MAAKI 12
12
1Ka u daa gbaai yɛttɔ'a n‑yɛli ba nyɛsa ni, ni, “Dɔsɔ n daa bɛ ni n‑daa sa u tiwanna puu. U daa mɛ la goomni n‑gyiligi puu maa, n‑gbi bɔkku tiŋni, ban ŋmakkri tiwala maa seela n‑nya a koom, ka laa n‑ti sugri puu maa puuni. U daa maali di zaa ka zaŋŋi puu maa n‑ti ninvugseeba, ni ba tumma puu maa tuma n‑ti u; ka u daa naayi kyaŋŋi n‑gɔa. 2Tɔ, ka tiisi maa wala saha ŋɔn daa ti paai, u daa tum u daabsɔ ni u kyaŋŋi tuntumniba maa saani, nti deaai puu maa diibu na. 3Amaa ba daa gbaai daabri maa m‑bu u ka kari u n‑labsi yɔri na. 4Ka puu maa daana daa laa n‑tum sɔ, ka ba gbaai ŋɔn gba m‑bu n‑ŋmɛ u zugu ka zeem u. 5Ka u daa laa n‑tum sɔ, amaa ba daa ku ŋɔna. U daa tum niriba pam ka ba daa bu baseeba, ka ku seeba. 6Ninvugyinni n daa kpalim ni u tum, u toori biiya ŋɔn daa wuri sɔ pam la. Ŋɔna ka u daa naayi tum, dama u daa teesi, ni, ‘Ba nin ti m maŋtoori bii maa gyirima.’ 7Amaa tuntumniba maa daa yɛli n‑ti taaba, ni, ‘Ŋɔn nin di puu maa daana faari la nŋɔa. Ya kyɛ ka ti ku u ka faari maa nin kpalim ti dinni.’ 8Ka lala zugu ba daa gbaai u n‑ku n‑zaŋŋi u n‑lɔbi puu maa kpaŋŋa. 9Tɔ; ka wula ka puu maa daana nin niŋi? U bu ya n‑kyɛ na nti ku tuntumniba maa zaa? Ka u nin zaŋŋi puu maa n‑ti tuntunseeba. 10Ammi, ya na bu karim Sɔppu la? - ni#:-
‘Kugseaa tammeeriba ŋɔn daa za'asi la
Kana daa leebi kan gbaai nyeebri maa,
N‑gbaari ka zaa ni kpeeŋŋu;
11Ti Dugma tuma maa nla,
Ka di nyɛ la alahazibu n‑ti ti.’
- ya bu baŋŋi lala sɔppu maa?”
12Di saha ka kpamma maa daa boori la soori ni ba gbaai u, ban daa mi, ni, nyɛsiri maa galimni la ban zugu; amaa ba daa zɔri la daadam maa dabeem, dizugu ka ba daa kyɛ u ka bakki.
13Di nyaaŋŋa ba daa tum Farisiseeba ni NaaHɛroodi niriba ni ba ti kyɛ Yisa saani na n‑gbaai u u yɛttɔ'a puuni. 14Ban daa ti paai na maa, ba daa yɛli u, “Ti Karimba, ti mi halli, ni, i nyɛ la ninvugsuŋŋu; i ba'a ka niriba yɛla ni, ka bu zɔri ninsaala nini, amaa ka kur wulisiri Naawunni soori ni yɛlimaŋni. 15Tɔ, ka dinŋɔna yɛlim ti: di tuya ni ba yoori lampoo n‑tiri Room NaaTitaari, bee di bu tuusi? Ti yooma, bee ti di yɔa?” Ka Yisa daa baŋŋi ba peemsi-ka-nyii ŋɔn nyɛ seem la, ka yɛli ba, ni, “Wula zugu ka ya gbiiri m bɔ'a? Ya tim ma la'afu na ka n nya.” 16Ka ba daa zaŋŋi la'afu n‑ti u na, ka u yi boosi ba, ni, “Ŋɔni fɔtoo m bɛ la'afu maa ni wa, ni ŋɔni yuuri n sɔbi m‑bɛ ka ni?” Ka ba yɛli, “NaaTitaari dinni.” 17Ka Yisa laa n‑labsi n‑yɛli ba, “Dizugu din nyɛ Naaba dinni yan zaŋŋma n‑ti Naaba maa, ka zaŋŋi din nyɛ Naawunni dinni n‑ti Naawunni.” Ka di daa gyɛri ba pam ŋɔn yɛli seem maa.
18Di nyaaŋŋa ka Saddusidima - ban yɛtti, ni, kum yisigri ka ni la - ba gba daa kyɛ na nti boosi u boosa. Ba daa yɛli u, 19ni, “Ti Karimba, Musa daa sɔbi n‑ti ti n‑wulisi, ni, dɔsɔ beeri yi ti kpi ka kyɛ u pɔ'a, ka u na bu dɔ'ai biiya n‑ti u, see ka u di u beeri pukoori maa n‑dɔ'ai biisi n‑ti u beeri maa. 20Tɔ; ka mabiisi ayɔpɔi n daa bɛ ni. Ba kpeema maa daa di pɔ'a ka kpi ka bu dɔ'ai biiya. 21Ka u nyeeri la di pukoori maa, n‑gba kpi ka bu dɔ'ai. Ka di daa nyɛ la lala n‑ti buta daana gba. 22Yɛlimaŋni babayɔpɔi maa zaa daa kpiya ka bu dɔ'ai biiya ni pɔ'a maa. Di nyaaŋŋa ka pɔ'a maa gba kpi. 23Tɔ: dinŋɔna Zaadaari, dɔppa wa zaa yi ti yisigi kum ni, ba ŋɔni n nin nyɛ pɔ'a maa sira, dama babayɔpɔi zaa daa di u?” 24Ka Yisa daa labsi n‑yɛli ba, ni, “Lala n nyɛ di! Ya burigi soori ya ziilinsi zaŋŋi n‑kyaŋŋi Naawunni Sɔppu maa zugu, ni zaŋŋi n‑kyaŋŋi ŋɔn Naawunni ŋɔn mari yiiko seem la gba. 25Yɛlimaŋni ba yi ti yisigi kum ni sahanseaa, ba ku laa n‑diri pɔ'aba bee n‑kunni dɔppa; ba nin ti ŋmani la hoo arizana malaakadima la. 26Amaa zaŋŋi n‑kyaŋŋi kum yisigri la yɛla, ya bu karim Musa bukku la? Ŋɔn daa sɔbi bugum ni tutuuri yɛla Suuriseaa ni ka u daa yɛli, ni, Naawunni daa yɛli, ‘Mani n nyɛ Naawunni ka i badima gyeemni ma. Halli Ibrahim Naawunni n nyɛ ma, ni Yisahaaku Naawunni, ni Yaakubu gba.’ 27U siri pa la ninvugkpiimma Naawunni amaa ninvugvuya Naawunni. Ya burigi pam di zugu!”
28Ka karimbasɔ daa kyɛ na nti wum ba nangbankpeemni ŋmeebu maa. Ŋɔn daa baŋŋi, ni, Yisa daa labsi ba suŋŋa maa, u daa boosi u, ni, “Naawunni ŋɔn daa zaali zaaligudima maa zaa puuni, kani n lee n‑daŋŋi m‑mugsi ka kpa n‑gaari zaa?” 29Ka Yisa daa labsi u, ni, “Kan mugsi ka kpa pam nyɛ la, ni, ‘Ya Izraɛli dima, ya wumma! - Ti Dugma Naawunni nyɛ la Naawunni yinni; 30dizugu zaŋŋma i sufu zaa n‑wuri i Dugma Naawunni, ni i siiya zaa, ni i teesa zaa, ni i yaa zaa.’ 31Kan paasi buyi daana mun nyɛ la, ni, ‘Wuri i taraana hoo nyin wuri i mammaŋŋa seem la.’ Zaaligu seaa laa n‑ka ni n‑gaari anŋɔa.” 32Ka doo maa daa labsi n‑yɛli u, “Mboo! N Karimba, di veela. Di nyɛ la yɛlimaŋni nyin yɛli, ni, kan kpa nyɛ la, ni, Naawunni nyɛ la bunyinni, 33ka wunsɔ laa n‑ka ni m‑paasi yaasa na'ala u kɔkɔa. Ni, i yi zaŋŋi i sufu zaa n‑wuri u, ni i teesa, ni i yaa zaa, ka laa n‑wuri i taraana hoo i mammaŋŋa - lala mari anfaani n‑gaari sara maaligu zaa, bee, i kuuri bunkɔbri n‑tiri Naawunni.” 34Ka Yisa ŋɔn daa nya ka doo maa labsigu maa nyɛ labsisuŋŋu, u daa yɛli u, ni, “I bu wɔ'a ni Naawunni naam maa ni.” Di nyaaŋŋa vi daa gbaai ba, ka sɔ zaa daa bu laa m‑boosi u boosiseaa yaasa.
35Tɔ; ka Yisa ŋɔn daa bɛ Gyeeŋŋu Yiri maa ni n‑wulisira, u daa yɛliya, ni, “Masiiya maa muna - Naawunni ŋɔn ya tum sɔ na ni u ti di naam n‑fa u niriba m‑basi - wula zugu ka karimbadima la yɛtti, ni, lala Masiiya maa nyɛ la NaaDauda ya'aŋŋa? 36Amaa NaaDauda mammaŋŋa daa tɔ'asi Masiiya maa yɛla, n‑tɔ'asiri Naawunni Sii Kasi yiiko ni, ni#:-
‘Ti Dugma daa yɛli n‑ti n Dugma maa, ni,
“Kyɛm n nudirigu zii na n‑zinni,
Halli ka n zaŋŋi i dindaandima zaa
N‑niŋi i nuusi ni.” ’
37Tɔ, ka NaaDauda mammaŋŋa boonni ŋɔn Masiiya maa, ni, u Dugma: ka wula ka ŋɔna nin toaai n‑nyɛ u ya'aŋŋa?” Daadam maa daa wumni u yɛttɔ'a maa ka di daa niŋi ba nya'asim pam.
38Ŋɔn daa wulisiri ba maa, Yisa daa yɛliya, “Ya baŋŋma ninvugseeba ban wulisiri zaaligu la yɛla! Ba boori ba yeeri kparikara n‑gyinna, ka sɔkam zaa puusiri ba daasi ni. 39La'aŋŋu duri puu ni ba boori la ba zi sɔkam zaa tooni, halli deema gba ziiya ba bɛ la tooni. 40Ba faari la pukɔya yiya pɔi, ka naayi wulisiri ba maŋŋa Naawunni puusigu maa ni, dama ba yuui puusigu ni. Lala niriba maa nin ti nya galiŋŋu pam.”
41Yisa daa zinni Gyeeŋŋu Yiri puuni, ban daa toosiri piini duseaa la tooni. U daa gɔsiri daadam maa zaa ŋɔn zaŋŋi piini seesi n‑niŋi na. Bundaandima pam daa zaŋŋi ligri pam n‑niŋi. 42Amaa pukɔsɔ daa kpɛ na, ŋɔn daa nyɛ faradaana, ka daa zaŋŋi ligri fiiŋ, kulla la'abisibisi ayi, n‑niŋi. 43Ka Yisa daa booli u nyaandɔliba la na n‑yɛli ba, ni, “Yɛlimaŋni ka n yɛtti ya wa, pukoori faradaana wa tisi n‑gaari sɔkam zaa; 44dama ban zaa yiisi la ba marigu pam puuni seelli n‑toosi, amaa pukoori wa ŋɔna, u marigu zaa seelli ŋɔn da ya m‑mari n‑diri la ka u zaŋŋi n‑toosi.”
ទើបបានជ្រើសរើសហើយ៖
MAAKI 12: maw
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2002, Wycliffe Bible Translators, Inc. All rights reserved.
MAAKI 12
12
1Ka u daa gbaai yɛttɔ'a n‑yɛli ba nyɛsa ni, ni, “Dɔsɔ n daa bɛ ni n‑daa sa u tiwanna puu. U daa mɛ la goomni n‑gyiligi puu maa, n‑gbi bɔkku tiŋni, ban ŋmakkri tiwala maa seela n‑nya a koom, ka laa n‑ti sugri puu maa puuni. U daa maali di zaa ka zaŋŋi puu maa n‑ti ninvugseeba, ni ba tumma puu maa tuma n‑ti u; ka u daa naayi kyaŋŋi n‑gɔa. 2Tɔ, ka tiisi maa wala saha ŋɔn daa ti paai, u daa tum u daabsɔ ni u kyaŋŋi tuntumniba maa saani, nti deaai puu maa diibu na. 3Amaa ba daa gbaai daabri maa m‑bu u ka kari u n‑labsi yɔri na. 4Ka puu maa daana daa laa n‑tum sɔ, ka ba gbaai ŋɔn gba m‑bu n‑ŋmɛ u zugu ka zeem u. 5Ka u daa laa n‑tum sɔ, amaa ba daa ku ŋɔna. U daa tum niriba pam ka ba daa bu baseeba, ka ku seeba. 6Ninvugyinni n daa kpalim ni u tum, u toori biiya ŋɔn daa wuri sɔ pam la. Ŋɔna ka u daa naayi tum, dama u daa teesi, ni, ‘Ba nin ti m maŋtoori bii maa gyirima.’ 7Amaa tuntumniba maa daa yɛli n‑ti taaba, ni, ‘Ŋɔn nin di puu maa daana faari la nŋɔa. Ya kyɛ ka ti ku u ka faari maa nin kpalim ti dinni.’ 8Ka lala zugu ba daa gbaai u n‑ku n‑zaŋŋi u n‑lɔbi puu maa kpaŋŋa. 9Tɔ; ka wula ka puu maa daana nin niŋi? U bu ya n‑kyɛ na nti ku tuntumniba maa zaa? Ka u nin zaŋŋi puu maa n‑ti tuntunseeba. 10Ammi, ya na bu karim Sɔppu la? - ni#:-
‘Kugseaa tammeeriba ŋɔn daa za'asi la
Kana daa leebi kan gbaai nyeebri maa,
N‑gbaari ka zaa ni kpeeŋŋu;
11Ti Dugma tuma maa nla,
Ka di nyɛ la alahazibu n‑ti ti.’
- ya bu baŋŋi lala sɔppu maa?”
12Di saha ka kpamma maa daa boori la soori ni ba gbaai u, ban daa mi, ni, nyɛsiri maa galimni la ban zugu; amaa ba daa zɔri la daadam maa dabeem, dizugu ka ba daa kyɛ u ka bakki.
13Di nyaaŋŋa ba daa tum Farisiseeba ni NaaHɛroodi niriba ni ba ti kyɛ Yisa saani na n‑gbaai u u yɛttɔ'a puuni. 14Ban daa ti paai na maa, ba daa yɛli u, “Ti Karimba, ti mi halli, ni, i nyɛ la ninvugsuŋŋu; i ba'a ka niriba yɛla ni, ka bu zɔri ninsaala nini, amaa ka kur wulisiri Naawunni soori ni yɛlimaŋni. 15Tɔ, ka dinŋɔna yɛlim ti: di tuya ni ba yoori lampoo n‑tiri Room NaaTitaari, bee di bu tuusi? Ti yooma, bee ti di yɔa?” Ka Yisa daa baŋŋi ba peemsi-ka-nyii ŋɔn nyɛ seem la, ka yɛli ba, ni, “Wula zugu ka ya gbiiri m bɔ'a? Ya tim ma la'afu na ka n nya.” 16Ka ba daa zaŋŋi la'afu n‑ti u na, ka u yi boosi ba, ni, “Ŋɔni fɔtoo m bɛ la'afu maa ni wa, ni ŋɔni yuuri n sɔbi m‑bɛ ka ni?” Ka ba yɛli, “NaaTitaari dinni.” 17Ka Yisa laa n‑labsi n‑yɛli ba, “Dizugu din nyɛ Naaba dinni yan zaŋŋma n‑ti Naaba maa, ka zaŋŋi din nyɛ Naawunni dinni n‑ti Naawunni.” Ka di daa gyɛri ba pam ŋɔn yɛli seem maa.
18Di nyaaŋŋa ka Saddusidima - ban yɛtti, ni, kum yisigri ka ni la - ba gba daa kyɛ na nti boosi u boosa. Ba daa yɛli u, 19ni, “Ti Karimba, Musa daa sɔbi n‑ti ti n‑wulisi, ni, dɔsɔ beeri yi ti kpi ka kyɛ u pɔ'a, ka u na bu dɔ'ai biiya n‑ti u, see ka u di u beeri pukoori maa n‑dɔ'ai biisi n‑ti u beeri maa. 20Tɔ; ka mabiisi ayɔpɔi n daa bɛ ni. Ba kpeema maa daa di pɔ'a ka kpi ka bu dɔ'ai biiya. 21Ka u nyeeri la di pukoori maa, n‑gba kpi ka bu dɔ'ai. Ka di daa nyɛ la lala n‑ti buta daana gba. 22Yɛlimaŋni babayɔpɔi maa zaa daa kpiya ka bu dɔ'ai biiya ni pɔ'a maa. Di nyaaŋŋa ka pɔ'a maa gba kpi. 23Tɔ: dinŋɔna Zaadaari, dɔppa wa zaa yi ti yisigi kum ni, ba ŋɔni n nin nyɛ pɔ'a maa sira, dama babayɔpɔi zaa daa di u?” 24Ka Yisa daa labsi n‑yɛli ba, ni, “Lala n nyɛ di! Ya burigi soori ya ziilinsi zaŋŋi n‑kyaŋŋi Naawunni Sɔppu maa zugu, ni zaŋŋi n‑kyaŋŋi ŋɔn Naawunni ŋɔn mari yiiko seem la gba. 25Yɛlimaŋni ba yi ti yisigi kum ni sahanseaa, ba ku laa n‑diri pɔ'aba bee n‑kunni dɔppa; ba nin ti ŋmani la hoo arizana malaakadima la. 26Amaa zaŋŋi n‑kyaŋŋi kum yisigri la yɛla, ya bu karim Musa bukku la? Ŋɔn daa sɔbi bugum ni tutuuri yɛla Suuriseaa ni ka u daa yɛli, ni, Naawunni daa yɛli, ‘Mani n nyɛ Naawunni ka i badima gyeemni ma. Halli Ibrahim Naawunni n nyɛ ma, ni Yisahaaku Naawunni, ni Yaakubu gba.’ 27U siri pa la ninvugkpiimma Naawunni amaa ninvugvuya Naawunni. Ya burigi pam di zugu!”
28Ka karimbasɔ daa kyɛ na nti wum ba nangbankpeemni ŋmeebu maa. Ŋɔn daa baŋŋi, ni, Yisa daa labsi ba suŋŋa maa, u daa boosi u, ni, “Naawunni ŋɔn daa zaali zaaligudima maa zaa puuni, kani n lee n‑daŋŋi m‑mugsi ka kpa n‑gaari zaa?” 29Ka Yisa daa labsi u, ni, “Kan mugsi ka kpa pam nyɛ la, ni, ‘Ya Izraɛli dima, ya wumma! - Ti Dugma Naawunni nyɛ la Naawunni yinni; 30dizugu zaŋŋma i sufu zaa n‑wuri i Dugma Naawunni, ni i siiya zaa, ni i teesa zaa, ni i yaa zaa.’ 31Kan paasi buyi daana mun nyɛ la, ni, ‘Wuri i taraana hoo nyin wuri i mammaŋŋa seem la.’ Zaaligu seaa laa n‑ka ni n‑gaari anŋɔa.” 32Ka doo maa daa labsi n‑yɛli u, “Mboo! N Karimba, di veela. Di nyɛ la yɛlimaŋni nyin yɛli, ni, kan kpa nyɛ la, ni, Naawunni nyɛ la bunyinni, 33ka wunsɔ laa n‑ka ni m‑paasi yaasa na'ala u kɔkɔa. Ni, i yi zaŋŋi i sufu zaa n‑wuri u, ni i teesa, ni i yaa zaa, ka laa n‑wuri i taraana hoo i mammaŋŋa - lala mari anfaani n‑gaari sara maaligu zaa, bee, i kuuri bunkɔbri n‑tiri Naawunni.” 34Ka Yisa ŋɔn daa nya ka doo maa labsigu maa nyɛ labsisuŋŋu, u daa yɛli u, ni, “I bu wɔ'a ni Naawunni naam maa ni.” Di nyaaŋŋa vi daa gbaai ba, ka sɔ zaa daa bu laa m‑boosi u boosiseaa yaasa.
35Tɔ; ka Yisa ŋɔn daa bɛ Gyeeŋŋu Yiri maa ni n‑wulisira, u daa yɛliya, ni, “Masiiya maa muna - Naawunni ŋɔn ya tum sɔ na ni u ti di naam n‑fa u niriba m‑basi - wula zugu ka karimbadima la yɛtti, ni, lala Masiiya maa nyɛ la NaaDauda ya'aŋŋa? 36Amaa NaaDauda mammaŋŋa daa tɔ'asi Masiiya maa yɛla, n‑tɔ'asiri Naawunni Sii Kasi yiiko ni, ni#:-
‘Ti Dugma daa yɛli n‑ti n Dugma maa, ni,
“Kyɛm n nudirigu zii na n‑zinni,
Halli ka n zaŋŋi i dindaandima zaa
N‑niŋi i nuusi ni.” ’
37Tɔ, ka NaaDauda mammaŋŋa boonni ŋɔn Masiiya maa, ni, u Dugma: ka wula ka ŋɔna nin toaai n‑nyɛ u ya'aŋŋa?” Daadam maa daa wumni u yɛttɔ'a maa ka di daa niŋi ba nya'asim pam.
38Ŋɔn daa wulisiri ba maa, Yisa daa yɛliya, “Ya baŋŋma ninvugseeba ban wulisiri zaaligu la yɛla! Ba boori ba yeeri kparikara n‑gyinna, ka sɔkam zaa puusiri ba daasi ni. 39La'aŋŋu duri puu ni ba boori la ba zi sɔkam zaa tooni, halli deema gba ziiya ba bɛ la tooni. 40Ba faari la pukɔya yiya pɔi, ka naayi wulisiri ba maŋŋa Naawunni puusigu maa ni, dama ba yuui puusigu ni. Lala niriba maa nin ti nya galiŋŋu pam.”
41Yisa daa zinni Gyeeŋŋu Yiri puuni, ban daa toosiri piini duseaa la tooni. U daa gɔsiri daadam maa zaa ŋɔn zaŋŋi piini seesi n‑niŋi na. Bundaandima pam daa zaŋŋi ligri pam n‑niŋi. 42Amaa pukɔsɔ daa kpɛ na, ŋɔn daa nyɛ faradaana, ka daa zaŋŋi ligri fiiŋ, kulla la'abisibisi ayi, n‑niŋi. 43Ka Yisa daa booli u nyaandɔliba la na n‑yɛli ba, ni, “Yɛlimaŋni ka n yɛtti ya wa, pukoori faradaana wa tisi n‑gaari sɔkam zaa; 44dama ban zaa yiisi la ba marigu pam puuni seelli n‑toosi, amaa pukoori wa ŋɔna, u marigu zaa seelli ŋɔn da ya m‑mari n‑diri la ka u zaŋŋi n‑toosi.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2002, Wycliffe Bible Translators, Inc. All rights reserved.