite tung ah gilou abawl ngal a. Na mite lah na pikhe ngal kei a,” achi hi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.