ROMEMIKO 13
13
Kekumi khrikhro keta
1Thüma metüpo kekuko khrikhro ta yi khe, Jihova zo kemosa keku bamo; Kekusü Jihova kha kesüzo. 2Kehopüri keku zükemumi sü Jihova kha kesüo metsuyo; zükemumi sü kemejo mesüyito. 3Kekrelamori mikekha ketisü mhakeve kethimi la kethi kedü ti zhümo, vele kesu kethi milazo. Süla no kekusü mpe mome? Size mhakeve thiyi te süsa n mejo taho. 4Kekrelamori keku kekhimi sü Jihova choyi kethimi zo mhakeve thi ketola. Vele no mhakesu thi ketosa nla kempe püte, zechosü kemethu püla khi yomo; vele Jihova choyi thide kesumi yo pü lekhu khasü ketola. 5Süla no lekhu khro keta lebi kemo nmelülü pütü kethi lari pükhro ta yite. 6Kekrelamori nepüco hilari khazhonu khrüyo, uko Jihova choyimi zo; süla uko mhatho hihi thiyo. 7Tsükezüo khatsü zote, khazhonu tsüti mesüko khatsü süte; mhanyo khi keyiko püma shuyo tiko shusü tsüte: mpe kezüko mpe te, therho tsükezüko khatsüte. 8Mipü pori pü hite, vele hunehu khrüsa yite; mikhrü ketimisü thezhoo thitsü süyo. 9Süla ne kekhrükezü hi, No mi dokhri hi, No rego shü, No cejü nri ti zhopo thisu, No mha meho menyü su, zümoze kesu jükhakesü kekreko ceri thomejüku kesü nsüzanumi khrüpü ntho nkekhrübiyite. 10Kekhrü süzanumi nümo thi yomo, süla kekhrü no thezho thitsü süyo.
Tsü thi meze moze kesu
11Hipi sheri neko pütü seba, tsühi zükebalü cokeyi tüte; kekrelamori umelükeyi tüceri tsühi kelakeyi menokute. 12Tüzüzhoko vote, tüso menote; süla kezülü mhathoko khavade kevelü rineko süyi khe. 13Kejütholü tayi khe, tüso ketabi, zokra kemezüthide mha kebüta hili; utho umedothide nyonyü m ti kramezüpü ta hiri, müzü kezhenyüsa m mhameho ta hiri. 14Vele Jisu Khrista khi bemene yite, uthi upho nüthi ketola mhapüri thihi; sükola kemenyüko lü bahi.
ទើបបានជ្រើសរើសហើយ៖
ROMEMIKO 13: NAG5BSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.
