MAAKI 13
13
1Yisa ŋɔn daa kyɛnni n‑yiiri Gyeeŋŋu Yiri maa ni na la, u nyaandɔliba yinni daa yɛli u, “N Karimba, gɔsim kugnyalima wa ŋɔn bɛ seem, ni ban daa zaŋŋi a m‑mɛ duri ni gooma seem!” 2Ka Yisa daa yɛli u, “I bu nya mɛkara wa? Tɔ: dahinseaa kyɛnni na ka a kugseaa ku kpalim n‑tɔm ka kugkpeaa zugu, amaa a zaa nin ti ŋmɛ n‑wurim n‑lu tiŋŋa na.”
3Di nyaaŋŋa u daa zini Ɔlivii Zoori zugu, Gyeeŋŋu Yiri maa ya'ari sa, ka Piita ni Gyeemsi ni Gyɔni ni Anduru daa kyɛ u saani na nti sɔ'ai m‑boosi u, ni, 4“Yɛlim ti wula saha ka dinŋɔ nin niŋi. Ka bumbɔ nin ti niŋi n‑wulisi, ni, anŋɔ zaa ya paai a tariga?” 5Di saha ka Yisa daa yɛli ba, “Ya baŋŋma suŋŋa ka di kyɛ ka sɔ yɔmsi ya. 6Niriba pam nin zaŋŋi n yuuri n‑kyɛ na, ni, ‘Mani nla!’ ka ba nin yɔmsi niriba pam m‑basi. 7Ya yi ti wumni tɔppu damni, bee di lahabaya, yan di kyɛ ka yam-ŋmaa gbaai ya, dama lala nin niŋi pɔi, amaa pa naari maa nla. 8Tinsi dima nin yisigi n‑tuusi taaba tɔppu, ni nadima gba nin tuusi taaba. Tingbaŋŋu maa nin damni kpa, ni kpa, ni kpa sa; ka kɔm nin ti lu; amaa anŋɔ zaa ti ya bɛ ni hoo pɔ'apudaana wɔlisigu piiligu beerim ŋɔn bɛ seem la. 9Amaa ya gbaam ya mansi, dama ba nin ti mari ya n‑niŋi kootu dima nuu ni, ba nin ti bu ya la'aŋŋu duri ni, ka ba nin kari ya sariya gɔmnadima ni nadima tooni. Di zaa nin niŋi man zugu, ka lala nin kyɛ ka ba baŋŋi suŋŋa. 10See ka lahabasuŋŋu maa daŋŋi m‑paai tinsi kam zaasa. 11Ba yi ti mari ya n‑yi sariya karibu ziiya, yan di daŋŋi n‑fabinni yan nin tɔ'asi yɛttɔ'aseesi zugu: ya tɔ'asim yɛttɔ'aseesi an bɛ ya sufu ni di saha maa, dama di pa yarima n ya n‑tɔ'asi amaa Naawunni Sii Kasi maa nin tɔ'asi. 12Dɔseeba nin gbaai ba mabiisi n‑tisi ka ba ku ba, bee ba nin gbaai ba biisi, ka biisi mun nin yisigi n‑zabi ba badima ni ba madima halli nti ku ba. 13Ba zaa nin yaai ya man yuuri zugu, amaa sɔ kam zaa ŋɔn nin kpaŋŋi u maŋŋa m‑bari n‑zaani halli nti paai yɛla wa tariga maa nin nya tiliginsim.
14Ya nin ti nya ka ba zaŋŋi bumbɛseelli kan kyisiri la n‑zaali luginseaa kan bu sum ni ka zɛya, n‑sa'amni yɛla. [Kyɛ ka ninvugsɔ ŋɔn karimni anŋɔ baŋŋi suŋŋasuŋŋa.] Tɔ: ya yi ti nya lala, di saha maa ya kyɛ ka ban bɛ Gyuudii tingbaŋŋu ni la zɔ n‑du zɔya ni. 15Yan di kyɛ ka ban bɛ pii zugu ti sigi tiŋŋa na nti kpɛ duu puuni n‑zaŋŋi sɛseelli, 16ka seeba ban bɛ puri ni di labi nyaaŋŋa nti zaŋŋi ba kpari la. 17Di saha maa di nin ti kpeem pam n‑tisi pɔ'apuusi dima ni pɔ'aseeba ban mari biisi ka ba na mɔ'ara. 18Dizugu ya susim Naawunni ka dinŋɔ di kyɛ na waari saha, 19dama di dabsa maa ka wahala nin bɛ ni pam, wahalaseaa ban na zi n‑nya Naawunni ŋɔn daa naam duniya wa sahanseaa zaŋŋi n‑kyaŋŋi zuna, ka ku laa m‑maali n‑nya lala taabu yaasa. 20Ka ti Dugma maa yi daa bu ŋmaai dabsa maa gyiŋŋa, saalibii n daa ka ni n‑da naa n‑nya tiliginsim, amaa ŋɔn daa yiisi seeba la zugu ka u siri daa ŋmaai dabsa maa. 21Ka di saha maa, sɔ yi ti yɛli ya, ni, ‘Nyama, Masiiya maa bɛ la kpa.’ bee ‘Kpa sa ka u bɛ ni.’ yan di niŋi ba yɛdda. 22Seeba nin ti doaai na m‑ma'ari ziri, ni, ban n nyɛ Masiiya, bee, ni, ban n nyɛ anabidima; ba nin tum alahazibu tuma ni ba ti yɔmsi niriba m‑basi, halli ni Naawunni ŋɔn yiisi seeba la gba, amaa Naawunni ku sakki lala. 23Ya gbaam ya mansi, dama m pun daŋŋi n‑yɛli ya seelli kam zaa.”
24Ka u daa laa n‑yɛli ba, ni, “Amaa di saha, wahala maa nyaaŋŋa, ni#:-
‘Wuntaŋŋa nin ti zibgi zimm!
Ka namboaa ku laa m‑pɛligi:
25Saŋmariwuusi nin ti yiiri saazugu n‑luri na,
Ka arizana yiikodaandima zaa nin damna.’
26Di saha ka ba nin ti nya ‘Ninsaala Bii maa ka u pɔtti na, ka sangbana nin gyiligi u’, ka u ti mari yiiko pam ni gyirima veelim. 27Di saha maa ka u nin ti tum malaakadima maa ka ba yi na m‑paai duniya wa lugri kam zaa n‑zaŋŋi ŋɔn yiisi seeba la ka la'asi ba taaba.”
28Ni, “Ya kyɛ ka kinkaŋŋa yɛla wulisi ya di gbinni ŋɔn nyɛ seem: ya yi ti nya ka lala tii maa yiisiri wuliŋmeena ka pusiri vapaala, ya nin baŋŋi, ni, siga saha pɔtta. 29Ka di bɛ la lala: ya yi ti nya ka yɛla wa zaa niŋna, ya nin baŋŋi, ni, saha maa pɔriya. 30Yɛlimaŋni ka n yɛli ya wa, ni, zuna niriba zaa ku gaari see ka dinŋɔ zaa niŋi. 31Saazugu ni tingbaŋŋu nin gaari, amaa man yɛttɔ'a wa ku gaari.”
32Ni, “Amaa di daari maa, bee di saha, ŋɔn ya paai sahanseaa la ka sɔsɔ bu mi deede, halli malaakadima ban bɛ arizana ni la bu mi, Naawunni Bii maa gba bu mi, na'ala ti Ba maa mi. 33Dizugu ya gura, yan di gbisira, dama ya bu mi di saha maa. 34Di ti ya n‑nyɛ la hoo dɔsɔ ŋɔn daa wa goorim ka puri u yiri tuma n‑tisi u tuntumniba seem, sɔkam zaa ni u tuma. Ka yɛli ŋɔn guri u yiri za'anɔri maa, ni, u di gbisi. 35Dizugu ya gura suŋŋa, dama ya bu mi yiri maa daana lappu saha na - ammi, zaanoori, bee yuntasuusi, bee bɛkasigri, bee asuba? 36Ya sɛ'asima, ka di kyɛ ka u paai na n‑libgi ya ka ya na gbisira. 37Ka man yɛtti yarima seem wa, n yɛtti la sɔkam zaa, ni, ya sɛ'asima n‑gura.”
ទើបបានជ្រើសរើសហើយ៖
MAAKI 13: maw
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2002, Wycliffe Bible Translators, Inc. All rights reserved.
MAAKI 13
13
1Yisa ŋɔn daa kyɛnni n‑yiiri Gyeeŋŋu Yiri maa ni na la, u nyaandɔliba yinni daa yɛli u, “N Karimba, gɔsim kugnyalima wa ŋɔn bɛ seem, ni ban daa zaŋŋi a m‑mɛ duri ni gooma seem!” 2Ka Yisa daa yɛli u, “I bu nya mɛkara wa? Tɔ: dahinseaa kyɛnni na ka a kugseaa ku kpalim n‑tɔm ka kugkpeaa zugu, amaa a zaa nin ti ŋmɛ n‑wurim n‑lu tiŋŋa na.”
3Di nyaaŋŋa u daa zini Ɔlivii Zoori zugu, Gyeeŋŋu Yiri maa ya'ari sa, ka Piita ni Gyeemsi ni Gyɔni ni Anduru daa kyɛ u saani na nti sɔ'ai m‑boosi u, ni, 4“Yɛlim ti wula saha ka dinŋɔ nin niŋi. Ka bumbɔ nin ti niŋi n‑wulisi, ni, anŋɔ zaa ya paai a tariga?” 5Di saha ka Yisa daa yɛli ba, “Ya baŋŋma suŋŋa ka di kyɛ ka sɔ yɔmsi ya. 6Niriba pam nin zaŋŋi n yuuri n‑kyɛ na, ni, ‘Mani nla!’ ka ba nin yɔmsi niriba pam m‑basi. 7Ya yi ti wumni tɔppu damni, bee di lahabaya, yan di kyɛ ka yam-ŋmaa gbaai ya, dama lala nin niŋi pɔi, amaa pa naari maa nla. 8Tinsi dima nin yisigi n‑tuusi taaba tɔppu, ni nadima gba nin tuusi taaba. Tingbaŋŋu maa nin damni kpa, ni kpa, ni kpa sa; ka kɔm nin ti lu; amaa anŋɔ zaa ti ya bɛ ni hoo pɔ'apudaana wɔlisigu piiligu beerim ŋɔn bɛ seem la. 9Amaa ya gbaam ya mansi, dama ba nin ti mari ya n‑niŋi kootu dima nuu ni, ba nin ti bu ya la'aŋŋu duri ni, ka ba nin kari ya sariya gɔmnadima ni nadima tooni. Di zaa nin niŋi man zugu, ka lala nin kyɛ ka ba baŋŋi suŋŋa. 10See ka lahabasuŋŋu maa daŋŋi m‑paai tinsi kam zaasa. 11Ba yi ti mari ya n‑yi sariya karibu ziiya, yan di daŋŋi n‑fabinni yan nin tɔ'asi yɛttɔ'aseesi zugu: ya tɔ'asim yɛttɔ'aseesi an bɛ ya sufu ni di saha maa, dama di pa yarima n ya n‑tɔ'asi amaa Naawunni Sii Kasi maa nin tɔ'asi. 12Dɔseeba nin gbaai ba mabiisi n‑tisi ka ba ku ba, bee ba nin gbaai ba biisi, ka biisi mun nin yisigi n‑zabi ba badima ni ba madima halli nti ku ba. 13Ba zaa nin yaai ya man yuuri zugu, amaa sɔ kam zaa ŋɔn nin kpaŋŋi u maŋŋa m‑bari n‑zaani halli nti paai yɛla wa tariga maa nin nya tiliginsim.
14Ya nin ti nya ka ba zaŋŋi bumbɛseelli kan kyisiri la n‑zaali luginseaa kan bu sum ni ka zɛya, n‑sa'amni yɛla. [Kyɛ ka ninvugsɔ ŋɔn karimni anŋɔ baŋŋi suŋŋasuŋŋa.] Tɔ: ya yi ti nya lala, di saha maa ya kyɛ ka ban bɛ Gyuudii tingbaŋŋu ni la zɔ n‑du zɔya ni. 15Yan di kyɛ ka ban bɛ pii zugu ti sigi tiŋŋa na nti kpɛ duu puuni n‑zaŋŋi sɛseelli, 16ka seeba ban bɛ puri ni di labi nyaaŋŋa nti zaŋŋi ba kpari la. 17Di saha maa di nin ti kpeem pam n‑tisi pɔ'apuusi dima ni pɔ'aseeba ban mari biisi ka ba na mɔ'ara. 18Dizugu ya susim Naawunni ka dinŋɔ di kyɛ na waari saha, 19dama di dabsa maa ka wahala nin bɛ ni pam, wahalaseaa ban na zi n‑nya Naawunni ŋɔn daa naam duniya wa sahanseaa zaŋŋi n‑kyaŋŋi zuna, ka ku laa m‑maali n‑nya lala taabu yaasa. 20Ka ti Dugma maa yi daa bu ŋmaai dabsa maa gyiŋŋa, saalibii n daa ka ni n‑da naa n‑nya tiliginsim, amaa ŋɔn daa yiisi seeba la zugu ka u siri daa ŋmaai dabsa maa. 21Ka di saha maa, sɔ yi ti yɛli ya, ni, ‘Nyama, Masiiya maa bɛ la kpa.’ bee ‘Kpa sa ka u bɛ ni.’ yan di niŋi ba yɛdda. 22Seeba nin ti doaai na m‑ma'ari ziri, ni, ban n nyɛ Masiiya, bee, ni, ban n nyɛ anabidima; ba nin tum alahazibu tuma ni ba ti yɔmsi niriba m‑basi, halli ni Naawunni ŋɔn yiisi seeba la gba, amaa Naawunni ku sakki lala. 23Ya gbaam ya mansi, dama m pun daŋŋi n‑yɛli ya seelli kam zaa.”
24Ka u daa laa n‑yɛli ba, ni, “Amaa di saha, wahala maa nyaaŋŋa, ni#:-
‘Wuntaŋŋa nin ti zibgi zimm!
Ka namboaa ku laa m‑pɛligi:
25Saŋmariwuusi nin ti yiiri saazugu n‑luri na,
Ka arizana yiikodaandima zaa nin damna.’
26Di saha ka ba nin ti nya ‘Ninsaala Bii maa ka u pɔtti na, ka sangbana nin gyiligi u’, ka u ti mari yiiko pam ni gyirima veelim. 27Di saha maa ka u nin ti tum malaakadima maa ka ba yi na m‑paai duniya wa lugri kam zaa n‑zaŋŋi ŋɔn yiisi seeba la ka la'asi ba taaba.”
28Ni, “Ya kyɛ ka kinkaŋŋa yɛla wulisi ya di gbinni ŋɔn nyɛ seem: ya yi ti nya ka lala tii maa yiisiri wuliŋmeena ka pusiri vapaala, ya nin baŋŋi, ni, siga saha pɔtta. 29Ka di bɛ la lala: ya yi ti nya ka yɛla wa zaa niŋna, ya nin baŋŋi, ni, saha maa pɔriya. 30Yɛlimaŋni ka n yɛli ya wa, ni, zuna niriba zaa ku gaari see ka dinŋɔ zaa niŋi. 31Saazugu ni tingbaŋŋu nin gaari, amaa man yɛttɔ'a wa ku gaari.”
32Ni, “Amaa di daari maa, bee di saha, ŋɔn ya paai sahanseaa la ka sɔsɔ bu mi deede, halli malaakadima ban bɛ arizana ni la bu mi, Naawunni Bii maa gba bu mi, na'ala ti Ba maa mi. 33Dizugu ya gura, yan di gbisira, dama ya bu mi di saha maa. 34Di ti ya n‑nyɛ la hoo dɔsɔ ŋɔn daa wa goorim ka puri u yiri tuma n‑tisi u tuntumniba seem, sɔkam zaa ni u tuma. Ka yɛli ŋɔn guri u yiri za'anɔri maa, ni, u di gbisi. 35Dizugu ya gura suŋŋa, dama ya bu mi yiri maa daana lappu saha na - ammi, zaanoori, bee yuntasuusi, bee bɛkasigri, bee asuba? 36Ya sɛ'asima, ka di kyɛ ka u paai na n‑libgi ya ka ya na gbisira. 37Ka man yɛtti yarima seem wa, n yɛtti la sɔkam zaa, ni, ya sɛ'asima n‑gura.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2002, Wycliffe Bible Translators, Inc. All rights reserved.