CORINTHMIKO KÜNAO 9
9
1A po kümüsako kükhrühi ju tho nieko tsü mori ve, 2Nieko sü thi nsa batsü I she ba tsüla, süla I Macedoniami mhüdzülü Achaia nzisa kürüdeyi te sino nieko la kümühayi, mu nieko lünyio la uko mi kükro hüyi; 3Sizori I uzüko kütsüküsü no ha niela kümüha kütako po dzüchü thita mo kütola: I nieko thiyito le po küsü bi nieko po kürüdeyi kütola, 4Simo tsüsa Macedonia lü humi ha zü vodeno nie kürüdeyi kümo ngoyi ta tsüsa ha münga tato, nie mülükhropü kübalü. 5Süla I lü kütsü uzüko müdzümüra kütsüpüh nieko ciesü no nieko himhüdzü phrapüh kümüta bi nieko kümuthi tsüo mono nie nüsai no khaküsüko kürüdeyi tayo ve küto lü kütsü la. 6Püco no hihi: kühopühri tsava müdo küsüo rüh mütsa to, mu kühopühri tsava münyhü küsüo rüh mükro to. 7Kühopühri ulü u mpe küyi bi khasü moyoshü, ulüsühsayi mori thimoyoshümo sihi, kükrelamole Nyepoo Jihova unüsai no khaküsümi phi unüyo. 8Mu Jihova thüjo kükretsü mütü püh nie kuchuhkühi thisüyive, sino mha kühopühlüri nie küchuhkühikhasüno nie münyhü süo püh mhatho küve thiyito. 9Süo thopüh kümüta, “Pü mha küzapüh lucehice süve, püh küdimiko zave; Pü kümatho küchothe bato.” 10Kühopühri tsapüh tsa küvami tsü küsüo mu kütico püh lüva thi küsümi nie cienye mu nie bete, tsa mu mhatho sheri thimükro süto. 11Nie mphrüshü küsüla mha mütü lü niethi münyesü, mu süla hayo nie Nyepoo kümüza poto. 12Kükrelamole yitho hio kümüsako tsakhu vaphi kütsülübi mo no tsole kükremi kükro po küthüzü püh Jihova tsüyo. 13Yitho hio thi dojü küsülü uko Jihova chuhyito nie thi kürünu püh Khrista dzüyiküveo khro süküyi la, mu uyo mu kükremi yori mphrü küsüla. 14Uko niela cho kübace nie münyüto, süo Jihova ngokümüzhe rükri zo kütsü küba la. 15Jihova müzave pophayi kündi thügüuo la.
ទើបបានជ្រើសរើសហើយ៖
CORINTHMIKO KÜNAO 9: NAG5BSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.