EKSODAS 4
4
Pathian In Thillamdang Hihtheihna Mosi Apia
1Huan Mosi in adawng a, “Ahi na a, ngai in, ahon gingta kei ding ua, ka aw leng ana ngaikhe sam kei ding uh, ‘Na kiang ah Toupa akilak kei,’ achih ding ziak un,” achi hi. 2Toupa'n akiang ah, “Na khut a bang ahia?” achi a; ama'n, “Chiangkhun,” achi hi. 3Ama'n, “Leitual ah khia in,” achi a; leitual ah akhia a, gul ahong suak a; huai a pan Mosi ataikheta hi. 4Toupa'n Mosi kiang ah, “Na khut zankhia inla, amei ah man in,” achi hi. Akhut azankhia a, amei ah amanta a, akhut ah chiangkhun ahong suak nawn hi; 5“huchi a apipute uh Toupa Pathian, Abraham' Pathian, Isak' Pathian leh Jakob' Pathian, na kiang ah akilak chih agintakna ding un,” achi hi.
6 Toupa'n akiang ah, “Tu in na ang ah na khut koih in,” achi nawn hi. A-ang a akhut koih a, azankhiaktak in, ngai in, vuk bang in akhut aphakta hi. 7“Ama'n na ang ah na khut koih nawn in,” achi hi. A-ang ah akhut a akoih nawn a, huan alakkhiakleh, ngai in, akhut khat lam bang ahong suak nawn hi. 8“Huan hichi ahi ding a, ahon gintak louh ua, chiamtehna khatna leng angaihkhiak kei uleh, chiamtehna nanung agintak ding uh ahi ding hi. 9Hichi ahong hi ding a, hiai chiamtehna nihte agintak louh lai ua, na aw leng angaihkhiak kei uleh, lui a pan tui na la dia, gamkeu ah na sung ding. Lui a pan na tui lakkhiak gamkeu ah sisan ahong suak ding hi,” achi hi.
10Mosi in Toupa kiang ah, “Aw Toupa, midangnal ka hi kei a, chik lai mah in, na sikha kiang a thu na gen nungsang in leng midang-awk leh pau zekai ka hi zaw hi,” achi hi. 11Toupa'n akiang ah, “Mihing kam bawl kua ahia? Ahihkeileh pau theiloute, nangongte, muhnate leh mittawte kua bawl ahia? Kei Toupa'n ka bawl ahi kei maw? 12Huaiziak in tu in kuan inla, na kam ka ompih dia, na gen ding ka hon hilh ding,” achi hi. 13Ama'n, “Aw Toupa, hehpih in midang sawl in, na sawl dingpa khut in, ka hon ngen hi,” achi hi. 14Mosi tung ah Toupa hehna asouta a, “Aaron, na unaupa a-om kei maw? Ama'n hoihtak in thu agen thei, chih ka thei. Huan ngai in, nang kimuhpih ding in ahong paikhia a, ahon muh chiang in alungtang akipak ding hi. 15Akiang ah thu na gen dia, akam ah thute na guang ding. Na kam ka ompih dia, na hih ding ka hon hilh ding hi. 16Amah mite kiang ah na thugenpa ahi dia; amah nang a ding in na kam' tang ahi dia, huan nang amah a ding in Pathian' tang na hi ding hi. 17Chiamtehnate na hihna ding in, na khut in hiai chiangkhun na tawi ding ahi,” achi hi.
Mosi Aigupta Ah Akik nawn
18Mosi akisa a, asunghpa Jethro kiang ah akik a, akiang ah, “K'on ngen ahi, hon paisak inla, Aigupta gam a om ka unaute kiang ah ka kik dia, adam lai uhiam chih ka va kan ding,” achi hi. Jethro in Mosi kiang ah, “Damtak in va hoh in,” achi hi. 19Toupa'n Midian gam a Mosi kiang ah, “Pai inla, Aigupta gam ah kik nawn in. Thah hon tum mi teng lah asita ngal ua,” achi hi. 20Mosi in azi leh atapate api a, sabiltung tung ah atuangsak a, Aigupta gam ah akik nawnta hi. Mosi in akhut in Pathian' chiangkhun atawi hi.
21 Toupa'n Mosi kiang ah, “Aigupta gam a kik nawn dia na kuan chiang in, na khut a ka koih huai thillamdangte tengteng Pharaoh ma ah hih ngeingei in. Himahleh alungtang ka khauhsak dia, huchi in mite apaisak kei ding,” achi hi. 22Pharaoh kiang ah, “Toupa'n Israel ka tapa ahi, ka ta masapen,” achi hi. 23“K'on chi ahi, nna ahon sepsak theihna ding in, ka tapa paisak in. Paisak na nialleh, ngai in, na tapa ka that ding, na ta masapen ngei, na chi ding hi.” 24Lampi a khualbuk ah hichi ahong hi a, Toupa'n amah ana tuak a, thah ding in azongta hi. 25Huchih lai in Zipporah in suang hiamtak khat ala a, atapa zekmuk vun a-atkhia a, akhebul ah akhia a, “Kei a ding in sikai pasal na hi taktak hi,” achi hi. 26Huchi in amah apaisak hi. Zekvun ziak in, “Sisan kai pasal na hi,” achi hi.
27 Toupa'n Aaron kiang ah, “Mosi tuak ding in gamdai ah hoh in,” achi hi. Ava hoh a, Pathian tang ah amah atuak a, atawp hi. 28Mosi in amah sawl Toupa thu tengteng leh amah apiak chiamtehna tengteng toh Aaron ahilh hi. 29Mosi leh Aaron apaita ua; Israel suan upate tengteng akaikhawm vek uhi. 30Mosi kiang a Toupa'n thu agen tengteng leh mite mitmuh a chiamtehna ahih tengteng Aaron in agenta hi. 31Huchi in mite'n agingta ua; Toupa'n Israel suante ahong veh a, agimna uh amuta, chih azaktak un, alu uh kunsak in abeta uhi.
ទើបបានជ្រើសរើសហើយ៖
EKSODAS 4: PAITBSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
EKSODAS 4
4
Pathian In Thillamdang Hihtheihna Mosi Apia
1Huan Mosi in adawng a, “Ahi na a, ngai in, ahon gingta kei ding ua, ka aw leng ana ngaikhe sam kei ding uh, ‘Na kiang ah Toupa akilak kei,’ achih ding ziak un,” achi hi. 2Toupa'n akiang ah, “Na khut a bang ahia?” achi a; ama'n, “Chiangkhun,” achi hi. 3Ama'n, “Leitual ah khia in,” achi a; leitual ah akhia a, gul ahong suak a; huai a pan Mosi ataikheta hi. 4Toupa'n Mosi kiang ah, “Na khut zankhia inla, amei ah man in,” achi hi. Akhut azankhia a, amei ah amanta a, akhut ah chiangkhun ahong suak nawn hi; 5“huchi a apipute uh Toupa Pathian, Abraham' Pathian, Isak' Pathian leh Jakob' Pathian, na kiang ah akilak chih agintakna ding un,” achi hi.
6 Toupa'n akiang ah, “Tu in na ang ah na khut koih in,” achi nawn hi. A-ang a akhut koih a, azankhiaktak in, ngai in, vuk bang in akhut aphakta hi. 7“Ama'n na ang ah na khut koih nawn in,” achi hi. A-ang ah akhut a akoih nawn a, huan alakkhiakleh, ngai in, akhut khat lam bang ahong suak nawn hi. 8“Huan hichi ahi ding a, ahon gintak louh ua, chiamtehna khatna leng angaihkhiak kei uleh, chiamtehna nanung agintak ding uh ahi ding hi. 9Hichi ahong hi ding a, hiai chiamtehna nihte agintak louh lai ua, na aw leng angaihkhiak kei uleh, lui a pan tui na la dia, gamkeu ah na sung ding. Lui a pan na tui lakkhiak gamkeu ah sisan ahong suak ding hi,” achi hi.
10Mosi in Toupa kiang ah, “Aw Toupa, midangnal ka hi kei a, chik lai mah in, na sikha kiang a thu na gen nungsang in leng midang-awk leh pau zekai ka hi zaw hi,” achi hi. 11Toupa'n akiang ah, “Mihing kam bawl kua ahia? Ahihkeileh pau theiloute, nangongte, muhnate leh mittawte kua bawl ahia? Kei Toupa'n ka bawl ahi kei maw? 12Huaiziak in tu in kuan inla, na kam ka ompih dia, na gen ding ka hon hilh ding,” achi hi. 13Ama'n, “Aw Toupa, hehpih in midang sawl in, na sawl dingpa khut in, ka hon ngen hi,” achi hi. 14Mosi tung ah Toupa hehna asouta a, “Aaron, na unaupa a-om kei maw? Ama'n hoihtak in thu agen thei, chih ka thei. Huan ngai in, nang kimuhpih ding in ahong paikhia a, ahon muh chiang in alungtang akipak ding hi. 15Akiang ah thu na gen dia, akam ah thute na guang ding. Na kam ka ompih dia, na hih ding ka hon hilh ding hi. 16Amah mite kiang ah na thugenpa ahi dia; amah nang a ding in na kam' tang ahi dia, huan nang amah a ding in Pathian' tang na hi ding hi. 17Chiamtehnate na hihna ding in, na khut in hiai chiangkhun na tawi ding ahi,” achi hi.
Mosi Aigupta Ah Akik nawn
18Mosi akisa a, asunghpa Jethro kiang ah akik a, akiang ah, “K'on ngen ahi, hon paisak inla, Aigupta gam a om ka unaute kiang ah ka kik dia, adam lai uhiam chih ka va kan ding,” achi hi. Jethro in Mosi kiang ah, “Damtak in va hoh in,” achi hi. 19Toupa'n Midian gam a Mosi kiang ah, “Pai inla, Aigupta gam ah kik nawn in. Thah hon tum mi teng lah asita ngal ua,” achi hi. 20Mosi in azi leh atapate api a, sabiltung tung ah atuangsak a, Aigupta gam ah akik nawnta hi. Mosi in akhut in Pathian' chiangkhun atawi hi.
21 Toupa'n Mosi kiang ah, “Aigupta gam a kik nawn dia na kuan chiang in, na khut a ka koih huai thillamdangte tengteng Pharaoh ma ah hih ngeingei in. Himahleh alungtang ka khauhsak dia, huchi in mite apaisak kei ding,” achi hi. 22Pharaoh kiang ah, “Toupa'n Israel ka tapa ahi, ka ta masapen,” achi hi. 23“K'on chi ahi, nna ahon sepsak theihna ding in, ka tapa paisak in. Paisak na nialleh, ngai in, na tapa ka that ding, na ta masapen ngei, na chi ding hi.” 24Lampi a khualbuk ah hichi ahong hi a, Toupa'n amah ana tuak a, thah ding in azongta hi. 25Huchih lai in Zipporah in suang hiamtak khat ala a, atapa zekmuk vun a-atkhia a, akhebul ah akhia a, “Kei a ding in sikai pasal na hi taktak hi,” achi hi. 26Huchi in amah apaisak hi. Zekvun ziak in, “Sisan kai pasal na hi,” achi hi.
27 Toupa'n Aaron kiang ah, “Mosi tuak ding in gamdai ah hoh in,” achi hi. Ava hoh a, Pathian tang ah amah atuak a, atawp hi. 28Mosi in amah sawl Toupa thu tengteng leh amah apiak chiamtehna tengteng toh Aaron ahilh hi. 29Mosi leh Aaron apaita ua; Israel suan upate tengteng akaikhawm vek uhi. 30Mosi kiang a Toupa'n thu agen tengteng leh mite mitmuh a chiamtehna ahih tengteng Aaron in agenta hi. 31Huchi in mite'n agingta ua; Toupa'n Israel suante ahong veh a, agimna uh amuta, chih azaktak un, alu uh kunsak in abeta uhi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.