Alawi 22
22
Utakatifu wo isadaka
1Apwiiya Nlhuku nkayaalhehera ashinna Musa wiira, 2“Mwaahimerie Naharuni ni achishaana aya eenanelheke rata chittu chitakatifu chinokumiha aya attu o Israeli uwannyaka mii, ahiwe yaaruwaniha nchina naka nitakatifu. Mii phi Apwiiya Nlhuku.
3“Mwaahimerieke wiira, yakhalhaka mmoka a achishaana inyu mu iyari inyu nowaatameria chittu chitakatifu chikumihilhe aya attu o Israeli uwannyaka mii Apwiiya Nlhuku, nanananre vahinooria awe ukilhapelha wo iphiro chihinorumelhelhiya wo waalhapelha Apwiiya Nlhuku, yoyo ntu uyo athamihiyeke umihoolho waka. Mii phi Apwiiya Nlhuku.
4“Tho, yakhalhaka ntu riyoothe o iyari i Naharuni hokelhiya ni ureta wo makutulha ama nookhumiya uwooru, hilhie chittu chitakatifu mpaka vanohalha awe uttukuriya. Ni ntu riyoothe ammaraka ntu nanarihiye wo iphiro chihinorumelhelhiya wo waalhapelha Apwiiya Nlhuku noonyalha, wo uvara ntembo ama ummara ntu khumiye ni ikhanja, 5ama avaraka yo wuupiya iriyoothe ineepurulha inonnanariha ntu wo iphiro chiriyoothe chihinorumelhelhiya wo waalhapelha Apwiiya Nlhuku, ama ntu nooria unnanariha wo iphiro chiriyoothe chihinorumelhelhiya wo waalhapelha Apwiiya Nlhuku. 6Opochera ishaani ariyoothe, eenanarihaka, khanorumelhelhiya wo iphiro cho unlhapelha Nlhuku mpaka uchechilho, ni ayo khanohiyereriya ulhia choolhia chitakatifu mpaka vanohalha aya urapa. 7Nchuwa vanohalha aya wiilha, phi nohalha aya ukhalha oombone. Baada yo vavawo nowooria ulhia choolhia chitakatifu ukhalhawaya yeyo phi yoolhia aya. 8Opochera ishaani ahikhuure inama iriyoothe yo mwannama ekwenlhe mwanene, ama wiiviya ni mwannama o mwiithuphini, ahiwe yeenanariha ni wooniya wiira khanolhoka wo iphiro cho waalhapelha Apwiiya Nlhuku. Mii phi Apwiiya Nlhuku.
9“Paahi etu opochera ishaani avarechesheke malheheriyo aka alha, ahiwe aawonya ni ukhwa. Mii phi Apwiiya Nlhuku kinaapanga ukhalha atakatifu.
10“Ntu hirii o inupa ya opochera ishaani, ata nlheto aya ama ntu novara ntheko uwannyaya khanohiyereriya ulhia yolhia itakatifu. 11Nansho yakhalhaka opochera ishaani ahonthuma ipotta wo nchurukhu aya anene, ama ipotta yareelhe unupani waya, yoyo nowooria ulhia yeyo yolhia yo isadaka itakatifu iyo. 12Mwaana mwanthiyana a opochera ishaani thelhiye ni ntu hirii opochera ishaani, yoyo mwaamwana mwanthiyana uyo khanothananiya ulhia isadaka yo chittu chitakatifu. 13Nansho yakhalhaka mwaamwana mwanthiyana uyo a opochera ishaani uyo hokhwelhiya ni owannyawe ayo, ama hovahiya italaka ni uyo kharina mwaana, ni uyo hohokolhiya uwannyawe wa athumwanawe nkaakhalha thoko vaari awe mwalhi, paahi nowooria ulhia yolhia ya athumwanawe. Ata inakhalha chiicho, nlheto khanohiyereriya ulhia chechiyo choolhia chitakatifu chiyo.
14“Yakhalhaka ntu nkina hirii o nihimo na opochera ishaani noolhia choolhia chitakatifu chiyo wo uhichuwelha, paahi alhiveke yolhia iyo ni wuncherera nifungu nimoka no mafungu nthanu, ni waahokolhoshera opochera ishaani. 15Opochera ishaani ahinanarihe wo iphiro chihihinorumelhelhiya wo waalhapelha Apwiiya Nlhuku, chittu chitakatifu attu o Israeli chaakumihenre Apwiiya Nlhuku, 16wo waahiyerera attu ulhia chittu chitakatifu chiyo, ni waavaha attu ayo milhatu cho waakhulha uwonya ni utteka waya wo ulhia chittu chitakatifu. Mii Apwiiya Nlhuku phi kinopanga chechiyo chittu chiyo ukhalha chitakatifu.”
Isadaka chihinorumelhelhiya ni Nlhuku
17Yamalheke, Apwiiya Nlhuku yahaalhehera tho ashinna Musa wiira, 18“Ntu riyoothe nokhalha Uisraeli ama nlheto riyoothe nnonkhalhana inyu, akumihaka isadaka awe yo upahiya, ikhalhe yo uthaphulha ishaani ama isadaka yo uttuna wawe yo waakumihera Apwiiya Nlhuku, 19wiira arumelhelhiye umihoolho wa Apwiiya Nlhuku, akumiheke etu ing'ope ilhopwana ama ikhondoro ilhopwana ama ipuri ihiremanre. 20Nhinkumihe isadaka mwannama riyoothe o remara, isadaka iyo khinorumelhelhiya wo yoyo nlhatu uyo. 21Ntu riyoothe vanaakumihera awe Apwiiya Nlhuku isadaka yo ukhalha wo mpuha wiira athaphulhe ishaani, ama isadaka yo uttuna wawe, ukhuma mumphingoni mwo wo mihuwo chawe, athananaka wiira arumelhelhiye noothananiya wiira ankumiheke mwannama timinre. 22Nhinkumihe wa Apwiiya Nlhuku mwannama riyoothe ohoona, oremara, ontheelhe vakittu, nokhumiya ni uwooru, rii ni uvelhe ama ichikurukuute, wala nhaakumihe ukhalha isadaka yo upahiya vamooroni vachulhu madhubahu a Apwiiya Nlhuku. 23Paahi, yakhalhaka, nnokumiha isadaka yo n'dume no ing'ope ama mwaakhondoro rii ni induri imoka yoorekama ama yookhuvia chinene, nkumiheke ukhalha isadaka yo uttuna winyu, nansho nhinkumihe ukhalha isadaka yo uthapulha ishaani. 24Mwannama rakanlhe induri awe yo ulhopwana, ama inyakathiye, ama yuntheelhe, ama itupulhiye, mena nhaakumihere Apwiiya Nlhuku isadaka, nhiire chiicho velhaponi winyu.
25“Nhaapochere mena ashinama thoko yayo athumiheriye inyu ama uvahiya ni alheto, ni ukikumihera mii ukhalha yoolhia aka. Khanorumelhelhiya wo mahalha inyu ukhalhawaya ahoremara.”
26Yamalheke vavawo, Apwiiya Nlhuku yaheerelha ashinna Musa wiira, 27“Mwaang'ope nlhopwana ama mwaakhondoro nlhopwana ama mwaapuri nlhopwana ayariaka akhalheke ni anumwanawe wo mahuku saba. Nansho ukhuma nihuku no nane inowooria ukumihiya wa Apwiiya Nlhuku ukhalha isadaka yo upahiya vamooroni. 28Nansho yakhalhaka nnokumiha isadaka yo mwaang'ope ama mwaakhondoro, nhaahithe nihuku nimoka vamoka ni manyanaangoro aya.
29“Vanohalha inyu ukikumihera isadaka yo ukishukuru mii Apwiiya Nlhuku, nkumiheke wo iphiro inohalha inyu urumelhelhiya. 30Inama yo yoyo mwannama uyo ikhuuriyeke nenno nihuku, nhihalhihe inama mpaka waashelhe waya. Mii phi Apwiiya Nlhuku.
31“Nvarechesheke ni upanga thoko chinolhehera aka, Mii phi Apwiiya Nlhuku. 32Ni mena nhiruwanihe nchina naka nitakatifu, ukhalhawaya ihothananiya mii kithimichiye munlhokoni mwa attu o Israeli. Mii phi Apwiiya Nlhuku, kinouvahani utakatifu. 33Phi mii kuuthaminheni ilhapo yo Umisri wiira kikhalhe Nlhuku inyu. Mii phi Apwiiya Nlhuku.”
ទើបបានជ្រើសរើសហើយ៖
Alawi 22: MOT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Bible Version in Makua @The Word for The World International and Makua Language translators. All rights reserved.
Alawi 22
22
Utakatifu wo isadaka
1Apwiiya Nlhuku nkayaalhehera ashinna Musa wiira, 2“Mwaahimerie Naharuni ni achishaana aya eenanelheke rata chittu chitakatifu chinokumiha aya attu o Israeli uwannyaka mii, ahiwe yaaruwaniha nchina naka nitakatifu. Mii phi Apwiiya Nlhuku.
3“Mwaahimerieke wiira, yakhalhaka mmoka a achishaana inyu mu iyari inyu nowaatameria chittu chitakatifu chikumihilhe aya attu o Israeli uwannyaka mii Apwiiya Nlhuku, nanananre vahinooria awe ukilhapelha wo iphiro chihinorumelhelhiya wo waalhapelha Apwiiya Nlhuku, yoyo ntu uyo athamihiyeke umihoolho waka. Mii phi Apwiiya Nlhuku.
4“Tho, yakhalhaka ntu riyoothe o iyari i Naharuni hokelhiya ni ureta wo makutulha ama nookhumiya uwooru, hilhie chittu chitakatifu mpaka vanohalha awe uttukuriya. Ni ntu riyoothe ammaraka ntu nanarihiye wo iphiro chihinorumelhelhiya wo waalhapelha Apwiiya Nlhuku noonyalha, wo uvara ntembo ama ummara ntu khumiye ni ikhanja, 5ama avaraka yo wuupiya iriyoothe ineepurulha inonnanariha ntu wo iphiro chiriyoothe chihinorumelhelhiya wo waalhapelha Apwiiya Nlhuku, ama ntu nooria unnanariha wo iphiro chiriyoothe chihinorumelhelhiya wo waalhapelha Apwiiya Nlhuku. 6Opochera ishaani ariyoothe, eenanarihaka, khanorumelhelhiya wo iphiro cho unlhapelha Nlhuku mpaka uchechilho, ni ayo khanohiyereriya ulhia choolhia chitakatifu mpaka vanohalha aya urapa. 7Nchuwa vanohalha aya wiilha, phi nohalha aya ukhalha oombone. Baada yo vavawo nowooria ulhia choolhia chitakatifu ukhalhawaya yeyo phi yoolhia aya. 8Opochera ishaani ahikhuure inama iriyoothe yo mwannama ekwenlhe mwanene, ama wiiviya ni mwannama o mwiithuphini, ahiwe yeenanariha ni wooniya wiira khanolhoka wo iphiro cho waalhapelha Apwiiya Nlhuku. Mii phi Apwiiya Nlhuku.
9“Paahi etu opochera ishaani avarechesheke malheheriyo aka alha, ahiwe aawonya ni ukhwa. Mii phi Apwiiya Nlhuku kinaapanga ukhalha atakatifu.
10“Ntu hirii o inupa ya opochera ishaani, ata nlheto aya ama ntu novara ntheko uwannyaya khanohiyereriya ulhia yolhia itakatifu. 11Nansho yakhalhaka opochera ishaani ahonthuma ipotta wo nchurukhu aya anene, ama ipotta yareelhe unupani waya, yoyo nowooria ulhia yeyo yolhia yo isadaka itakatifu iyo. 12Mwaana mwanthiyana a opochera ishaani thelhiye ni ntu hirii opochera ishaani, yoyo mwaamwana mwanthiyana uyo khanothananiya ulhia isadaka yo chittu chitakatifu. 13Nansho yakhalhaka mwaamwana mwanthiyana uyo a opochera ishaani uyo hokhwelhiya ni owannyawe ayo, ama hovahiya italaka ni uyo kharina mwaana, ni uyo hohokolhiya uwannyawe wa athumwanawe nkaakhalha thoko vaari awe mwalhi, paahi nowooria ulhia yolhia ya athumwanawe. Ata inakhalha chiicho, nlheto khanohiyereriya ulhia chechiyo choolhia chitakatifu chiyo.
14“Yakhalhaka ntu nkina hirii o nihimo na opochera ishaani noolhia choolhia chitakatifu chiyo wo uhichuwelha, paahi alhiveke yolhia iyo ni wuncherera nifungu nimoka no mafungu nthanu, ni waahokolhoshera opochera ishaani. 15Opochera ishaani ahinanarihe wo iphiro chihihinorumelhelhiya wo waalhapelha Apwiiya Nlhuku, chittu chitakatifu attu o Israeli chaakumihenre Apwiiya Nlhuku, 16wo waahiyerera attu ulhia chittu chitakatifu chiyo, ni waavaha attu ayo milhatu cho waakhulha uwonya ni utteka waya wo ulhia chittu chitakatifu. Mii Apwiiya Nlhuku phi kinopanga chechiyo chittu chiyo ukhalha chitakatifu.”
Isadaka chihinorumelhelhiya ni Nlhuku
17Yamalheke, Apwiiya Nlhuku yahaalhehera tho ashinna Musa wiira, 18“Ntu riyoothe nokhalha Uisraeli ama nlheto riyoothe nnonkhalhana inyu, akumihaka isadaka awe yo upahiya, ikhalhe yo uthaphulha ishaani ama isadaka yo uttuna wawe yo waakumihera Apwiiya Nlhuku, 19wiira arumelhelhiye umihoolho wa Apwiiya Nlhuku, akumiheke etu ing'ope ilhopwana ama ikhondoro ilhopwana ama ipuri ihiremanre. 20Nhinkumihe isadaka mwannama riyoothe o remara, isadaka iyo khinorumelhelhiya wo yoyo nlhatu uyo. 21Ntu riyoothe vanaakumihera awe Apwiiya Nlhuku isadaka yo ukhalha wo mpuha wiira athaphulhe ishaani, ama isadaka yo uttuna wawe, ukhuma mumphingoni mwo wo mihuwo chawe, athananaka wiira arumelhelhiye noothananiya wiira ankumiheke mwannama timinre. 22Nhinkumihe wa Apwiiya Nlhuku mwannama riyoothe ohoona, oremara, ontheelhe vakittu, nokhumiya ni uwooru, rii ni uvelhe ama ichikurukuute, wala nhaakumihe ukhalha isadaka yo upahiya vamooroni vachulhu madhubahu a Apwiiya Nlhuku. 23Paahi, yakhalhaka, nnokumiha isadaka yo n'dume no ing'ope ama mwaakhondoro rii ni induri imoka yoorekama ama yookhuvia chinene, nkumiheke ukhalha isadaka yo uttuna winyu, nansho nhinkumihe ukhalha isadaka yo uthapulha ishaani. 24Mwannama rakanlhe induri awe yo ulhopwana, ama inyakathiye, ama yuntheelhe, ama itupulhiye, mena nhaakumihere Apwiiya Nlhuku isadaka, nhiire chiicho velhaponi winyu.
25“Nhaapochere mena ashinama thoko yayo athumiheriye inyu ama uvahiya ni alheto, ni ukikumihera mii ukhalha yoolhia aka. Khanorumelhelhiya wo mahalha inyu ukhalhawaya ahoremara.”
26Yamalheke vavawo, Apwiiya Nlhuku yaheerelha ashinna Musa wiira, 27“Mwaang'ope nlhopwana ama mwaakhondoro nlhopwana ama mwaapuri nlhopwana ayariaka akhalheke ni anumwanawe wo mahuku saba. Nansho ukhuma nihuku no nane inowooria ukumihiya wa Apwiiya Nlhuku ukhalha isadaka yo upahiya vamooroni. 28Nansho yakhalhaka nnokumiha isadaka yo mwaang'ope ama mwaakhondoro, nhaahithe nihuku nimoka vamoka ni manyanaangoro aya.
29“Vanohalha inyu ukikumihera isadaka yo ukishukuru mii Apwiiya Nlhuku, nkumiheke wo iphiro inohalha inyu urumelhelhiya. 30Inama yo yoyo mwannama uyo ikhuuriyeke nenno nihuku, nhihalhihe inama mpaka waashelhe waya. Mii phi Apwiiya Nlhuku.
31“Nvarechesheke ni upanga thoko chinolhehera aka, Mii phi Apwiiya Nlhuku. 32Ni mena nhiruwanihe nchina naka nitakatifu, ukhalhawaya ihothananiya mii kithimichiye munlhokoni mwa attu o Israeli. Mii phi Apwiiya Nlhuku, kinouvahani utakatifu. 33Phi mii kuuthaminheni ilhapo yo Umisri wiira kikhalhe Nlhuku inyu. Mii phi Apwiiya Nlhuku.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Bible Version in Makua @The Word for The World International and Makua Language translators. All rights reserved.