MHATHOKO 3
3
Peter mu John ni thüma khrüketi-lahe mipü thi kesürho kesü
1Pünha Peter mu John ni ta kereshücelü khozü kecho kethi tülü, theva ba süce. 2Thümapü uzu valü lahe ketapü püvo sülü ba de mhakhrü ti bayo, tüsonha kereshü ceta ceprace, kharü za Züverizo, sitilü, mi kereshüce sülü kevoko ce mha cho bayo. 3Thüma süo Peter mu John ni kereshücelü tavo kezü ngode unice mhacho ta. 4Peter pümhüpü thüma süo pe türü sü John sade, side poti, Hani pe türü süte. 5Sübi püri uni petüsü, mhahu uni celü ngoyi keto meride, 6Süsa Peter pode, rakathi mu suna I pü tamo, vele I pü ketao khapü ntsü süto; Jisu Khrista Nazareth mi zalü sütha süte, de ta süte. 7Pübe püzaco tüsüsa sü, de cemesüsü, sisü metha püro pü kerüko metü vorita. 8Pü prüsüde thayita, chota yita, mu uni züde ta kereshücelü lüta; chota, prü rehü, mu Jihova chu zita. 9Mu thüma metüko pü chota de Jihova chu keta ngo. 10Mu uko se mu ngo keba thüma süo Kereshüce cepra Kezüve lü ba de mha khrüti kebao zo; uko püpe de uko ngo mu umha bata, püyo kedipü thi süta sheri.
Peter no Solomon cehükhro (cekhrilü) mi metha kesü
11Laheo Peter mu John ni sameji ta, thüma metü Solomon cehükhro ta kehuzü, ungo shu mu ungodapü thimo tha. 12Peter süo ngosü de thümako ce poti, ne Israel thümako neko dito mha hiola neko ngo bata? Mori kedipüla hako pesü bata? Hako kekulü mori hako kemesalü thüma hio thipü chotayi tele bame? 13Abraham, Isaac, mu Jacob ko Rüo, mu uko potsako Rüo, pünu Jisu pü thechu therho zapo zale thisü; neko pü tüpü Pilate-e mhüjülü pü melava, Pilate-e no pü khasüva keto lüzo ta sheri. 14Vele neko Kemesao mu kejüthoo melave, mu kedokhrimi yinyü kute khapü neko tsüvano site. 15Side Kehü kepoo dokhri ve, Jihova pü sa ketalü püphü merhüyi; süo hako kengo zhopo kozo. 16Pü zalü kemelülü püza melü keyilü thüma hio thipü meco süte, neko se mu ngobate, kemelü khapü püyo ba keyila püthipü neko metü mhüjülü vetsütso süte. 17Tsühi, azüneko, neko kemelolü mhatho hiko thi kesü I seba, mu nekopi kezhoko sheri. 18Vele mha hiko Jihova saju kepoko talü thaka metazo, Khrista kemezhe keto, pü süko thitsü süte. 19Neko süla thelü rede yite, neko tala vorite, size neko kephomako vayi ketola, relü thsizi keti tüpü Niepoo celü vori ketola. 20Jisu Khrista ketsüpü neko ce sü keto po metha (se) süzo. 21Mhako uthilü vori tsoyi kemothe püpo tüyo bazo, Jihova saju kepo kemesako talü popü meta mha hiko metü cejü thiyi culü. 22Kekrelamori Moses sheri ukrü utsüpumiko cepoti, neko sazü jüra dolü Niepoo neko Rüo saju kepopü khapü neko tsüto, abi ketipü. Neko püfü metüko reni yite pü neko ce kedipü poto sheli. 23Thüma sopüno saju kepo süofü renimu ta sheli süo thümako dolü pa cele vato. 24Saju kepoko metü, Samuel celü vo süsaco ketso tsüdo tühi po tazo. 25Neko saju kepo süko nuneko zo, mu Jihova züde kejütsü kejükho keyi uko poneko zo, Abraham, I nshuyeyo thejo khapü cejülü shuyekoyo keye süto. 26Jihova pü theküo phü merhü kesüsa, pü ketsüpü neko ce sü keratho thisü, jopü neko tsüsü ketola, neko mha kesukolü neko rede keyiko metü.
ទើបបានជ្រើសរើសហើយ៖
MHATHOKO 3: NAG5BSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.
MHATHOKO 3
3
Peter mu John ni thüma khrüketi-lahe mipü thi kesürho kesü
1Pünha Peter mu John ni ta kereshücelü khozü kecho kethi tülü, theva ba süce. 2Thümapü uzu valü lahe ketapü püvo sülü ba de mhakhrü ti bayo, tüsonha kereshü ceta ceprace, kharü za Züverizo, sitilü, mi kereshüce sülü kevoko ce mha cho bayo. 3Thüma süo Peter mu John ni kereshücelü tavo kezü ngode unice mhacho ta. 4Peter pümhüpü thüma süo pe türü sü John sade, side poti, Hani pe türü süte. 5Sübi püri uni petüsü, mhahu uni celü ngoyi keto meride, 6Süsa Peter pode, rakathi mu suna I pü tamo, vele I pü ketao khapü ntsü süto; Jisu Khrista Nazareth mi zalü sütha süte, de ta süte. 7Pübe püzaco tüsüsa sü, de cemesüsü, sisü metha püro pü kerüko metü vorita. 8Pü prüsüde thayita, chota yita, mu uni züde ta kereshücelü lüta; chota, prü rehü, mu Jihova chu zita. 9Mu thüma metüko pü chota de Jihova chu keta ngo. 10Mu uko se mu ngo keba thüma süo Kereshüce cepra Kezüve lü ba de mha khrüti kebao zo; uko püpe de uko ngo mu umha bata, püyo kedipü thi süta sheri.
Peter no Solomon cehükhro (cekhrilü) mi metha kesü
11Laheo Peter mu John ni sameji ta, thüma metü Solomon cehükhro ta kehuzü, ungo shu mu ungodapü thimo tha. 12Peter süo ngosü de thümako ce poti, ne Israel thümako neko dito mha hiola neko ngo bata? Mori kedipüla hako pesü bata? Hako kekulü mori hako kemesalü thüma hio thipü chotayi tele bame? 13Abraham, Isaac, mu Jacob ko Rüo, mu uko potsako Rüo, pünu Jisu pü thechu therho zapo zale thisü; neko pü tüpü Pilate-e mhüjülü pü melava, Pilate-e no pü khasüva keto lüzo ta sheri. 14Vele neko Kemesao mu kejüthoo melave, mu kedokhrimi yinyü kute khapü neko tsüvano site. 15Side Kehü kepoo dokhri ve, Jihova pü sa ketalü püphü merhüyi; süo hako kengo zhopo kozo. 16Pü zalü kemelülü püza melü keyilü thüma hio thipü meco süte, neko se mu ngobate, kemelü khapü püyo ba keyila püthipü neko metü mhüjülü vetsütso süte. 17Tsühi, azüneko, neko kemelolü mhatho hiko thi kesü I seba, mu nekopi kezhoko sheri. 18Vele mha hiko Jihova saju kepoko talü thaka metazo, Khrista kemezhe keto, pü süko thitsü süte. 19Neko süla thelü rede yite, neko tala vorite, size neko kephomako vayi ketola, relü thsizi keti tüpü Niepoo celü vori ketola. 20Jisu Khrista ketsüpü neko ce sü keto po metha (se) süzo. 21Mhako uthilü vori tsoyi kemothe püpo tüyo bazo, Jihova saju kepo kemesako talü popü meta mha hiko metü cejü thiyi culü. 22Kekrelamori Moses sheri ukrü utsüpumiko cepoti, neko sazü jüra dolü Niepoo neko Rüo saju kepopü khapü neko tsüto, abi ketipü. Neko püfü metüko reni yite pü neko ce kedipü poto sheli. 23Thüma sopüno saju kepo süofü renimu ta sheli süo thümako dolü pa cele vato. 24Saju kepoko metü, Samuel celü vo süsaco ketso tsüdo tühi po tazo. 25Neko saju kepo süko nuneko zo, mu Jihova züde kejütsü kejükho keyi uko poneko zo, Abraham, I nshuyeyo thejo khapü cejülü shuyekoyo keye süto. 26Jihova pü theküo phü merhü kesüsa, pü ketsüpü neko ce sü keratho thisü, jopü neko tsüsü ketola, neko mha kesukolü neko rede keyiko metü.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.