Марк 3
3
Иса сакъат адамнынъ къолуны тедавийлей
1 #
Мт 12.9-14; Лк 6.6-11 #Мк 1.21Иса кене синагогагъа кирди. Анда бир къолу сакъатланып къуругъан адам бар эди. 2#Лк 14.1; 20.20Раатлыкъ куню бу сакъатны тедавийлер экенми, деп, Оны къабаатламакъ ичюн, артындан бакъып адамлар тура эдилер. 3Иса, къолу сакъат олгъан адамгъа:
– Ортагъа чыкъ! – деди.
4 #
Лк 14.3
Сонъ оларгъа бойле суаль берди:
– Раатлыкъ куню яхшылыкъ я да яманлыкъ япмакъ мумкюнми? Къанун нени рухсет эте? Джан къуртармакъмы я да ольдюрмекми?
Олар индемедилер. 5#3 Пад 13.6; Эф 4.18Иса адамларнынъ о къадар таш юрекли олгъанларына къайгъырып, этрафына кедер ве ачувнен бакъты. Къолу сакъат адамгъа исе:
– Къолунъны узат! – деди. О, сакъат къолуны узаткъанынен, къолу тюзельди.
6Фериселер исе кетип, шу саат Ироднынъ тарафдарларынен бирликте топлашып, Исаны насыл этип ольдюрмеге акъыл таныштылар.
Иса гольнинъ ялысында чокъ адамны тедавийлей
7 #
Еш 34.5; Ехез 35.15; Мт 11.21 Иса шегиртлеринен берабер голь тарафкъа ёл алды. Онынъ артындан Галилея ве Еудиеден пек чокъ адам юрмекте эди. 8Онынъ япкъанларыны эшитип, тап Ерусалим, Идумея, Иордан аркъасындан, Тир ве Сидон виляетлеринден адам акъынтысы кельди. 9Къалабалыкъта сыкъылып къалмамакъ ичюн, Иса шегиртлерине бир къайыкъ азырламакъ керегини айтты. 10#Мк 5.28Чокъ адамны тедавийлегенини билип, чешит хасталыкъларгъа огърагъанлар бир-бирини итеклеп, Онъа токъунмакъ истей эдилер. 11#Мт 14.33; Мк 1.24Джинлер исе Оны корьгенде, ерге йыкъылып:
– Сен – Алланынъ Огълусынъ, – деп къычыра эдилер.
12 #
Мт 12.16; Мк 1.34 Амма Иса, Озю ким олгъаныны бильдирмеге кесен-кес ясакъ эте эди.
Иса он эки шегиртни сайлай
13 #
Мт 10.1-4; Лк 6.12-16 Ондан сонъ Иса дагъ устюне чыкъып, шегиртлеринден Озю сайлап алгъанларыны чагъырды. Олар Исанынъ янына кельдилер. 14-15Янында бутюн вакъыт олсунлар, Алла Сёзюни даркъатсынлар ве инсанлар ичинден джин къувмакъ къудретини алсынлар деп, Иса Озюне он эки эльчини сайлап алды. 16#Мт 16.18; Юх 1.42О, он эки шегирт сайлагъанларнынъ адлары: Симон (Иса онъа Пётр адыны берди), 17#Мк 1.19Зебедайнынъ огълу Якъуп, онынъ къардашы Юхан (Иса оларгъа Боанергес, я да «Гурюльдюнинъ огъуллары» адыны берди), 18#Мт 9.9Андрей, Филип, Бартоломай, Матта, Тома, Алфейнинъ огълу Якъуп, Фадда, Ветанпервер Симон 19#Мк 14.10, 44ве сонъундан Исагъа хаинлик япкъан Иуда Искариот.
Мукъаддес Рухкъа къаршы айтылгъан куфюр сёзлер акъкъында
20 #
Мт 12.22-32; Лк 11.14-23; 12.10 #Мк 6.31Бундан сонъ Иса эвине къайтты. Анда кене о къадар адам топланды ки, оларгъа бир тилим отьмек ашамагъа биле вакъыт олмады. 21#2 Кор 5.13Исанынъ якъын адамлары буны эшитип:
– О акъылдан азды, – деп, Оны алып кетмеге кельдилер.
22 #
4 Пад 1.2; Мт 9.34; 10.25 Ерусалимден кельген Къанун оджалары:
– Онынъ ичинде Беэльзебул шейтан бар! Шунынъ ичюн О, джинлерни джинлер башлыгъы къуветинен къувып чыкъара! – дедилер.
23Иса исе, оларны янына чагъырып, кинаели икяелер айтып башлады:
– Шейтан Шейтанны насыл къувып чыкъараджакъ? 24Эгер бир падишалыкъ озь ичинден болюнсе, о падишалыкъ аякъта туралмаз. 25Эгер бир эв озь ичинден болюнсе, о эв аякъта туралмаз. 26Эгер Шейтан озюне къаршы чыкъса, о, аякъ устюнде туралмаз, амма онынъ сонъки куню якъынлашты. 27#Еш 49.24-25Кимсе, кучьлю адамнынъ эвине кирип, онынъ малыны хырсызламаз. Амма башта кучьлю адамны багъласа, бутюн мал-мулькюни хырсызлап кетер. 28Сизге догърусыны айтам: адамларнынъ япкъан гуналары ве айткъан куфюрликлери багъышланаджакъ. 29#Лк 12.10; 1 Юх 5.16; Еуд 10.26, 29Амма куфюр сёзлерни Мукъаддес Рухкъа къаршы айткъан адам эбедий багъышланмайджакъ, эбедий джезагъа махкюм этиледжек.
30Иса бу сёзлерни айткъанынынъ себеби шунда ки, базылары:
– Оны джин урды, – дей эдилер.
Иса анасы, огълан ве къызкъардашлары акъкъында
31 #
Мт 12.46-50; Лк 8.19-21 #Мк 6.3; Юх 2.12; 7.3; Фаал 1.14; 1 Кор 9.5; Гал 1.19Исанынъ анасынен къардашлары келип чыкътылар. Озьлери эвге кирмейип, Оны чагъырмакъ ичюн бир адамны ёлладылар. 32Исанынъ этрафында пек чокъ адам бар эди. Олар Онъа:
– Ананънен къардашларынъ ве къызкъардашларынъ тышарыда турып, Сени чагъыралар, – дедилер.
33Иса оларгъа:
– Меним анам ве къардашларым кимдир? – деди. 34Сонъ этрафында отургъанларгъа бакъып:
– Мына, булар Меним анам ве къардашларым! 35#Юх 15.14; Еуд 2.11Ким Алланынъ истегини беджерсе, о Меним къардашым, къызкъардашым ве анам, – деди.
ទើបបានជ្រើសរើសហើយ៖
Марк 3: CTB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Институт перевода Библии, 2016