Марк 15
15
Иса аким Пилатнынъ огюнде
1 #
Мт 27.1-2, 11-14; Лк 23.1-5; Юх 18.28-38 #Лк 3.1; 13.1; Фаал 3.13; 4.27; 1 Тим 6.13Саба танъ аткъанынен, баш руханийлер, акъсакъаллар, Къанун оджалары ве бутюн Юксек Шура топланып, мушавере яптылар. Сонъ, Исанынъ къолларыны багълап, Пилатнынъ огюне алып бардылар.
2 #
Мт 2.2
Пилат Исадан:
– Еудийлернинъ Падишасы Сен оласынъмы? – деп сорады. Иса онъа:
– Буны сен озюнъ айтасынъ, – деп джевап берди.
3Баш руханийлер Оны чокъ шейлерде къабаатлай эдилер. 4#Мк 14.60-61Пилат Онъа даа бир кере:
– Сенинъ ич бир джевабынъ ёкъмы? Бакъса, Санъа къаршы къабаатлавлар пек чокъ! – деди.
5 #
Еш 53.7
Лякин Иса ич бир джевап бермеди. Бу, Пилатны пек шашырды.
Иса хачкъа мыхланмакъ ичюн бериле
6 #
Мт 27.15-26; Лк 23.13-25; Юх 18.39–19.16 Эр Песах Байрамында Пилат халкъ истеген бир мабюсни азат эткен. 7О вакъыт Барабба ве башкъа исьянджылар зинданда отура эди. Олар исьян котерип, бир адам ольдюргенлер. 8Халкъ Пилаткъа келип, ондан эр даим япкъан ишни эда эткенини сорай башлады. 9Пилат олардан:
– Истейсизми, сизге еудийлернинъ Падишасыны азат этейим? – деп сорады. 10#Юх 12.19; Фаал 5.17О, баш руханийлер Исаны пахыллап теслим эткенлерини анълай эди. 11#Фаал 3.14Баш руханийлер исе, Онынъ ерине Бараббаны азат эткенини талап этинъ деп, халкъны къозгъалдылар. 12Пилат олардан кене:
– Сизлер еудийлернинъ Падишасы деп адландыргъан адамнен не япайым? – деп текрарлап сорады.
13– Оны хачкъа мыхлап къой! – деп къычырды олар. 14#Лк 23.41; Еуд 4.15Пилат исе:
– О не яманлыкъ япты? – деди.
Амма олар даа бетер багъырып:
– Оны хачкъа мыхлап къой! – дедилер.
15 #
Мк 10.34
Халкънынъ козюне кирмеге истеген Пилат оларнынъ огюне Бараббаны чыкъарып йиберди. Исаны исе къамчылап, хачкъа мыхламакъ ичюн аскерлерге берди.
Исаны масхара этелер
16 #
Мт 27.27-31; Юх 19.2-3 Аскерлер Исаны преториягъа#15.16 Претория – укюмдар Пилат яшагъан ве римли аскерлер яткъан ер. алып бардылар ве анда бутюн арбий болюкни#15.16 Арбий болюк – къ. юн. «спейра» – «легион»нынъ он пайындан бир пайы, 600 аскер. топладылар. 17Исанынъ устюне мор тюслю урба#15.17 Бунъа ошагъан урбаны тек падишалар кие эдилер. кийдирдилер ве башына тикенден орюльген тадж кечирдилер. 18Сонъ:
– Яшасын еудийлернинъ Падишасы! – деп къычырдылар. 19#Еш 50.6; Мк 10.34; 14.65Таякъларнен Онынъ башына урып, бетине тюкюрип ве алдында тиз чёкип, седжде эттилер. 20Оны шойле масхара эткен сонъ, мор тюслю урбасыны чыкъарып, Озюнинъ урбаларыны кийдирдилер ве хачкъа мыхламакъ ичюн алып кеттилер.
Исаны хачкъа мыхлайлар
21 #
Мт 27.32-44; Лк 23.26-43; Юх 19.17-27 #Рим 16.13Эскендер ве Руфуснынъ бабасы, киренели Симон адлы бир адам тарладан келип, шу ерден кечип кетеята эди. Бу адамны Исанынъ хачыны котерип бармагъа меджбур эттилер.
22Исаны «Къафа Ери» манасыны анълаткъан, Голгофа деген ерге алып кельдилер. 23Онъа мюр къошулгъан шарап бердилер, лякин О ичмеди. 24#Збр 21.19Бундан сонъ Исаны хачкъа мыхлап астылар ве, джереп чекип, ким не аладжакъ деп, Онынъ урбаларыны пайлаштырдылар.
25Оны хачкъа мыхлап аскъанда, саба саат докъуз эди. 26Хачта: «Еудийлернинъ Падишасы» – деп, Онынъ къабаатыны косьтерген язы бар эди. 27-28Исанен берабер эки айдутны – бирисини Онынъ онъ тарафында, башкъасыны сол тарафында хачкъа мыхладылар. 29#Збр 21.7; 108.25; Мк 14.58; Юх 2.19Кечип кетеяткъанлар башларыны саллап, Исагъа куфюр сёзлер айта эдилер:
– Эй, Сен, Алланынъ Сарайыны йыкъкъан ве учь кунь ичинде къургъан адам! – дедилер. 30– Озюнъни къуртарса, хачтан тюшсе!
31 #
Юх 10.18
Баш руханийлер ве Къанун оджалары да, оларгъа къошулып, Оны мыскъыллай эдилер. Олар бир-бирине:
– Башкъаларны къуртара эди, Озюни исе къуртарып оламай! 32#Юх 1.49; 12.13; 20.29Бу Месих, Исраильнинъ Падишасы, хачтан тюшсюн. О вакъыт биз буны корип, инанырмыз! – дей эдилер. Исанен берабер хачларгъа мыхлангъанлар да Оны сёге эдилер.
Исанынъ олюми
33 #
Мт 27.45-56; Лк 23.44-49; Юх 19.28-30 Уйле вакътындан саат учьке къадар бутюн дюньяны къаранлыкъ басты. 34#Збр 21.2Саат учьте Иса къатты сеснен:
– Элои, Элои, лема савахтани? – деп къычырды.
Бу сёзлернинъ терджимеси: «Аллам, Аллам! Сен не ичюн Мени къалдырып кеттинъ?» – демектир.
35О ерде тургъанларнынъ базылары, буны эшитип:
– Бакъынъыз, О, Ильясны чагъыра, – дедилер.
36 #
Збр 68.22
Бириси исе, чапып барып, сюнгерни экши шарапкъа батырып, таякъ уджуна илиштирди де, Исагъа узатты. Сонъ:
– Токътанъыз, бакъайыкъ, Ильяс келип, Оны хачтан тюшюрир экенми? – деди.
37Амма Иса, даа бир кере къычырып, сонъки нефесини чыкъарды. 38#Чыкъ 26.33; Лев 16.2Шу ань Алланынъ Сарайындаки перде тёпеден ашагъадже йыртылып, экиге болюнди. 39Исанынъ къаршысында тургъан юзбашы, Онынъ джан бергенини корип:
– Акъикъатен бу Адам – Алланынъ Огълу экен! – деди.
40 #
Лк 8.2
О ерде узакътан бакъып тургъан къадынлар бар эди. Олар арасында магдалалы Мерьем, кучюк Якъупнен Йосенинъ анасы Мерьем ве Саломе бар эдилер. 41Иса Галилеяда олгъанда, олар Онъа хызмет этип, пешинден юре эдилер. О ерде Исанен Ерусалимге кельген башкъа къадынлар да бар эди.
Исанынъ дефн этилюви
42 #
Мт 27.57-61; Лк 23.50-56; Юх 19.38-42 Энди акъшам олгъан эди. Бу – азырланув куню, яни раатлыкъ кунюнинъ арфеси эди. 43Шуранынъ итибарлы азасы, Алла Падишалыгъыны беклеген ариматеялы Юсуф, бутюн джесюрлигини топлап, Пилатнынъ огюне барды ве Исанынъ джеседини сорады. 44Пилат Исанынъ бойле тез ольгенине шашты. Юзбашыны чагъырып:
– О, чокътан ольдими? – деп сорады.
45Юзбашыдан джевап алгъан сонъ, джесетни Юсуфкъа берди. 46#Еш 53.9Юсуф кетен без сатын алды, Исаны хачтан тюшюрип, безнен Онынъ тенини сарды. Сонъ Исаны къаяда оюлгъан къабирде дефн этти, бир ташны юварлатып кетирип, къабирнинъ агъзыны къапатты. 47Магдалалы Мерьем ве Йосенинъ анасы Мерьем Исанынъ дефн этильген ерини корьдилер.
ទើបបានជ្រើសរើសហើយ៖
Марк 15: CTB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Институт перевода Библии, 2016