Alawi 21
21
Malheheriyo wa attu opochera ishaani
1Apwiiya Nlhuku nkayeerelha ashinna Musa wiira, “Mwaahimerie opochera ishaani, achishaana a Naharuni wiira hikhalhe ntu munlhokoni mwaya nohalha wiinanariha wo iphiro chihinorumelhelhiya wo waalhapelha Apwiiya Nlhuku, wo uvara ntembo wa nlhoko awe, 2yaahikhalheke ntembo wa nlhoko awe oyaraana, wa anumwanawe ama wa athumwanawe, ama wa mwaamwanawe mwanlhopwana ama mwanthiyana. Wo nhima awe, 3ama wa mwanrokorawe o irukulhu imoka, ni uyo khanathelhiya. 4Yoyo akhalhaka ntu o ipilhi wa manyaalhoko awe, paahi etu hiinanarihe wo iphiro cho waalhapelha Apwiiya Nlhuku.
5“Opochera ishaani mena ahuuwulhe mputhu vanokhwelhiya aya, ni mena ahuuwulhe irori chaya wala ahiittume inepo mwiiruttuni. 6Akhalheke atakatifu wa Nlhuku aya, ni mena ahiruwanihe nchina naka. Ukhalhawaya yayo phi novara ntheko wo ukumihera isadaka chinokumihiya wa Apwiiya Nlhuku wo mooro, ikhalhaka thoko yolhia ya Nlhuku. Paahi etu anothananiya wiira akhalheke atakatifu.
7“Ukhalhawaya opochera ishaani ahokhalha atakatifu wa Nlhuku aya, paahi etu ahinthelhe nthiyana o ulhavalhava, wala nthiyana o uhithupha mooro, wala nthiyana vahiye italaka. 8Mwaachuwelheke attu opochera ishaani wiira atakatifu, ukhalhawaya yayo phi nokumiha isadaka yo nkatte wa Nlhuku inyu, mwaathimicheke wiira atakatifu, ukhalhawaya mii Apwiiya Nlhuku kinoweeshani inyuva ki ntakatifu.
9“Yakhalhaka mwaamwana nthiyana a opochera ishaani riyoothe alhavalhavaka ni wiinanariha wo iphiro chihinorumelhelhiya wo waalhapelha Apwiiya Nlhuku, apahiyeke mooro ukhalhawaya nowoolhiha muru athumwanawe.
10“Opochera ishaani Olhupalhe ariyoothe, ukhalhawaya yayo phi olhupalhe munlhokoni mwa ashilhoko aya, amiinelhiye makhura mmuruni mwaya ni weesheriya miono wiira aware ikuwo chitakatifu, paahi ahihiye etu ikharari chaya wo uhivacha wala ahaahulhache ikuwo chaya vaneechunlhelha aya. 11Ahaatamerie ntembo mena, wala wiinanariha wo iphiro chihinorumelhelhiya wo waalhapelha Apwiiya Nlhuku, wo uvara ntembo ata inakhalhaka wa athumwanaya ama wa anumwanaya. 12Ukhalhawaya aheesheriya miono wo uhikiya makhura a Nlhuku aya mmuruni, paahi ahithame Vakittu Vatakatifu wiira alhutaane ni attu anonlha, mena ahiinanarihe wo iphiro chihinorumelhelhiya wo waalhapelha Apwiiya Nlhuku. Mii phi Apwiiya Nlhuku.
13“Opochera ishaani olhupalhe anowooria unthelha mwalhi hinathupha mooro. 14Ahinthelhe nthiyana khwelhiye ni owannyawe, mena nthiyana vahiye italaka, mena nthiyana o ulhavalhava. Nansho anothananiya wiira anthelheke mwalhi o uhithupha mooro ukhuma munlhokoni mwa attu o nihimo naya anene, 15ahiwe yaananariha achishaana aya anene, wo iphiro chihinorumelhelhiya wo waalhapelha Apwiiya Nlhuku. Mii phi Apwiiya Nlhuku keeshenre miono.”
16Yamalheke Apwiiya Nlhuku yaheerelha tho ashinna Musa wiira, 17“Mwaahimerie Naharuni wiira, khaawo ntu inyu riyoothe o iyari chonkhaye chinowa, remanre iruttu, nohalha ukaatameria ni ukikumihera isadaka yo nkatte mii Nlhuku. 18Ntu riyoothe remanre, hinoona, remanre, rii ni ikhove ikhapachiye, rii ni induri yo urekama wo upwahaniha, 19ntu rii ni mweto ama moono uremanre, 20ntu okhuruthuwa nthana, ama ntu okhuviaa chinene, ntu hinoona rata, ntu ri ni yo wiipelha, rii ni uvelhe ama ntu o uhuniya, haatamerie unkumihera Nlhuku nkatte awe. 21Riyoothe ri mwaamwanaya opochera ishaani Naharuni remanre, hikaatamerie ukikumihera isadaka cho upahiya vamooroni, ukhalhawaya horemara, paahi haatamerie ukikumihera mii Nlhuku nkatte aka. 22Yoyo ntu uyo nowooria ulhia nkatte wa Nlhuku awe, chittu chitakatifu ni chitakatifu chinene chilhe. 23Nansho yakhalhaka horemara, paahi etu haatamerie nipaziya nne wala madhubahu alhe, hiwe aananariha Nihema Nitakatifu naka, wo iphiro chihinorumelhelhiya wo waalhapelha Apwiiya Nlhuku, ukhalhawaya mii Apwiiya Nlhuku phi noupangani ukhalha atakatifu.”
24Paahi alha phi malhove aahimianche aya ashinna Musa wa Naharuni ni achishaana aya ni wa attu o Israeli onkhaye.
ទើបបានជ្រើសរើសហើយ៖
Alawi 21: MOT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Bible Version in Makua @The Word for The World International and Makua Language translators. All rights reserved.
Alawi 21
21
Malheheriyo wa attu opochera ishaani
1Apwiiya Nlhuku nkayeerelha ashinna Musa wiira, “Mwaahimerie opochera ishaani, achishaana a Naharuni wiira hikhalhe ntu munlhokoni mwaya nohalha wiinanariha wo iphiro chihinorumelhelhiya wo waalhapelha Apwiiya Nlhuku, wo uvara ntembo wa nlhoko awe, 2yaahikhalheke ntembo wa nlhoko awe oyaraana, wa anumwanawe ama wa athumwanawe, ama wa mwaamwanawe mwanlhopwana ama mwanthiyana. Wo nhima awe, 3ama wa mwanrokorawe o irukulhu imoka, ni uyo khanathelhiya. 4Yoyo akhalhaka ntu o ipilhi wa manyaalhoko awe, paahi etu hiinanarihe wo iphiro cho waalhapelha Apwiiya Nlhuku.
5“Opochera ishaani mena ahuuwulhe mputhu vanokhwelhiya aya, ni mena ahuuwulhe irori chaya wala ahiittume inepo mwiiruttuni. 6Akhalheke atakatifu wa Nlhuku aya, ni mena ahiruwanihe nchina naka. Ukhalhawaya yayo phi novara ntheko wo ukumihera isadaka chinokumihiya wa Apwiiya Nlhuku wo mooro, ikhalhaka thoko yolhia ya Nlhuku. Paahi etu anothananiya wiira akhalheke atakatifu.
7“Ukhalhawaya opochera ishaani ahokhalha atakatifu wa Nlhuku aya, paahi etu ahinthelhe nthiyana o ulhavalhava, wala nthiyana o uhithupha mooro, wala nthiyana vahiye italaka. 8Mwaachuwelheke attu opochera ishaani wiira atakatifu, ukhalhawaya yayo phi nokumiha isadaka yo nkatte wa Nlhuku inyu, mwaathimicheke wiira atakatifu, ukhalhawaya mii Apwiiya Nlhuku kinoweeshani inyuva ki ntakatifu.
9“Yakhalhaka mwaamwana nthiyana a opochera ishaani riyoothe alhavalhavaka ni wiinanariha wo iphiro chihinorumelhelhiya wo waalhapelha Apwiiya Nlhuku, apahiyeke mooro ukhalhawaya nowoolhiha muru athumwanawe.
10“Opochera ishaani Olhupalhe ariyoothe, ukhalhawaya yayo phi olhupalhe munlhokoni mwa ashilhoko aya, amiinelhiye makhura mmuruni mwaya ni weesheriya miono wiira aware ikuwo chitakatifu, paahi ahihiye etu ikharari chaya wo uhivacha wala ahaahulhache ikuwo chaya vaneechunlhelha aya. 11Ahaatamerie ntembo mena, wala wiinanariha wo iphiro chihinorumelhelhiya wo waalhapelha Apwiiya Nlhuku, wo uvara ntembo ata inakhalhaka wa athumwanaya ama wa anumwanaya. 12Ukhalhawaya aheesheriya miono wo uhikiya makhura a Nlhuku aya mmuruni, paahi ahithame Vakittu Vatakatifu wiira alhutaane ni attu anonlha, mena ahiinanarihe wo iphiro chihinorumelhelhiya wo waalhapelha Apwiiya Nlhuku. Mii phi Apwiiya Nlhuku.
13“Opochera ishaani olhupalhe anowooria unthelha mwalhi hinathupha mooro. 14Ahinthelhe nthiyana khwelhiye ni owannyawe, mena nthiyana vahiye italaka, mena nthiyana o ulhavalhava. Nansho anothananiya wiira anthelheke mwalhi o uhithupha mooro ukhuma munlhokoni mwa attu o nihimo naya anene, 15ahiwe yaananariha achishaana aya anene, wo iphiro chihinorumelhelhiya wo waalhapelha Apwiiya Nlhuku. Mii phi Apwiiya Nlhuku keeshenre miono.”
16Yamalheke Apwiiya Nlhuku yaheerelha tho ashinna Musa wiira, 17“Mwaahimerie Naharuni wiira, khaawo ntu inyu riyoothe o iyari chonkhaye chinowa, remanre iruttu, nohalha ukaatameria ni ukikumihera isadaka yo nkatte mii Nlhuku. 18Ntu riyoothe remanre, hinoona, remanre, rii ni ikhove ikhapachiye, rii ni induri yo urekama wo upwahaniha, 19ntu rii ni mweto ama moono uremanre, 20ntu okhuruthuwa nthana, ama ntu okhuviaa chinene, ntu hinoona rata, ntu ri ni yo wiipelha, rii ni uvelhe ama ntu o uhuniya, haatamerie unkumihera Nlhuku nkatte awe. 21Riyoothe ri mwaamwanaya opochera ishaani Naharuni remanre, hikaatamerie ukikumihera isadaka cho upahiya vamooroni, ukhalhawaya horemara, paahi haatamerie ukikumihera mii Nlhuku nkatte aka. 22Yoyo ntu uyo nowooria ulhia nkatte wa Nlhuku awe, chittu chitakatifu ni chitakatifu chinene chilhe. 23Nansho yakhalhaka horemara, paahi etu haatamerie nipaziya nne wala madhubahu alhe, hiwe aananariha Nihema Nitakatifu naka, wo iphiro chihinorumelhelhiya wo waalhapelha Apwiiya Nlhuku, ukhalhawaya mii Apwiiya Nlhuku phi noupangani ukhalha atakatifu.”
24Paahi alha phi malhove aahimianche aya ashinna Musa wa Naharuni ni achishaana aya ni wa attu o Israeli onkhaye.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Bible Version in Makua @The Word for The World International and Makua Language translators. All rights reserved.