2 Ɓëkoreŋët Lilaya in
Lilaya in
Akayëta aŋo ro ex akinëm and ỹëgwën baɓi Pol okëreceŋ od gër Koreŋët aŋ gayik ax bo bana ga wëlër na ŝenene gë mëŋ. Ɓendeƴ ɓetas ỹëgw ko Pol gër akayëta aŋo. Eñanar eŋ, ayaka yaka baɓi ga bani ƴepënënd ofarëxanda orexëm ol. Gayikwa gër ofarëxanda aỹëmb ỹëmbëk oƴot ok do gë ɓeñigënaxik ɓeŋ. Ɓarikan, Pol aɓuŋa ɓuŋa baxo ɓeŋo ɗek, mëŋ ex ax ñap bana eno ƴepënënd. Ekinëm eŋ, Pol fel baɓi eni ɓar er kënëɓi rëcaraxën okëreceŋ od ŝëmura baɓi gër Yerusalem ok. Etasën eŋ, Pol afel fel baɓi kërenëɓi ɓaxëtënd na oparëxanda od ŝanayaw bax gër Amara andeɓën do bani sëƴalirand ɓecëxen ok. Oparëxanda oko arafënara bani rafënarand. Xarak, parëxanda ir ɗal in, aɓana ko ɓanand, aw̃a ko w̃and exo gi ang ar sitarak fo exo cotaxën ojaw̃ od Kaxanu ok. Ɓëte aɓi nëỹalind na okëreceŋ ok eno yëlërand napul in. Gayikwa Kaxanu ayël fo ko yëlënd oyekax orexëm ol, ỹoweỹ axo mëkand na. Er ex gër akayëta in:
Ecëmar el do gë ecëkwa ed Kaxanu el: 1.1-11.
End andiyen and parëxanda ir Kaxanu eŋ: 1.12–2.17.
End aŋana and Yesu Kërisët eŋ: 3.1–7.16.
End edëcar ed okëreceŋ eŋ: 8.1–9.15.
End ofarëxanda or Pol eŋ: 10.1–13.10.
Ɓepelatar ɓeŋ: 13.11-13.
ទើបបានជ្រើសរើសហើយ៖
2 Ɓëkoreŋët Lilaya in: BSCDBL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2016, Wycliffe Bible Translators, Inc. All rights reserved.