MHATHOKO 2
2
Kemesa Rüpü kevori
1Pentacost kevori nhasü, uko metü thethi pülü kezü lüpü thi ba. 2Tüyo mhafüpü tükhra khrade fübi, tavo celü uko keba thilü chu yita. 3Meli thüma meyi bi ngota, tavo uko mipüpü yo bata. 4Uko metü Kemesa Rüpü uchu yita, de jü kekrekre ti pota, Rüpü jükepo kha uko ketsü bi. 5Jerusalem lü, Jews kemathomiko, tükhro shuye metülü, 6Füphra hio kesece uko ngota, makro mipüpü jü kekrekre tilü po mu seta. 7Uko ungo mu umhata, de hunehu cepoti, Hihe, uko metü Galilaean mizo mome? 8Dipü bide uko jü umeyi kekrekre tilü uko rethi bata? 9Parthians, Medes, Elamites, mu Mesopotamia lü kehüko jüri, Judea, Cappadocia, Pontus, Asia lü. 10Phrygia, Pamphylia, Egypt, Libya lü hu, Cyrene, Rome lü sekemoko, Jews mu Judakemoko Judah nani zü ketako, 11Cretes, Arabians, uko seti utho ujülü urethita Jihova mhatho ungoti meyi thi süte. 12Uko metü ungota side seyisu ketala uko poti hihi kedipü cota? 13Kekremiko uko krünyüde poti thüma hiko hezo kesa kra mezü bale.
Peter makroce po kesü
14Vele Peter uko mikeripüko zü thayi de se meto ukoce poti Ne Judea thümako mu Jerusalem lü kehüko neko hihi setüyite, de ajü reni süte. 15Kekrelamori hiko mezü thamozo, neko lü kebabi, tsühi bavüdo sü zolu. 16Vele hihi thajü Joel saju keseo popü metatizo. 17Pütü thelaco mha hiziti vorito Jihova pokesü, I a Rüpü rüpü nuhü metüyo süto, thepu nuko mu nenethenomiko saju poto, nene khresamiko zümho ngoto, mu ketsamiko umho mato. 18Athekümiko mu atheküpüko yo a Rüpü rü süto pütü süce mu uko saju poto. 19I tüyo zasi ungotiko thi mengo süto, cejülü sheri zasiko thi süto, thüza mu me, kemhü mekho. 20Nace zü tato, khri thüza meve tato, Niepo kevori tüsozho kezho mhüjü. 21Süsa somino Niepoo za cüyi sheri sümi kelayito, 22Ne Israel miko jü hiko reni yite, Nazarethmi Jisu Jihova medolü nekola zasi, keku, ungo mhatho, neko dolü Jihova püzü thi mu nekori se mu ngo süte. 23Pü tüpü neko tsüsü süculü mharhü mu mejü sekeba Jihova medola, neko püpü Cross yo guve thüma kesuko belü pü dokhri ve. 24Vele Jihova pü phü merhü süte, kesalü pü phrü süte, kekrelamori kesa kekupo pü tüpü bata ti thiyi ve motila. 25David sheri püla popü meta, I Niepoo amhüjülü mejümera ngo süyo, kekrelamori pü azaco ta mu I mhapüri thathi taho. 26Süla amelü rethu bate, ameyi sheri unü bate, sizomori athi apho sheri püyo kemerilü relü yito. 27Kekrelamori no apho khapü mezalü sü vaho, mori no n Kemesao khapü kekalü sü vaho. 28No kerhü cho thapü ameka kesü I seyite, nkebara apo anü tsüyi yo. 29Ne Israelites aramiko, apono nekoce potü süte uko potsa David sü sate mu pü khrü riva, pü mhakhre sheri tsühi azü bazo tha ketso. 30Püno saju kepo mipü, Jihova reshu de püce po kesü, nshuyelü (nsünralü) mipü uthiupho kethi pü nkedebalü ba yito. 31Pü mejümera sede po kesü Khrista rhüla kesü ju po, püpho khapü mezalü süva kemo, mori pümo sheri reta kemo. 32Jisu hio Jihova phü merhü süte, süo hako metü kese kengo zhopo kozo. 33Püthi kerekrüpü Jihova zaco sü kevabi, u Po pü püyi ketabi jükhapü kemeta (reshu) Kemesa Rüpü lapü süte neko se mu ngo keba hio. 34Kekrelamori David tükoyo sütamo zori poti, “Niepoo a Niepoo cepoti, no azaco ba yite. 35I nngomuko pü nphezho thiva kemothe.” 36Süla ne Israel thümako metü se kemesa yite, Jihova Jisu thipü Niepoo mu Messiah thi süte, neko püpü gu kevao.
Thelü rede keyi kerako
37Süsa tsühi hio uko sesü, uko melü rhüsü, uko Peter mu apostleko cepoti, azüneko hakopo kedipü bize veta? 38Süsa Peter ukoce pode, neko metü thelü redeyite, side Jisu Khrista zalü kephoma va keyi jülo pü yite, size neko Kemesa Rüpü mhaphrü ngo yito. 39Popü kemeta jü neko la mu neko nuneko lazo, mu kemecuco keta miri la, Niepoo uko Rüo cü keyiko metü la. 40Mu pü jü kekro posasü mu uko tarho risü, nushunuye kesuko dolü neko kela yite. 41Süsa püjü unüde khikeyiko jülo püyi, tüso sünha uko sa keyiko thüma piphi nye sü. 42Uko ukhapü apostleko kemetha jüzü thi mu kemekro siba zota, tsükhri cephro ti mu kecho thi sizi bata.
Kemelüko kehü zhorele
43Kemelü miko pepü merethita, ungo mhatho mu zasiko apostleko thi tata. 44Melü keyiko kezü kengu bata, mu mhako pü zhürhü thita. 45Uko mha uzhüko zhuyi, side kezapü thüma metüko tsü, mipüpü khimo kesu dü. 46Uko kereshücelü tüsonha kezü lüpü thi de tsükhri cephroti, kecho thi, de hunehu celü mhati mu ulü kenü lebi po chupü bata. 47Jihova chu, thüma metü po ukongo unü. Niepoo thüma khapü kehu sa mekro sü, tüsonha kelayi mo kesu dü.
ទើបបានជ្រើសរើសហើយ៖
MHATHOKO 2: NAG5BSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.
MHATHOKO 2
2
Kemesa Rüpü kevori
1Pentacost kevori nhasü, uko metü thethi pülü kezü lüpü thi ba. 2Tüyo mhafüpü tükhra khrade fübi, tavo celü uko keba thilü chu yita. 3Meli thüma meyi bi ngota, tavo uko mipüpü yo bata. 4Uko metü Kemesa Rüpü uchu yita, de jü kekrekre ti pota, Rüpü jükepo kha uko ketsü bi. 5Jerusalem lü, Jews kemathomiko, tükhro shuye metülü, 6Füphra hio kesece uko ngota, makro mipüpü jü kekrekre tilü po mu seta. 7Uko ungo mu umhata, de hunehu cepoti, Hihe, uko metü Galilaean mizo mome? 8Dipü bide uko jü umeyi kekrekre tilü uko rethi bata? 9Parthians, Medes, Elamites, mu Mesopotamia lü kehüko jüri, Judea, Cappadocia, Pontus, Asia lü. 10Phrygia, Pamphylia, Egypt, Libya lü hu, Cyrene, Rome lü sekemoko, Jews mu Judakemoko Judah nani zü ketako, 11Cretes, Arabians, uko seti utho ujülü urethita Jihova mhatho ungoti meyi thi süte. 12Uko metü ungota side seyisu ketala uko poti hihi kedipü cota? 13Kekremiko uko krünyüde poti thüma hiko hezo kesa kra mezü bale.
Peter makroce po kesü
14Vele Peter uko mikeripüko zü thayi de se meto ukoce poti Ne Judea thümako mu Jerusalem lü kehüko neko hihi setüyite, de ajü reni süte. 15Kekrelamori hiko mezü thamozo, neko lü kebabi, tsühi bavüdo sü zolu. 16Vele hihi thajü Joel saju keseo popü metatizo. 17Pütü thelaco mha hiziti vorito Jihova pokesü, I a Rüpü rüpü nuhü metüyo süto, thepu nuko mu nenethenomiko saju poto, nene khresamiko zümho ngoto, mu ketsamiko umho mato. 18Athekümiko mu atheküpüko yo a Rüpü rü süto pütü süce mu uko saju poto. 19I tüyo zasi ungotiko thi mengo süto, cejülü sheri zasiko thi süto, thüza mu me, kemhü mekho. 20Nace zü tato, khri thüza meve tato, Niepo kevori tüsozho kezho mhüjü. 21Süsa somino Niepoo za cüyi sheri sümi kelayito, 22Ne Israel miko jü hiko reni yite, Nazarethmi Jisu Jihova medolü nekola zasi, keku, ungo mhatho, neko dolü Jihova püzü thi mu nekori se mu ngo süte. 23Pü tüpü neko tsüsü süculü mharhü mu mejü sekeba Jihova medola, neko püpü Cross yo guve thüma kesuko belü pü dokhri ve. 24Vele Jihova pü phü merhü süte, kesalü pü phrü süte, kekrelamori kesa kekupo pü tüpü bata ti thiyi ve motila. 25David sheri püla popü meta, I Niepoo amhüjülü mejümera ngo süyo, kekrelamori pü azaco ta mu I mhapüri thathi taho. 26Süla amelü rethu bate, ameyi sheri unü bate, sizomori athi apho sheri püyo kemerilü relü yito. 27Kekrelamori no apho khapü mezalü sü vaho, mori no n Kemesao khapü kekalü sü vaho. 28No kerhü cho thapü ameka kesü I seyite, nkebara apo anü tsüyi yo. 29Ne Israelites aramiko, apono nekoce potü süte uko potsa David sü sate mu pü khrü riva, pü mhakhre sheri tsühi azü bazo tha ketso. 30Püno saju kepo mipü, Jihova reshu de püce po kesü, nshuyelü (nsünralü) mipü uthiupho kethi pü nkedebalü ba yito. 31Pü mejümera sede po kesü Khrista rhüla kesü ju po, püpho khapü mezalü süva kemo, mori pümo sheri reta kemo. 32Jisu hio Jihova phü merhü süte, süo hako metü kese kengo zhopo kozo. 33Püthi kerekrüpü Jihova zaco sü kevabi, u Po pü püyi ketabi jükhapü kemeta (reshu) Kemesa Rüpü lapü süte neko se mu ngo keba hio. 34Kekrelamori David tükoyo sütamo zori poti, “Niepoo a Niepoo cepoti, no azaco ba yite. 35I nngomuko pü nphezho thiva kemothe.” 36Süla ne Israel thümako metü se kemesa yite, Jihova Jisu thipü Niepoo mu Messiah thi süte, neko püpü gu kevao.
Thelü rede keyi kerako
37Süsa tsühi hio uko sesü, uko melü rhüsü, uko Peter mu apostleko cepoti, azüneko hakopo kedipü bize veta? 38Süsa Peter ukoce pode, neko metü thelü redeyite, side Jisu Khrista zalü kephoma va keyi jülo pü yite, size neko Kemesa Rüpü mhaphrü ngo yito. 39Popü kemeta jü neko la mu neko nuneko lazo, mu kemecuco keta miri la, Niepoo uko Rüo cü keyiko metü la. 40Mu pü jü kekro posasü mu uko tarho risü, nushunuye kesuko dolü neko kela yite. 41Süsa püjü unüde khikeyiko jülo püyi, tüso sünha uko sa keyiko thüma piphi nye sü. 42Uko ukhapü apostleko kemetha jüzü thi mu kemekro siba zota, tsükhri cephro ti mu kecho thi sizi bata.
Kemelüko kehü zhorele
43Kemelü miko pepü merethita, ungo mhatho mu zasiko apostleko thi tata. 44Melü keyiko kezü kengu bata, mu mhako pü zhürhü thita. 45Uko mha uzhüko zhuyi, side kezapü thüma metüko tsü, mipüpü khimo kesu dü. 46Uko kereshücelü tüsonha kezü lüpü thi de tsükhri cephroti, kecho thi, de hunehu celü mhati mu ulü kenü lebi po chupü bata. 47Jihova chu, thüma metü po ukongo unü. Niepoo thüma khapü kehu sa mekro sü, tüsonha kelayi mo kesu dü.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.