Юхан 19
19
Исаны суд этелер ве къамчылайлар
1О вакъыт Пилат Исаны къамчыламагъа буюрды. 2Аскерлер тикенлерден тадж ясап, Онынъ башына кечирдилер, устюне мор тюслю урба#19.2 Бунъа ошагъан урбаны тек падишалар кие эдилер. кийдирдилер. 3Исанынъ янына келип:
– Яшасын еудийлернинъ Падишасы! – деп, Онынъ бетине ура эдилер.
4 #
Лк 23.41; Еуд 4.15 Сонъ Пилат кене тышарыгъа чыкъып, халкъкъа:
– Мына, Оны огюнъизге чыкъараджам. Билинъиз: мен Онда ич бир къабаат тапмадым! – деди.
5О вакъыт, башына тикенли тадж, устюне мор тюслю урба кийильген Иса тышарыгъа чыкъты.
– Мына, о адам! – деди Пилат оларгъа. 6Баш руханийлер ве мемурлар Исаны корип:
– Оны хачкъа мыхла, хачкъа! – деп къычырдылар.
– Оны сиз алынъыз да, хачкъа мыхланъыз! Мен Онда ич бир къабаат тапмадым, – деди Пилат оларгъа. 7#Лев 24.16; Юх 10.36Еудийлер онъа джевап берип:
– Бизде Къанун бар. Къанунымыз боюнджа Онъа ольмек керек, чюнки О, Озюни Алланынъ Огълу япты, – дедилер. 8Пилат буны эшитип, даа чокъ къоркъты. 9#Еш 53.7; Фаал 8.32-33Къайтып, преториягъа кирди ве Исадан:
– Сен къаерденсинъ? – деп сорады. Лякин Иса онъа джевап бермеди.
10– Манъа джевап бермейсинъми? – деди Пилат. – Сени хачкъа мыхламагъа да, азат этмеге де къудретим олгъаныны бильмейсинъми?
11 #
Юх 18.2, 14 Иса джевап берди:
– Эгер санъа юкъарыдан берильмеген олса, сенде Меним устюмде ич бир къудретинъ олмаз эди. Шу себептен Мени сенинъ къолунъа бергеннинъ гунасы сенинъ гунанъдан буюк.
12 #
Фаал 3.13
Бу сёзлерден сонъ Пилат Исаны азат этмеге чаресини къыдырып башлады. Амма еудийлер къычырып:
– Эгер Оны азат этсенъ, Сен императорнынъ досту дегильсинъ! Озюне падиша деген эр бир адам императоргъа къаршыдыр! – дедилер.
13Пилат бу сёзлерни эшитип, Исаны тышарыгъа алып чыкъты, озю исе еудийдже «Габбата» деген Таш Тёшеме устюндеки къады курсюсине отурды. 14Шу куню азырланув куню, Песах Байрамынынъ арфеси эди. Вакъыт уйлеге якъын эди. Пилат еудийлерге:
– Мына, Падишанъыз! – деди.
15 #
Збр 92.1
– Ёкъ эт Оны, ёкъ эт! Хачкъа мыхла! – деп къычырды олар.
– Сизинъ Падишанъызны хачкъа мыхлайыммы? – деп сорады Пилат.
– Императордан башкъа падишамыз ёкъ, – деди баш руханийлер.
Хачкъа мыхланув
16 #
Мт 27.32-44; Мк 15.21-32; Лк 23.26-43 Ахыр-сонъу Пилат Исаны хачкъа мыхламакъ ичюн оларгъа берди. Олар Исаны алып кеттилер. 17Иса Озь хачыны котерип, «Къафа Ери», еудийдже Голгофа деген ерге кельди. 18О ерде Исаны хачкъа мыхладылар. Онен берабер даа эки адамны мыхладылар, Иса ортада, бириси онъ, экинджиси сол тарафта эдилер. 19Пилат: «Назаретли Иса, еудийлернинъ Падишасы» деп яздырды да, языны хачнынъ тёпесине астырды. 20#Еуд 13.12Иса хачкъа мыхлангъан ер шеэрге якъын олгъаны ичюн, бу языны чокъ адам окъуды. Язы еудий, латин ве юнан тиллеринде язылгъан эди.
21Еудийлернинъ баш руханийлери Пилаткъа барып, шойле дедилер:
– «Еудийлернинъ Падишасы» деп язма. «Бу адам: “Мен еудийлернинъ Падишасым”, – деди» деп яз.
22– Нени язгъан олсам, шуны яздым, – деди Пилат.
23Аскерлер Исаны хачкъа мыхлагъан сонъ, Онынъ урбасыны алдылар. Эр бир аскерге айырып, усть урбасыны дёрт парчагъа больдилер. Тюп урбасы исе къалды. О, бойдан-бойгъа тикишсиз токъулгъан эди. 24#Збр 21.19Аскерлер бир-бирине:
– Буны йыртмайыкъ, о ичюн джереп чекейик, кимге тюшсе, онынъки олсун, – дедилер.
Шунынънен, Язынынъ сёзлери: «Урбаларымны озьара болелер, кийимлерим ичюн джереп чекелер», – беджерильмек керек эди. Аскерлер бойле де яптылар.
25 #
Лк 8.2; 24.18 Исанынъ хачы янында Онынъ анасы, анасынынъ татасы, Клопаснынъ апайы Мерьем ве магдалалы Мерьем тура эдилер. 26#Юх 13.23Иса анасыны ве янында Озюнинъ севимли шегирти тургъаныны корьди де, анасына:
– Эй, къадын, мына бу сенинъ огълунъ! – деди. 27Сонъ шегиртине:
– Мына бу сенинъ ананъ! – деди. О вакъыттан башлап, о шегирт Мерьемни озь эвине алды.
Исанынъ олюми
28 #
Мт 27.45-56; Мк 15.33-41; Лк 23.44-49 #Збр 68.22Бундан сонъ Иса энди эр шей беджерильгенини билип, Язы сонъунадже беджерильсин деп:
– Сувсадым! – деди.
29О ерде экши шарапкъа толу бир савут бар эди. Аскерлер сюнгерни экши шарапкъа батырдылар ве эзов отунынъ деметине илиштирип, Исанынъ агъзына узаттылар. 30Иса бир ютум шарап ичип:
– Эр шей ерине кельди! – деди де, башыны эгип джан берди.
31 #
Текр 21.23; Ехо 8.29; 10.26-27 О куню – азырланув куню, раатлыкъ кунюнинъ арфеси эди. Беденлер хачларда раатлыкъ кунюнде, хусусий буюк бир байрам кунюнде къалмасынлар деп, еудийлер Пилаттан, хачкъа мыхлангъан адамларнынъ балдырларыны сындырып, беденлерини хачлардан аладжакъларыны истедилер. 32Аскерлер барып, Исанен берабер хачкъа мыхлангъан биринджи, сонъ экинджи адамнынъ балдырларыны сындырдылар. 33Исанынъ янына барып, Онынъ энди ольгенини корьдилер ве балдырларыны сындырмадылар. 34#1 Юх 5.6Лякин аскерлерден бири Исанынъ багърыны мызракънен тешти. Шу дакъкъасы Онынъ багърындан къан ве сув акъып чыкъты.
35 #
Юх 15.27; Фаал 1.8; 1 Юх 1.1-3; Сыр 1.2 Буны корьген адам, сиз де иман этинъиз деп, шаатлыкъ этти. Онынъ шаатлыгъы догърудыр, о, акъикъатны айткъаныны биле.
36 #
Чыкъ 12.46; Сай 9.12; Збр 33.21; Мт 1.23; 21.4; 26.56 Бу шейлер, кемиклери сындырылмайджагъы акъкъында деген Язы беджерильсин деп, олды. 37#Зек 12.10Язынынъ башкъа бир еринде айтылгъан ки, олар «озьлери тешип ольдюрген инсангъа бакъаджакълар».
Дефн этюв
38 #
Мт 27.57-61; Мк 15.42-47; Лк 23.50-56 #Юх 7.13Бундан сонъ ариматеялы Юсуф Пилаттан Исанынъ беденини хачтан тюшюрмеге разылыкъ сорады. Юсуф Исанынъ шегирти эди, лякин гизлиден, чюнки еудийлерден къоркъа эди. Пилат онъа разылыкъ берди. О вакъыт Юсуф барып, Исанынъ беденини хачтан алды. 39#Мт 2.11; Юх 3.1; 7.50Онен берабер Никодим де кетти. О, эвельден, гедже Исагъа кельген эди. О, бир буюк бардакъ#19.39 Бир буюк бардакъ – къ. юн. «100 литра». мюрнен алоэ къарышмасыны алып кельди. 40#Юх 11.44Олар экиси Исанынъ беденини алып, еудийлернинъ дефн адетлерине коре, Оны бу къокъулы шейлернен кетен безге сардылар. 41#4 Пад 21.18, 26Иса хачкъа мыхлангъан ерде бир багъча бар эди. О багъчада даа ич бир кимсе дефн этильмеген янъы къабир бар эди. 42Еудийлернинъ раатлыкъ кунюне азырланув куню олгъаны ичюн, олар, бу ер якъын, деп, Исаны шу къабирге къойдылар.
ទើបបានជ្រើសរើសហើយ៖
Юхан 19: CTB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Институт перевода Библии, 2016
