Марк 13
13
Иса Алланынъ Сарайы бозуладжагъы акъкъында эвельден айта
1 #
Мт 24.1-2; Лк 21.5-6 Иса Алланынъ Сарайындан чыкъаяткъанда, шегиртлеринден бириси:
– Оджам, бакъ, не къадар дюльбер ташлар ве биналар! – деди.
2 #
Лк 19.44
Иса онъа джевап берип:
– Бу буюк биналарны коресинъми? Амма бу ерде таш устюнде таш къалмайджакъ, – деди.
Оладжакъ беля ве къувгъунлыкълар акъкъында
3 #
Мт 24.3-14; Лк 21.7-19 Иса Зейтюн дагъында, Алла Сарайынынъ къаршысында отургъан вакъытта Пётр, Якъуп, Юхан ве Андрей бир озьлери къалып, Ондан сорадылар:
4– Бизлерге айт, бу шейлер не вакъыт оладжакъ? Буларнынъ эписининъ биткенини насыл бельги бильдиреджек? – дедилер.
5 #
1 Юх 3.7; Кол 2.8; 2 Тес 2.3 Иса лафыны бойле башлады:
– Ич кимсе сизлерни алдатмасын деп, сакът олунъыз! 6#Йрм 14.14Чокъ адамлар Меним Адым иле келип: «Мен Месихим», – деп, чокъ адамларны алдатаджакълар.
7 #
Йрм 51.46
Сиз якъын дженк шаматасыны ве узакъ дженк акъкъында хаберлерни эшитирсиз. Амма къоркъманъыз: ойле олмакъ керек. Лякин бу даа сонъу дегиль. 8#2 Тар 15.6; Фаал 11.28; Сыр 6.4, 8, 12Халкъ халкъкъа къаршы, падишалыкъ падишалыкъкъа къаршы котериледжек. Тюрлю топракъларда ер тепренювлери ве ачлыкълар оладжакъ. Лякин булар тек буюк азапларнынъ башланувыдыр. 9#Збр 118.46; Фаал 17.6; 18.12; 24.1; 25.6Сизлер козь-къулакъ олунъыз. Сизни махкемеге береджеклер, синагогаларда котеклейджеклер. Мен ичюн сизни акимлер ве падишаларнынъ алдына турсатып, Мен акъкъымда шаатлыкъ яптыраджакълар. 10#Мт 28.19; Рим 10.18; Кол 1.6Башта эписи халкълар Къуванчлы Хаберни эшитмек кереклер. 11#Фаал 4.8Сизни махкемеге берген вакъытта, не айтаджагъым экен, деп тюшюнменъиз. Шу саатте сизлерге не берильсе, оны айтынъыз. Анда сиз дегиль, Мукъаддес Рух джевап береджек. 12#Мт 10.35-36Агъасы – къардашыны, бабасы – баласыны олюм панджасына береджеклер. Балалар озь ана-бабаларына къаршы чыкъып, оларны ольдюреджеклер. 13#Мт 10.22; Юх 15.18; Якъ 5.11; Сыр 2.10Мен ичюн эр кес сизлерден нефретленеджек. Лякин сонъунадже сабыр эткен адам къуртарыладжакъ.
Буюк беля
14 #
Мт 24.15-28; Лк 21.20-24 #Дан 9.27; 11.31; 12.11Эгер «пис арамлыкъ» ляйыкъ олмагъан ерде тургъаныны корьсенъиз (окъугъан адам озю анъласын!), Еудиеде олгъан адамлар дагъларгъа къачсынлар. 15#Лк 17.31Дам устюнде тургъан адам ашагъа тюшип, бир шей алмакъ ичюн эвине кирмесин. 16Тарлада олгъан адам усть урбасыны алмагъа къайтып бармасын. 17#Лк 23.29О куньлерде юклю ве бала эмиздирген къадынларгъа беля оладжакъ! 18Къачувынъыз къышта олмасын деп, дувалар окъунъыз. 19#Йрм 30.7; Дан 12.1; Сыр 16.18Шу куньлерде, Алла дюньяны яраткъан вакъыттан башлап бу куньлерге къадар олмагъан ве даа бир кере олмайджакъ буюк белялар оладжакъ. 20#Еш 65.8; Лк 18.7Эгер Рабби о куньлернинъ сайысыны азлаштырмагъан олса, ич бир джан къуртулып оламаз эди. Лякин О, сайлагъан адамларнынъ хатири ичюн, шу куньлерни азлаштырды. 21#Лк 17.23Эгер о вакъыт кимдир сизге: «Бакъынъыз, Месих мында!» я да: «О, анда!» – десе, инанманъыз. 22#Текр 13.1; 2 Тес 2.9; Сыр 13.13; 16.14Ялан месихлер ве ялан пейгъамберлер пейда олып, имкяны олса, сайлангъанларны биле ёлдан урмакъ ичюн, аджайип шейлер япаджакълар ве бельгилер косьтереджеклер. 23#Юх 13.19; 14.29Сизлер исе сакът олунъыз. Мен буны сизлерге эвельден айтып берем.
Инсан Огълунынъ келюви акъкъында
24 #
Мт 24.29-31; Лк 21.25-28 #Ам 8.9Шу куньлерде, шу буюк мусибеттен сонъ
«Кунеш къара оладжакъ,
ай да ярыкъ бермейджек.
25 #
Еш 13.10; 24.23; 34.4; Ехез 32.7; Ёэль 2.31; Фаал 2.20; Сыр 6.13 Йылдызлар коктен тюшеджеклер,
ве коклердеки кучьлер сарсыладжакълар».
26 #
Дан 7.13; Мт 16.27 О вакъытта булутлар устюнде, буюк къудрет ве шан-шурет иле келеяткъан Инсан Огълуны кореджеклер. 27#Мт 13.41Сонъ О, мелеклерни ёллап, дюньянынъ дёрт тарафындан, кокнинъ четинден ернинъ четинедже олгъан, Озю сайлагъан адамларыны топлайджакъ.
Инджир тереги акъкъында кинаели икяе
28 #
Мт 24.32-35; Лк 21.29-33 Инджир тереги сизге кинаели дерс олсун: онынъ пытагъы къабарып, япракълары ачылгъанда, яз якъынлашкъаныны билесиз. 29Сиз де, буларнынъ эписи мейдангъа кельгенини корсенъиз, билинъиз: О энди якъын, босагъада тура. 30#Мк 9.1Сизлерге догърусыны айтам: шимдики несиль ёкъ олмаздан эвель, буларнынъ эписи оладжакъ. 31#Збр 101.26-27; Еш 51.6; 2 Пётр 3.10Кок ве ер из къалдырмайып кечерлер, лякин Меним сёзлерим кечмез.
Кунь ве саат акъкъында кимсе бильмей
32 #
Мт 24.36-44
#Зек 14.7Бу къайсы куню ве саат къачта оладжагъы акъкъында не Огъул, не коктеки мелеклер билелер. Тек Баба биле.
33 #
Мт 25.13; Эф 6.18; 1 Тес 5.6 Сакът олунъыз! Козь-къулакъ олып турунъыз, чюнки бу заман не вакъыт келеджегини бильмейсиз. 34#Мк 12.1Бу бунъа ошай: бир адам, сеферге кетип, озь эвини къулларына къалдырып, эр бирине махсус вазифе бере. Къапу къаравулына исе козь-къулакъ олмакъны буюрып, ёлгъа чыкъа. 35#Мт 25.13; 2 Пётр 3.10; 1 Тес 5.2Бунынъ ичюн эр заман азыр олунъыз. Эв саиби не вакъыт келеджегини – акъшаммы, яры геджедеми, хоразлар къычыргъандамы, я да саба эртеми – бильмейсиз. 36#Мт 25.1-13О, апансыздан келип, сизлерни юкълап къалгъанынъызны тапмасын! 37Сизлерге не айткъан олсам, эписине де шуны айтам: козь-къулакъ олунъыз!
ទើបបានជ្រើសរើសហើយ៖
Марк 13: CTB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Институт перевода Библии, 2016