HABAKKUK 3
3
Habakkuk ṭawngṭaina
1Sigionoth chunga zâwlnei Habak- kuk ṭawngṭaina chu:
2Aw LALPA, i ṭawng ka hriet a,ka ṭi tah a;
Aw LALPA, hieng kumhai sûng hin i sinthaw chu hung sukhar rawh.
Kumhai laia hin hung inhriettir la,
Lunginsennaa khawm zângaina chu hre zing rawh.
3Pathien chu Temana inthawkina hung a.
Mi Inthieng chu Paran tlânga inthawkin.
A ropuina chun vânhai chu ân khum a,
Leihnuoi chu ân pâknain a sip a nih.
4A êngna chu var ang a na;
A kuta inthawk chun varkêhai a hung suok a,
A thilthawtheina inbîkna chu a um a nih.
5A hmaa chun hri chu a feh a;
A kehaia inthawk chun meiling inling a fe suok a.
6A ngîr a, hnuoi chu ân hnîng a;
Hnamhai chu a en a, a hnawt dar tah a;
Kumkhaw tlânghai khawm chu sukdarin an um a,
Chatuon muolhai chu an kûn bawk a;
A lampuihai chu chatuona mi an nih.
7Kushan puon inhai chu sukrimsika a um lai kahmuh a;
Midian ram puonzârhai chu ân thin a.
8LALPA chu vadunghai chungachun a lungawi naw am anih?
Vadunghai chunga chun i lunginsenna chu a umin,
Tuisuoriet chunga chun i lunginsenna chu a um am a nih?
I sakawrhai chunga chun i chuongin,
I sandamna sakawr tawlailîr- haia chun i chuong hi?
9I thalngul chu sukruok dêr ana;
Thalhai chu a hruiah înbûk a,#I thal bâwm chu i hawng a, Thalhai chu tam tak i kâp suok a. (Hebraiah a chieng nawh)
Nang chun leihnuoi chu vadunghaiin i thlêr tah a.
10Tlânghai chun an hmu cheh a,an ṭih a;
Tui insawkhai khawm chu an fe hmang tah a;
Li inthûk chun a râwl ânsuoh a,
A kuthai chu chungtieng a phar a.
11Nisa le thla chu an umnaachun an ngîr zing a,
I thalhai kâp suoka umhai vara le,
I fei tle zawr zawr vara chun.
12Lunginthakin ram chu i fethleng a,
Lunginsenin hnamhai chu i chîl hrep a.
13I mihai sandamna dingin i fesuok a,
I hriek nâl sandamna ding chun.
Mi rilo sûngkuoa inthawk chun lu chu i sukhliem a,
Ring chenin a lungphûm chu i suklang tah a.
14A indo mihai lu chu amahmawl ngei chun i sun- thleng a,
Kei mi sukdar dingin thlivir angin an hung a:
An hlimna chu mi rimsi chu inrûka fâk hmang chu a nih.
15I sakawrhai le chun tuisuoriet chu i chîl tah a,
Tui nasatak umkhâwmhaichu.
16Ka hriet a, ka phîngsûng chuân thin a,
Ka hmûrhai chu râwlria chun ân thin hlawp hlawp a;
Ka ruhaia chun hmawnna a hung lût a,
chuongchun, ka hmuna chun kân thin a nih;
Buoina nia chun châwl kata,
Mipui, sipai pâwl anga mi rûntu chunga an hung tlung pha chun.
17Theichang kûng chu pâr naw sien khawm,
Grêphruia chun a ra um naw bawk sien khawm;
Oliv leia sin inrimna chu hung thlâwnin,
Lohai chun bu insuo naw bawk hai sien;
Berâm ruol chu a ina inthawka sât thlâka umin,
Bâwng ina chun bâwng ruol khawm um naw bawk hai sien khawm,
18LALPAA chun hlim ka ta,
Ka sandamna Pathiena chun lâwm ka tih.
19 #
2 Sam 22.34; Sm 18.33 Lalpa, Jehova chu ka hrâtna a na,
Ka kehai chu sazukpui kehai angin a siem a,
Ama chun ka bâwlhmunhaia chun mîn fetir a tih.
ទើបបានជ្រើសរើសហើយ៖
HABAKKUK 3: HMARCLBSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.